Morgunblaðið - 14.06.2003, Qupperneq 49

FRÉTTIR
MORGUNBLAÐIÐ LAUGARDAGUR 14. JÚNÍ 2003 49
UNGMENNAHREYFING Rauða
krossins og BUSL, unglingastarf
Sjálfsbjargar, standa fyrir tveggja
daga maraþonferð fatlaðra unglinga
frá Akranesi til Reykjavíkur um
næstu helgi. Tilgangurinn er að
safna fyrir ferð hreyfihamlaðra ung-
linga til Svíþjóðar á næsta ári, þar
sem ætlunin er að hitta aðra krakka
í svipaðri aðstöðu.
Lagt verður af stað frá Akranesi
laugardaginn 14. júní kl. 10. Áætluð
koma til Reykjavíkur á Olísstöðina í
Álfheimum er kl. 16.30 á sunnudag.
Þangað er fólki boðið að mæta og
verða samferða unglingunum og bif-
hjólasamtökunum Sniglunum í
nokkurskonar skrúðgöngu að Sjálfs-
bjargarhúsinu, Hátúni 12. Um er að
ræða eins konar boðakstur rafdrif-
inna hjólastóla sem um 15 hreyfi-
hamlaðir unglingar munu taka þátt
í, auk sjálfboðaliða Rauða krossins,
sem verða þeim til aðstoðar.
Félagar í ungmennahreyfingu
Rauða krossins í Reykjavík og Ný-
ung Sjálfsbjargar hafa unnið með
fötluðum ungmennum í Sjálfsbjörgu
í sjálfboðavinnu í sex ár. Starfið hef-
ur það markmið að efla félagslegt
sjálfstæði hreyfihamlaðra krakka
með því að taka þátt í margvíslegri
starfsemi – svo sem köfun, þotu-
skíðaferðum, útreiðartúrum, bíósýn-
ingum, vélsleðaferðum og öðru álíka.
Þeir sem vilja taka þátt í söfnuninni
geta hringt í söfnunarsímann 908
2003 og þá verða dregnar 700 krón-
ur af símreikningi.
Hjólastólamaraþon á ári fatlaðra Hótel Búðir á Snæfellsnesi verð-
ur opnað í dag, 14. júní, á nýjan leik
eftir mikla uppbyggingu. Vígsla hót-
elsins fer fram kl. 20.20 og er stund-
in valin af Gunnlaugi Guðmundssyni
stjörnuspekingi. Pétur Þórðarson
stýrir eldhúsinu á Hótel Búðum.
Hótel var fyrst opnað á Búðum 1948.
Gróðrarstöðin Blómi á Stokks-
eyri 5 ára Í tilefni þess að Gróðr-
arstöðin Blómi á Stokkseyri er fimm
ára verður boðið uppá hressingu fyr-
ir unga sem aldna og ýmsar uppá-
komur í dag, laugardaginn 14. júní,
kl. 14–18. Einnig verða plöntutilboð í
gangi allan daginn. Garðplöntusala
Blóma er opin alla daga yfir sumarið
kl. 10–20, nema sunnudaga kl. 14–18.
Í DAG
Skógræktarferð Íslensk–
japanska félagsins í Mirai no
Mori Árleg Jónsmessuferð Íslensk-
japanska félagsins verður á morgun,
sunnudaginn 15. júní kl. 14. Skóg-
ræktarreitur félagsins, sem ber
nafnið Mirai no Mori eða skógur
framtíðarinnar, er í Klifsholti, norð-
an við Sléttuhlíð í landi Hafn-
arfjarðar.
Heiðursgestir verða sendiherra Jap-
ans Masao Kawai, kona hans Keiko
Kawai og Eyþór Eyjólfsson, ræð-
ismaður Íslands í Japan. Þau munu
draga að húni íslenskan og jap-
anskan fána sem tákn um vináttu
þjóðanna. Skógræktarreitur félags-
ins er styrktur af fyrirtækjum og
einstaklingum og munu styrktarað-
ilar einnig vera viðstaddir. Formað-
ur Íslensk-japanska félagsins er
Gunnhildur Gunnarsdóttir.
Á MORGUN
Touran-landsleikurinn
Í tilefni landsleikja Íslands og
Þýskalands sem fram fara í haust
hafa Hekla, Icelandair og KSÍ
hafið samstarf um „Touran-
landsleikinn“. Þessi leikur fer
fram í tengslum við kynningu
Heklu hf. á Volkswagen Touran,
nýjum 7 manna bíl frá Volkswag-
en. Með reynsluakstri á Volkswag-
en Touran gefst þátttakendum
kostur á að setja nafn sitt í pott
sem dregið verður úr 6. sept-
ember á heimaleik Íslands og
Þýskalands.
