Morgunblaðið - 21.06.2003, Blaðsíða 48

FÓLK Í FRÉTTUM
48 LAUGARDAGUR 21. JÚNÍ 2003 MORGUNBLAÐIÐ
Frosti. „Hvort sem fólki finnst það
gott eða slæmt erum við ánægðir
með útkomuna. Við þurftum ekkert
að vanda okkur við það að breyta um
stíl. Við bara héldum áfram að gera
það sem við vorum að gera,“ segir
hann.
Bara fimm manna klíka
Krummi bendir á að þrjú ár séu
liðin frá síðustu plötu. „Við höfum
haft þennan tíma til að eldast og
þróast. Við ætlum ekki að vera að
gefa út sömu plötuna tvisvar.“
„Þegar við byrjuðum vorum við
frá 17 ára upp í 20 ára, núna erum við
allir fullorðnir menn,“ segir Frosti.
Mínus-liðar skapa tónlistina í sam-
einingu. „Tónlistin verður öll til í æf-
ingarhúsnæðinu okkar. Þetta er allt
gert í sameiningu,“ segja þeir. „Við
erum bara fimm manna klíka og þess
vegna, með þessa plötu, vildum við
ekki vera partur af einhverri senu
heldur búa til okkar eigið dæmi. Og
halda þeim fána hátt uppi eins lengi
og við getum,“ segir Krummi.
Mikil breyting hefur orðið á
söngnum á milli platna. „Það er eig-
inlega stökkbreytingin,“ segir Frosti
og tekur Krummi undir það. „Ég hef
alltaf viljað reyna á mig sem söngv-
ara,“ segir Krummi og bætir við að
aðeins sé hægt að komast ákveðið
langt með þeim söngstíl sem var ráð-
andi á fyrstu tveimur plötunum,
söngstíl sem einhverjir myndu líkja
við öskur.
Verður að trúa
á hljómsveitina
Upptökuferlið er krefjandi. „Það
er alltaf erfitt að taka upp plötu, sér-
staklega þegar miklar væntingar eru
gerðar til manns. Og við setjum okk-
ur enn hærri markmið,“ segir
Krummi.
„Við vildum gera plötu sem hljóm-
aði miklu betur en síðasta plata,“
segir Frosti og bætir við að hljóm-
sveitin verði að hafa sjálfsöryggi í
því sem hún gerir.
„Þú verður að trúa á hljómsveitina
og trúa á það sem þú ert að gera,“
tekur Krummi undir.
„Við vissum að værum með gott
efni í höndunum en vorum hræddir
um að það myndi ekki hljóma eins
vel og við vildum,“ segir Frosti.
Bibbi Curver og Ken Thomas, sem
stýrðu upptökum, hjálpuðu þeim að
koma barninu í heiminn, heilbrigðu
barni, sem foreldrarnir eru ánægðir
með. Þeir segja að Bibbi hafi lagt á
sig mikla vinnu við að gera plötuna
og að samstarfið hafi verið gott. „Og
okkur líður vel í kringum hann og að
vinna með honum,“ segir Krummi og
þeir leggja áherslu á að hann sé fús
HLJÓMSVEITIN Mínussendi nýlega frá sér plöt-una Halldór Laxness viðgóðan orðstír. Sveitin er
enn fremur nýkomin úr tónleika-
ferðalagi frá Bandaríkjunum, sem
varð reyndar þremur vikum styttra
en áætlað var vegna handleggsbrot-
ins bassaleikara. „Bassaleikarinn
okkar slasaði sig upphaflega í Bret-
landi í apríl. Þetta leit ekki allt of vel
út en við fórum samt til Ameríku og
honum versnaði þar,“ segir Frosti
gítarleikari, en ástandið lýsti sér
með bólgum og ígerð og læknir í
Texas vísaði honum umsvifalaust
heim.
Þetta var þó engin fýluferð vestur
um haf. Sveitin var búin að vera í
þrjár vikur á tónleikaferðalaginu og
spila á um 20 tónleikum en þar á
undan heimsótti hún Bretland, nán-
ar tiltekið í apríl. „Það var miklu
fleira fólk á tónleikunum í Banda-
ríkjunum en Bretlandi en harð-
kjarnasenan þar er stór,“ segir
Frosti en bæði gott og slæmt fylgir
senunni.
Ofbeldi á tónleikum
„Það var rosalega mikið ofbeldi á
tónleikunum og „macho“ gaurar að
koma á staðinn og sýna hversu mikl-
ir töffarar þeir eru,“ segir Krummi
söngvari en hann og Frosti taka að
sér að svara fyrir hönd hjómsveit-
arinnar. „Fólk fékk ekki alltaf tæki-
færi til að njóta tónlistarinnar. Mað-
ur varð virkilega niðurdreginn þegar
maður sá þetta,“ segir Frosti.
