Morgunblaðið - 15.06.2003, Page 11

MORGUNBLAÐIÐ SUNNUDAGUR 15. JÚNÍ 2003 11
Þ
EGAR Sigurður
Kári Kristjánsson
útskrifaðist úr
Verslunarskóla Ís-
lands fyrir tíu árum
spáði Rúnar Freyr
Gíslason vinur hans
því að að tíu árum
liðnum yrði Sigurður Kári kominn á
þing með lögfræðipróf upp á vasann.
Nú tíu árum síðar hefur þessi spá-
dómur ræst. Sigurður Kári, sem varð
þrítugur daginn fyrir kjördag, hlaut
kosningu sem þingmaður Reykjavík-
ur norður fyrir Sjálfstæðisflokkinn í
nýliðnum kosningum og er að auki
meðeigandi í lögfræðistofunni Lex.
Sigurður segir Rúnar greinilega
hafa sterka spádómsgáfu því sjálfur
hafi hann ekki tekið markvissar
ákvarðanir í þessa átt.
„Af ferilskrá minni má lesa að ég
sé svo útpældur að ég hafi tekið
ákvörðun um þingmennsku og lög-
fræði strax í bernsku. Það er ekki
þannig. Ég hef tekið eitt skref í einu
sem smám saman hefur leitt mig
hingað,“ segir Sigurður sem viður-
kennir reyndar að hafa verið mjög
virkur í félagslífi strax í grunnskóla.
Hann var formaður nemendafélags
Hólabrekkuskóla, forseti nemenda-
félags Verslunarskóla Íslands og for-
maður Orators, félags laganema í
Háskóla Íslands. Sigurður var í
ræðuliði Verslunarskólans og hann
segir að þar hafi áhuginn á stjórn-
málum kviknað.
Kynntist pólitík í ræðumennsku
„Í ræðukeppnum voru ýmis póli-
tísk mál til umfjöllunar og sífelld um-
fjöllun um þau mál fékk mig til að
velta því fyrir mér hvar ég stæði í
pólitík. Ég sat samtímis í stjórnmála-
fræðinámskeiði sem Hannes Hólm-
steinn Gissurarson kenndi og hann
hafði mikil áhrif á mig. Ég velti fyrir
mér kostum hægri og vinstri stefnu
og komst svo að því að skoðanir mín-
ar áttu mest sameiginlegt með
stefnu Sjálfstæðisflokksins. Ég held
ég sé sá fyrsti í fjölskyldunni sem
gengur í Sjálfstæðisflokkinn. Ég er
ekki alinn upp á pólitísku heimili en
afar mínir og ömmur voru mjög
ákveðið alþýðubandalagsfólk og
kratar,“ segir Sigurður Kári. Hann
tók fyrst þátt í starfi Sjálfstæðis-
flokksins árið 1995, settist fljótlega í
stjórn Heimdallar, varð formaður
Sambands ungra sjálfstæðismanna
árið 1999 og tók svo þátt í prófkjöri
Sjálfstæðisflokksins síðastliðið vor.
„Það var mjög stór ákvörðun að
fara í prófkjör, þetta er dýrt, erfitt,
tímafrekt og mikil vinna auk þess
sem maður teflir starfsvettvangi sín-
um í tvísýnu,“ segir hann og bendir á
að lögmenn þurfi að hafa áru hlut-
leysis yfir sínum störfum. Þegar nið-
urstöður prófkjörsins lágu fyrir og
hann hafnaði í 7. sæti gerði hann sér
grein fyrir að líklega hlyti hann
kosningu. „Þá þurfti ég að setjast
niður og átta mig á því að ég væri að
fara inn á alveg nýjan starfsvett-
vang.“
Frjálslyndari kynslóð á þingi
Sigurður segist telja að kynslóða-
skiptin sem urðu á Alþingi í nýliðn-
um kosningum muni hafa mikil áhrif.
„Í fyrsta lagi tel ég að umræðurnar
muni endurspegla betur áherslur
ungu kynslóðarinnar. Í öðru lagi þá
geri ég ráð fyrir að ungt fólk í öllum
flokkum sé almennt frjálslyndara og
víðsýnna en margir eldri þingmenn
hafa verið. Nútímalegra og alþjóð-
legra í hugsun. Allt þetta unga fólk
hefur margsinnis komið til útlanda
og velflestir búið þar um skeið. Ég tel
að þessi kynslóðabreyting muni hafa
áhrif í frjálslyndisátt varðandi versl-
un, viðskipti og þjónustu. Ég held
það sé minni skilningur á því hjá
þeim sem yngri eru að ríkið eigi að
standa í ýmsum rekstri eins og smá-
sölu, rekstri fjölmiðla og fjarskipta-
fyrirtækja og öðrum rekstri sem
einkaaðilar geta sinnt,“ segir Sigurð-
ur. Sjálfur segist Sigurður vilja
leggja áherslu á að draga úr umsvif-
um ríkisins. Hann vilji lækka skatta,
halda áfram einkaavæðingu og sjá
hagræðingu á mörgum sviðum,
leggja til dæmis niður ýmis ráð og
nefndir sem séu arfur gamalla tíma.
„Það er nauðsynlegt að ríkið einbeiti
sér að sínu meginhlutverki, en í mín-
um huga er það að tryggja öryggi
borgara og vernd þeirra gagnvart
hvorum öðrum og ríkinu. Löggæsla
og öflugt réttarkerfi er grunnþáttur
ríkisþjónustunnar,“ segir Sigurður
Kári að lokum og er rokinn í golf sem
er brennheitt áhugamál hans um
þessar mundir.
