Morgunblaðið - 22.06.2003, Blaðsíða 3
MORGUNBLAÐIÐ SUNNUDAGUR 22. JÚNÍ 2003 B 3
hafa borið þaðan dáindisgripi, sem
ekki voru gjörðir af mennskum
höndum.
Ég spyr Valgeir, hvort hann kunni
eitthvað af þessum nágrönnum sín-
um að segja.
„Ég held að þeir séu út um allt,
eðlilegur hluti af tilverunni. Ég spái
ekkert sérstaklega í þetta, sé þá
ekki. En mér finnst ég vita af þeim.
Og mér hefur alltaf fundizt til bóta
að hafa félagsskap!“
Bóndinn á Vatni var alltaf með
hamar í annarri hendinni. „Jörðin er
lítil og við ætluðum að búa með
sauðfé. Á þeim tíma var verið að
breyta úr búmarkinu yfir í fram-
leiðslurétt og okkar hlutur varð held-
ur rýr. Það var því ljóst, að afkoman
yrði ekki tryggð með búskapnum
einum saman. Við urðum að snúa
okkur í aðrar áttir og hjá mér var
nærtækast að setja á mig smíða-
svuntuna. Ég setti upp lítið verk-
stæði á Hofsósi, þar sem ég sinnti
ákveðinni þjónustu fyrir staðinn og
nærsveitirnar. Og heima á Vatni
helltum við okkur út í ferðaþjónustu;
reistum fjögur sumarhús, sem við
leigðum út og líka hesta og báta.
En nú ráðgerum við að selja sum-
arhúsin, því áherzlurnar hafa allar
færzt til Hofsóss.“ Þar leigir Ferða-
þjónustan á Vatni út uppgerð íbúðar-
hús og rekur lítið gistihús.“
– En hvað kom til að þú veðjaðir á
Vestur-Íslendinga?
„Í gegnum smíðavinnuna á Hofs-
ósi kviknuðu hugmyndir um að
bjarga gömlu húsunum. Það byrjaði
allt saman með því, að ég fékk vinnu
við viðgerð á Pakkhúsinu fyrir Þjóð-
minjasafnið. Þar kynntist ég tveimur
stórsnillingum frá Siglufirði; Ágústi
Stefánssyni og Hjálmari Jóhann-
essyni, sem eru skíðagöngugarpar
og Íslandsmeistarar í timb-
urhúsasmíði þori ég að fullyrða. Ég
hef verið svo lánsamur, að þessir
heiðursmenn hafa fylgt mér í gegn
um súrt og sætt í uppbyggingu
húsanna á staðnum.
Hús með reisn og hús í sorg
Í ferðaþjónustunni á Vatni urðum
við vör við Vestur-Íslendinga og það
var ljóst, að enginn leit á það sem sitt
hlutverk að sinna sérstaklega þessu
fólki, sem hafði mjög ákveðnar sér-
þarfir. Því var vísað út og suður, fram
og aftur um ráðuneyti, ráð og nefndir
og enginn vissi í raun, hvað ætti að
gera við þetta fólk.
Mitt fólk fór í stórum stíl vestur
um haf og satt að segja munaði ekki
nema hársbreidd að ég yrði Vestur-
Íslendingur! Systkini langömmu
minnar fóru öll og hennar foreldrar,
en hún var þá orðin nógu fullorðin til
að geta staðið á því að fara ekki.
Mikið af mínu föðurfólki flutti líka
vestur um haf. Flest þetta fólk höfum
við fundið og samband við afkomend-
ur þess er mikið og gott.
Þegar viðgerð á pakkhúsinu lauk,
kom strax margt fólk til að skoða
það. Þessi gestagangur kallaði á við-
brögð, því menn þurftu að komast á
klósett og vildu kaupa sér kaffibolla.
Móðurbróðir minn, Sigmundur
Frans Kristjánsson, keypti þá Vil-
helmshúsið, eða gamla hótelið, og
það var gert upp. Þar er nú veitinga-
stofan Sólvík.
Þegar þessi tvö hús höfðu endur-
heimt sína fyrri reisn og voru orðin
glöð aftur, stóðu nokkur hús í kring
um þau í mikilli sorg. Þá áttuðu menn
sig á því, að þarna var til óvenjulega
heillegur þorpskjarni, sem bauð upp
á ákveðin tækifæri til ferðaþjónustu.
Því varð að skoða hvaða starfsemi
væri hægt að setja í húsin. Hús, sem
hefur ekkert hlutverk, er dauða-
dæmt, því enginn nennir að hugsa
um það.
Málið var því að koma öflugri
starfsemi inn í húsin.“
Valgeir var þá í tengslum við
ferðaþjónustu bænda og komst að
því, að það væri ákveðin starfsemi í
gangi hjá nokkrum Evrópuþjóðum
um vesturferðir og vesturfararann-
sóknir.
„Það voru til stofnanir sem unnu
afurð úr vesturferðunum með því að
búa til menningartengda ferðaþjón-
ustu.
Mér varð fljótt ljóst að vesturfara-
verkefnið passaði ákaflega vel inn í
þann ramma, sem gamli þorpskjarn-
inn á Hofsósi gaf.“
Valgeir fór til Írlands og skoðaði
þessi mál með þeim Þórdísi Egils-
dóttur, starfsmanni ferðaþjónustu
bænda, og Sigríði Sigurðardóttur hjá
Byggðasafni Skagfirðinga. „Við
Ljósmynd/ Þröstur S. Valgeirsson
að sjá hlutina gerast
Morgunblaðið/Kristján
Skógarhlíð 18, sími 595 1000. www.heimsferdir.is
Heimsferðir bjóða þér nú síðustu sætin í sólina í júlí á hreint ótrúlegu
verði. Nú er sumarstemmningin í hámarki á vinsælustu áfangastöðum
Evrópu og aldrei betra að njóta vinsælustu staðanna á fegursta tíma
ársins.
Munið Mastercard
ferðaávísunina
Síðustu sætin
í sólina
í júlí
frá kr. 19.950
með Heimsferðum
Benidorm - 2. og 9. júlí
Verð frá kr. 29.962
M.v. hjón með 2 börn, 2-11 ára, vikuferð,
stökktutilboð. Almennt verð kr. 31.460.
Rimini - 15. júlí
Verð frá kr. 39.962
M.v. hjón með 2 börn, 2-11 ára, vikuferð,
stökktutilboð. Almennt verð kr. 41.960.
Costa del Sol - 9. júlí
Verð frá kr. 39.962
M.v. hjón með 2 börn, 2-11 ára, vikuferð,
stökktutilboð. Almennt verð kr. 41.960.
Barcelona - 10. og 17. júlí
Verð frá kr. 29.950
Flugsæti með sköttum. Almennt verð kr.
31.450.
Verona - 5. júlí
Verð frá kr. 19.950
Flugsæti með sköttum, m.v. 2 fyrir 1,
5. júlí. Almennt verð kr. 20.950.
Mallorka - 7. júlí
Verð frá kr. 39.962
M.v. hjón með 2 börn, 2-11 ára, vikuferð,
stökktutilboð. Almennt verð kr. 41.960.