Þeir segja samt að fólk hafi verið
rólegra þegar þeir spiluðu og fylgst
betur með tónlistinni enda hafi hún
skorið sig úr. Eins og margir vita
hefur Mínus tekið stefnubreytingu
frá síðustu plötu enda þrjú ár síðan
Jesus Christ Bobby kom út en fyrsta
platan sem strákarnir sendu frá sér
var Hey Johnny! árið 1999.
Þeir segja að hluti tónleikagest-
anna hafi þekkt eldra efni þeirra en
Halldór Laxness kom ekki út í
Bandaríkjunum fyrr en 17. júní.
„Það voru einhverjir sem stóðu
fremst við sviðið og voru að garga
textana,“ segir Frosti. Þeir segja að
nýja efnið hafi farið vel í áhorfend-
urna, ekki síst hjá þeim sem þekktu
til sveitarinnar fyrir.
„Við blönduðum gömlu lögunum
við nýju lögin,“ segir Krummi. „Við
höfðum ekkert spilað af gamla
„stöffinu“ úti áður,“ segir hann.
Leggjum okkur alla fram
„Við erum búnir að fá jákvæð við-
brögð á þessa stílbreytingu, eins og
sumir segja að þetta sé,“ segir
Frosti. „Við stefndum alltaf á að
gera eitthvað sem við gætum verið
stoltir af,“ segir hann.
„Það þýðir ekkert að gera þetta
með hangandi hendi,“ segir Krummi.
„Þegar við gerum eitthvað sem
hljómsveit leggjum við okkur alla
fram og gerum það 110%, reynum að
gera þetta af einlægni,“ segir hann.
„Mér finnst það skýrt á þessari
plötu að þetta sé okkar eigið „stöff“,
þetta er engin eftiröpun,“ segir
til að stunda tónlistartilraunir, sem
er þeim að skapi. Ken Thomas kem-
ur síðan með reynsluna inn í upp-
tökuferlið. „Reynsla hans mætir til-
raunamennskunni hjá Bibba og það
blandast vel,“ segir Frosti.
Hlátur og grátur
á ferðalögum
Tónleikaferðalög eru nauðsynleg
hverri hljómsveit, eða það finnst
Mínus allavega. „Alveg sama með
hvaða manneskju þú ert, hvort sem
það er systir þín eða mamma þín. Ef
þú ert með einhverjum allan sólar-
hringinn í fleiri vikur þá gerist ým-
islegt. Það er hlátur og grátur og allt
saman,“ segir Frosti um nálægðina
sem myndast á ferðalögunum.
„Þetta styrkir hljómsveitina líka
mikið,“ segir Krummi. „Við verðum
nákomnari hver öðrum,“ bætir hann
við og segir það hjálpa hvað tónlist-
ina varðar. „Það er algjörlega nauð-
synlegt fyrir hljómsveit að gera
þetta,“ segir hann.
„Á svona ferðum þá annaðhvort
springur allt og þið verðið verstu
óvinir og hljómsveitin hættir eða þið
verðið bestu vinir,“ útskýrir Frosti.
Sem betur fer fyrir Mínus og ís-
lenska rokktónlist koma Mínus-liðar
úr svona ferð sem bestu vinir.
Strákarnir viðurkenna samt að
þegar heim sé komið taki þeir stutt
hlé frá hver öðrum og blandi meira
geði við vini, kærustur og fjölskyldu,
allavega í fyrstu. „Og síðan er bara
byrjað að vinna aftur í æfing-
arhúsnæðinu,“ segir Frosti.
Mínus er því í pásu sem stendur
og er ekkert á döfinni strax enda
kláraðist túrinn fyrr en ella. Stefnt
er að því að gera myndbönd og enn
fremur heldur Mínus útgáfutónleika
á næstunni.
Stefnt á útgáfu víðar í Evrópu
Halldór Laxness er komin út í
Bandaríkjunum, Englandi og Íslandi
en leitað er leiða til að gefa hana út
víðar. „Eins og er erum við að skoða
leiðir til að gefa hana út í Evrópu,“
segir Frosti en þeir segjast vera
farnir að hugsa meira um við-
skiptalegu hliðina heldur en áður.
„Við erum að reyna að hugsa aðeins
um okkar hag, meira en plötufyr-
irtækisins,“ segir Krummi.
