Morgunblaðið - 24.06.2003, Blaðsíða 38
ÍÞRÓTTIR
38 ÞRIÐJUDAGUR 24. JÚNÍ 2003 MORGUNBLAÐIÐ
DON Nelson sem hefur verið
þjálfari Dallas Mavericks í NBA-
deildinni undanfarin ár hefur
greint frá því að hann muni örugg-
lega þjálfa liðið næstu þrjú árin.
Nelson náði góðum árangri á síð-
asta tímabili með Mavericks en lið-
ið hefur aldrei sigrað í jafnmörgum
leikjum á tímabili og það gerði á
síðustu leiktíð.
TOM Pappas tugþrautarmaður
bætti sinn fyrri árangur í tugþraut
um 199 stig þegar hann bar sigur
úr býtum í greininni á bandaríska
meistaramótinu um liðna helgi.
Pappas fékk 8.784 stig, en áður
hafði hann mest önglað saman
8.585 stigum í þrautinni í Götzis í
Austurríki fyrir þremur vikum þar
sem hann hafnaði í öðru sæti, næst
á undan Jóni Arnari Magnússyni.
PAPPAS fékk m.a. 4.691 stig á
fyrri keppnisdegi. Annar í þraut-
inni á bandaríska meistaramótinu
varð Bryan Clay með 8.482 stig og
Paul Terek varð þriðji með 8.275
stig. Bandaríkjamenn verða því
greinilega með sterka sveit tug-
þrautarmanna á heimsmeistara-
mótinu í París í lok ágúst.
GAMLA brýnið Kip Janvrin læt-
ur engan bilbug á sér finna og varð
fimmti með 7.918 stig. Janvrin hef-
ur tekið þátt í 81 tugþraut á ferl-
inum og náð að ljúka keppni í öll-
um nema tveimur, sem er
einstakur árangur. Janvrin er 38
ára gamall.
LENNOX Lewis hélt heims-
meistaratitli sínum í hnefaleikum
aðfaranótt síðastliðins sunnudags
þegar hann lagði Úkraínumanninn
Vitali Klitschko á tæknilegu rot-
höggi í sjöttu lotu. Klitschko hafði
þó haft yfirhöndina í öllum lotun-
um fram að því. Skurður kom á
augabrún Klitschko sem mjög
blæddi úr og stöðvaði dómarinn þá
bardagann.
KLITSCHKO ætlaði ekki að trúa
sínum eigin augum, stökk upp og
hrópaði: Nei, nei, nei, og hljóp síð-
an í áttina til Lewis eins og hann
vildi halda bardaganum áfram.
Dómararnir þrír voru sammmála
um að Klitschko hefði yfir á stig-
um, 58:56, þegar þetta gerðist en
læknir keppninnar skoðaði skurð-
inn á Klitschko og skipaði Lou
Moret hringdómara að stöðva bar-
dagann. Áhorfendur voru ekki
sáttir við þessa niðurstöðu og
púuðu stöðugt þegar Lewis fagnaði
titlinum.
KLITSCHKO sagði að Lewis
hefði verið hægur og í lélegu formi
og heimtaði að þeir myndu mætast
aftur sem fyrst í hringnum. Lewis
tók ekki illa í það og sagði að hann
gæti vel hugsað sér að berjast aft-
ur við Klitschko. Lewis sagði samt
að það yrði að borga honum háar
fjárhæðir til þess að stíga í hring-
inn aftur á móti Klitschko.
FÓLK
Ég held að allir hérna geri sérgrein fyrir því að það er ekki
sjálfgefið að sigra íslenska mótherja
og í okkar herbúðum verður ekki
um neitt vanmat að ræða. Það hefur
verið mikið fjallað um Grindavík og
Ísland síðan dregið var á föstudag-
inn og þjálfarinn okkar vill fá sem
ítarlegastar upplýsingar um liðið.
Það er ekki ólíklegt að hann fari
fljótlega til Íslands til að fylgjast
með Grindvíkingum í leik. Fyrir
mig er að sjálfsögðu skemmtilegt að
fá í fyrsta skipti tækifæri til að spila
með mínu félagsliði heima á Íslandi,
en það sem skiptir mestu máli er að
við stöndum okkur vel í keppninni
og náum að sigra og komast áfram.
Fyrri leikurinn er á heimavelli okk-
ar í Klagenfurt og það er ákaflega
mikilvægt að við vinnum þar góðan
sigur, annars gætum við átt mjög
erfitt verkefni fyrir höndum í
Grindavík,“ sagði Helgi.
