Morgunblaðið - 16.06.2003, Blaðsíða 3
ÍÞRÓTTIR
MORGUNBLAÐIÐ MÁNUDAGUR 16. JÚNÍ 2003 C 3
FÓLK
MIKAEL Silvestre, franski bak-
vörðurinn í liði Englandsmeistara
Manchester United, segist litlar
áhyggjur hafa af liðinu þó svo að
David Beckham kunni að yfirgefa
það. „Hans skarð verður fyllt og liðið
mun ekki verða veikara þó svo hann
fari,“ lét Silvestre hafa eftir sér í
breskum blöðum um helgina.
VINCENTE Del Bosque, þjálfari
Real Madrid, gaf það sterklega til
kynna í viðtali á spænskri sjónvarps-
stöð um helgina að líklega mundi
hann hætta störfum hjá félaginu í
sumar. Del Bosque er samnings-
bundinn Real Madrid út þennan
mánuð og viðræður um nýjan samn-
ing hafa ekki skilað neinu enda eru
forráðamenn félagsins ekki sáttir við
árangur þess á leiktíðinni.
JAAP Stam, fyrrverandi leikmað-
ur Manchester United og nú liðs-
maður Lazio á Ítalíu, segir að David
Beckham eigi engra annarra úrkosta
völ en að fara frá United í sumar.
„Þegar Ferguson ákveður að leik-
maður sé ekki lengur inni í hans
áformum af einhverjum ástæðum er
ekki aftur snúið,“ segir Stam í viðtali
við breska blaðið Sunday Mirror en
hann átti ekki upp á pallborðið hjá
Ferguson eftir að sjálfsævisaga hans
var gefin út.
STEVEN Gerrard, miðvallarleik-
maður enska liðsins Liverpool, segir
við BBC að hann muni framlengja
samning sinn við liðið en hinn 23 ára
enski landsliðsmaður á enn tvö ár
eftir af núgildandi samningi. Gerr-
ard segist hins vegar hafa áhuga á að
leika á öðrum vettvangi en í ensku
úrvalsdeildinni en það muni ekki
verða fyrr en hann nálgist þrítugt.
DIMITRI Komornikov, sundmað-
ur frá Rússlandi, setti nýtt heimsmet
í 200 metra bringusundi á alþjóðlegu
móti í Barcelona um helgina. Kom-
ornikov synti á 2.09,52 mínútum og
bætti heimsmetið um tæpa hálfa sek-
úndu.
KEVIN O’Neill hefur verið ráðinn
til starfa sem þjálfari NBA-liðsins
Toronto Raptors en hann tekur við
af Lenny Wilkens sem var sagt upp
störfum á dögunum. Kevin O’Neill er
46 ára gamall og hefur verið aðstoð-
arþjálfari Detroit Pistons undanfar-
in misseri en O’Neill sá sæng sína
upp reidda eftir að Rick Carlisle var
sagt upp störfum hjá Pistons eftir að
liðið tapaði 4:0 gegn New Jersey
Nets í úrslitum austurstrandarinnar.
ENSKA knattspyrnusambandið
hefur ákveðið að neita stuðnings-
mönnum landsliðsins um miða fyrir
útileik Englands gegn Makedóníu.
Þar með fá enskir stuðningsmenn
hvorki að fara til Makedóníu né
Tyrklands til að styðja sína menn.
Ekki ríkir mikil ánægja með þessa
ákvörðun knattspyrnusambandsins
því ljóst er að fjölmargir enskir
stuðningsmenn munu fara á báða
leikina, miðalausir.
SPÁNVERJAR tryggðu sér um
helgina sæti í úrslitakeppni EM í
handknattleik karla þegar þeir báru
sigurorð af Litháum í tveimur leikj-
um sem báðir voru háðir á Spáni.
Spánverjar unnu fyrri leikinn,
38:27, þar sem Enric Masip, fyrirliði
Spánverja, var atkvæðamestur með
5 mörk en hjá Litháum var Savuk-
ynas Gintaras, verðandi leikmaður
Aftureldingar, markahæstur með 6
mörk og KA-maðurinn Andrius
Stelmokas skoraði 4.
Í gær var leikurinn jafnari og
endaði með þriggja marka sigri
Spánverja, 30:27. Enterrios og
Ortega skoruðu 7 mörk hver fyrir
Spánverja en Gintaras var sem fyrr
atkvæðamestur í liði Litháa með 7
mörk og Stelmokas skoraði 4.
