Morgunblaðið - 21.06.2003, Blaðsíða 12

FRÉTTIR
12 LAUGARDAGUR 21. JÚNÍ 2003 MORGUNBLAÐIÐ
FULLTRÚAR Samfylkingarinnar í
sveitarstjórnum á Suðurnesjum telja
það lítilsvirðingu við starfsmenn
varnarliðsins á Keflavíkurflugvelli að
leynd hvíli yfir samskiptum íslenskra
og bandarískra stjórnvalda um fram-
tíðarskipan flugsveita varnarliðsins
hér á landi. „Við ætlum að flytja til-
lögu í öllum sveitarstjórnum og
krefja ríkið um viðræður vegna þess
að þetta snýr ekki síður að sveitar-
félögunum en fólkinu sem þarna
vinnur,“ segir Jón Gunnarsson, þing-
maður Samfylkingarinnar og sveitar-
stjórnarmaður Vatnsleysustrandar-
hrepps.
Formaður Samfylkingarinnar,
þingmenn Suðurkjördæmis, fulltrúar
í utanríkismálanefnd, sveitarstjórn-
armenn og fulltrúar frá verkalýðs-
hreyfingunni á Suðurnesjum hittust á
samráðsfundi á Flughóteli í Keflavík
á þriðjudag til að ræða framtíð Suð-
urnesja í ljósi óvissunnar með veru
varnarliðsins.
Jón segir að um 1.200 Suðurnesja-
menn starfi hjá varnarliðinu og verk-
tökum tengdum því. „Við erum að
tala um störf sem jafngilda um þrem-
ur álverum eins og er í Straumsvík.“
Hann segir Suðurnesjamenn vilja
vita hver staðan er. „Það er ekki hægt
að halda okkur í svona óvissu vikum
saman eins og stefnir í. Við viljum
freista þess að ræða við ríkið og fá
hugmynd um hvað er á ferðinni.“
Stofnaður var starfshópur til að
undirbúa málþing um atvinnumál á
Suðurnesjum. „Við komum til með að
standa fljótlega fyrir málþingi um at-
vinnumál þar sem við köllum til liðs
við okkur sérfræðinga til að skoða
hugmyndir um hvað gæti komið í
staðinn eða tekið við,“ segir Jón og
finnst tími til kominn að ræða við-
brögð ef samdráttur verði hjá varn-
arliðinu hvort sem það gerist í þess-
um viðræðum eða eftir nokkur ár.
Sveitarstjórnarmenn Samfylkingar funda um varnarlið
Vilja krefja ríkið svara
LÍKNARFÉLAGIÐ Neistinn, styrkt-
arfélag hjartasjúkra barna, afhenti
Barnaspítala Hringsins tveggja
milljóna króna peningagjöf í gær og
Playstation leikjatölvur handa ung-
um sjúklingum á spítalanum. Af-
hending gjafanna fór fram á fé-
lagsfundi Neistans en við sama
tækifæri opnaði Jón Kristjánsson
heilbrigðisráðherra heimasíðu
Barnaspítala Hringsins.
Peningagjöf Neistans verður var-
ið til kaupa á svokölluðum ómsjár-
haus, sem er viðbót á ómsjá spítalans
og gerir læknum m.a. kleift að fylgj-
ast með hjarta ungra sjúklinga með-
an á hjartaaðgerð stendur. „Stund-
um getur verið mjög erfitt að skoða
hjartað en nú verður hægt að skoða
það með því að fara að því aftan frá
um vélindað,“ sagði Hróðmar Helga-
son, sérfræðingur í hjartasjúkdóm-
um barna.
Neistinn hefur á liðnum árum
veitt 20 milljónir króna í þágu hjart-
veikra barna og segir Hróðmar slík
framlög verða seint fullþökkuð.
„Starfsemi þessa félagsskapar hefur
mesta þýðingu fyrir sjúklinga og að-
standendur og fyrir okkur, sem eru
á hinum endanum, skiptir hann líka
afskaplega miklu máli.Við erum að
fá stórgjafir til að geta sinnt starfi
okkar betur.“
Ómetanlegt framtak Neistans
Jón Kristjánsson heilbrigð-
isráðherra sagði framtak frjálsra fé-
laga eins og Neistans til stuðnings
sjúklingum ómetanlegt í heilbrigð-
iskerfinu auk þess sem þau bentu á
ýmislegt sem betur mætti fara.
