Morgunblaðið - 15.06.2003, Page 10

10 SUNNUDAGUR 15. JÚNÍ 2003 MORGUNBLAÐIÐ
L
ÍKLEGA eru fáir
sem hafa farið í
gegnum jafnmargar
kosningabaráttur á
síðastliðnu ári og
Dagný Jónsdóttir,
nýbakaður þingmað-
ur Framsóknar-
flokksins. Í febrúar 2002 tók hún þátt
í kosningabaráttu Röskvu í Háskóla
Íslands, en þá var hún fráfarandi
framkvæmdastjóri Stúdentaráðs. Að
því loknu hellti hún sér í baráttu sveit-
arstjórnarkosninganna fyrir Fram-
sóknarflokkinn, og svo tók við kosn-
ingabarátta um formannssæti
Sambands ungra framsóknarmanna í
júní, hvar hún var kosin formaður.
Prófkjör innan Framsóknarflokksins
tók við frá nóvember og fram í janúar
og svo baráttan fyrir alþingiskosning-
arnar. „Stjórnmálin hafa tekið allan
minn tíma undanfarið eitt og hálft ár,
fimm kosningabaráttur á rúmu ári er
fullmikið fyrir minn smekk, þrátt fyr-
ir að þetta sé ofboðslega gaman,“ seg-
ir Dagný sem er 27 ára, íslenskunemi
og þingmaður.
Dagný er fædd í Vík í Mýrdal en
flutti sex ára til Eskifjarðar. Sextán
ára flutti hún ásamt fjölskyldu sinni
til Reykjavíkur og hóf nám við
Kvennaskólann í Reykjavík. Hún út-
skrifaðist þaðan 1996 og hóf þá nám
við Háskóla Íslands í jarðfræði og síð-
an í íslensku.
Þýddi ekki að sitja og kvarta
„Ég er búin að starfa í Framsókn-
arflokknum í ellefu ár. Ég ólst upp á
frekar pólitísku heimili. Pabbi var í
sveitarstjórn fyrir Framsóknarflokk-
inn á Eskifirði og mamma er í flokkn-
um. Það var mikil pólitísk umræða á
heimilinu en Framsóknarflokknum
var aldrei haldið að okkur,“ segir
Dagný sem á einn yngri bróður og
tvær eldri systur.
„Ég stefndi ekki sérstaklega á
stjórnmálin. Ég kom suður og fór í
Kvennaskólann en leiddist svo ógur-
lega að ég fór á fundi hjá ungum
framsóknarmönnum til að létta mér
lífið og hef starfað þar síðan,“ segir
Dagný og bætir við: „Núna segja vin-
konurnar og skólafélagarnir að það
hafi alltaf legið fyrir að ég yrði þing-
maður, þó ég hafi ekki vitað það sjálf.“
Dagný segist hafa hugleitt framboð
fyrir síðustu sveitarstjórnarkosning-
ar í Reykjavík en hætt við. Hins vegar
hafi verið skorað á hana og hún
ákveðið að fara í prófkjör. „Ég var
alltaf að tala um hvað það vantaði
mikið ungt fólk í framboð og að það
ætti að gefa ungu fólki tækifæri. Ég
sá að það þýddi ekkert að sitja og
kvarta og kveina, ég yrði að skella
mér í slaginn. Ég áttaði mig svo eig-
inlega ekki á því að þingmennskan
væri orðin að veruleika fyrr en þjóð-
söngurinn var sunginn við þingsetn-
inguna. Það er skrýtin tilfinning og
henni fylgir mikil ábyrgð. Vonandi
stenst maður væntingarnar sem
gerðar eru til manns,“ segir Dagný.
Menntamálin mikilvæg
Önnur áherslumál fylgja nýrri kyn-
slóð að mati Dagnýjar og hún telur
spennandi að fylgjast með þróun um-
ræðunnar á komandi þingi. „Ég heyri
það mikið á mínum jafnöldrum að fólk
er mjög ánægt með að ungt fólk sé
komið þarna inn. Auðvitað komum við
með önnur mál inn á þing og sjáum
sömu málin frá ólíkum hliðum. Ég
vona að þetta hafi þau áhrif að ungt
fólk fái meiri áhuga á stjórnmálum.“
Dagný segist ætla að leggja sér-
staka áherslu á menntamál og
byggðamál á komandi þingi. „Við
lögðum mikla áherslu á menntamál í
kosningabaráttunni, bæði lánamál
auk þess sem við stöndum föst gegn
skólagjöldum. Svo er ég fulltrúi norð-
austurkjördæmis þótt ég sé að sjálf-
sögðu að vinna fyrir alla. Stjórnvöld
eiga að gera fólki kleift að búa þar
sem það vill, en ekki stjórna búset-
unni“.
Dagný er að hætta sem formaður
Sambands ungra framsóknarmanna
um þessa helgi og segir að það fari
ekki saman að vera þingmaður og for-
maður ungliðahreyfingar sem oft
heldur uppi gagnrýni á flokkinn. „Ég
finn það strax að þetta gengur ekki
upp, þetta gefur strax færi á hags-
munaárekstrum. Sérstaklega er
þetta viðkvæmt þegar maður er í
stjórn með nauman meirihluta. Þá
verður maður að vera heill og fylgja
flokknum. Ég veit það munu koma
mál þar sem maður verður að bíta á
jaxlinn og fylgja flokknum. En það er
styrkur þingflokksins að ræða málin
og komast að sameiginlegri niður-
stöðu. Maður getur ekki alltaf haft
sitt fram,“ segir Dagný að lokum.
Verðum stundum að bíta á jaxlinn
Nýjum kynslóðum fylgja nýjar áherslur. Í síðustu alþingiskosningum urðu kynslóðaskipti á Alþingi. Aldrei hafa jafnmargir
þingmenn undir 27 ára aldri sest á þing í einu, eða þrír. Fimm nýju þingmannanna eru þrjátíu ára eða yngri og fjórtán eru yngri
en 40 ára. Ragna Sara Jónsdóttir og Kristinn Ingvarsson ljósmyndari kynntust þeim fimm yngstu.
Þjóðin yngir upp
„Stjórnvöld eiga að
gera fólki kleift að
búa þar sem það vill,
en ekki stjórna bú-
setunni.“
Dagný
„Ég er ekki alinn upp
á pólitísku heimili en
afar mínir og ömmur
voru mjög ákveðið
alþýðubandalagsfólk
og kratar.“
Sigurður Kári
„Menn eiga að fara í
stjórnmál af hugsjón
og þrá til að breyta
og bæta, en um leið
og fólk verður of
tengt kerfinu og
hagsmunahópum á
það að hætta.“
Ágúst Ólafur
„Það eru algild sann-
indi að menntun
skilar sér margfalt
aftur í þjóðarbúið og
það á ekki að vera
baggi einstaklingsins
að fara í nám.“
Katrín
„Það var eiginlega
ekki fyrr en ég flutti
jómfrúræðuna að ég
upplifði mig sem
þingmann.“
Birkir Jón