Spánverjar eru sjöunda þjóðin
sem tryggir sér þátttökurétt í úr-
slitakeppninni sem fram fer í Slóv-
eníu í janúar á næsta ári en auk
þeirra voru Íslendingar, Svíar,
Þjóðverjar, Danir, Rússar og Slóv-
enar komnir með farseðilinn.
Af öðrum úrslitum í umspilinu um
helgina má nefna að Hvít-Rússar
gerðu jafntefli við heimsmeistara
Króata á heimavelli, 32:32, Norð-
menn báru sigurorð af Portúgölum í
Noregi, 23:19, og Frakkar burstuðu
Grikki á útivelli, 27:17, þar sem
Gille og Anquetil skoruðu sex mörk
fyrir Frakka.
Spánverjar
komnir á EM
HARALDUR Ingólfsson
skoraði tvö mörk fyrir Rau-
foss sem sigraði Alta, 3:1, í
norsku 1. deildinni í knatt-
spyrnu í gær. Haraldur og
félagar lentu undir, 1:0, og
þannig var staðan í hálfleik.
Raufoss jafnaði metin á 57.
mínútu og Skagamaðurinn
tryggði sínum mönnum svo
sigurinn með tveimur mörk-
um. Það fyrra á 74. mínútu
og það síðara á 89. og komu
bæði úr vítaspyrnu. Har-
aldur hefur þar með skorað
sjö mörk í deildinni, þar af
sex úr vítaspyrnum, og er
markahæstur ásamt leik-
manni Fredrikstad. Raufoss
er í öðru sæti deildarinnar.
Þrátt fyrir að hlutverk Kerr hafiekki verið veigamikið í vetur, en
hann skoraði 2,2 stig að meðaltali,
hefur hann verið einn af lykilmönn-
um liðsins í úrslitakeppninni.
Kerr hefur komið víða við á sínum
ferli og ef rýnt er í afrek hans kemur
það flestum á óvart að hann getur
státað sig af þremur meistaratitlum
sem leikmaður Chicago Bulls og
hann var einnig í meistaraliði San
Antonio Spurs árið 1999. Hafi allt far-
ið eftir bókinni frægu í nótt sem leið á
Kerr von á fimmta hringnum næsta
haust er meistarar NBA-deildarinn-
ar fá afhent verðlaun sín. Jerry West
á einn meistarahring, Wilt Chamb-
erlain heitinn náði sér í tvo á sínum
ferli og meira að segja Larry Bird á
aðeins þrjá meistarahringi.
Steve Kerr hóf feril sinn í NBA-
deildinni með Phoenix Suns árið
1988, þaðan fór hann eftir eitt ár til
Cleveland Cavaliers þar sem hann
lék fjögur tímabil, hann lék með Or-
lando Magic 1992–1993, Chicago
Bulls 1993–1998. Kerr lék í þrjú ár
með San Antonio Spurs þar til hann
fór til Trailblazers 2001–2002 og í ár
fékk hann tækifæri á ný með Spurs.
Hann hefur leikið 910 deildarleiki og
skorað 65 stig að meðaltali en færni
hans við að koma knettinum í körfuna
fyrir utan þriggja stiga línuna hefur
gert honum kleift að leika á meðal
þeirra bestu sl. 15 ár.
Grannur, veikburða
og lágvaxinn
Enginn háskóli óskaði sérstaklega
eftir því að fá Steve Kerr til sín er
hann lauk miðskóla í heimalandi sínu
enda var hann grannur, veikburða og
lágvaxinn.
Lute Olson þjálfari Arizona há-
skólaliðsins fékk hins vegar símtal
frá óþekktum aðila sem varð til þess
að Kerr fékk að reyna sig hjá Arizona
og fékk hann „starfið“ ef svo má að
orði komast enda gleymdu margir
því að Kerr var „eitruð skytta“ með
stáltaugar.
Það hefur skuggi fylgt Kerr allt frá
því að hann hóf að leika með Arizona-
háskólanum, sorg sem Kerr hefur
ekki enn náð að yfirstíga.
Faðir hans Malcolm Kerr var
skólastjóri bandaríska háskólans í
Beirút á þeim tíma er Kerr var að
stíga sín fyrstu spor sem leikmaður
Arisona en Malcolm var myrtur 18.
janúar árið 1984 af skæruliðasamtök-
um sem voru andstæðingar stefnu
Bandaríkjamanna á þeim tíma.