Sagðist hann kappkosta í starfi sínu
sem ráðherra að Neistinn hefði sem
bestan aðgang að heilbrigðis-
ráðherra.
Sigþór Samúelsson formaður
Neistans sagði að árlega greindust
um 70 börn með meðfæddan hjarta-
galla og helmingur þeirra þyrfti á
einhvers konar aðgerð að halda.
Stór hluti þeirra þyrfti ennfremur
að fara í skurðaðgerð erlendis.
Á Barnaspítala Hringsins var hinn
1. apríl sl. stofnuð sérstök staða
hjúkrunarfræðings sem annast
hjartveik börn. Bára Sigurjónsdóttir
gegnir þeirri stöðu og er markmiðið
með stöðunni að bæta þjónustu við
sjúklinga og fjölskyldu þeirra og
gera þjónustuna um leið markviss-
ari.
Barnaspítali fær 2 milljón-
ir og leikjatölvur að gjöf
Jón Kristjánsson heilbrigðisráðherra, Hróðmar Helgason læknir, Sæunn Stef-
ánsdóttir, aðstoðarmaður ráðherra, og Sigþór Samúelsson, formaður Neistans.
Morgunblaðið/Sverrir
VILHJÁLMUR Þ. Vilhjálmsson
sagði á síðasta fundi borgarstjórnar
að stóran skugga hefði borið á há-
tíðahöldin 17. júní í Reykjavík.
„Flennistórar borðlagðar auglýsing-
ar fyrirtækja blöstu við sjónum
borgarbúa. Jafnframt hundruðum ef
ekki þúsundum blaðra merktum
fyrirtæki eða fyrirtækjum þannig að
íslenski fáninn átti fullt í fangi með
að fanga athygli þeirra tugþúsunda
Reykvíkinga sem tóku þátt í hátíða-
höldunum. Ekki er ólíklegt að ein-
hverjir hafi haldið að einmitt þenn-
an dag væri verið að halda upp á
stórafmæli eða stórviðburð í sögu
viðkomandi fyrirtækis eða fyrir-
tækja.“
„Ég get tekið undir það, í því til-
efni sem hér um ræðir, að þá hafi
menn gengið of langt. Ég get við-
urkennt það hér að mér brá mjög í
brún þegar ég opnaði mín blöð að
morgni 17. júní og sá þar þessar
fyrirferðarmiklu auglýsingar,“ sagði
Árni Þór Sigurðsson, forseti borg-
arstjórnar og borgarfulltrúi R-list-
ans.
Anna Kristinsdóttir, formaður
þjóðhátíðarnefndar og borgar-
fulltrúi, sagði að fulltrúi sjálfstæð-
ismanna í nefndinni hefði ekki gert
neinar athugasemdir við að fyrir-
tæki kæmu að kostun hátíðahald-
anna. Hún sagði þennan hátt við-
hafðan við marga atburði sem
skipulagðir væru af hálfu borgarinn-
ar. „Ég hefði haldið að það væri
borgarfulltrúunum ánægjuefni
hversu vel fyrirtæki í borginni hafa
tekið í það að verða hér hluti af þeim
hátíðaviðburðum sem við höfum
haft á hverju ári.“
Anna sagði að hátíðin sem sneri
að afmæli sjálfstæðishetju Íslend-
inga, Jóni Sigurðssyni, hefði verið
líkt árum saman. „Sami hátíðleikinn
var yfir dagskránni og venjulega og
ég, og vonandi borgarfulltrúi Vil-
hjálmur Þ. Vilhjálmsson, fylltist
stolti yfir því að vera Íslendingur og
búa í þessu ágæta landi.“
Fjármagnið sem þjóðhátíðar-
nefndin hafði til ráðstöfunar dugði
engan veginn til að standa undir
kostnaði við metnaðarfulla dagskrá,
sagði Anna. Kostun við dagskrána
hefði viðgengist síðan árið 1998 og
enginn gert athugasemdir við það.
Oddviti sjálfstæðismanna sagðist
ekki vera á móti auglýsingum fyr-
irtækja en slíkt magn auglýsinga
eigi alls ekki við á þessum stærsta
og helgasta hátíðisdegi þjóðarinnar.
