Morgunblaðið - 17.06.2003, Blaðsíða 2

FRÉTTIR
2 ÞRIÐJUDAGUR 17. JÚNÍ 2003 MORGUNBLAÐIÐ
KOMU Í VEG FYRIR SMYGL
Stór fíkniefnahringur í Þýska-
landi smyglaði 15 kg af hassi til Ís-
lands með Norrænu síðasta sumar
og hafði í hyggju að smygla 50 kg til
viðbótar nokkrum mánuðum síðar.
Stærri sendingin var stöðvuð á
landamærum Frakklands og Spán-
ar, en átti að fara til Þýskalands og
þaðan til Íslands með skipi.
Hvalavernd samþykkt
Berlínarfrumkvæðið svokallaða
var naumlega samþykkt á ársfundi
Alþjóðahvalveiðiráðsins í gær. Til-
lagan kveður á um að stofnuð verði
sérstök nefnd sem fjalli um verndun
allra hvalastofna gegn ofveiði og
veðurfarsbreytingum. Fylgjendur
tillögunnar klöppuðu en Japanir
gengu út er niðurstaðan varð ljós.
Beint flug frá Japan í haust
Von er á að minnsta kosti 750 jap-
önskum ferðamönnum til landsins í
haust, en þá hefst beint flug milli
Japans og Íslands. Flogið verður í
það minnsta þrisvar og vonir standa
til að það sé byrjunin á mikilli aukn-
ingu ferðamanna frá Japan hingað
til lands.
Nemendum fækkar um 40%
Nemum í tölvunámi á háskólastigi
hefur fækkað mikið undanfarið og
hefur umsóknum fækkað um 40% á
milli ára í tölvunarfræðideild Há-
skólans í Reykjavík. Þetta er annað
árið sem umsóknum fækkar og var
fækkunin milli ára um 45% í fyrra.
Ekkert vopnahlé
Í gær mistókst Egyptum að fá
herskáa Palestínumenn til að fallast
á að leggja niður vopn í átökum við
Ísraela. Ariel Sharon, forsætisráð-
herra Ísraels, sagði útilokað að
semja um frið á meðan „hömlulaus-
um hryðjuverkum“ linnti ekki.
Y f i r l i t
Í dag
Sigmund 8 Viðhorf 36
Viðskipti 12/14 Minningar 36/43
Erlent 16/19 Hestar 44
Höfuðborgin 20 Bréf 46
Akureyri 22 Dagbók 48/49
Suðurnes 23 Íþróttir 50/51
Landið 24/25 Leikhús 52
Neytendur 26 Fólk 52/61
Listir 27/29 Bíó 58/61
Umræðan 30/31 Ljósvakar 62
Forystugrein 32 Veður 63
* * *
Kynningar – Blaðinu í dag fylgja aug-
lýsingablöð frá Elko og Lancome.
Blöðunum verður dreift um allt land.
„ÉG heyrði bremsuhljóð og rauk þá
út í glugga og sá vörulestina keyra inn
í farþegalestina,“ segir Þráinn Jens-
son bifreiðastjóri, sem varð vitni að
lestarslysinu í Hok í Suður-Svíþjóð í
gær um kl. 11.30. „Fyrsta hugsun
snerist um að hlaupa út og hjálpa til.
Við vorum komnir inn í lestina hálfri
mínútu eftir slysið og þar vissi fólk
hvorki í þennan heim né annan.“ Þrá-
inn var fyrstur á vettvang slyssins
ásamt Baldri Gíslasyni, kunningja
sínum, og tóku þeir til við að hlúa að
slösuðum uns sjúkralið kom á vett-
vang.
„Við fórum um alla lestina og sáum
fólki blæða, en allir voru með meðvit-
und. Við sáum þrjú börn sem grétu
mikið en voru óslösuð. Lestinni er
skipt upp í þrjá hluta með glerhurð-
um og þegar við komum að einni
þeirra djöfluðumst við eins og óðir við
að reyna að ná henni upp, því fyrir
innan lá slasaður maður á gólfinu.“
Þráinn segir sex manns hafa slas-
ast alvarlega. Þeir sem slösuðust
mest voru þeir sem höfðu setið við
borð og hlutu innvortis meiðsl þegar
borðplöturnar keyrðust inn í kviðinn.
