Morgunblaðið - 19.06.2003, Blaðsíða 5

MORGUNBLAÐIÐ FIMMTUDAGUR 19. JÚNÍ 2003 D 5
bílar
anginn var sportbíllinn. Þetta eru
allt hálfgerðar goðsagnir í raun,“
segir Egill.
Ford Bronco var fyrst framleidd-
ur árið 1966 og náði talsverðri hylli
hér á landi upp úr 1970, sem og
Ford Cortina, sem fyrst var fram-
leidd árið 1962. Innflutningur á bíl-
um var gefinn frjáls árið 1961 og
Ford Mustang kom fyrst hingað ár-
ið 1964. „Sá bíll er einn frægasti
Ford-bíllinn fyrr og síðar og nýjasta
útgáfan af honum, sem þeir eru að
kynna núna, er líkari þeim fyrsta en
nokkur annar,“ segir Egill.
Ýmsir eftirminnilegir bílar frá
Ford hafa litið dagsins ljós síðustu
áratugina, t.d. Ford Fairmont sem
kom um 1980 þegar framleiðend-
urnir ætluðu að koma fram með
sparneytna Ameríkubíla þegar
orkukreppan var í algleymingi. Þá
kom Ford Escort upp úr 1980 og
naut nokkurra vinsælda og Ford
Sierra fylgdi í kjölfarið.
Miklar breytingar orðið á
bílgreininni hérlendis
Egill segir að í gegnum tíðina hafi
Ford í raun verið tvö fyrirtæki, ann-
að sem framleiddi bíla fyrir Evr-
ópumarkaðinn og hitt sem fram-
leiddi bíla fyrir Ameríkumarkað og
kröfurnar séu gjörólíkar á þessum
mörkuðum. Í dag eru Evrópubíl-
arnir að mestu framleiddir í Þýska-
landi, Belgíu og á Spáni, en nánast
allir Ford-bílar sem seldir eru á Ís-
landi koma frá Þýskalandi og Belg-
íu og frá Ameríku koma jeppar eins
Ford Explorer, Escape og Expedi-
tion, að sögn Egils. Hann segir að
síðustu árin hafi framleiðendur
Ford náð að snúa vörn í sókn eftir
mörg mögur ár og harða samkeppni
við japanska bíla. Á tímabili náðu
japanskir bílaframleiðendur um
70% af markaðnum hér á landi en í
dag er það hlutfall líklega um 50%.
„Það hafa orðið miklar breytingar
á bílgreininni hérna heima, bæði
með miklum sameiningum eftir
1990 og síðan hafa evrópsku og am-
erísku bílaframleiðendurnir verið að
snúa við blaðinu og koma með bíla
sem eru samkeppnisfærir við þá
japönsku, bæði hvað varðar gæði,
verð og búnað. Það voru þeir ekki í
lok áttunda og í byrjun níunda ára-
tugarins.“
Hvernig sérðu fyrir þér framtíð-
ina hjá Ford hér á landi?
„Ég myndi segja að hún væri
nokkuð björt. Evrópulínan hefur
líklega aldrei verið sterkari, gæðin
aldrei verið jafn mikil og breiddin í
línunni líka. Bara sem dæmi, að
þegar við tókum við Ford árið 1995
vorum við að selja Escort, Mondeo
og lítinn Escort-sendibíl og Amer-
íkulínuna eins og Explorer, Econo-
line og Ranger. Nú erum við með í
Evrópulínunni Ka, Fiesta, Focus,
Mondeo, Galaxy sjö manna bíl og
Ford Transit-sendibílalínuna. Þeir
sendibílar voru gríðarlega vinsælir
á áttunda áratugnum og við höfum
endurkynnt þá núna og þar er mjög
bjart yfir. Síðan er mikil uppbygg-
ing hjá þeim í Ameríku, við erum nú
t.d. farnir að selja Ford Lincoln,
sem ekki hefur verið seldur áratug-
um saman og fleiri tegundir.
Markmiðið hjá okkur er að ekki
seinna en á næsta ári verði mark-
aðshlutdeild Ford komin í 7% og við
getum ekki séð betur en það náist
tiltölulega léttilega, miðað við hvað
er að koma frá þeim. Ef við náum
því verður það besta hlutdeild Ford
í 23 ár,“ segir Egill.
Morgunblaðið/Jim Smart
Egill Jóhannsson
GÍFURLEGAN fjölda áhorfenda dreif
að þegar fífldjarfir torfæruhjólamenn
létu sig vaða upp ófrýnilegar sand-
brekkurnar, sem stáli greiptar risu
lóðrétt upp til himins. Fimm þrautir,
hver annarri háskalegri, voru á dag-
skrá. 30 ökumenn á öllum aldri fylltu
sig nægum kjarki til að takast á við
verkefnið.
Ekki þurfti að bíða lengi eftir til-
þrifamiklum átökum. Menn botnuðu
hjólin upp hverja þrautina á fætur
annarri og tilviljunin ein virtist ráða
því hvar og hvenær menn flugu á
hausinn. Keppendur áttu í mestu
vandræðum með að hemja hjólin og
hanga á baki, enda sáust hjólin oft
taka flugið meðan ökumennirnir lágu
kylliflatir í börðunum. Áhorfendur
fylgdust agndofa með skrautlegri
sýningunni og stóðu gjarnan á önd-
inni eftir harðar byltur keppenda.
Að lokinni frábærri keppni stóð
Bragi Óskarsson uppi sem sigurveg-
ari. Í öðru sæti, með jafn mörg stig
varð Bjarni Bærings og Gunnlaugur
Gunnlaugsson varð þriðji. Myndirnar
sem Pedromyndir náðu á filmu tala
sínu máli um tilþrifin, en þær má
nálgast á heimasíðunni www.pedro-
myndir.is.
Tilþrif á
torfæru-
hjólum
Kappakstursklúbbur Akureyrar
stóð fyrir Hjóladögum á Ak-
ureyri um síðustu helgi. Þar
var meðal annars keppt í tor-
færu á vélhjólum. Bjarni
Bærings brá sér norður vopn-
aður skófludekkjuðu hjóli og
segir hér frá stemningunni.
Ljósmynd/Bjarni Eiríksson
Finni bóndi lætur vaða upp stálið.
Háskaflug í háloftum.
Tilþrifaverðlaunin í öruggum höndum.