Þar sem Touran er sjö manna bíll
hlýtur vinningshafinn ferð fyrir
sjö til Þýskalands á lokaleik Ís-
lands í undankeppni EM, miða á
leikinn og gistingu fyrir hópinn.
Námskeið í gestaltmeðferð
Helgina 27.–28. júní verður
gestaltþerapistinn Daníel Á. Daní-
elsson með námskeið í gestalt-
meðferð fyrir fagfólk, sem heitir
„Að styðja til ábyrgðar“. Helgina
12.–13. júlí verður hann með nám-
skeiðið „Að tengjast annarri
manneskju“, fyrir hjón/pör. Daníel
tekur einnig á móti einstaklingum
og hjónum/pörum í einkatíma á
tímabilinu 1. til 11. júlí.
Námskeiðin eru kynnt á slóðinni
www.gestalt.is/namskeid.html.
Gestaltþerapía er lifandi og skap-
andi meðferðarform sem beinir
atyglinni að því sem gerist hér og
nú í samtalinu eða hópnum.
Gestaltþerapistinn gengur út frá
því að skjólstæðingurinn beri alla
reynslu sína með sér í því hvernig
hann hugsar, hvernig honum líður
og hvernig hann hegðar sér hér
og nú.
Á NÆSTUNNI
EFTIRFARANDI yfirlýsing hefur
borist frá Ragnheiði Ríkharðsdóttur,
bæjarstjóra Mosfellsbæjar, vegna
umræðna á opinberum vettvangi um
óeðlileg afskipti bæjarstjóra á vali
bæjarlistamanns Mosfellsbæjar 2003:
„Á fundi menningarmálanefndar
Mosfellsbæjar þann 27. maí sl. var á
3ja dagskrárlið tilnefningar bæjar-
listamanns Mosfellsbæjar 2003. Til-
nefningar voru lagðar fram með ein-
um eða öðrum hætti og þar á meðal
tilnefning Ragnheiðar Ríkharðsdótt-
ur. Sú tilnefning var lögð fram í tölvu-
pósti til þess að koma nöfnum lista-
mannanna að við val á
bæjarlistamanni. Á það ber að leggja
áherslu að tölvupóstur þessi barst inn
á fundinn þann 27. maí og var þar öll-
um sýnilegur en minnihlutinn hefur
látið það í veðri vaka að tölvupóstur
þessi hafi borist á milli funda og verið
til þess fallinn að segja öðrum fyrir
verkum. Það er alrangt. Eftir að til-
nefningar voru fram komnar unnu
fundarmenn eftir vinnureglum sem
viðhafðar hafa verið undanfarin ár.
Þess ber og að geta hér að engar
skráðar eða óskráðar reglur eru til
um tilnefningar og því öllum frjálst að
koma þar að.
En í kjölfar þess farvegs sem
minnihlutinn í bæjarstjórn Mosfells-
bæjar hefur valið að setja málið í, sem
raunar bitnar harðast á frábærum
listamanni og þeirri vegsemd sem því
fylgir að vera tilnefndur bæjarlista-
maður Mosfellsbæjar, þá er eðlilegt
að láta þess getið, þeirra staðreynda
málsins, sem minnihlutinn hefur kos-
ið að láta hvergi koma fram og eru
óeðlileg afskipti nefndarmanns að
málinu. Er þar átt við hin miklu
tengsl annars af fulltrúum minnihlut-
ans í nefndinni, Karls Tómassonar,
við einn þeirra listamanna sem hlaut
tilnefningu í vali á bæjarlistamanni
Mosfellsbæjar 2003. Þegar tilnefning-
ar lágu fyrir og þessi vensl voru ljós
þá af þeirri ástæðu og lögum sam-
kvæmt hefði Karl Tómsson átt að
hafa frumkvæði að því að víkja af
fundi menningarmálanefndar og ekki
taka frekari þátt í meðferð málsins
innan nefndarinnar sökum vanhæfis
samkvæmt 2. og 6 tölul. 1. mgr. 3. gr.
stjórnsýslulaga en þar segir:
Starfsmaður eða nefndarmaður er
vanhæfur til meðferðar máls:
2. Ef hann er eða hefur verið maki
aðila, skyldur eða mægður aðila í
beinan legg eða að öðrum lið til hliðar
eða tengdur aðila með sama hætti
vegna ættleiðingar.
6. Ef að öðru leyti eru fyrir hendi
þær aðstæður sem eru fallnar til þess
að draga óhlutdrægni hans í efa með
réttu.