Töluvert var einnig um höfuðhögg og
annars konar áverka. Þráinn telur að
vörulestin hafi komið á 50–60 km
hraða á kyrrstæða farþegalestina og
segir það lán í óláni að slysið skyldi
verða inni í bænum þar sem hraða er
haldið niðri, í stað þess að þær skyldu
rekast á utan við bæinn á meiri hraða,
jafnvel 90 km hraða hvor.
Þráinn Jensson fyrstur á vettvang
lestarslyss í Suður-Svíþjóð
„Fólk vissi hvorki í
þennan heim né annan“
NEMENDUM, sem sækja tölvu-
nám á háskólastigi, hefur fækkað
verulega undanfarin tvö ár. Hrafn
Loftsson, deildarstjóri tölvunar-
fræðideildar Háskólans í Reykjavík,
segir 40% færri umsóknir í ár miðað
við síðasta ár. Helgi Þorbergsson,
skorarformaður tölvunarfræðiskor-
ar Háskóla Íslands, segir fækk-
unina greinilega annað árið í röð.
Mark O’Brien, deildarstjóri upplýs-
ingatæknideildar Háskólans á Ak-
ureyri, segir 15 umsóknir hafa bor-
ist í ár en verið 30 fyrir tveimur
árum.
Hrafn segir viðmiðunarárin, 2000
og 2001, ekki gefa raunsanna mynd
af þróuninni síðustu tvö ár þar sem
ásóknin í tölvunám var þá gríðarleg
og netbólan útþanin. „Þegar efna-
hagsástandið í þessum geira virðist
fara versnandi hefur það um leið
mjög mikil áhrif á tilvonandi nem-
endur.“ Ungmenni hugsi ekki langt
fram í tímann og ættu að íhuga það
hve heppilegt tölvunám sé núna þar
sem staðan verði önnur að þremur
árum liðnum þegar þau útskrifist.
„Þetta er mikið bundið við tísku-
sveiflur,“ segir Hrafn.
Stúlkum fækkar hlutfallslega
meira en piltum
Þetta er annað árið í röð sem um-
sóknum fækkar. Í fyrra var fækk-
unin frá árinu áður 45%. Hrafn seg-
ir mesta áhyggjuefnið að stúlkum
fækki hlutfallslega meira en piltum.
Um 30% nemenda árin 2000 og 2001
voru konur en þær eru aðeins 12%
umsækjenda í ár. „Þetta virðist hafa
meiri áhrif á þær,“ segir Hrafn.
„Þetta er annað árið í röð sem
nemendum í BS-námi í tölvunar-
fræði í Háskóla Íslands fækkar,“
segir Helgi. Hins vegar hafi um-
sóknum í meistaranám fjölgað veru-
lega.
„Það er greinileg fækkun og hlut-
fallslega sýnist mér hún álíka mikil
milli ára og í fyrra.“ Hann segir
sveifluna ekkert óeðlilega þótt nem-
endur séu færri en hann vildi sjá og
þörf er fyrir.
Mark O’Brien segir að 15 nem-
endur hafi sótt um nám í tölvunar-
fræði við Háskólann á Akureyri í ár.
Það er sami fjöldi og í fyrra en árið
2001 hafi 30 umsóknir borist.
Fjöldi umsókna í fyrra olli stjórn-
endum skólans vonbrigðum og var
námið í kjölfarið kynnt alþjóðlega
þar sem öll kennsla fer fram á
ensku. Mark segir að 23 umsóknir
hafi borist að utan til viðbótar við
þessar 15, en allar líkur séu á því að
nemendurnir nái ekki í tíma að fá
landvistarleyfi til að stunda hér nám
í vetur. Meiri fyrirvari verður hafð-
ur á umsóknum að ári og þá fjölgi
nemendum vonandi aftur.