Dómarnir sem Halldór Laxness
hefur fengið hafa verið góðir, 8/10 í
NME, 9/10 í Metal Hammer og fullt
hús stiga í Kerrang!. Mínus tekst
líka að vera rokkspámenn í eigin föð-
urlandi. „Sem rokkplata kemur Hall-
dór Laxness ... eins nærri því að
verða fulkomin og íslensk rokkplata
hefur komist,“ segir Skarphéðinn
Guðmundsson í dómi í Morgun-
blaðinu. „Það er alltaf gaman að fá
kredit, það finnst öllum listamönnum
þótt þeir vilji ekki viðurkenna það,“
segir Krummi. „En við pössum okk-
ur að gleyma okkur ekki í þessum
góðu dómum heldur erum niðri á
jörðinni,“ segir hann.
Monroe og Campbellsdósir
„Manni þykir líka vænst um ís-
lenskar umsagnir,“ segir Frosti og
tekur Krummi undir það.
Nafn plötunnar er vægast sagt
óvenjulegt. „Þetta er þessi „pop-art“
stefna eins og Andy Warhol stund-
aði,“ segir Frosti og minnist á mynd-
ir Warhol af Marilyn Monroe og
Campbellsdósum í þessu sambandi.
„Þetta er líka til heiðurs Halldóri
Laxness,“ bætir Krummi við en
Sjálfstætt fólk er í uppáhaldi hjá
þeim báðum. „Sjálfstætt fólk er eins
og Mínus-plöturnar, þungt „stöff“,“
segir Frosti.
Útgefandinn var ekkert hrifinn af
hugmyndinni í fyrstu en það bara
styrkti strákana í þeirri ákvörðun að
kalla plötuna Halldór Laxness. „Við
gerum bara það sem við viljum og
treystum á okkar dómgreind og eðl-
isávísun,“ segir Krummi.
„Mínus væri ekki Mínus nema af
því að við höfum treyst okkur sjálf-
um 100% og hlustum ekki á neinn
annan,“ segir Frosti. „Við náðum
líka að sanna fyrir útgefandanum að
þetta væri góð hugmynd,“ segir
Krummi.
Myndir af líkamshlutum strák-
anna í hljómsveitinni prýða plötu-
umslagið, sem er óvenjulegt eins og
nafnið, en á þeim má sjá líkamshluta
í nálægð, eins og auga eða kok. Börk-
ur Sigþórsson tók myndirnar en
strákarnir hafa mikið unnið með
honum. „Þær eru skemmtilega
óþægilegar þessar myndir, segir
Krummi. „Við erum líka skemmti-
lega óþægileg hljómsveit.“
Strákarnir í Mínus komnir úr tónleikaferðalagi
Skemmtilega
óþægileg
hljómsveit
Hljómsveitin Mínus sendi frá sér plötuna Halldór
Laxness í vor. Inga Rún Sigurðardóttir ræddi við
Frosta gítarleikara og Krumma söngvara um
handleggsbrot, stefnubreytingu, háleit markmið,
góða dóma, Andy Warhol og að verða fullorðinn.
Ljósmynd/Börkur Sigþórsson
Fimm mínusar eru plús: Bjössi trommuleikari, Frosti gítarleikari, Krummi söngvari, Þröstur bassaleikari og
Bjarni gítarleikari er hinn samheldni félagsskapur sem gengur undir nafninu Mínus.
TENGLAR
.....................................................
www.noisyboys.net
ingarun@mbl.is
’ Við þurftumekkert að vanda
okkur við það að
breyta um stíl. Við
bara héldum áfram
að gera það sem við
vorum að gera. ‘
lau 21. júní kl. 21,
Félagsh. Herðubreið Seyðisfirði.
Forsala á Seyðisfirði í síma: 8617789
www.sellofon.is
Miðasalan er opin frá kl. 13-18 og fram að sýningu
sýningardaga. Sími miðasölu opnaður kl. 10 virka daga.
Fax 568 0383 - midasala@borgarleikhus.is
Miðasala 568 8000
Litla svið
RÓMEÓ OG JÚLÍA
e. Shakespeare í samstarfi við VESTURPORT
Í kvöld kl. 20 - AUKASÝNING UPPSELT
Sun 22/6 kl. 20 - AUKASÝNING UPPSELT
ATHUGIÐ SÍÐUSTU SÝNINGAR
FORSÝN. ÞRI. 24/6 miðav. 1.500 ÖRFÁ SÆTI
FORSÝN. MIÐ. 25/6 miðav. 1.500 UPPSELT
FRUMSÝN. FIM. 26/6 - KL. 20.00 UPPSELT
2. LAU. 28/6 - KL. 15.00 ÖRFÁ SÆTI LAUS
3. SUN. 29/6 - KL. 17.00 ÖRFÁ SÆTI LAUS
4. FIM. 3/7 - KL. 20.00 ÖRFÁ SÆTI LAUS
5. FÖS. 4/7 - KL. 20.00 ÖRFÁ SÆTI LAUS
6. SUN. 6/7 - KL. 17.00 ÖRFÁ SÆTI LAUS
FASTEIGNIR
mbl.is