Morgunblaðið - 21.06.2003, Blaðsíða 16
ERLENT
16 LAUGARDAGUR 21. JÚNÍ 2003 MORGUNBLAÐIÐ
BANDARÍSKUR flutningabílstjóri, sem kveðst
hafa hitt Osama bin Laden, hefur játað aðild að
samsæri um árásir á járnbrautarlestir og Brook-
lyn-brúna í New York og veitt bandarískum yf-
irvöldum upplýsingar um starfsemi hryðjuverka-
samtakanna al-Qaeda, að sögn bandarískra
embættismanna í gær.
Flutningabílstjórinn, Iyman Faris, 34 ára
Ohio-búi, segir í eiðsvarinni yfirlýsingu að hann
hafi hitt bin Laden árið 2000 í þjálfunarbúðum
al-Qaeda í Afganistan og séð liðsmönnum sam-
takanna þar fyrir svefnpokum, farsímum og fleiri
tækjum.
Á yfir höfði sér 20 ára fangelsisdóm
Að sögn bandarískra yfirvalda fékk Faris síðar
fyrirmæli frá Khalid Sheikh Mohammed, þriðja
valdamesta leiðtoga al-Qaeda, um að taka þátt í
annarri hrinu hryðjuverka í New York og Wash-
ington eftir árásirnar 11. september 2001.
„Þetta mál sýnir að mikil hætta steðjar enn að
Bandaríkjamönnum heima fyrir í stríðinu gegn
hryðjuverkastarfsemi,“ sagði John Ashcroft,
dómsmálaráðherra Bandaríkjanna, á blaða-
mannafundi í Washington.
Samkvæmt samkomulagi sem náðist 1. maí og
skýrt var frá fyrir rétti í Alex-
andríu í Virginíu, skammt frá
Washington, játar Faris að
hafa veitt hryðjuverkasamtök-
unum aðstoð. Hann á yfir
höfði sér 20 ára fangelsisdóm
og sekt að andvirði allt að 35
milljóna króna. Dómur verður
kveðinn upp í málinu 1. ágúst.
Faris fæddist í Kasmír og
kom fyrst til Bandaríkjanna í
maí 1994. Hann varð bandarískur ríkisborgari í
desember 1999 og hefur starfað sem flutningabíl-
stjóri í Ohio í nokkur ár.
Í yfirlýsingu, sem Faris undirritaði, kveðst
hann hafa fengið fyrirmæli frá háttsettum for-
ingja í al-Qaeda um að kaupa búnað, líklega log-
suðutæki, til að slíta burðarstrengi Brooklyn-
brúarinnar. Í yfirlýsingunni er foringinn aðeins
kallaður „C-2“ en bandarískir embættismenn
sögðu að átt væri við Khalid Sheikh Mohammed
sem var handtekinn í Pakistan 1. mars og sagður
hafa veitt yfirvöldum miklar upplýsingar um
starfsemi al-Qaeda víða um heim.
Faris kvaðst einnig hafa fengið fyrirmæli frá
hryðjuverkaforingjanum um að kaupa tæki sem
hægt væri að nota til að setja járnbrautarlestir
út af sporinu. Ekkert varð af þessum áformum.
Taldi ólíklegt að hægt væri
að eyðileggja brúna
Í yfirlýsingunni kemur fram að Faris átti
fundi með foringjum al-Qaeda á árunum 2000–
2002 í Afganistan og Pakistan. Faris hafi aflað
sér upplýsinga um Brooklyn-brúna á Netinu og
farið til New York seint á árinu 2002 til að skoða
hana. Hann hafi komist að þeirri niðurstöðu að
mjög ólíklegt væri að „hægt yrði að eyðileggja
brúna með því að slíta strengina“ og sent leið-
togum al-Qaeda skilaboð um það á dulmáli í
tölvupósti.
Áður höfðu samstarfsmenn bin Ladens beðið
Faris að kynna sér litlar flugvélar sem liðsmenn
al-Qaeda gætu notað til að flýja. Faris hafði
skýrt þeim frá því að hann hefði aðgang að flug-
völlum vegna starfs síns sem flutningabílstjóri.
Faris útvegaði einnig al-Qaeda 2.000 svefn-
poka sem fluttir voru til Afganistans og sendi
Mohammed farsíma og reiðufé. Þá er hann sagð-
ur hafa aðstoðað sex liðsmenn al-Qaeda við að
komast með flugvél frá Bandaríkjunum til Jem-
ens.
Bandarískur flutningabílstjóri játar aðild að samsæri um hryðjuverk
Áformuðu árásir á lestir og
Brooklyn-brúna í New York
Washington. AP.
Iyman Faris
BANDARÍSKA dagblaðið The
Christian Science Monitor skýrði frá
því á vefsíðu sinni í gær að frétt blaðs-
ins um að stjórn Saddams Husseins
hefði greitt
breska þingmann-
inum George
Galloway andvirði
10 milljóna doll-
ara, rúmra 730
milljóna króna,
hefði byggst á
skjölum sem
reynst hefðu föls-
uð.
Galloway
kvaðst í gær vera „fórnarlamb sam-
særis“ um að ófrægja hann með ásök-
unum um að hann hefði þegið peninga
fyrir að ganga erinda stjórnar Sadd-
ams á Vesturlöndum og krafðist þess
að Tony Blair, forsætisráðherra Bret-
lands, hæfi rannsókn á málinu. „Ég
vil fá að vita hver falsaði þessi skjöl,“
sagði hann. „Ég krefst þess að for-
sætisráðherrann, sem leiðtogi her-
námsliðsins, rannsaki samsærið.“
Áður hafði The Christian Science
Monitor beðið Galloway afsökunar á
fréttinni en hann kvaðst ekki fallast á
afsökunarbeiðnina.
„Þegar nýjar upplýsingar vöktu
efasemdir um skjölin hófum við víð-
tæka rannsókn sem lauk í vikunni og
leiddi í ljós að það er nánast öruggt að
skjölin eru fölsuð,“ sagði ritstjóri The
Christian Science Monitor, Paul Van
Slambrouck, í athugsemd sem fylgdi
frásögn blaðsins af rannsókn þess.
Blaðið skýrði frá því 25. apríl að
það hefði fengið skjöl sem fundist
hefðu í húsi Qusays Husseins, annars
sona Saddams, í Bagdad og þau
sýndu að stjórn Saddams hefði heim-
ilað sex greiðslur til Galloways frá júlí
1992 til janúar sl., alls að andvirði 10
milljóna dollara. Blaðið sagði að for-
ingi í Lýðveldisverðinum, úrvalssveit-
um Írakshers, hefði fundið skjölin.
Meðal annars kom fram í fréttinni
að í skjali frá janúar sl. væri heimiluð
greiðsla að andvirði þriggja milljóna
dollara, 220 milljóna króna, til Gallo-
ways fyrir „kjarkmikla og djarfa and-
stöðu hans gegn óvinum Íraks, á borð
við Tony Blair, forsætisráðherra
Bretlands, og baráttu hans á breska
þinginu gegn svívirðilegum lygum um
þolinmóða þjóð okkar“.
Hyggur á málshöfðun
Galloway beitti sér mjög gegn
hernaðinum í Írak og fór þangað oft
fyrir stríðið en hefur alltaf neitað því
að hafa þegið fé af stjórn Saddams.
Hann lýsti frétt The Christian
Science Monitor sem „fjarstæðu og
ósannindum“.
Breska dagblaðið The Daily Tele-
graph birti í apríl frétt um að stjórn
Saddams hefði greitt Galloway sem
svarar tæplega 45 milljónum króna
árlega. Blaðið sagði að af minnisblaði
sem hefði fundist í íraska utanríkis-
ráðuneytinu í Bagdad mætti ráða að
Galloway hefði beðið Íraka um meiri
peninga en Saddam hefði talið að ekki
væri hægt að verða við óskum þing-
mannsins.
The Daily Telegraph birti síðast
frétt um málið á miðvikudag og sagði
þá að Galloway hefði staðfest að hann
hefði verið í Írak á degi sem blaðið
sagði að skjöl þess sýndu að hann
hefði átt fund með fulltrúa írösku
leyniþjónustunnar.
„Ég er ekki í stöðu til að geta sagt
að þessi skjöl [The Daily Telegraph]
séu fölsuð, en ég get fullyrt að þau eru
ósönn,“ hafði blaðið eftir Galloway.
The Christian Science Monitor
kvaðst hafa fengið skjöl sín frá her-
foringjanum Salah Abdel Rasool og
sagði að frumrannsókn á skjölunum
hefði bent til þess að þau væru óföls-
uð. Rannsókn á bleki þeirra hefði hins
vegar leitt í ljós að tvö skjalanna, sem
voru með elstu dagsetningarnar og
sögð rituð á árunum 1992 og 1993,
væru í reynd aðeins nokkurra mán-
aða gömul. Blaðið sagði að nýjasta
skjalið, frá janúar síðastliðnum, virt-
ist hafa verið ritað á þeim tíma.
Galloway hyggst höfða meiðyrða-
mál á hendur The Daily Telegraph og
The Christian Science Monitor.
Verkamannaflokkurinn í Bretlandi
hefur hafið rannsókn á málinu og
ákvað 6. maí að víkja þingmanninum
úr flokknum þar til henni lýkur.
