Morgunblaðið - 16.06.2003, Blaðsíða 4
FRÉTTIR
4 MÁNUDAGUR 16. JÚNÍ 2003 MORGUNBLAÐIÐ
Skógarhlíð 18, sími 595 1000.
www.heimsferdir.is
Verð kr. 49.950
M.v. 2 í íbúð, vikuferð, 30. júní, flug,
gisting, skattar. Almennt verð kr. 52.450.
Ferðir til og frá flugvelli, kr. 1.800.
Heimsferðir bjóða nú síðustu sætin til Mallorca þann 23. og 30. júní á
einstökum kjörum. Við höfum fengið viðbótargistingu á okkar vinsæla
gististað, Tres Torres á Playa de Palma. Frábær staðsetning, vandaðar íbúðir
og örstutt í allar áttir. Hér nýtur þú sumarsins til hins ítrasta við frábæran
aðbúnað í sólinni og að sjálfsögðu
þjónustu fararstjóra Heimsferða allan
tímann. Val um 1 eða 2 vikur.
Munið Mastercard
ferðaávísunina
Verð kr. 39.963
M.v. hjón með 2 börn, vikuferð, Tres
Torres, flug, gisting, skattar.
30. júní. Almennt verð kr. 41.960.
Glæsitilboð til
Mallorca
23. og 30. júní
frá kr. 39.963
Viðbótargisting á Tres Torres á Playa de Palma - Aðeins 5 íbúðir
MIKIL ölvun var á Akureyri um
helgina. Að sögn lögreglunnar var
fólk á ferli langt fram á morgun og
almenn drykkja á götum bæjarins.
Þó nokkuð var um pústra á milli
manna og voru tvær alvarlegar lík-
amsárásir bókaðar þar sem fórn-
arlömbin þurftu að leita sér hjálp-
ar á sjúkrahúsi.
Þá var tveimur bílum velt á hlið-
ina og þeir skildir eftir þannig.
Ekki er vitað hverjir voru að verki
og leitar lögreglan skemmdarvarg-
anna.
Mannmargt var á tjald-
svæðum um helgina
Um helgina voru árlegir Bíla-
dagar hjá bílaklúbbnum fyrir norð-
an og mikið af aðkomufólki mætt
til að fylgjast með spyrnukeppni
og bílasýningum. Mannmargt var á
tjaldsvæðum og mikið um kvart-
anir vegna láta.
36 bókanir voru hjá lögreglunni
frá miðnætti á laugardag til sunnu-
dagsmorguns. Bílahelgin hefur
verið haldin nokkur undanfarin ár
og verið erilsöm hjá lögreglu. Að-
eins færra fólk sótti bæinn heim
um helgina en venjulega en lög-
reglan segir að lætin hafi verið
söm.
Ölvun
mikil og
erilsamt
FJÓRAR grafir heiðinna manna, sennilega frá
því fyrir árið 1000, fundust á bænum Keldudal
í Hegranesi í Skagafirði fyrir helgi. Grafirnar
fundust þegar bóndinn á Keldudal var að
grafa vegna framkvæmda og sá bein í gröfu-
skóflunni.
„Það sem kom í ljós við þessar framkvæmd-
ir er kumlateigur, grafreitur úr heiðni þar sem
fleiri en einn eru grafnir,“ segir Ragnheiður
Traustadóttir, fornleifafræðingur og stjórn-
andi Hólarannsóknarinnar. Þetta er mjög stór
fundur, enda finnast kuml sjaldan, og óvenju-
legt er að finna svo mörg saman. Ragnheiður
segir þessi kuml sérlega áhugaverð. „Við vor-
um hérna í Keldudal síðasta haust og fundum
kirkjugarð frá frumkristni, svo hann hefur
komið í framhaldi af [þessum kumlum]. Þetta
er mjög áhugavert fyrir okkur fornleifafræð-
inga.“
Fundu heillegan prjón
Fundist hafa bein af fjórum manneskjum í
jafn mörgum kumlum, en þar hafa einnig
fundist bein af hesti og hundi.
Beinin eru fremur illa varðveitt að sögn
Ragnheiðar, en þó ljóst að beinin sem komu í
skóflu bóndans eru af 30 til 45 ára gamalli
konu. Einnig hafa fundist beinagrind og haus-
kúpa í einu kumlanna.
Í gær fannst svo mjög heillegur klæða-
prjónn í einu kumlanna. Prjónninn er úr beini
og á honum er útskorinn ormur eða dreki í
víkingaaldarstíl, að sögn Ragnheiðar. Einnig
hafa fundist nokkrar vel varðveittar perlur í
kumlunum.
