Morgunblaðið - 21.06.2003, Blaðsíða 40

40 LAUGARDAGUR 21. JÚNÍ 2003 MORGUNBLAÐIÐ






 


 

  
   


    


 


    
!
" 

BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
SÍÐASTLIÐINN föstudag, 12. júní,
birtist grein eftir Jónínu Benedikts-
dóttur íþróttafræðing hér á síðum
Morgunblaðsins en fyrirsögn grein-
arinnar er: Botninum náð. Megin-
inntak greinar hennar er bollalegg-
ingar vegna frétta undanfarið um
barnaklám og sitja greinilega í
greinarhöfundi nýlegar fréttir vegna
seinasta máls af þessum toga.
Margt í greininni get ég tekið und-
ir og virðumst við greinarhöfundur
sammála um andstöðu okkar við
barnaklám. Slíkt ofbeldi gagnvart
börnum er svívirðilegt og ber að
vinna stöðugt og markvisst að því að
uppræta slíka starfsemi.
Það var hins vegar ein setning í
grein Jónínu Ben. sem ég hnaut um
og varð að lesa aftur og aftur yfir til
þess hreinlega að skilja hvað höfund-
ur greinarinnar á við. Hún er að tala
um einkenni barnaníðinga og segir:
„Trúleysi, siðleysi og illmennska ein-
kennir alla þá sem viðhafa og geta
framkvæmt slík ódæðisverk, þ.e. að
svipta börn sakleysinu og sjálfsvirð-
ingunni eða réttara sagt að taka
börn af lífi.“ (áherslumerking er
undirritaðs).
Ég er sammála geinarhöfundi um
siðleysið og illmennskuna en ég vil
leyfa mér að mótmæla harðlega
þeirri staðhæfingu Jónínu að trú-
leysi sé það sem einkennir hóp
barnaníðinga. Ég tel að Jónína hafi
með skrifum sínum móðgað mig og
aðra trúleysingja. Hefur Jónína ein-
hverjar sannanir fyrir því? Eru ein-
hverjar nýjar rannsóknir sem benda
til þess að trúleysingjar séu upp til
hópa barnaníðingar? Þessi staðhæf-
ing greinarhöfundar minnir mig á
umræðu um samkynhneigða fyrir 10
árum og meint siðleysi þeirra, m.a.
að þeir væru barnaníðingar, en sem
betur fer heyrast slíkar raddir nú-
orðið einungis frá öfgahópum trúar-
ofstækismanna hér á landi (að und-
anskildu Kópavogsmálinu nú ný-
verið).
Samkvæmt þeim skrifum sem
birst hafa að undanförnu um mál
barnaníðingsins kemur fram að hann
hafi verið virkur í starfi KFUM og
Óháða safnaðarins auk þess að hafa
verið í kirkjukór! Að því gefnu að það
sé einhver sannleikur í þessum skrif-
um stemmir það ekki við staðhæf-
ingar Jónínu Ben. Ekki ætla ég mér
þó að halda því fram að það sem ein-
kennir barnaníðinga sé kristin trú
þeirra og starf innan kirkjunnar. Þá
væri ég kominn ansi langt í að
stimpla ALLT kristið fólk sem
barnaníðinga. Það er það seinasta
sem mér dettur í hug.
Sjálfur er ég trúlaus en alls ekki
siðlaus hvað þá illmenni eins og stað-
hæft er. Það ber hins vegar stundum
við að ruglað er saman trúleysi og
siðleysi hvort sem það er nú gert
meðvitað eður ei. Sama fólk telur
einnig kristilegt siðgæði vera eina
siðgæðið sem til er en það er einnig
rangt. Seinast þegar ég sá slíkar
staðhæfingar um trúleysingja, sem
Jónína viðhefur í grein sinni, var nú
um jólin í viðtali við biskup Íslands.
Jónínu og biskupnum vil ég til upp-
lýsingar benda á að siðfræði varð til
löngu á undan kristninni.
Ég hef t.d. alið börn mín upp í
þeirri siðfræði sem Jónína og bisk-
upinn telja mig skorta. Mín siðfræði
snýst t.d. um að virða beri skoðanir
annarra, að ekki skuli deyða mann,
að það sé rangt að kúga fólk sem hef-
ur annan litarhátt en ég eða hefur
aðra kynhneigð. Í minni siðfræði er
einnig talað um að virða trú eða lífs-
skoðun annarra hver svo sem hún er.
Hins vegar er einnig talað um að
berjast fyrir mannréttindum s.s.
gegn trúarkúgun hvort sem um er að
ræða trúarlögreglu sem sums staðar
tíðkast í ríkjum islamista og kröfu
þeirra um að konur hylji allan líkama
sinn eða ítökum og áhrifum einnar
trúardeildar í skólakerfi eins og er
hér á landi.
Þar sem ég tel að Jónína Bene-
diktsdóttir íþróttafræðingur hafi
farið offari í staðhæfingu sinni og
móðgað stóran hóp sem trúleysingj-
ar eru krefst ég þess að hún biðji alla
trúleysingja afsökunar á þessum
orðum sínum eða leggi ella fram
sannanir fyrir því að barnaníðingar
séu upp til hópa trúleysingjar. Það
er lágmarkskrafa mín.
BJARNI JÓNSSON,
Skeiðarvogi 101, Reykjavík.
Jónína Ben.
á botninum
Frá Bjarna Jónssyni:
Í GREIN undir fyrirsögninni „Alcoa
byggir upp álver í Brasilíu“ í Við-
skiptablaði Mbl. fimmtudaginn 12.
júní kemur fram að Alcoa greiðir í
dag sem svarar 22 bandaríkjadölum
fyrir raforku á hverja megawatt-
stund í Brasilíu. Þetta verð er 37,5%
hærra en það sem Alcoa hefur samið
um vegna Reyðaráls.
Nú háttar svo til að vegna gróður-
húsaáhrifanna og fleiri þátta er
nokkuð gefið að verðmæti orku í
heiminum á eftir að aukast. Að und-
irbjóða orkuverð í dag með langtíma-
samningum getur því tæpast þýtt
annað en að verið sé að hlunnfara ís-
lenska þjóð, bæði nú og til frambúð-
ar. Ef þetta er rétt þá standa hinir
vísu sérfræðingar hjá Landsvirkjun
sig mjög vel við að tryggja hag okkar
í framtíðinni. Snjallt að leyfa banda-
rískum auðhringum að arðræna okk-
ur og börnin okkar!
Samtímis er reynt að halda í smá
aura með áframhaldandi veru banda-
rísks hers. Kemur sá her til með að
verja okkur gegn Bandaríkjunum?
Man enginn Nixon, Pinochet, Chile
og koparinn? Allende var kjörinn lýð-
ræðislegri kosningu! Og hvað með
það?
HILMAR HARÐARSON,
Sléttahrauni 29, 220 Hafnarfirði.
Góð frammistaða
Friðriks Sophussonar
Frá Hilmari Harðarsyni: