Morgunblaðið - 19.06.2003, Blaðsíða 2
2 D FIMMTUDAGUR 19. JÚNÍ 2003 MORGUNBLAÐIÐ
bílar
Á sama tíma og risarnir þrír, GM,
Ford og DaimlerChrysler, eiga við
margháttuð vandamál að stríða á
heimamarkaði í Bandaríkjunum nýtur
Toyota góðs af aðstæðum sem þar
hafa myndast og er fyrirtækið nú orð-
ið stærsti erlendi bílaframleiðandinn
þar í landi. Toyota hyggst færa enn
frekar út kvíarnar í Bandaríkjunum.
Velgengnina á Toyota að stórum
hluta að þakka framleiðsluaðferðum
fyrirtækisins og svonefndri kaisen-
hugmyndafræði, sem felur í sér stöð-
ugar betrumbætur í framleiðslu. Auk
þess nýtur Toyota góðs af því að
bandarískir bílkaupendur hafa í aukn-
um mælum snúið sér að sparneytnari
bílum. Framgangur Toyota í Evrópu er
einnig hraðari en áætlanir fyrirtæk-
isins gerðu ráð fyrir. Að sögn Markus
Schrick, stjórnarformanns Toyota í
Þýskalandi, nær Toyota sölumark-
miðum sínum í Evrópu fyrr en áætlað
var. Gert var ráð fyrir sölu á 800.000
bílum á ári árið 2005 en útlit er fyrir
að farið verði yfir það mark strax á
næsta ári.
Toyota í góðum málum
Nissan áætlar að framleiðsla fyr-
irtækisins á bílum í Kína verði komin
upp í 500.000 bíla á ári árið 2006.
Áætlun Nissan miðast við að ná þess-
um árangri í samstarfi við þriðja
stærsta innlenda bílaframleiðandann í
landinu, Dongfeng Motor. Samstarf
fyrirtækjanna hefst formlega 1. júlí nk.
en þau hafa tilkynnt að þau muni verja
tveimur milljörðum bandaríkjadollara
til að byggja upp hið sameiginlega fyr-
irtæki sem á að framleiða sex nýjar
gerðir bíla fyrir Kínamarkað.
Nissan vill framleiða
500.000 bíla í Kína
Evrópudómstóllinn í Lúxemborg hef-
ur hafnað áfrýjun danska bílgreina-
sambandsins á máli sem höfðað var
gegn danska ríkinu vegna himinhárra
skatta sem lagðir eru á nýja bíla. Segir
Evrópudómstóllinn, sem er æðsti dóm-
stóll Evrópusambandsins, að dönsk
stjórnvöld geti haldið áfram að leggja
allt að 180% skatt á nýja bíla.
De Danske Bilimportører, samtök
danskra bílainnflytjenda, héldu því fram
að þessir háu skattar brytu gegn lög-
um Evrópusambandsins því þeir væru
hindrun gegn fríverslun innan ESB.
Dómstóllinn taldi hins vegar að ekki
væri hægt að líta á skattana sem
verndartolla þar sem engir bílar eru
framleiddir í Danmörku. Þá segir í yf-
irlýsingu frá dómstólnum að tölur um
bílainnflutning í Danmörku sýni ekki
með neinum hætti, að háir skattar og
tollar á bílum hindri frjálsan flutning á
vörum milli Danmerkur og annarra að-
ildarríkja ESB.
Danir mega leggja háan
skatt á bílana
VOLVO keypti Renault VI, vörubíla-
og rútudeild Renault, árið 2000 og
með í kaupunum fylgdi American
Mack. Volvo hefur á þessum tíma
sparað 383 milljónir evra. Daimler-
Chrysler hefur alla tíð verið í forystu-
hlutverki í atvinnubílaframleiðslu en
Volvo hefur sótt mikið á og selur nú
150.000 vörubíla og rútur á ári.
Volvo sparar á samruna
skilar meiri afköstum og minni
eyðslu. Við þær er tengd fimm þrepa
sjálfskipting með Driver Shift Contr-
ol-handskiptivali. SRX er með lengsta
hjólhafið í sínum flokki, sem á að auka
akstursgæði og stöðugleika bílsins.
ÞÓTT Nissan sé auðvitað rammjap-
anskur framleiðandi er eðli bílafram-
leiðslunnar nú allt annað en fyrir
nokkrum árum. Nú framleiðir Nissan
bíla fyrir Bandaríkjamarkað í Banda-
ríkjunum eins og Honda og Toyota og
fjöldi evrópskra framleiðenda og as-
ískra. Nissan Pathfinder hefur verið á
boðstólum í mörg ár vestra en í haust
kemur á markað ný gerð, Pathfinder
Armada. Bíllinn var frumsýndur á
bílasýningunni í New York í apríl og
er fyrsti fullvaxni jeppinn, (full-size
SUV), sem Nissan kynnir. Armada er
átta manna bíll með grófgerðum lín-
um og sterklegu útliti sem ætti að
henta vel 5,6 lítra, 32 ventla Nissan
V-8 vélinni. Vélin skilar að hámarki
300 hestöflum og togið er 525 Nm.
Armada er með fimm þrepa sjálf-
skiptingu og dráttargetan er að há-
marki tæp fimm tonn. Bíllinn leikur
sér að því að draga heilu hestavagn-
ana eða hjólhýsi í bandarískum hlut-
föllum. Hægt er að leggja sætisbök í
miðju og þriðju sætaröð niður þannig
að gólfið verði alveg flatt. Armada
verður smíðaður í nýrri verksmiðju
Nissan í Mississippi og sala hefst í
haust á bílnum sem 2004 árgerð.
Buick Ranier
Ranier er jeppi í eðlilegri stærð,
þ.e. fimm manna bíll. Vélin er Vortec
4,2 lítra, 275 hestafla, sex strokka, og
Vortec 5,3 lítra, V-8, 290 hestafla. Bíll-
inn er smíðaður á undirvagn GM fyrir
miðjustærð af jeppum eins og Chevr-
olet TrailBlazer og GM Envoy.
Að utan minnir bíllinn rækilega á
aðra Buick-bíla með krómskreyttu,
egglaga grillinu og Buick-merkinu í
miðju þess. Hjólaskálar eru útstæðar
og gefa bílnum kraftalegt útlit. Að
innan er Ranier kominn í lúxusdeild-
ina með silfurlitum mælum með
grænum nálum. Leðrið í sætunum er
gatað til að loft eigi greiðari leið um
það og dökk valhnota skreytir innan-
rýmið. Tvívirk loftkæling er staðal-
búnaður og má stjórna hljómtækjum
úr aftursætum. Sagt er að bíllinn
verði með aksturseiginleika fólksbíls
því stífleiki yfirbyggingarinnar stenst
samanburð við marga fólksbíla.
Chevrolet Equinox
Chevrolet Equinox er laglega
hannaður jeppi með stóru og æpandi
grilli og framlugtum. Hann kemur á
markað haustið 2004 í Bandaríkjun-
um með 185 hestafla, V6-vél. Hann
dregur dám af TrailBlazer en býður
upp á breytilegra innanrými fyrir far-
þega og farangur. Hann leysir af
hólmi Chevrolet Tracker. Búist er við
að Equinox verði stærsti bíllinn í sín-
um flokki og einnig með lengsta hjól-
hafið og sporvíddina. Hægt er að færa
aftursætisbekkinn fram um 20 cm,
eins og Evrópubúar þekkja í sumum
fjölnotabílum. Með þessu má stækka
farangursrýmið sem þessu nemur,
eða færa sætisbekkinn aftur til að
auka fótarými í aftursætum. Líka er
hægt að fella fremra farþegasætið
niður og nýta rýmið þar undir farang-
ur og í farangursrýminu er hilla sem
hægt er að draga út og nota sem borð.
Blendingarnir
Ný gerð bíla er að ryðja sér til
rúms í Bandaríkjunum sem kalla
mætti blendinga því þeir eru sannar-
lega beggja blands. Á ensku kallast
þessi flokkur bíla „Crossover“. Í
grunninn eru blendingarnir langbak-
ar eða jafnvel pallbílar með meiri veg-
hæð en vant er og fjórhjóladrif. Dæmi
um slíka bíla sem nú eru að koma á
markað er Ford Freestyle sem fer í
sölu í Bandaríkjunum sumarið 2004.
Hægt er að breyta sex manna Free-
style-blendingnum frá Ford úr sex
manna langbak í fjögurra manna
stallbak eða fjögurra manna bíl með
palli með því að þrýsta á hnapp. Bæði
miðju- og þriðju sætaröðina má fella
flata ofan í gólfið með rafstýringu. Að
framan er Freestyle svipaður öðrum
Ford-bílum, þ.m.t. Explorer, Escape
og Expedition. Framlugtir eru með
innbyggðum stefnuljósum og að aftan
stórar lugtir með svokölluðum LED-
ljósum sem lýsa upp bæði afturhlera
og afturstuðara. Freestyle er krafta-
legur að sjá á 20 tommu álfelgum og
Goodyear-dekkjum sem hægt er að
aka á þótt springi á þeim. Vélin er 3ja
lítra, 24 ventla Duratec V6 og við
hana er tengd CVT, þreplaus reim-
skipting. Bíllinn er með sítengdu ald-
rifi, stöðugleikastýringu og spólvörn.
Auka innflutning amerískra Ford-bíla
Egill Jóhannsson, framkvæmda-
stjóri hjá Brimborg, Ford-umboðinu
á Íslandi, segir það rétt að þessi bíll
komi á markað næsta vor. „Okkur líst
mjög vel á þennan bíl. Þetta er svona
blanda af jeppa og fólksbíl – kannski
ekki ósvipaður bíll og Volvo XC70.
Við erum að auka innflutning veru-
lega á amerískum Ford-bílum og
Lincoln en höfum hingað til einbeitt
okkur að jeppum. Mér þætti því ekki
ólíklegt að þetta yrði fyrsti ameríski
fólksbíllinn/jepplingurinn sem við
flyttum inn. Ólíklegt er að hann komi
til Evrópu en við höfum sérstakt sam-
komulag við Ford sem heimilar okkur
að flytja inn Ford USA bíla til Ís-
lands,“ segir Egill.
Annar blendingur sem vakið hefur
enn meiri athygli er nýi SRX-lúxus-
bíllinn frá Cadillac, sem myndaður
var í bak og fyrir á Íslandi í vor fyrir
auglýsingar og bæklinga. Hann er að
koma á markað núna í Bandaríkjun-
um með 4,6 lítra, 310 hestafla North-
star V8-vél eða 3,6 lítra, 260 hestafla
V6-vél. Báðar eru vélarnar með
breytilegum opnunartíma ventla sem
Hann verður fáanlegur jafnt aftur-
drifinn sem og með sítengdu aldrifi.
SRX verður líka fáanlegur með
stærstu sóllúgunni í sínum flokki sem
nær allt frá framsætum yfir farþega í
miðjusætum.
Nýju jepparnir í Ameríku
Fátt er jafn arðvænlegt fyrir bílaframleiðendur og jeppar. Jeppa-
markaðurinn hefur vaxið mest vestanhafs og hér segir Guðjón
Guðmundsson frá því hvernig framleiðendur ætla að kynda
áfram undir áhuganum með nýjum jeppum og blendingum.
Öllu jöfnu er Freestyle með langbaksformi.
Buick Ranier er millistærðarjeppi.
Chevrolet Equinox telst millistærðarjeppi í Bandaríkjunum.
Nissan Pathfinder Armada er átta manna orkubúnt.