Var spáð þingsæti
fyrir tíu árum
H
ANN segist
alltaf hafa haft
brennandi
áhuga á stjórn-
málum. Ágúst
Ólafur Ágústs-
son er 26 ára
þingmaður
Samfylkingarinnar og næstyngsti
þingmaður Alþingis. Hann er sonur
Ágústs Einarssonar, fyrrverandi
þingmanns Samfylkingarinnar og
núverandi forseta viðskipta- og hag-
fræðideildar Háskóla Íslands.
„Á okkar heimili hefur alltaf verið
rætt um stjórnmál. Ég fann það
snemma að ég aðhylltist frjálslynda
jafnaðarstefnu. Ég vil frelsi einstak-
lingsins og atvinnulífsins í öndvegi
samhliða öflugu velferðar- og
menntakerfi. Ég er mjög hrifinn af
allri alþjóðasamvinnu og er mikill
talsmaður þess að Ísland taki einnig
frekari þátt í þróunarhjálp og gerist
aðili að Evrópusambandinu enda
eigum við heima þar með hinu lága
matvælaverði og auknum áhrifum á
framtíð okkar,“ segir Ágúst Ólafur
sem segir ferðalög eitt sinna
aðaláhugamála en hann hefur
ferðast um flest lönd Evrópu, farið
til Indlands, Japans, Suðaustur-
Asíu, Afríku, Suður- og Norður-Am-
eríku. „Ég á ferðaglaða móður sem
tók okkur bræðurna oft með og svo
hef ég ferðast talsvert sjálfur með
vinum mínum og bræðrum,“ segir
hann.
Í stjórnmálum af hugsjón
Ágúst Ólafur er alinn upp á Sel-
tjarnarnesi en býr nú ásamt sam-
býliskonu, Þorbjörgu Gunnlaugs-
dóttur, og ársgamalli dóttur,
Elísabetu Unu, í Reykjavík. Hann
segist ekki hafa gengið með þing-
mann í maganum, heldur hafi hann
aðeins tekið virkan þátt í stjórnmál-
um í fjögur ár. Hann er formaður
Ungra jafnaðarmanna og tók lítil-
lega þátt í stúdentapólitíkinni í Há-
skólanum auk þess sem hann var for-
seti Framtíðarinnar í Mennta-
skólanum í Reykjavík. Ágúst leggur
stund á nám í lögfræði og hagfræði
við Háskóla Íslands og stefnir að út-
skrift í haust. Hann segist hafa
ákveðið í fyrra að nýta tækifærið og
taka þátt í prófkjöri Samfylkingar-
innar. Hann hefur hins vegar fyrir-
vara á ævilangri þátttöku í stjórn-
málum:
„Ég held að stjórnmál eigi að vera
þannig vettvangur að fólk á ekki að
vera of lengi í honum. Menn eiga að
fara í stjórnmál af hugsjón og þrá til
að breyta og bæta, en um leið og fólk
verður of tengt kerfinu og hags-
munahópum á það að hætta.“
Ágúst segist vilja leggja áherslu á
breytta forgangsröðun í þjóðfélag-
inu á komandi þingi: „Við erum
sjötta ríkasta þjóð í heimi og mér
finnst alveg út í hött að málefni geð-
fatlaðra einstaklinga, hvað þá barna,
í okkar samfélagi séu oft í uppnámi
vegna fjárskorts og sinnuleysis. Mér
finnst út í hött að fólk þurfi að betla
mat og nauðsynjavöru í hverri viku.
Við höfum tök á að breyta þessu
með breyttri forgangsröðun. Ég er
mikill talsmaður menntamála. Mér
finnst lýsandi fyrir forgangsröðun
núverandi ríkisstjórnar að landbún-
aðarkerfið fær meira fjármagn,
beint og óbeint, en allir framhalds-
skólar landsins og Háskóli Íslands
samanlagt. Hvorki bændur, sem eru
ein fátækasta stétt landsins, né al-
menningur, sem greiðir eitthvert
hæsta matvælaverð í heimi, hagnast
á þessu kerfi. Það virðist ekki vera
vilji til að breyta þessu hjá núverandi
ríkisstjórn sem hefur haft næg tæki-
færi til þess,“ segir Ágúst Ólafur.
Ekki í farveg flokkslínunnar
Ágúst segist vona að frjálslynd við-
horf ungs fólks fái að leika um sali Al-
þingis á komandi þingi og málefni
ungs fólks fái meiri athygli en áður.
„Ungt fólk er búið að láta að sér
kveða í menningar- og viðskiptalífinu
með góðum árangri og nú er komið að
stjórnmálunum. Ég vona svo sannar-
lega að við ungu þingmennirnir dett-
um ekki strax inn í fastan farveg
flokkslínunnar heldur sýnum sjálf-
stæðan vilja til að breyta samfélagi
okkar til batnaðar,“ segir Ágúst Ólaf-
ur og bindur mestar vonir við að unga
kynslóðin breyti í menntamálum:
„Menntamálin hafa alltaf setið á hak-
anum í íslenskum stjórnmálum og
aldrei verið tekin alvarlega. Eins
vona ég að frjálslynd viðhorf okkar
kynslóðar fái að njóta sín eins og til
dæmis hvað varðar réttindi samkyn-
hneigðra, Evrópumál, lýðræðismál,
sölu áfengis í matvöruverslunum,
réttlátari refsingar í grófum ofbeldis-
og kynferðisbrotum, aðskilnað ríkis
og kirkju og að gera landið að einu
kjördæmi. Ég held að þetta séu mál
sem gætu frekar verið tengd við kyn-
slóðir en ákveðna flokka,“ segir
Ágúst Ólafur að lokum.
Varasamt að vera of lengi í stjórnmálum