Morgunblaðið - 16.06.2003, Blaðsíða 8

Sigur Schumachers er hinn 68. áferlinum og sá sjötti sem hann
vinnur í Montreal en þetta var 12.
Kanadakappakstur
hans. Náði hann jafn-
framt þriggja stiga
forystu á Kimi
Räikkönen hjá Mc-
Laren í keppninni um heimsmeist-
aratitil ökuþóra með sigrinum og er
það í fyrsta sinn á árinu sem hann er í
forystu í þeirri keppni, en kappakst-
urinn í Montreal er áttunda mót árs-
ins.
Juan Pablo Montoya varð þriðji og
fjórði varð Fernando Alonso hjá Ren-
ault sem kom mjög á óvart með
frammistöðu sinni.
Ralf Schumacher hóf keppni af
ráspól og hélt forystu fyrstu 19 hring-
ina af 70 eða þar til hann stoppaði
fyrra sinni til að taka eldsneyti og
skipta um dekk. Michael hélt áfram
einn hring áður en hann stoppaði og
tókst að byggja upp forskot sem
dugði til þess að vinna fyrsta sætið af
Ralf en engu mátti muna er heims-
meistarinn kom út úr sínu stoppi.
Eftir það ók Ralf með framvæng
sinn við afturvæng Michaels nánast
alla leið í mark en komst þó aldrei
nægilega nálægt til að geta reynt
framúrakstur. Möguleikar Montoya
á að kljást um sigur fóru í vaskinn er
hann bremsaði fullseint í lok annars
hrings og snarsneri bíl sínum. Slapp
reyndar með skrekkinn og gat haldið
áfram en féll niður í sjötta sæti. Vann
sig fljótt fram úr næstu bílum en fékk
ekki tækifæri á lokahringjunum að
komast ofar en í þriðja sætið. Rétt á
eftir honum varð Alonso en markvert
er að hann er á undan Rubens Barr-
ichello hjá Ferrari sem sýnir enn einu
sinni hversu miklum framförum Ren-
aultliðið hefur tekið frá í fyrra.
Räikkönen hóf keppni síðastur – af
bílskúrareininni – þar sem hann
klúðraði tímatökutilraun sinni í gær
en valdi skynsamlegasta kostinn og
tók aðeins eitt þjónustustopp sem
fleytti honum upp í sjötta sætið að
lokum.
Mark Webber hjá Jagúar vann tvö
stig í þriðja sinn á árinu með sjöunda
sætinu og Olivier Panis hjá Toyota
vann lokastigið og þar með sín fyrstu
stig á árinu. Vantar Toyota aðeins eitt
stig til viðbótar á seinni helmingi
ársins til að jafna stigaskor sitt frá
jómfrúarári sínu í fyrra.
Næstir urðu Jos Verstappen hjá
Minardi í níunda sæti – besta sæti
liðsins í keppni í ár og einu sæti frá
því að vinna fyrstu stig Minardi á
árinu – og Antonio Pizzonia hjá Jag-
úar en aðeins 10 bílar komust alla leið
í mark. Cristiano da Matta hjá
Toyota telst þó hafa lokið keppni þar
sem innan við 10% leiðarinnar var
eftir er hann féll úr leik vegna bilunar
á 64. hring af 70.
Heimamaðurinn Jacques Ville-
neuve hjá BAR féll úr leik á 15. hring
vegna bilunar í bremsubúnaði. Seint
ætlar gæfan að fylgja honum á
heimavelli en þetta var í áttunda sinn
sem hann keppti í Montreal. Aðeins
einu sinni hefur hann komist á pall,
varð þá í öðru sæti. Í ár voru 25 ár lið-
in frá því faðir hans Gilles vann Kan-
adakappaksturinn, en það var einmitt
fyrsti kappaksturinn í Montreal. Upp
frá því var brautin nefnd eftir honum.
Reuters
Bræðurnir Ralf og Michael Schumacher börðust um sigurinn í Montreal. Ralf kom annar í mark á undan Juan Pablo Montoya.
Michael hafði betur
í bræðraslagnum
MICHAEL Schumacher hjá Ferrari hrósaði sigri í afar spennandi
Kanadakappakstrinum í Montreal í gær en þegar síðasti hringur af
70 hófst var aðeins rúm sekúnda milli fyrsta bíls og fjórða. Bróðir
hans, Ralf hjá Williams, fylgdi honum sem skugginn í 50 hringi eftir
að hafa misst forystuna til Michaels í þjónustustoppi eftir 20 hringi.
Ágúst
Ásgeirsson
skrifar

AUÐUN Helgason lék allan leikinn
fyrir Landskrona sem tapaði fyrir
Djurgården, 2:1, á heimavelli í
sænsku úrvalsdeildinni í knattspyrnu
í gær. Landskrona er í 11. sæti af 14
liðum með 9 stig eftir jafnmarga leiki.