Lið hans kom saman til æfinga í
byrjun síðustu viku og dvelur þessa
dagana í æfingabúðum skammt frá
Klagenfurt. Keppni í austurrísku
úrvalsdeildinni hefst 16. júlí og
Kärnten byrjar þá á sannkölluðum
stórleik, heima gegn tvöföldum
meisturum Austria Vín, en liðin
mættust einmitt í úrslitaleik bikar-
keppninnar um liðin mánaðamót.
Austria sigraði þá, 3:0, en Kärnten
vann hins vegar Austria með sömu
markatölu í úrvalsdeildinni skömmu
áður. Kärnten verður búið með
fjóra deildaleiki áður en Grindvík-
ingar sækja liðið heim til Klagen-
furt 14. ágúst en seinni leikurinn
verður í Grindavík tveimur vikum
síðar.
Helgi Kolviðsson um mótherjana í UEFA-bikarnum
„Ekkert vanmat gagn-
vart Grindvíkingum“
AUSTURRÍSKIR fjölmiðlar telja
að lið Kärnten hafi verið heppið
að dragast gegn Grindavík í for-
keppni UEFA-bikarsins í knatt-
spyrnu. Líkurnar á að Kärnten
komist áfram í 1. umferð keppn-
innar séu yfirgnæfandi. For-
ráðamenn Kärnten hafa verið
varkárari í ummælum sínum og
Helgi Kolviðsson, leikmaður fé-
lagsins, sagði við Morgunblaðið
í gær að þar á bæ litu menn ekki
á Grindavík sem léttan and-
stæðing.
Helgi Kolviðsson í leik með íslenska landsliðinu.
Forráðamenn norska knatt-spyrnufélagsins Lillestrøm sjá
fyrir sér enn frekari fjárútlát ef
Arne Erlandsen, þjálfari liðsins,
teflir Ríkharði Daðasyni reglulega
fram í sumar og haust. Ríkharður
fékk sig losaðan undan samningi hjá
Stoke City síðasta sumar, en með
þeim formerkjum að enska Íslend-
ingafélagið fengi ákveðnar greiðslur
sem miðuðust við leikjafjölda með
Lillestrøm.
Fyrir skömmu fór Ríkharður yfir
fyrsta áfangann og þá fékk Stoke
um 3,5 milljónir króna frá Lillest-
røm. Nú þarf félagið að greiða sömu
upphæð þegar Ríkharður verður bú-
inn að spila sex leiki til viðbótar. Eft-
ir það kemur einn tíu leikja áfangi til
viðbótar en ljóst er að úr þessu næst
hann ekki á þessu tímabili.
Ríkharður var ekki í leikmanna-
hópi Lillestrøm þegar liðið mætti
Sogndal á sunnudaginn en forráða-
menn félagsins bera af sér allar sak-
ir í málinu. „Við vissum ekki að Rík-
harður væri ekki í hópnum fyrr en
við mættum á völlinn, og það er því
engin pressa frá okkur. Hinsvegar
verða allir hjá félaginu að hugsa um
fjármálin og þegar þjálfarinn hefur
tvo áþekka leikmenn að velja á milli
eins og í þessu tilfelli er val hans ein-
falt,“ sagði Per Mathisen, stjórnar-
formaður Lillestrøm, við Nettavisen
í gær.
Lillestrøm er í miklum fjárhags-
örðugleikum og það þarf því ekki að
koma á óvart þótt Erlendsen hugsi
um pyngjuna og tefli Ríkharði að-
eins fram fimm sinnum til viðbótar í
þeim 15 umferðum sem eftir eru í
norsku úrvalsdeildinni. Til þess
þurfa þó aðrir sóknarmenn liðsins að
fara að skora reglulega en Lillest-
røm hefur aðeins unnið tvo af fyrstu
ellefu leikjum sínum og skorað fæst
mörk allra liða í deildinni, tíu talsins.
Ríkharður hefur komið fjórum sinn-
um inn á sem varamaður í fyrstu 11
umferðum deildarinnar en ekki náð
að skora ennþá.
Ríkharður er
enn sparaður
Morgunblaðið/Brynjar Gauti
Fjárhagserfiðleikar Lilleström koma í veg fyrir að Ríkharður
Daðason leiki oftar með liðinu en raun ber vitni.