Jafnframt hefði áðurnefndur Karl
Tómasson átt að víkja af fundi nefnd-
arinnar vegna vanhæfis samkvæmt 2.
gr. í samþykkt Mosfellsbæjar fyrir
menningarmálanefnd en þar segir:
... Fulltrúar í menningarmálanefnd
skulu gæta þagmælsku um einkamál
fólks sem fjallað er um á fundum
nefndarinnar. Fulltrúi skal víkja af
fundi og kalla til varamann, tengist
hann einstaklingum eða málum sem
fjallað er um í nefndinni, þannig að
spillt geti óhlutdrægni hans og valdið
tortryggni.
Eins og áður segir hefði Karl Tóm-
asson átt að hafa frumkvæði af því að
víkja af fundi vegna hinna nánu
tengsla hans við einn þeirra lista-
manna sem tilnefndir voru en það
gerði hann ekki og tók þátt í fund-
inum og meðferð málsins fyrir nefnd-
inni þann 27. maí sl. þar sem atkvæða-
greiðslu um bæjarlistamann var
frestað. Fundur er síðan haldinn þann
3. júní sl. þar sem var eitt mál á dag-
skrá, val á bæjarlistamanni Mosfells-
bæjar 2003. Þann fund sat Karl Tóm-
asson, tók þátt í umræðum á
fundinum og meðferð málsins þar til
að atkvæðagreiðslu kom, þá vék hann
af fundi og varamaður tók sæti.
Minnihlutinn í bæjarstjórn Mos-
fellsbæjar hefur átalið afskipti bæj-
arstjóra af meðferð málsins og þótt
þau aðfinnsluverð. Þeim hefur hins
vegar ekki þótt ástæða til að gera
slíkt hið sama við afskipti annars full-
trúa minnihlutans af meðferð málsins
og er það umhugsunarvert.
Það sem upp úr stendur í því máli
sem hér er til umfjöllunar á opinber-
um vettvangi eru óeðlileg afskipti
Karls Tómasonar af málinu og sú
staðreynd að þátttaka hans í þessum
tveimur fundum menningarmála-
nefndar Mosfellsbæjar og við með-
ferð málsins að öðru leyti brýtur í
bága við ákvæði gildandi stjórnsýslu-
laga og samþykkta Mosfellsbæjar
fyrir menningarmálanefnd. Jafn-
framt braut Karl Tómasson trúnað
sem nefndarmaður jafnt gagnvart
þeim sem þar er um fjallað svo og öðr-
um nefndarmönnum þegar hann
ákvað að fara opinberlega fram með
upplifun sína af fundunum tveimur.
Þegar bæjarstjóri Mosfellsbæjar
tilnefndi tvo listamenn í tölvupósti
þeim sem lagður var fyrir menningar-
málanefnd þann 27. maí sl. óraði hann
ekki fyrir að þær tilnefningar kölluðu
á þann eftirleik sem síðan hófst og
þykir leitt að nöfn þeirra listamanna
sem hann tilnefndi skuli dregin inn í
umræðu minnihlutans með þeim
hætti sem nú er öllum ljós.
Það er heiður að vera tilnefndur
bæjarlistamaður Mosfellsbæjar og
þann heiður verðskuldar sá listamað-
ur sem tilnefndur er svo sannarlega.“
Yfirlýsing frá Ragnheiði Ríkharðsdóttur bæjarstjóra
Líti nú hver í eigin barm
NÝLEGA voru sendir út miðar í
sumarhappdrætti Krabbameins-
félagsins. Allt frá árinu 1955 hef-
ur félagið staðið fyrir happdrætti
sem hefur verið ein veigamesta
tekjulind krabbameinssamtak-
anna hér á landi og stuðlað mjög
að uppbyggingu þeirra.
Um 1100 krabbamein eru að
meðaltali greind hér á landi á
ári. Hjá körlum er krabbamein í
blöðruhálskirtli algengast og
brjóstakrabbamein hjá konum. Í
öðru sæti er lungnakrabbamein
hjá báðum kynjum og krabba-
mein í ristli í því þriðja. Um
8.200 einstaklingar sem fengið
hafa krabbamein eru nú á lífi.
Í sumarhappdrættinu fá
karlmenn heimsendan miða.
Vinningar eru 117 talsins að
verðmæti 16.090.000 kr. Að-
alvinningurinn er BMW 318iA SE
að verðmæti 3.590.000 kr. Annar
aðalvinningurinn er bifreið eða
greiðsla upp í íbúð að verðmæti
1.000.000 kr. 115 vinningar eru í
formi úttekta hjá ferðaskrifstofu
eða verslun, hver að verðmæti
100.000 kr. Vinningarnir eru
skattfrjálsir. Dregið verður 17.
júní.
Reyklausir bekkir fá viðurkenningu og er það einn af mörgum þáttum í
tóbaksvarnastarfinu.
Sumarhappdrætti
Krabbameins-
félagsins
Moggabúðin
Íþróttataska, aðeins 2.400 kr.
Moggabúðin
Reiknivél, aðeins 950 kr.