Morgunblaðið - 21.06.2003, Blaðsíða 2
FRÉTTIR
2 LAUGARDAGUR 21. JÚNÍ 2003 MORGUNBLAÐIÐ
SAMDRÁTTUR AÐ BAKI?
Hagstofa Íslands telur að lands-
framleiðsla hafi aukist um 3,3% mið-
að við sama ársfjórðung síðasta árs.
Birgir Ísleifur Gunnarsson seðla-
bankastjóri segir að efnahagslífið sé
að taka við sér eftir samdrátt-
arskeið.
Dómurinn stendur
Bandaríkjamaður af kínverskum
ættum var í gær úrskurðaður í sex
mánaða fangelsi fyrir að aðstoða sex
Kínverja við að komast ólöglega til
landsins. Tveir komust til Banda-
ríkjanna en fjórir voru stöðvaðir á
Keflavíkurflugvelli. Dómnum verður
ekki áfrýjað.
Stefna á réttri leið
Líklegt er að sjávarútvegsstefna
ESB muni þróast þannig að hún
komi til móts við grundvallarsjón-
armið Íslendinga og Norðmanna. Að
þessari niðurstöðu er komist í grein-
argerð um hugsanlega aðkomu Ís-
lands og Noregs að sjávarútvegs-
stefnu ESB sem kom út í gær.
Stjórnarskrárdrög rædd
Drögum að stjórnarskrársáttmála
Evrópusambandsins, sem svonefnd
Framtíðarráðstefna þess vann að í
16 mánuði, var nokkuð vel tekið á
leiðtogafundi sambandsins í Grikk-
landi í gær. Sumir fulltrúar lýstu þó
fyrirvörum við einstaka þætti drag-
anna.
Hamas beri að afvopna
Colin Powell, utanríkisráðherra
Bandaríkjanna, sagði í gær að pal-
estínska heimastjórnin þyrfti að af-
vopna liðsmenn Hamas-hreyfing-
arinnar, sem hann lýsti sem „óvini
friðarins“, og að ekki nægði að
semja við hana um vopnahlé eins og
forsætisráðherra Palestínumanna
hefur reynt.
Áformuðu hryðjuverk
Bandarískur ríkisborgari, ættað-
ur frá Kasmír, hefur játað aðild að
samsæri tengdu al-Qaeda um árásir
á járnbrautarlestir og Brooklyn-
brúna í New York, eftir því sem
bandarískir embættismenn segja.
L a u g a r d a g u r
21.
j ú n í ˜ 2 0 0 3
Yf ir l i t
Í dag
Sigmund 8 Forystugrein 28
Viðskipti 14 Viðhorf 32
Erlent 16/17 Minningar 32/37
Höfuðborgin 20 Messur 39
Akureyri 20 Bréf 40
Suðurnes 21 Dagbók 42/43
Árborg 22 Íþróttir 44/47
Landið 23 Leikhús 48
Heilsa 24 Fólk 48/53
Neytendur 24 Bíó 50/53
Listir 25/26 Ljósvakamiðlar 54
Umræðan 27 Veður 55
* * *
ÓVENJUMARGAR skruggukerrur
og eðaldrossíur eru á Selfossi um
helgina enda er þar haldið lands-
mót Fornbílaklúbbs Íslands. Geir H.
Haarde fjármálaráðherra setti mót-
ið með ávarpi á Kambabrún og því
næst var fornbílunum ekið niður
gömlu Kambana. Ráðherrann fékk
far með Sævari Péturssyni, for-
manni klúbbsins, á Ford A, árgerð
1930. Í dag verða fornbílarnir til
sýnis, verslað verður með varahluti
í klúbbtjaldinu, efnt til hópaksturs,
kassabílaralls og 1/8 spyrnu forn-
bíla svo eitthvað sé nefnt.
Morgunblaðið/Sigurður Jónsson
Á fornbílum niður gömlu Kambana
ALCOA hefur ekki í hyggju að
kaupa rafskaut hér á landi til ál-
framleiðslu sinnar í álveri Fjarðaáls
í Reyðarfirði. Að sögn Jake Siewert,
aðaltalsmanns Alcoa, hefur ætlunin
alltaf verið að flytja rafskautin inn
til landsins frá einhverri af raf-
skautaverksmiðjum á vegum fyrir-
tækisins erlendis. Siewert segir
þessi áform geta breyst en litlar lík-
ur séu þó á því. Óráðið er hjá álver-
um Alcan í Straumsvík og Norðuráli
á Grundartanga hvort rafskaut verði
keypt af verksmiðju hér á landi.
