Morgunblaðið - 15.06.2003, Blaðsíða 7

MORGUNBLAÐIÐ SUNNUDAGUR 15. JÚNÍ 2003 B 7
ferðalög
Fluguveiði á fjöllum
Nýverið tóku nýir leigutakar við Köldu-
kvísl og Tungnaá en ár þessar eru báð-
ar á hálendinu skammt frá Hálendis-
miðstöðinni Hrauneyjum. Árnar eru
leigðar út saman og fylgir Tungnaáin
neðra svæði Köldukvíslar frá kl. 7-12
en efra svæði frá kl. 15-23. Einungis
eru seldar þrjár stangir á hvort svæði
til þess að tryggja næði. Á efra svæð-
inu er eingöngu leyfilegt að veiða á
flugu en með tilkomu nýrrar brúar yfir
Tungnaá er hægt er að komast á þetta
svæði á 4x4 bifreiðum. Á neðra svæð-
inu er leyfilegt að nota beitu eða spún
en veiðimenn eru hvattir til að nýta
sér frábær skilyrði til þess að veiða
þar á flugu. Ár þessar eru þekktar fyr-
ir væna fiska og hafa gefið vel í sumar.
Í fréttatilkynningu frá leigutökum
kemur fram að í síðustu viku hafi níu
fiskar (2-4 pund) veiðst á þrjár flugu-
stangir á einu kvöldi og um síðustu
helgi veiddust 27 fiskar (2-5 pund) á
einum degi á tvær stangir.
Veiðileyfi eru seld í Hálendismiðstöð-
inni Hrauneyjum og sérstakt tilboð er í
sumar á veiðileyfi, gistingu og
morgunmat.
Fossasig og gljúfurgöngur
Útilífsmiðstöðin Centrum Natura
sem sérhæfir sig í rekstri útlilífs-
miðstöðva og ýmiskonar náttúru-
tengdri afþreyingu er með ýmsar
nýjungar á boðstólum í sumar.
Centrum Natura er með útilífs-
miðstöð á Húsafelli í Borgarfirði
en að sögn Bjarna Freys stendur
til að fjölga þeim á næstu miss-
erum.
„Í sumar ætlum við að bjóða upp á
gljúfurgöngur og fossasig en ein
af nýjungum okkar er Gljúfur-
ganga í Selgili.
Þá er gengið niður Selgil og hopp-
að fram af fossum. Síðan rennir
fólk sér fram af fossi á vír og renn-
ur 100 metra niður í gilið.
Í sígildu gljúfurgöngunni okkar er
hinsvegar endað með leikjum og
þrautum sem hefur verið vinsælt
hjá saumaklúbbum, vinahópum og
vinnufélögum.“ Bjarni Freyr segir
að í sumar verði boðið upp á fastar
ferðir í gljúfurgöngur alla laugar-
daga klukkan 13.30 og í hella-
skoðun klukkan 10.30 alla laugar-
daga. Í hellaferðinni er farið í
Surtshelli, í íshellinn þar, en þar er
gólfið ísilagt og yfir þúsund grýlu-
kerti síðast þegar Bjarni Freyr fór
þangað.Útilífsmiðstöðin er einnig
með hestaferðir á sínum snærum
og þá bæði stuttar og langar ferð-
ir. Á næstu vikum verður boðið
upp á enn frekari nýjungar.

Hægt er að panta veiðileyfi í
síma 487 7782 en nánari uppl.
er að finna á slóðinni
www.hrauneyjar.is.
Verð á veiðileyfi ásamt gist-
ingu í uppábúnu rúmi og
morgunverður kostar 5.900
krónur. Veiðileyfi án gistingar
og morgunverðar kostar
4.900. Veiðileyfi í hálfan dag
án gistingar og morgunverðar
kostar 2.900 krónur. Ódýrara
er að kaupa veiðileyfi í hálfan
dag frá mánudögum til
fimmtudaga og kostar hálfur
dagur þá 1.500 krónur.

