Morgunblaðið - 23.06.2003, Blaðsíða 25

LANDIÐ
MORGUNBLAÐIÐ MÁNUDAGUR 23. JÚNÍ 2003 25
RÚMLEGA 300 börn og unglingar
fjölmenntu í félagsheimilið á Klifi í
Ólafsvík á tónleika sem hin vinsæla
hljómsveit Írafár hélt.
Var greinilegt að Birgitta Hauk-
dal átti hug og hjarta ungmenna á
staðnum og færðu nokkrir harðir
aðdáendur Birgittu fallegan blóm-
vönd.
Voru börnin frá sér numin með
tónleikana, sungu og dönsuðu af
innlifun er hljómsveitin flutti sín
vinsælustu lög, og ekki var annað
að heyra en börnin kynnu söngtext-
ana utan að.
Valdi Birgitta nokkur börn úr
áheyrendahópnum til að koma upp
á svið og syngja með hljómsveitinni
og vakti það mikla lukku.
Birgitta
átti hug og
hjarta ung-
mennanna
Ólafsvík
Morgunblaðið/Alfons
FLÝTA á endurbótum á hringveg-
inum um Skriðdal og er stefnt að því
að hefja þær strax á næsta ári, í stað
ársins 2006 eins og Vegagerðin hafði
ráðgert.
Þórisá verður sett í stokk undir
veginn og einbreiðum brúm þannig
fækkað um eina á hinum 22 km langa
vegarkafla frá Sandfelli inn að
Breiðdalsheiði. Einnig verður lagt
um 3 km langt slitlag á veginn. Þessi
niðurstaða fékkst eftir viðræður
sveitarstjórna Austur-Héraðs og
Djúpavogshrepps við Vegagerðina á
Austurlandi, en þær höfðu ákveðið
að beita sér fyrir að vegurinn yrði
bættur sem fyrst.
Morgunblaðið/Steinunn Ásmundsdóttir
Hér beygir þjóðvegur 1 inn Skrið-
dal. Í fjarska blasir Sandfellið við.
Hringvegurinn
um Skriðdal
lagfærður
Egilsstaðir
SUMARSTARFSEMI Náttúru-
gripasafnsins í Neskaupstað er haf-
in. Að þessu sinni er boðið upp á
nokkrar nýjungar í starfsemi safns-
ins. En auk hefðbundinna sýninga á
náttúrugripum verður þar vegg-
spjaldasýning um náttúrufar í
Hólmanesfriðlandi, sem verður 30
ára á þessu ári, fróðleikur um bjarg-
dúfur og einkennisplöntur Austur-
lands. Auk þess hefur verið komið
upp barnahorni á safninu þar sem
börnin geta skoðað og handfjatlað
steina og litað myndir af fuglum og
gert fleira skemmtilegt.
Þá hefur aldagömul skóvinnu-
stofa, sem er í viðbyggingu Náttúru-
gripasafnsins, verið opnuð fyrir al-
menning en hún hefur að mestu leyti
staðið óhreyfð síðan skóviðgerðum
var hætt þar fyrir 18 árum. Skó-
vinnustofan var starfrækt af Sig-
mundi Stefánssyni og börnum hans
og er það skósmíðaverkstæði sem á
sér hvað lengsta sögu á Austurlandi.
Skóvinnustofunni var komið á fót ár-
ið 1905 og var hún starfrækt samfellt
til ársins 1985. Meðal muna sem eru
til sýnis í skóvinnustofunni eru gaml-
ar, handstignar saumavélar, kósu-
vélar frá ýmsum tímum, skóvíkkar-
ar, randingsaumingarvél og
plukkarar.
Náttúrugripasafnið verður opið
alla daga í sumar frá 13–17 og að-
gangur er ókeypis.
Morgunblaðið/Kristín Ágústsdóttir
Meðal þess sem sjá má á sýningunni
er gamall skóvíkkari og kósuvél.
Aldar-
gömul skó-
vinnustofa
til sýnis
Neskaupstaður
ÞAÐ var engin smásmíði hjólhýsið
sem stóð á tjaldsvæði Egilsstaða-
bæjar. Tíu metra langt flykki og að
sögn eigandans um 50 m² að innan-
máli.