Skjöl um greiðslur
Íraka til Galloways
voru fölsuð
Breski þingmaðurinn krefst
rannsóknar á málinu
Boston, London. AP, AFP.
George Galloway
ÍSRAELSMAÐUR lét lífið og þrír slösuðust, þar af
tveir illa, í árás sem gerð var á ísraelska bifreið á Vest-
urbakkanum í gær. Við árásina missti bílstjórinn stjórn
á bílnum sem valt og kastaðist út í nærliggjandi skurð.
Skotárásin var gerð á sama tíma og Colin Powell, utan-
ríkisráðherra Bandaríkjanna, hitti Ariel Sharon, for-
sætisráðherra Ísraels, og fleiri háttsetta menn í Mið-
Austurlöndum.
EPA
Einn féll í skotárás á Vesturbakkanum
ÁHRIFAMIKILL múslimaklerkur í
Íran hvatti í gær til þess að tekið yrði
af fullri hörku á
þeim mönnum
sem skipulagt
hefðu götumót-
mæli í Teheran
undanfarna tíu
daga. Sagði hann
að líta ætti á
„óeirðaseggi“
sem handteknir
hafa verið sem
„óvini Guðs“ –
sem myndi þýða að viðkomandi ættu
yfir höfði sér dauðadóm.
Mohammad Yazdi erkiklerkur er
einn af áhrifamestu mönnum í Íran.
„Ég bið yfirmann dómsmála og rík-
issaksóknara í Íran að sýna þessu
fólki enga vægð þar sem það stefndi
öryggi Írans í voða,“ sagði Yazdi við
bænagjörðir í Teheran í gær.
Tilmæli Yazdis koma á sama tíma
og svo virðist sem þessi nýjasta alda
mótmæla gegn klerkastjórninni í Ír-
an hafi að mestu fjarað út. Lögreglan
hefur brugðist hart við óróanum og
hafa hundruð manna verið handtekin.
Pútín ber klæði á vopnin
Yazdi varaði Bandaríkin jafnframt
við því að Íranar myndu ekki láta
buga sig. Íranar hafa hafnað kröfum
um að þeir heimili aukið eftirlit með
kjarnorkuverum sínum en Banda-
ríkjamenn saka þá um að hafa í
hyggju að búa til kjarnorkusprengju.
Var haft eftir John Bolton, varautan-
ríkisráðherra Bandaríkjanna, í gær
að Bandaríkin áskildu sér réttinn til
að grípa til hernaðaraðgerða gegn Ír-
an vegna kjarnorkuáætlunar stjórn-
valda þar. Slíkar hugmyndir væru þó
alls ekki uppi á borðum nú um stund-
ir.
Vladímír Pútín Rússlandsforseti
sagði hins vegar á fréttamannafundi í
Moskvu að Mohamed Khatami, for-
seti Írans, hefði fullvissað sig um að
Íran hefði engin áform um að þróa
kjarnorkuvopn.
Tekið verði á mótmæl-
endum í Íran af hörku
Bandaríkjastjórn
áskilur sér rétt til
hernaðaraðgerða
gegn Íran
Teheran, London, Moskvu. AFP.
Mohammad Yazdi
AÐ MINNSTA kosti sex lögreglu-
menn og tveir hryðjuverkamenn
týndu lífi í gær þegar vörubifreið
hlaðin sprengiefni var sprengd í loft
upp við stjórnarráðsbyggingu í
Grosní, höfuðstað Tétsníu.
Vakhid Tepkayev, embættismaður
Tétsníustjórnar, sagði, að húsakynni
dómsmálaráðuneytisins og stofnunar,
sem ynni gegn skipulögðum glæpa-
samtökum, væru rústir einar eftir
sjálfsmorðsárásina. Annar embættis-
maður sagði, að sex lögreglumenn
hefðu farist í sprengingunni en aðrir
embættismenn vildu ekki staðfesta
það og sögðu sumir, að enginn hefði
týnt lífi en 25 manns særst.
Tepkayev sagði, að hryðjuverka-
mennirnir hefðu trúlega ætlað sér að
sprengja upp aðalstjórnarráðsbygg-
inguna en líklega hefði sprengjan
spungið of snemma, eða þegar þeir
áttu ófarna um 700 metra að henni.
Myndaðist mikill gígur þar sem bíll-
inn sprakk en áætlað er, að um hálft
annað tonn af TNT-sprengiefni hafi
verið í honum. Vladímír Pútín, forseti
Rússlands, sagði í gær, að þrátt fyrir
hryðjuverkið væri stefnt að því að
halda forsetakosningar í Tétsníu sem
fyrst. „Því fyrr sem lögleg stjórn tek-
ur við völdum í landinu, því betra,“
sagði hann.
Hryðjuverk
í Tétsníu
Achkmoi Martan. AFP.