Morgunblaðið - 23.06.2003, Blaðsíða 5

FRÉTTIR
MORGUNBLAÐIÐ MÁNUDAGUR 23. JÚNÍ 2003 5
Í BRESKUM fréttum í gær var
frá því greint að eigendur Beano
og Dandy-teiknimyndasöguút-
gáfunnar styðji Tim Waterstone
í hugsanlegu tilboði í ráðandi
hluti í verslanakeðjunni Haml-
eys. Yfirlýsing kom frá hollenska
bankanum ING skömmu fyrir
lokun markaða á föstudaginn um
að Waterstone hygðist gera til-
boð í félagið en stjórn þess hefur
þegar samþykkt tilboð frá Baugi
Group.
Eignir Thompson-fjölskyld-
unnar, sem á Beano og Dandy-
útgáfuna, eru metnar á 280 millj-
ónir punda; tæplega 35 milljarða
íslenskra króna.
Thompson-fjölskyldan hefur
áður aðstoðað Tim Waterstone
við fjármögnun, t.d. við stofnun
Waterstone-bókaverslanakeðj-
unnar og kaup á Daisy & Tom
barnafatakeðjunni.Í frétt á vef-
síðu The Daily Telegraph er
greint frá því að í sameiginlegri
yfirlýsingu stjórnenda Hamleys
og Baugs um hugsanlega yfir-
töku Baugs á félaginu komi fram
að ef samningaviðræður hefjast
við aðra aðila þurfi Hamleys að
greiða Baugi 440 þúsund pund
(ríflega 54 milljónir króna).
Samkeppni um yfirtöku á verslanakeðjunni Hamleys
Eigendur teiknimynda-
blaðs styðja yfirtöku
EITT af séreinkennum Íslands,
kleinan, var í aðalhlutverki á Safn-
asvæði Akurnesinga s.l. laugardag
er fyrsta Landsmót kleinusteiking-
arfólks fór fram samhliða Jóns-
messuskemmtum á Akranesi. Úr-
valslið víða að af landinum gerði
sitt allra besta við kleinubaksturinn
í sérstöku tjaldi á Safnasvæðinu. Að
auki hljómuðu ljúf dægurlög sem
lipur harmonikkuleikari lék fyrir
keppendur sem og gesti á þeim
tveimur tímum sem Landsmótið
stóð yfir.
Reynsla Jakobínu Jónasdóttur
frá Hvanneyri í kleinusteikingum
hefur líkast til gert gæfumuninn en
hún var elsti þátttakandi Lands-
mótsins, 74 ára gömul. Dómnefnd
keppninnar var sammála því að
kleinur Jakobínu bæru af að þessu
sinni en alls voru 10 þátttakendur.
Í öðru sæti urðu kvenfélagskonur
frá Hellissandi, þær Ingibjörg
Steinsdóttir og Erla Laxdal Gísla-
dóttir og í því þriðja Guðný Að-
algeirsdóttir frá Akranesi. Um 700
manns komu og fylgdust með
keppninni og sporðrenndu gestir
um 2000 kleinum með kaldri mjólk
– að sjálfsögðu.
Að loknu Landsmóti í klein-
usteikingum fór fram keppni á milli
vinnustaða á Akranesi þar sem
keppt var um titilinn: „Besti, fljót-
asti og skipulagðasti vinnustað-
urinn á Akranesi“. Markmið var að
finna stöðvar sem merktar voru á
kort og staðfesta fundinn með þar-
tilgerðum klippum á sem skemmst-
um tíma.
Morgunblaðið/Sigurður Elvar Þórólfsson
Jóna Adolfsdóttir og Guðrún Viggósdóttir báru sig fagmannlega að á fyrsta
landsmóti kleinusteikingarfólks sem haldið var á Akranesi um helgina.
Kleinur
Jakobínu
þóttu
bera af
Akranesi. Morgunblaðið.
UM 20 klukkustundir tók að gera við
einn af ofnum Járnblendiverksmiðj-
unnar á Grundartanga sem bilaði á
laugardaginn með þeim afleiðingum
að öskugrá reyksúla steig upp frá
verksmiðjunni. Sást hún víða að.
Ingimundur Birnir, framkvæmda-
stjóri framleiðslusviðs verksmiðj-
unnar, segir að reykhreinisbúnaður
hafi bilað með þeim afleiðingum að
kísilryk blandaðist við reykinn. Kís-
ilryk er selt á Japansmarkað og hef-
ur verið notað á Íslandi frá því á átt-
unda áratugnum í sement til að
vinna gegn alkalískemmdum í stein-
steypu. Ingimundur segir kísilryk
ekki hættulegt umhverfi á neinn
hátt, hvorki fólki né dýrum. „Hins
vegar er þetta sjónmengun og við er-
um að tapa peningum á því að sleppa
þessu út,“ segir Ingimundur.
Járnblendiverksmiðjan
Reykur steig
til himins