Eins og fram kom í Morgun-
blaðinu í gær hefur ríkisstjórnin
samþykkt að verja fimm milljónum
króna til undirbúnings umhverfis-
matsvinnu fyrir rafskautaverk-
smiðju í landi Kataness í Hvalfirði.
Þýska fyrirtækið RAG Trading hef-
ur hætt við áform í bili um að reisa
hér slíka verksmiðju, en það hafði
sýnt áhuga á verksmiðju sem gæti
framleitt allt að 340 þúsund tonn af
rafskautum á ári og veitt um 150
manns atvinnu. Er ekki talið útilok-
að að RAG Trading komi síðar að
málinu, auk þess sem aðrir erlendir
fjárfestar eru sagðir áhugasamir.
Framleiðsla upp á 340 þúsund
tonn myndi duga fyrir um 680 þús-
und tonna álframleiðslu þar sem
hálft tonn af rafskautum þarf til að
framleiða eitt tonn af áli, en ekki öf-
ugt eins og hermt var í blaðinu í gær
þar sem stóð að eitt tonn af raf-
skautum þyrfti til að framleiða hálft
tonn af áli. Leiðréttist það hér með.
Spurning um verð og gæði
Hrannar Pétursson, upplýsinga-
fulltrúi Alcan í Straumsvík, sagði
fyrirtækið kaupa öll sín rafskaut frá
Aluchemie í Hollandi, sem er eitt
dótturfyrirtækja Alcan, og ekki
væru uppi áætlanir um að breyta
því. Varðandi kaup á skautum fram-
leiddum hér á landi sagði Hrannar
það mestu skipta að gæði og verð
stæðust samanburð við skaut fram-
leidd annars staðar.
Kristján Sturluson hjá Norðuráli
á Grundartanga sagði engar ákvarð-
anir hafa verið teknar um viðskipti
með rafskaut í framtíðinni. Norðurál
væri með samning í gildi til nokk-
urra ára í viðbót við þýskt fyrirtæki
sem útvegaði rafskaut til framleiðsl-
unnar í dag. Hins vegar væri Norð-
urál í viðræðum við nokkra aðila
varðandi kaup á súráli og rafskaut-
um vegna fyrirhugaðrar stækkunar
álversins í 180 þúsund tonn og síðar
240 þúsund tonn. Líkt og Hrannar
sagði Kristján þetta vera spurningu
um verð og gæði vörunnar hvar hún
væri keypt.
Alcoa hefur ekki í hyggju að
kaupa rafskaut hér á landi
Óvissa með Alcan í Straumsvík
og Norðurál á Grundartanga
HAUKUR Guðmundsson, annar
eigandi Íshúss Njarðvíkur, segir að
nýir fjárfestar hafi lagt fram rúm-
lega 40 milljónir króna og gefið vil-
yrði fyrir um 30 milljónum til við-
bótar til að nota við björgun
Guðrúnar Gísladóttur KE 15 af hafs-
botni undan Noregsströndum. Ef
allt gengur að óskum verður skipið
komið upp á yfirborðið eftir fjórar til
sex vikur. Í gær var eitt ár liðið frá
því skipið sökk.
Upphaflega var gert ráð fyrir að
björgunin kostaði 131 milljón króna
en kostnaðurinn er nú kominn í 160
milljónir. Því er útlit fyrir að kostn-
aðurinn verði 100 milljónum hærri
en gert var ráð fyrir í upphafi. Í sam-
tali við Morgunblaðið sagði Haukur
að stefnt væri að því að selja skipið
en það væri alls óvíst hvað fáist fyrir
það. „Við höfum trú á því ennþá að
þetta sé innan marka, að þetta geti
sloppið,“ sagði hann þegar hann var
spurður um hvaða hagnaður verði af
fyrirtækinu.
Þrír af sex manna áhöfn Stakka-
nessins, sem gegnir hlutverki björg-
unarskips, hættu störfum fyrir
skemmstu, en að sögn Hauks er við-
bótarmannskapur á leið til Noregs
um eða upp úr helgi. Þá verði um
átta manns að störfum við björg-
unina. „Við erum ægilega bjartsýn-
ir,“ sagði hann. Búið sé að vinna mik-
ið í skipinu á hafsbotni. Næst á
dagskrá sé að koma skipinu á réttan
kjöl en að því loknu megi lyfta því
upp.
