Morgunblaðið - 15.06.2003, Blaðsíða 14
HÆ, hó, jibbíjei, þjóðhátíðardagur Íslendinga
er eftir tvo daga! Þá verður mikið stuð um allt
land, eins og við þekkjum öll, enda búin að
stunda 17. júní-stuðið síðan við vorum lítil í
kerru.
En ekki öll okkar. Barnablaðið talaði við tvo
unga Íslendinga sem hafa bara búið hér í nokk-
ur ár.
Vildi ekki flytja
Thao og Alexis eru báðar nemendur í Há-
teigsskóla og tala reiprennandi íslensku. Thao
Thu Thi Le verður 10 ára eftir mánuð, en hún
var alveg að verða 7 ára þegar hún flutti með
foreldrum sínum og litlu systur til Íslands frá
Víetnam og er því búin að búa hér í þrjú ár.
Alexis Mae Leonar hefur búið hér einu ári leng-
ur, en hún flutti með mömmu sinni til Íslands
frá Filippseyjum árið 1999 þegar hún var 8 ára.
Alexis: Ég man að mig langaði alveg til Ís-
lands í smá heimsókn, en ekki að flytja frá Fil-
ippseyjum. Ég var hágrenjandi þegar ég kom.
Thao: Ég varð 7 ára þegar ég var nýkomin
og mamma hélt ekki upp á afmælið mitt. Mér
fannst það leiðilegt, en var glöð að hitta frænda
minn sem átti heima hér.
– Hvernig finnst ykkur að búa á Íslandi?
Alexis: Allt í lagi. Ég vil frekar búa hér en á
Filippseyjum. Krakkarnir eru skemmtilegir,
þótt þeir séu frekari og blóti miklu meira en
krakkar á Filippseyjum.
Thao: Mér finnst ágætt hér. Ég veit ekki al-
veg hvar ég vil búa.
– Hafið þið farið í heimsókn til gamla lands-
ins ykkar?
Thao: Nei, en við ætlum öll til Víetnam í des-
ember að hitta ömmu og afa.
Alexis: Já, ég átti að vera farin til Filipps-
eyja, en mamma var svo hrædd við sjúkdóma í
Asíu svo það frestaðist. Mig langar svo mikið að
fara þangað því ég sakna fjölskyldu minnar þar.
– Ætlarðu að flytja aftur til Filippseyja?
Alexis: Nei!
Veit ekki hvort ég er Íslendingur
– Fannst ykkur Íslendingar skrýtnir fyrst
þegar þið komuð?
Alexis: Já, þeir töluðu svo skringilega. Og
svo man ég þegar ég sá snjó í fyrsta skipti, þá
varð ég svo hissa!
Thao: Mér fannst húsin svo há, í Víetnam eru
bara lág hús. Svo var fólk alltaf að tala við mig
og ég kunni bara að svara já og nei og skildi
ekki neitt!
– En fannst ykkur krakkarnir skrýtnir?
Alexis: Já, en ekki núna, ég er orðin vön
þeim.
Thao: Í 3. og 4. bekk voru krakkarnir að
segja að ég væri kínarúlla. En þau stríða mér
minna núna.
– Eruð þið núna íslenskir krakkar?
Alexis: Nei. Eða ég veit ekki hvort mér finnst
ég vera Íslendingur. Mamma segir að ég verði
íslensk eftir 2 ár. Það tekur vissan tíma.
Thao: Ég er íslensk, en samt líka frá Víet-
nam. Sumir krakkar segja að ég sé frá Kína eða
Filippseyjum.
– En vinirnir?
Alexis: Ég á mjög marga vini. Hóp af vinum
sem eru líka frá Filippseyjum, en svo leik ég
oftast við krakkana í bekknum á kvöldin.
Thao: Sumir krakkarnir í mínum bekk eru
mjög skemmtilegir, en sumir leiðilegir.
Dans og söngur
– Hvernig halda Filippseyingar upp á
þjóðhátíðardaginn sinn?
Alexis: Fjölskyldan fer öll saman á hátíð að
borða og það er tívolí og einhver skrýtinn dans
sýndur.
Thao: Ég man ekki hvernig það er í Víetnam,
en ég hef séð í sjónvarpinu krakka vera að
syngja og svona.
– Finnst ykkur gaman á 17. júní?
Alexis: Já, ég ætla að fara með vinkonu minni
á Laugaveginn. Verða ekki rakettur?