Tveimur dögum eftir að faðir hans
var myrtur hitti Kerr í fimm af sjö
skotum sínum í leik með Arizona-lið-
inu í grannaslag gegn Arizona-rík-
isháskólanum – hans besti leikur á
tímabilinu.
Fær kraft frá syni sínum
Kerr segir í viðtali við blaðamann
USA Today að í dag fái hann fái kraft
frá tíu ára gömlum syni sínum þegar
mest á reyni. „Þegar ég horfi í augu
Nicks sonar míns þar sem hann situr
og horfir á leiki með San Antonio
Spurs sé ég hve mikla ánægju hann
hefur af íþróttinni. Þá lít ég oft til
baka og hugsa um hve gaman það
hefði verið fyrir son minn að upplifa
þessar stundir með afa sinn sér við
hlið.“
Kerr fæddist í Beirút þar sem faðir
hans var við störf og hann bjó einnig
um hríð í Kaíró í Egyptalandi.
„Ævistarf föður míns var að að
reyna að koma á betri samskiptum á
milli Arabaríkja og Bandaríkja-
manna. Hann talaði arabísku, hann
reyndi að miðla reynslu sinni og
þekkingu með því að skrifa bækur
um ástandið í miðausturlöndum. En
hann varð sjálfur fórnarlamb van-
þekkingar og haturs,“ segir Kerr.
Sem leikmaður hefur Kerr mátt
bíða eftir rétta tækifærinu margoft.
Hann skrifaði undir samning við
Chicago Bulls árið 1993 eftir að Mich-
ael Jordan hafði lagt skóna á hilluna í
fyrsta sinn, en Jordan snerist hugur
þegar langt var liðið á annað tímabil
Kerrs með Bulls og liðið vann NBA-
titilinn þrjú ár í röð. Kerr átti stóran
þátt í að tryggja liðinu titilinn í
rimmu liðsins gegn Utah Jazz árið
1995, þar sem hann setti niður
tveggja stiga skot eftir að hafa fengið
sendingu frá Michael Jordan sem var
umkringdur af varnarmönnum Jazz.
Á slíkum augnablikum er Kerr best-
ur.
Kerr lék með Spurs í þrjú ár 1998–
2001 áður en hann var sendur til
Portland Trailblazers í leikmanna-
skiptum árið 2002. Þar lék hann lítið
hlutverk í „undarlega samsettu liði“
og var hann feginn að fá tækifæri á
ný með San Antonio Spurs sl. haust.
Enda hafði fjölskylda hans, eigin-
kona og þrír synir ekki flutt með hon-
um til Portland.
„Eitt er það sem NBA-deildin hef-
ur kennt mér er að leikmaður eins og
ég sem er ekki á meðal þeirra allra,
allrabestu getur endað í röngu liði og
átt slakt ár sem leikmaður. Maður
verður því að grípa tækifærin þegar
þau gefast og þekkja sín takmörk og
sætta sig við þau,“ segir Kerr sem lék
að öllum líkindum síðasta leik sinn í
NBA-deildinni í nótt sem leið – ef
ekki þá bíður annar leikur handan við
hornið – hreinn úrslitaleikur um
NBA-titilinn í körfuknattleik.
AP
Steve Kerr, leikmaður San Antonio Spurs, hefur leikið vel gegn New Jersey Nets.
„Grannur og lágvax-
inn en eitruð skytta“
STEVE Kerr er ekki þekktasti körfuknattleiksmaður veraldar, 49
leikmenn voru valdir á undan Kerr í nýliðavalinu árið 1988 þegar
hann lauk háskólanámi. Kerr hefur hins vegar leikið alls 15 tímabil í
NBA-deildinni með þriggja stiga skotið sitt sem aðalvopn. Enda eru
fáir sem standast honum snúning þegar kemur að því að setja niður
langskot á mikilvægum augnablikum. Kerr er nú á mála hjá San
Antonio Spurs og þegar þetta er skrifað er liðið á góðri leið með að
tryggja sér NBA meistaratitilinn eða Heimsmeistaratitilinn eins og
Bandaríkjamenn vilja kalla titilinn.
Kerr hefur fagnað NBA-titlinum oftar en Jerry West, Chamberlain og Larry Bird
Haraldur
skoraði tvö