ATLI Sveinn Þórarinsson lék síð-
ustu 10 mínúturnar í liði Örgryte sem
vann góðan útisigur á Sundsvall, 1:0.
Örgryte er í 12. sæti með 8 stig.

ÁRNI Gautur Arason landsliðs-
markvörður sat sem fastast á vara-
mannabekk Rosenborg og sá félaga
sína bursta lið Molde, 5:0. Bjarni Þor-
steinsson lék allan leikinn fyrir
Molde, Ólafur Stígsson síðustu 7 mín-
úturnar en Andri Sigþórsson var sem
fyrr utan við liðið sökum meiðsla.

TRYGGVI Guðmundsson lék allan
leikinn fyrir Stabæk sem náði að
jafna metin á móti Brann á lokamín-
útu leiksins. Brann, sem lék á heima-
velli, komst í 3:0 en með seiglu tókst
Tryggva og félögum að jafna. Stabæk
er í öðru sæti deildarinnar ásamt
Bodö/Glimt með 18 stig, tíu stigum á
eftir Rosenborg.

LILLESTRÖM kastaði frá sér sigri
gegn Viking á útivelli en Víkingum
tókst að jafna á síðustu sekúndum
leiksins. Hannes Þ. Sigurðsson lék
síðustu 25 mínúturnar fyrir Viking.
Indriði Sigurðsson lék allan leikinn í
liði Lilleström, Ríkharður Daðason
kom inná á 46. mínútu, Davíð Þór
Viðarsson lék 10 síðustu mínúturnar
en Gylfi Einarsson tók út síðasta leik
sinn í banni.

LYN, lærisveinar Teits Þórðarson-
ar, unnu góðan útisigur á Tromsö,
1:0. Helgi Sigurðsson og Jóhann B.
Guðmundsson léku báðir allan leikinn
fyrir Lyn sem er í 6. sæti með 15 stig
eftir tíu leiki.

JÓN Þórir Jónsson mun þjálfa
karlalið Breiðablik út yfirstandandi
leiktíð. Jón Þórir tók við þjálfun af
Jörundi Áka Sveinssyni sem sagt var
upp störfum nú á dögunum. Jón Þórir
hefur áður þjálfað Dalvík auk þess
sem hann aðstoðaði Sigurð Grétars-
son við þjálfun Breiðabliks árið 1999
og 2000.

ÍSLENSKA karlalandsliðið í tennis
sigraði í 4. deild Davis bikarkeppn-
innar sem lauk í San Marínó í gær. Ís-
lendingar lögðu alla sína andstæðinga
og leika því í 3. deild að ári. Íslensku
karlarnir sigruðu Rúanda í undanúr-
slitum, 3:0, og í gær höfðu þeir betur á
móti heimamönnum í San Marínó,
2:1.

ÞAÐ var allt á öðrum endanum í
norska smábænum Ålesund um
helgina þar sem John Arne Riise,
bakvörður Liverpool, gekk að eiga
unnustu sína Guri.
FÓLK
Vals-
menn fá
liðsstyrk
VALSKONUR ætla sér
greinilega stóra hluti á næstu
leiktíð í handknattleik. Þrír
sterkir leikmenn hafa bæst í
hóp Hlíðarendaliðsins fyrir
átökin næsta vetur. Gerður
Beta Jóhannsdóttir er komin
frá Víkingi, en hún var áður í
Val. Brynja Steinsen, sem
hefur leikið með Haukum,
hefur einnig ákveðið að
ganga til liðs við Val á ný. Þá
hefur Hafdís Hinriksdóttir
skrifað undir tveggja ára
samning við Val. Hafdís lék
með danska liðinu GOG á síð-
ustu leiktíð, en var þar áður í
herbúðum FH.