„Svona gerum við einfaldlega ekki.
Íslenski fáninn á að vera í fyrirrúmi
á sem flestum stöðum og sjást sem
víðast,“ sagði Vilhjálmur.
Forseti borgarstjórnar sagði að
sér brygði ekki við að sjá áberandi
rauðan lit. „En mér brá vissulega að
sjá dagskrá þjóðhátíðardagsins, sem
er skipulagður af Reykjavíkurborg,
á haus og fleti fyrirtækis úti í bæ.“
Af þessu mætti draga lærdóm.
Umræða frá síðustu öld
„Þessi þjóðhátíð tókst afskaplega
vel,“ sagði Alfreð Þorsteinsson,
borgarfulltrúi Reykjavíkurlistans,
og óskaði þjóðhátíðarnefnd til ham-
ingju með framkvæmdina. Aðrir
sem tóku til máls gerðu slíkt hið
sama og töldu hátíðina hafa heppn-
ast vel þrátt fyrir áberandi auglýs-
ingar.
„Ég hef ekki hitt nokkurn mann
sem hefur látið það trufla sig þó að
einhverjir kostunaraðilar hafi komið
að þessari hátíð. Ég hefði vel skilið
oddvita Sjálfstæðisflokksins ef fjall-
konan hefði gengið fram Austurvöll-
inn með auglýsingar í bak og fyrir.
Eða forsætisráðherra eða forseti Ís-
lands hefði verið með uppblásnar
blöðrur. Því var ekki til að dreifa,“
sagði Alfreð og taldi þessa umræðu
vera frá síðustu öld.
„Ég man eftir því í borgarstjórn
fyrir 30 árum að þá voru menn að
rífast um það hvort það mættu vera
auglýsingaskilti á Laugardalsvellin-
um eða ekki. Það voru miklar um-
ræður um þetta. Okkur finnst
hlægilegt í dag að gera slíkt að um-
talsefni.“
Formaður þjóðhátíðarnefndar segir ánægjuefni að fyrirtæki kosti viðburði á vegum borgarinnar
Gagnrýndu „flennistórar“
auglýsingar 17. júní
BÁTARNIR eru víða mattir af
sandblæstri eftir ógnarlegan sand-
storm við Skaftárósa en ræðararnir
þrír hafa ekkert látið á sjá. Leið-
angur þeirra hófst á Seyðisfirði fyr-
ir fimm vikum og á fimmtudag reru
þau Chris Duff, Shawna Franklin
og Leon Sommé inn í Nauthólsvík-
ina. „Við ætlum að þvo fötin okkar,
fara í sturtu og fá okkur kaffi,“
sagði Sommé stuttu eftir að hann
steig á land. Öll eru þau þaulreyndir
kajakræðarar og hafa kennt róður
til margra ára. Duff hefur gefið út
tvær bækur um kajakferðir sínar og
þau Franklin og Sommé reka kajak-
skóla á Orca-eyjum, skammt frá
Seattle í Bandaríkjunum. Franklin
er líka „dálítill“ listamaður og málar
nokkrar myndir í Íslandssigling-
unni.
Að undanskildum sandstorminum
við Skaftárósa hefur leiðangurinn
gengið vel og þau ekki lent í neinum
meiriháttar vandræðum á ferð sinni
fyrir suðurströnd landsins, hættu-
legasta hjalla leiðangursins. Þar er
oft erfitt að lenda bátum vegna
brims og þau fóru því eins sjaldan í
land eins og mögulegt var. Suma
daga voru þau í allt að sjö klukku-
tíma í bátunum sleitulaust. Dagleið-
irnar eru 32–48 kílómetrar. Suma
daga hafa þau ekkert róið og beðið
af sér veður.