WIMBLEDON, eitt af fimm
stóru tennismótunum sem
fram fara ár hvert, hófst í
gær. Það sem vakti mikla at-
hygli á fyrsta degi mótsins,
fyrir utan óvænt úrslit, var
að samtök tennisspilara hóta
því að sniðganga stórmótin á
næsta ári verði verðlaunafé
ekki aukið verulega.
Forráðamenn stóru mót-
anna segja að allur ágóði af
þeim renni til grasrót-
arinnar, til þróunarstafs og
kynningar á íþróttinni um
allan heim. Tennisspilarnir
eru ekki sáttir við það og
vilja meira í eigin vasa.
Verðlaunafé á Wimbledon í
ár er sem nemur 1,1 milljarði
króna og verðlaunafé fyrir
sigur í einliðaleik var hækk-
að um 9,5% á milli ára. Sig-
urvegarinn í einliðaleik
karla fær um 400 milljónir
króna en fyrir sigur í einliða-
leik kvenna fær viðkomandi
335 milljónir.
Á Opna franska mótinu,
sem fram fór fyrir tveimur
vikum, kröfðust samtök
tennisspilara 150% hækk-
unar á verðlaunafé og svipað
er upp á teningnum í Eng-
landi núna.
Tennis-
stjörnurn-
ar vilja
meira
MEISTARAFLOKKSLIÐ karla
hjá Stjörnunni í handknattleik er
að fá liðsstyrk þar sem pólskur
markvörður hefur ákveðið að
ganga til liðs við félagið.
Pólverjinn er 28 ára gamall og
hefur leikið undanfarið í Pól-
landi. Gústaf Bjarnason, aðstoð-
arþjálfari Stjörnunnar, telur að
markvörðurinn muni verða
Stjörnumönnum góður liðs-
styrkur.
„Þessi markvörður er stór; ég
er búinn að skoða myndbönd
með honum og hann virkar sem
sterkur markvörður. Sigurður
Bjarnason, þjálfari Stjörnunnar,
hefur leikið með pólskum mark-
verði í Þýskalandi og sá hefur
hælt markverðinum sem er að
koma til okkar,“ sagði Gústaf við
Morgunblaðið.
Gústaf er ánægður með þann
mannskap sem er fyrir hendi í
Garðabænum. „Við erum með
stóran og sterkan mannskap og
ég reikna ekki með að við reyn-
um að fá fleiri leikmenn til liðs-
ins. Við ætlum að byggja á ungu
leikmönnunum sem fyrir eru og
leyfa þeim að öðlast reynslu. Við
erum með mikið af ungum og
efnilegum strákum í Stjörnunni
og ég treysti þeim til þess að
skila góðu hlutverki á næsta
tímabili.“
Stjarnan fær pólskan
markvörð
JÓN Arnar Magnússon, tug-
þrautarmaður úr Breiðabliki, tók
ekki þátt í Evrópubikarkeppn-
inni með íslenska landsliðinu í
Árósum um liðna helgi vegna
meiðsla. Var það skarð fyrir
skildi fyrir íslenska landsliðið. Í
samtali við Morgunblaðið sagði
Jón Arnar að meiðslin væru ekki
alvarleg. Aðeins hefði verið um
lítils háttar tognun að ræða.
Hins vegar hefði ekki verið for-
svaranlegt að taka áhættu á að
meira yrði úr meiðslunum með
því að keppa í Evrópubik-
arkeppninni. Jón Arnar tekur
þátt í alþjóðlegu tugþrautarmóti
í Ratingen í Þýskalandi 12. og
13. júlí. Þá leggur hann áherslu
á að vera upp á sitt besta, enda
er mótið liður í stigakeppni Al-
þjóðafrjálsíþróttasambandsins,
en í henni stendur Jón Arnar vel
að vígi þegar eitt mót er að baki,
tugþrautarmótið í Götzis og er í
þriðja sæti.
„Undirbúningur hefur gengið
vel og þessi smámeiðsli tefja mig
væntanlega ekki neitt,“ sagði
Jón Arnar og horfir bjartsýnn
fram á veginn. Jón Arnar er
annar tveggja Íslendinga sem
hafa tryggt sér þátttökurétt á
heimsmeistaramótinu í París í
lok ágúst. Hinn er Þórey Edda
Elísdóttir stangarstökkvari.
Meiðsli Jóns Arnars
ekki talin alvarleg
Jón Arnar Magnússon