Thao: Nei, það var ekki í fyrra. Ég fer með
litlu systur mína niður í bæ, og þarf að lyfta
henni. Það er svo mikið fólk að maður sér ekki
neitt ef maður er lítill. En það er gaman.
ÁÍslandi er fullt af nýjum Íslendingum
Morgunblaðið/Arnaldur
Alexis og Thao finnst fínt að búa á Íslandi — og ætla auðvitað niður í bæ á 17. júní.
Há hús
og
snjór!
Einn þrælgóður …
Íslandssögukennari: Hér áður notuðu Íslendingar
oft fisk fyrir gjaldmiðil.
Jóna: Vá! Pæliði í kóksjálfsölunum.
Vinirnir þrír, Carlos, Hans og Nína, fóru niður í
bæ á 17. júní. Þau tóku þátt í happdrætti og eitt
þeirra vann sér inn ís. Hvert þeirra datt í lukku-
pottinn? Lausn á næstu síðu.
17. júní-ís
Nú þegar þjóðhátíðardagur Íslendinga nálgast
er ekki vitlaust að athuga hversu mikið maður
veit um land og þjóð. Getur þú svarað þessum
spurningum? Svörin eru neðst
en það er bannað að kíkja!
1) Hvað hét fyrsti landnáms-
maður Íslands?
2) Hvaða ár fengu Íslendingar
sjálfstæði?
3) Hvað hét karlinn sem
barðist mest fyrir sjálfstæði
okkar?
4) Hvar hafði Alþingi fyrst
aðsetur?
5) Hvaða íslenska söngkona
er heimsfræg?
6) Hvað gerir Davíð Odds-
son?
7) Hvað nefnist hæsti fjalls-
tindur Íslands?
8) Hvaða bær er kallaður höf-
uðstaður Norðurlands?
9) Í hvaða sæti varð
Ísland í Júróvisjón árið
2003?
10) Hvað heita forseti
Íslands og eiginkona
hans?
11) Hvað eru Íslend-
ingar margir?
12) Hvað heitir biskup
Íslands?
13) Hvaða dagblað á
Íslandi er elst?
14) Hvernig byrjar
þjóðsöngur Íslendinga?
15) Hver er fyndnastur
Íslendinga?
… land þitt
og þjóð?
Hvað veistu um …
Hvernig eiga Bárður og Birta að vera á litinn?
Verður Bárður í bláum fötum? En Birta?
(Af www.ruv.is)
Litið listavel
Öll horfum við á Stundina okkar
og þekkjum Bárð og Birtu vel. Í
vetur hafa þau fengið til sín ýmsa
góða gesti og margir þeirra hafa
tekið lagið. Muniði ekki eftir þegar
Birgitta söng lagið um Línu lang-
sokk? Eða þegar Jónsi í Svörtum
fötum söng um Minkinn í hænsna-
kofanum?
Nú eru þessi lög og tíu í viðbót
komin á geisladisk og dvd-disk
sem heitir Uppáhaldslögin okkar,
og sem þú getur unnið!
En til að það gerist verður þú að svara eftirfarandi spurningum.
Fyrst er þá best að lesa yfir greinina „Æskulögin endurvakin“ sem
er í Fólki í fréttum á bls. 48-49 í aðalblaði Moggans í dag. Allt í
lagi?
1. Hvaða lag syngur Magni úr Á móti sól?
2. Hver flutti fyrst lagið „Skýin“ sem Selma syngur nú?
3. Hvað fannst Hreimi svo frábært?
4. Hvernig endar þessi lagatitill? „Ég skal mála allan heiminn …“
5. Hver fer í bangsabúning á myndbandinu?
Sendu nú svörin fyrir 19. júní til:
Barnablað Moggans
– Uppáhaldslögin okkar –
Kringlunni 1
103 Reykjavík
Mundu að setja nafn, aldur og heimilisfang með.
Uppáhaldslögin okkar
Viltu vinna geisladisk?
1) Ingólfur Arnarson. 2) 1944. 3) Jón Sigurðsson.
4) Á Þingvöllum. 5) Björk Guðmundsdóttir. 6) Hann
er forsætisráðherra. 7) Hvannadalshnjúkur. 8) Ak-
ureyri. 9) 9. sæti. 10) Ólafur Ragnar Grímsson og
Dorrit Moussaieff. 11) Rúmlega 280 þúsund. 12)
Karl Sigurbjörnsson. 13) Morgunblaðið. 14) Ó, Guð
vors lands, ó, land vors Guð. 15) Ert það ekki þú?