Þrír dauðir hvalir
Duff hefur lagt að baki um 25.000
kílómetra í kajak og er m.a. sá eini
sem hefur siglt einsamall í kringum
Írland og Bretlandseyjar. Aðspurð
um hvað sé frábrugðið við að sigla
við Íslandsstrendur segir Duff ein-
stakt að róa meðfram gríðarlöngum
svörtum sandströndum með jökla-
bálka í baksýn, Franklin segir veðr-
ið síbreytilegra en á heimaslóðum
hennar í Washington-ríki og Sommé
minnist á að þau hafi séð þrjá hvali
á leiðinni, sem voru reyndar allir
dauðir. Markverðast er þó fólkið
sem þau hafa hitt. „Það er þetta
sem gerir þessar ferðir mögulegar,
fólkið á staðnum,“ segir Duff. „Við
erum alltaf að hitta ótrúlegt fólk,“
bætir Franklin við. Þremenning-
arnir hafa eignast marga góða vini
hér á landi sem hafa fylgst vel með
ferðum þeirra. Einn þeirra hugðist
róa með þeim frá Þorlákshöfn til
Grindavíkur sem Duff segir að sé
„ágeng“ dagleið. Á leiðinni veiktist
hann hins vegar heiftarlega af sjó-
veiki með tilheyrandi uppköstum og
þróttleysi og urðu Bandaríkjamenn-
irnir að draga hann um 10 km leið
að landi við Strandakirkju.
Síðast fengu þau að kynnast gest-
risni heimamanna í Grindavík þar
sem Hermann Th. Ólafsson tók
þeim með kostum og kynjum. Duff
segir þau hafa komið til bæjarins í
hellirigningu og verið kalt þegar
hann bankaði upp á í vöruhúsi til að
spyrjast fyrir um tjaldstæði í bæn-
um. Hermann hafi gefið sig á tal við
þau en þar sem hann talar ekki
ensku náði hann í dóttur sína sem
sá um að túlka. Án frekari mála-
lenginga bauð hann þeim afnot af
sturtunum í fiskvinnslu Stakkavík-
ur, en Hermann er einn þriggja eig-
enda fyrirtækisins, þurrkherbergi
og „dásamlegu“ eldhúsinu. Hann
bauð þeim heim, gaf þeim ís og
keyrði þau út á Reykjanestá til að
þau gætu séð aðstæður á sigl-
ingaleiðinni. Hringdi auk þess í
nokkra fiskimenn til að fá upplýs-
ingar um hvenær best væri að fara
þarna um. „Þetta er engu líkt,“ seg-
ir Sommé.
Chris Duff, Shawna Franklin og
Leon Sommé stefna að því að ljúka
hringsiglingu sinni um landið í sept-
ember.
Bandarískir kajakræðarar „alltaf að hitta ótrúlegt fólk“
Þvo fötin,
fara í
sturtu og
fá sér kaffi
Morgunblaðið/Arnaldur
Chris Duff, Leon Sommé og Shawna Franklin reru inn í Nauthólsvík í gær.
TENGLAR
..............................................
www.icelandexpedition2003.com
Á SÍÐASTA fundi borgarstjórnar
voru Alfreð Þorsteinsson, Árni Þór
Sigurðsson, Dagur B. Eggertsson
og Steinunn Valdís Óskarsdóttir
kosin í borgarráð fyrir hönd
Reykjavíkurlistans. Stefán Jón
Hafstein, sem sat í ráðinu, var
kjörinn varamaður. Fyrir hönd
Sjálfstæðisflokksins voru Vilhjálm-
ur Þ. Vilhjálmsson, Guðrún Ebba
Ólafsdóttir og Hanna Birna Krist-
jánsdóttir kosin. Björn Bjarnason
gaf sæti sitt eftir þegar hann tók
við embætti dóms- og kirkjumála-
ráðherra.
Árni Þór Sigurðsson var endur-
kjörinn forseti borgarstjórnar,
Steinunn Valdís sem fyrsti vara-
forseti og Alfreð Þorsteinsson
annar varaforseti.
Ólafur F. Magnússon, borgar-
fulltrúi Frjálslyndaflokksins og
óháðra, lagði fram bókun við þetta
tilefni. Sagðist hann svo ósáttur
við vinnubrögð Árna Þórs við
stjórnun borgarstjórnar 16. janúar
sl., þegar hann lagði fram tillögu
gegn virkjanaframkvæmdum á
Austurlandi og þátttöku Reykja-
víkurborgar, að hann sæi sér ekki
fært að styðja kjör hans sem for-
seta borgarstjórnar eins og í fyrra.
Árni Þór áfram for-
seti borgarstjórnar