Eitt ár liðið síðan Guð-
rún Gísladóttir sökk
Nýir fjár-
festar
leggja fram
40 milljónir
ÁSTÆÐA er til að ætla að hin sam-
eiginlega sjávarútvegsstefna Evr-
ópusambandsins (ESB) kunni að
þróast þannig að hún komi til móts
við grundvallarsjónarmið bæði Ís-
lendinga og Norðmanna. Þetta er
niðurstaða greinargerðar um hugs-
anlega aðkomu Íslands og Noregs að
sameiginlegri sjávarútvegsstefnu
ESB sem fylgir nýrri Evrópumála-
úttekt Alþjóðamálastofnunar Há-
skóla Íslands og norsku utanríkis-
málastofnunarinnar (NUPI).
Aðstandendur greinargerðarinn-
ar telja að með nýlegum umbótum á
sjávarútvegsstefnu ESB hafi verið
stigið stórt skref í þá átt að koma til
móts við grundvallarhagsmuni Ís-
lands og Noregs, þó að bilið hafi ekki
fyllilega verið brúað. Þeir segja að ef
löndin tvö myndu ákveða að sækja
um aðild að ESB og rækju aðild-
arviðræðurnar hlið við hlið og yrði
veitt innganga samtímis myndi
heildarafli ESB vaxa úr 6 til 7 millj-
ónum tonna í 10 til 11 milljónir
tonna. „Svo mikil aukning sjávarafla
myndi að okkar mati réttlæta að
sameiginlega sjávarútvegsstefnan
yrði endurskoðuð á ný og frekari
umbætur gerðar,“ segja höfundarnir
síðan.
„Þetta er ekki lítil viðbót í þeirri
atvinnustarfsemi sem fellur þarna
undir,“ segir Þórólfur Matthíasson,
dósent í viðskipta- og hagfræði við
HÍ, í samtali við Morgunblaðið en
hann ritstýrði úttektinni fyrir hönd
Alþjóðamálastofnunar. Segir hann
að slík aukning heildarafla hlyti að
hafa grundvallaráhrif á það hvernig
menn haga ákvarðanatöku.
Það er þó undir Norðmönnum og
Íslendingum komið að stuðla að
frekari þróun í rétta átt, að mati
Þórólfs. Menn þurfi að nálgast málið
með opnum huga; í stað þess að biðja
um að sjávarútvegsstefnunni verði
breytt þurfi þeir að spyrja sig hvern-
ig nýta megi þá möguleika, sem eru
innan núverandi kerfis, til að ná
fram niðurstöðu sem er viðunandi.
Sjávarútvegsstefnan
að þróast í rétta átt
Ekki raunhæft/17
Ný greinargerð um aðkomu Íslands og Noregs að ESB
OLÍUFLUTNINGABÍLL og stór
sendibíll skullu harkalega saman í
gangamunna Vestfjarðaganga í
Tungudal um hádegisbil í gær. Þá ók
fólksbíll aftan á sendibílinn. Slökkvi-
lið var kallað til vegna eldhættu en
olía lak ekki úr bílunum, samkvæmt
upplýsingum frá lögreglunni á Ísa-
firði.
Að sögn lögreglu skall sendibíllinn
utan í gangamunnann og kastaðist
síðan í veg fyrir olíubílinn. Ökumað-
ur sendibílsins skall í framrúðuna
sem brotnaði en sjálfur handleggs-
brotnaði ökumaðurinn við árekstur-
inn og var hann settur í gifs á Fjórð-
ungssjúkrahúsinu á Ísafirði. Göng-
unum var lokað í um klukkustund
vegna slyssins.
Harkalegur
árekstur í Vest-
fjarðagöngum
RÆNINGJARNIR tveir sem
réðust inn í söluturn við Kópa-
vogsbraut 155 sl. miðvikudag voru
ófundnir í gærkvöld. Lögreglan í
Kópavogi annast rannsókn máls-
ins.
Ræningjarnir voru vopnaðir
hnífum við ránið og ógnuðu starfs-
manni áður en þeir hirtu peninga
úr sjóðvél og hurfu á braut. Lög-
reglan í Kópavogi segir þá ekki
hafa haft mikið upp úr krafsinu.
Ræningjar ófundnir
♦ ♦ ♦