Það voru þau Stefán Tómasson
og Erla Jóhannsdóttir sem höfðu
„tjaldað“ til einnar nætur á Egils-
stöðum, með börn sín Arnar og Re-
bekku. „Við erum úr Hafnarfirði og
ferðumst mjög mikið,“ sagði Stefán
þegar blaðamaður spurði um ferðir
þeirra. Þau komu í smááföngum frá
Seljavöllum og eru á leið til Ak-
ureyrar, á sinni fyrstu ferð með
hjólhýsið sem var keypt í fyrra.
Hjólhýsið, sem er amerískt,
gengur undir nafninu fimmta hjól-
ið. Stefán segir bílinn sinn og húsið
samanlagt 14,8 m á lengd og húsið
sjálft 9,70 m. „Það eru komin sjö
eða átta svona hjólhýsi á Íslandi á
þremur árum. Hér er svefnpláss
fyrir átta manneskjur, hjónarúm og
sófar um allt, borðstofa, sturta og
klósett, ísskápur, eldavél, bakarofn
og örbylgjuofn, tvö sjónvörp og
annað þeirra 27". Svo er fjögurra
kílóvatta rafstöð ef maður kemst
ekki í rafmagn.“
Hjólhýsið er ekki dregið í beisli
eins og venja er, heldur sett á stól á
pallinum á Ford F350 pallbíl. Stef-
án segir að vissulega þurfi töluvert
öflugan bíl til að draga hjólhýsi af
þessari stærð. „Fordinn er 325
hestöfl, með stóra dísilvél.“ Hann
segist komast nokkuð hratt upp
brekkur og að það sé ekki erfitt að
aka með hjólhýsið aftan í. „Það
heldur alveg ferðinni og maður
keyrir bara eins og maður vill
keyra og finnur lítið fyrir þessu aft-
an í bílnum. Það var samt dálítið
ævintýri að fara yfir Breiðdalsheið-
ina, bæði upp og niður,“ sagði Stef-
án að endingu og bætti við að hugs-
anlega yrði 17. júní tekinn heima í
Hafnarfirði, það færi eftir veðri og
vindum.
Morgunblaðið/Steinunn Ásmundsdóttir
Þau voru býsna ánægð með 50m² hjólhýsið sitt, Erla Jóhannsdóttir og Stef-
án Tómasson með börn sín Rebekku og Arnar. Fjölskyldan hafði viðkomu á
Egilsstöðum í veðurblíðunni og var ferðinni heitið til Akureyrar.
Ekkert mál að
draga tíu metra
langt hjólhýsi
Egilsstaðir
MIKLAR endurbætur hafa staðið
yfir í vetur í Norska húsinu í Stykk-
ishólmi. Jarðhæð hússins hefur verið
færð til upprunalegs horfs, tekinn
hefur verið þar í notkun nýr sýning-
arsalur og Krambúð safnsins hefur
verið færð í stærra og betra rými.
Hitaveita hefur og verið tekin inn í
húsið.
Að framkvæmdum loknum hefur
safnið verið opnað almenningi. Í nýja
sýningarsalnum er sýning með hátt í
40 verkum, nýjum og eldri, olíu-
myndir, vatnslitamyndir, teikningar,
glerverk og vefnaður eftir á annan
tug listamanna sem búa eða hafa bú-
ið í Stykkishólmi. Undirbúningur og
uppsetning sýningarinnar var í
höndum Jóns Svans Péturssonar,
Steinþórs Sigurðssonar og Aldísar
Sigurðardóttur. Á annarri hæð er
sýningin „Heldra heimili í þéttbýli á
19. öld.“ Þar er stuðst við heimildir
sem til eru um innbú og heimilis-
hætti Árna og Önnu Thorlacius sem
létu byggja Norska húsið.
Norska húsið var byggt árið 1832
og er nú byggðasafn Snæfellinga.
Norska húsið er elsta húsið á Snæ-
fellsnesi og er alfriðað. Húsið er opið
daglega frá júní til september kl. 11–
17.
Sumarstarf Norska hússins hafið
Stykkishólmur
Morgunblaðið/Gunnlaugur Árnason
40 verk eftir Hólmara eru á fyrstu sýningunni í nýjum sal í Norska húsinu. Þessir listamenn eiga verk á sýning-
unni: Ingibjörg Ágústsdóttir, Ester Hansen, Gunnar Gunnarsson, Lára Gunnarsdóttir, Sjöfn Haraldsdóttir, Atli
Ingvarsson, Aldís Sigurðardóttir safnstjóri, Ægir Jóhannsson, Steinþór Sigurðsson og Jón Svanur Pétursson.