Búið er að rannsaka þrjú af fjórum kumlum,
og er stefnt á að grafa það fjórða upp í dag. Að
því loknu segir Ragnheiður að stefnt sé að að
athuga hvort meira finnist í nágrenninu.
Merkar fornleifar frá því fyrir árið 1000 hafa fundist í Skagafirði
Grafir heiðinna manna
komu í ljós við uppgröft
Fundist hafa bein af fjórum manneskjum í jafn mörgum kumlum og einnig bein af hesti og hundi.
Morgunblaðið/Björn Fornleifafræðingarnir fundu heillega
beinagrind og hauskúpu í einu kumlanna.
Skreytt perla frá 10. öld.
FJÓRIR stúdentar frá Menntaskól-
anum á Akureyri, MA, árið 1938
héldu upp á það föstudaginn 13. júní
að nákvæmlega 65 ár voru liðin frá
því að þeir settu upp hvítu kollana.
Stúdentarnir komu saman á heimili
Ármanns Snævarr, prófessors og fv.
háskólarektors, og eiginkonu hans,
Valborgar Sigurðardóttur, áður en
farið var í hátíðarkvöldverð á Grillið
á Hótel Sögu.
Ármann sagði við Morgunblaðið
að þessi árgangur hefði verið ein-
staklega samheldinn í gegnum tíð-
ina og góð þátttaka verið á tímamót-
um sem þessum. Á tugaafmælum
hefur hópurinn komið saman á
Akureyri en ávallt reynt að hittast
þess á milli. Til marks um það hittast
MA-stúdentarnir frá 1938 allt að því
mánaðarlega í kaffi á Skrúði á Hótel
Sögu og Ármann sagði þetta aðeins
gerast í mánuðum sem hefðu r í heiti
sínu. „Það er ekki síður gott fyrir
sálina að hittast og viðhalda þessum
gömlu tengslum. Samkoman núna
heppnaðist einstaklega vel en öllu
var í hóf stillt,“ sagði Ármann. Eitt
af því sem gert var fyrir afmælið var
að fá útskrift frá Veðurstofunni um
hvernig veðrið var á Akureyri 13.
júní árið 1938. Voru menn ekki sam-
mála um hvort þá hefði skinið sól
eða ekki. Útskrift Trausta Jónsson-
ar veðurfræðings afsannaði sólar-
kenninguna og sýndi að fyrir 65 ár-
um hefði verið skýjað en að öðru
leyti gott veður; 14,5 stiga hiti og
gola eða hægur andvari.
Árið 1938 útskrifaði Sigurður
Guðmundsson, þáverandi skóla-
meistari, 29 stúdenta frá MA sem
var níundi árgangurinn í sögu skól-
ans. Að sögn Ármanns eru ellefu
þessara stúdenta á lífi, af þeim búa
sex á höfuðborgarsvæðinu, þrír
norðanlands og tveir hafa búið á
Norðurlöndunum síðastliðin 65 ár. Í
þá daga voru stúdentar útskrifaðir
að prófum loknum en sú venja tekin
upp fáum árum síðar að hafa athöfn-
ina á þjóðhátíðardeginum 17. júní.
Ármann sagði margt hafa breyst
á þessum árum. Til vitnis um það
væri að nú færu stúdentar jafnan til
sólarlanda í útskriftarferðir. Fyrir
65 árum hefðu MA-stúdentar ekki
farið langt yfir skammt og gert sér
að góðu að fara í útilegu í Vagla-
skóg!
Einstaklega samheldin
Morgunblaðið/Sverrir
Stúdentarnir frá MA á Akureyri frá árinu 1938, frá vinstri þau Ármann
Snævarr, Björn Ingvarsson, Ásta Björnsdóttir og Hjálmar Finnsson.
Fögnuðu 65 ára
stúdentsafmæli
frá Menntaskól-
anum á Akureyri
UNGUR ökumaður var tekinn á
163 kílómetra hraða á Reykjanes-
brautinni við Strandarheiði, mitt á
milli Keflavíkur og Hafnarfjarðar,
í fyrrinótt. Stöðvaði lögreglan bíl-
inn um klukkan hálffjögur um
nóttina og kom þá í ljós að bílstjór-
inn hafði fengið ökuskírteinið í
hendurnar á átján ára afmælisdeg-
inum í maí sl.
Má hann búast við að fá sent
bréf sem tilgreinir upphæð sektar
og sviptingu ökuskírteinis.
Ungur öku-
maður á
ofsahraða
♦ ♦ ♦