Centrum Natura
Vefslóð:
www.centrumnatura.is
símar 5525200 og 6606422
Tölvupóstfang:
info@centrumnatura.is
HVALASKOÐUNARBÁTURINN
Húni II hefur nú, sjötta sumarið í
röð, hafið hvalaskoðunarferðir frá
Norðurbakkanum í Hafnarfirði og
hafa eigendur hans í hyggju að minn-
ast í sumar sérstaklega 40 ára afmæl-
is bátsins, sem um margt á sér merki-
lega sögu. Þó ekki sé enn fastákveðið
hvernig afmælishaldinu verður hátt-
að, hafa eigendurnir og hjónin Þor-
valdur Skaftason og Erna Sigur-
björnsdóttir hugmyndir um að kalla
til gömlu áhöfnina, sem upphaflega
var á bátnum, svo hægt sé að rifja
upp gamlar endurminningar. Það
voru kapparnir Hákon Magnússon
og Björn á Löngumýri sem létu
smíða bátinn hjá skipasmíðastöð
KEA árið 1963 og var hann afhentur
nýjum eigendum í júlí það ár. Bát-
urinn, sem er 130 tonna, er stærsti
sinnar tegundar sem eftir er í dag í
óbreyttri mynd og átti ameríska eik-
in, sem notuð var í hann, ekki að geta
fúnað. Þrjátíu árum síðar hafði bát-
urinn, að því er flestir töldu, lokið
hlutverki sínu. Hann var tekinn af
skipaskrá árið 1993 og látinn grotna
niður því til stóð að brenna hann.
Þorvaldur og Erna eignuðust bátinn,
eftir nokkra baráttu við kerfið, fyrir
heilar tíu krónur og björguðu þar
með aflóga og vélarvana eikarbáti frá
bálför. „Síðan eru liðnar tuttugu
milljónir króna,“ segir Þorvaldur og
vísar í hvað uppbyggingin hefur kost-
að þau.
Bjargað frá bálför
„Ég bilaðist bara svona illa. Það
héldu allir að ég væri orðinn vitlaus
að vera að standa í þessu, segir Þor-
valdur,“ spurður um tildrögin að upp-
byggingu bátsins. „Ég vissi að báts-
ins beið ekkert nema bálið og mér
sveið sú tilhugsun því ég hafði séð
hvað var búið að gerast í sögunni.“
Húni er nú langstærsti eikarbáturinn
sem til er óbreyttur. Þorvaldur og
Erna hafa lengst af búið á Skaga-
strönd, en fluttu sig suður í Hafnar-
fjörð árið 1996. Þorvaldur hafði starf-
að við sjómennsku í 36 ár þegar hann
hóf að gera draum sinn um Húna að
veruleika. Á meðan á ferðamanna-
vertíðinni stendur á sumrin, starfa
þau hjónin saman á bátnum og skipta
með sér verkum þannig að herrann
sér um vélina og viðhaldið og frúin
sér um veitingarnar og miðasöluna. Á
veturna starfar Þorvaldur svo gjarn-
an við beitingu eða annað tilfallandi
og Erna á Hrafnistu í Hafnarfirði.
Fljótandi sjóminjasafn
Húni II tekur allt að 100 manns í
einu og í lestinni, þar sem búið er að
innrétta matsal og bar, er rými fyrir
um 50 manns. Í bátnum er að finna
vísi að sjóminjasafni þar sem Þor-
valdur hefur verið áhugasamur um
að viða að sér alls konar hlutum,
tengdum sjómennsku, úr fortíðinni
og því má með sanni segja að Húni sé
eina fljótandi sjóminjasafnið hér við
land.
Húni II fer í hvalaskoðunarferðir á
hverjum morgni frá Norðurbakkan-
um í Hafnarfirði kl. 10 árdegis auk
þess sem hægt er að panta bátinn í
sjóstangaveiði og skemmtiferðir fyrir
hópa. Hvalaskoðunarferðirnar, sem
standa í þrjá til fjóra tíma í senn,
kosta 3.000 kr. fyrir fullorðna og
1.500 kr. fyrir börn. Í fyrrasumar
fóru þau Þorvaldur og Erna svo að
bjóða upp á kvöldsiglingar inn í sól-
arlagið og áforma að halda kvöldsigl-
ingunum áfram í sumar. Veitingar
eru um borð í öllum ferðum og boðið
er upp á lifandi tónlist.
Hnúfubakur á ferð
„Við erum að fara út á Faxaflóann,
tíu til tólf mílur frá landi, allt eftir því
hvernig lífríkið er hverju sinni. Ýmist
stefnum við á Garðskagavita eða
Snæfellsjökul. Árangurinn er yfir-
leitt mjög góður ef veðrið er gott.
Mest erum við að sjá hrefnur og höfr-
unga, en höfum að undanförnu verið
að sjá hnúfubak, sem yfirleitt lætur
ekki sjá sig fyrr en í júlí/ágúst.“
Húni II er eini hvalaskoðunarbát-
urinn, sem gerður er út frá Hafnar-
firði, en þrjú samkeppnisfyrirtæki
eru í næsta nágrenni. Hvalaskoðun-
arbátarnir Elding og Hafsúlan hafa
sínar bækistöðvar í Reykjavík og
Moby Dick er gerður út frá Keflavík.
Báturinn Húni II á fertugsafmæli í sumar
Hvalaskoðun
kvölds og morgna
Morgunblaðið/Kristinn
Þorvaldur Skaftason fer með fólk í hvalaskoðunarferðir á Húna.
Morgunblaðið/Kristinn
Hjónin Þorvaldur Skaftason og Erna Sigurbjörnsdóttir.

Húni ll Sími: 894 1388,
854 1388.
Netfang: hunill@simnet.is
Með AVIS kemst þú lengra
Pantaðu AVIS bílinn áður en þú
leggur af stað – Það borgar sig
Hringdu til AVIS í síma 591-4000
AVIS Knarrarvogi 2 – 104 Reykjavík – Sími 591 4000
Fax 591 4040 – Netfang avis@avis.is
Innifalið í verði er ótakmarkaður akstur, trygging,
vsk. og flugvallargjald. (Verð miðast við
lágmarksleigu 7 daga). Ekkert bókunargjald.
Verona kr. 2.900,- á dag m.v. B flokk
Bologna kr. 2.900,- á dag m.v. B flokk
Milano kr. 2.900,- á dag m.v. B flokk
www.avis.is
Við
gerum
betur
Ítalía