Samkvæmt upplýsingum frá
Hrafni er ekki búið að taka ákvörð-
un um fækkun kennara hjá Háskóla
Reykjavíkur í kjölfar fækkunar um-
sókna. Það verði skoðað eftir að um-
sóknir berast í nám með vinnu og
nám á vormisseri. Bæði Helgi og
Mark O’Brien segja engin áform um
að fækka námskeiðum eða kenn-
urum við deildirnar.
Tískusveiflur hafa áhrif á námsval ungmenna
Nemendum í tölvunámi
fækkar um 40% milli ára
FJÖLMENNI sótti minningar-
athöfn við rústir Thingvallakirkju í
Eyford í Norður-Dakóta á sunnu-
dag, en kirkjan sem var um 110 ára
gömul brann til kaldra kola fyrir
hálfum mánuði.
Curtis Olafson, formaður kirkju-
stjórnar og forseti Íslendinga-
félagsins í Norður-Dakóta, flutti
ræðu fyrir hönd safnaðarins og
færði viðstöddum meðal annars
kveðju íslensku þjóðarinnar frá
Ólafi Ragnari Grímssyni, forseta Ís-
lands. Hann var viðstaddur þegar
endurgert minnismerki um skáldið
Káinn var afhjúpað við hliðina á
kirkjunni í tengslum við Íslend-
ingadagshátíðina í Mountain í ágúst
1999, en hún var þá haldin í 100.
sinn.
Til stóð að hafa messu í kirkjunni
sl. sunnudag og var henni ekki
frestað þó kirkjan hefði brunnið, en
ekki var hreyft við neinu og mátti
meðal annars sjá hálfbrunnin
nótnablöð í rústunum. Til stendur
að reisa minnisvarða um kirkjuna
og íslenska samfélagið í Eyford og
er verið að kanna ýmsa möguleika í
því efni.
Ljósmynd/Larry Biri, The Walsh County Record
Minningarathöfn við rústir Thingvallakirkju
SIÐANEFND Blaðamannafélags
Íslands hefur komist að þeirri nið-
urstöðu að ritstjóri tímaritsins
Mannlífs hafi brotið með alvarlegum
hætti gegn siðareglum blaðamanna
með umfjöllun um kynferðislega
misnotkun og afleiðingar hennar.
Fréttastjóri Sjónvarpsins hefur fall-
ist á að fréttastofa Sjónvarps hafi
brotið sömu grein siðareglna í frétt
um Mannlífsgreinina.
Greinin birtist í Mannlífi í janúar.
Þar segir rúmlega þrítug ónafn-
greind kona frá kynferðislegri mis-
notkun sem hún kveðst hafa sætt
sem barn af hálfu eldri bróður síns,
og síðan frá erfiðum veikindum sín-
um á fullorðinsárum, með tíðum vist-
unum á geðdeildum og ítrekuðum til-
raunum til að svipta sig lífi. Greinin
sem Mannlíf birti er frásögn kon-
unnar sjálfrar nær óbreytt. Fáum
dögum áður en heftið með greininni
birtist stytti konan sér aldur. Hún
var kistulögð og jarðsungin um þær
mundir sem heftið kom út.
Að kvöldi kistulagningardagsins
var vitnað í Mannlífsgreinina í frétt-
um Sjónvarpsins, og þess getið að
konan sem skrifaði hana væri látin
og hefði fallið fyrir eigin hendi.
Alvarleg
brot gegn
siðareglum
blaðamanna
BÍLL rann fram af barði og hafnaði
á hvolfi í fjöru í Ólafsvík í gær-
morgun.
Ökumaður
ætlaði að
bregða sér
snöggvast
inn í hús og
skildi bílinn
eftir í gangi
á bílastæð-
inu en
gleymdi að
stöðva bif-
reiðina
tryggilega
áður en
hann fór út
úr henni.
Hann áttaði
sig strax á
mistökunum
en náði ekki
að komast
inn í bílinn
aftur, sem
betur fer, að sögn lögreglunnar í
Ólafsvík.
Bíllinn rann 19 metra, fram af
barðinu og féll 5,72 m niður í fjöru.
Bíllinn var hífður upp en er talinn
ónýtur.
Morgunblaðið/Alfons
Bíll fram
af barði