Morgunblaðið - 24.06.2003, Blaðsíða 41
ÍÞRÓTTIR
MORGUNBLAÐIÐ ÞRIÐJUDAGUR 24. JÚNÍ 2003 41
Í tilefni 10 ára afmælis klúbbsins býður afmælisnefnd
öllum að leika golf án endurgjalds alla föstudaga í júní
2003. Völlurinn okkar er krefjandi og margbreytilegur
níu holu völlur með ögrandi, náttúrulegum hindrun-
um, má þar nefna Varmá og Sauðá. Auk þeirra eru
hverir, hraun og tré sem torvelda leiðina. Verið vel-
komin á einstaklega skemmtilegan völl og njótið hans
með okkur.
Stjórn og afmælisnefnd GHG
Afmælistilboð
Golfklúbbs Hveragerðis
Golfmót Víkings og Austurbakka verður haldið á einum glæsilegasta
golfvelli landsins Oddfellowvellinum við Urriðavatn þann 29. júní nk.
Mótið er punktamót. 1. 2. og 3 verðlaun verða veitt bæði fyrir karla og
konur auk tvennra nándarverðlauna á par 3 holum.
Rástími frá kl. 13. Panta þarf rástíma.
Vinsamlega skráið ykkur í tíma í Víkinni, sími 581 3245
eða hjá Erni í síma, 896 6462 eða orngu@simi.is,
Jóhannesi s. 564 1695 eða Sigurði Inga s. 896 3940.
Golfmót Víkings og
Austurbakka
Fulltrúaráð Víkings
AUÐUN Helgason var útnefndur
besti leikmaður Landskrona þegar
liðið gerði 2:2 jafntefli við Helsing-
borg í sænsku úrvalsdeildinni í knatt-
spyrnu í gær. Auðun lék allan leikinn
í stöðu hægri bakvarðar.
ÁSGEIR Sigurvinsson og Logi
Ólafsson landsliðsþjálfarar voru á
meðal áhorfenda til að skoða Auðun
sem síðast fékk að spreyta sig með
landsliðinu í 3:0 ósigrinum á móti N-
Írum í Belfast haustið 2001. „Auðun
stóð vel fyrir sínu. Hann var fastur
fyrir og gerði fá mistök,“ sagði Logi
við Morgunblaðið.
HJÁLMAR Jónsson lék allan tím-
ann í stöðu vinstri bakvarðar hjá
Gautaborg sem gerði 1:1 jafntefli á
heimavelli gegn Sundsvall.
VICENTE del Bosque, þjálfari
Real Madrid, fékk þau skilaboð í gær
að samningur hans við félagið yrði
ekki endurnýjaður en Madridarliðið
fagnaði Spánarmeistaratitlinum í 29.
sinn í fyrrakvöld. Undir stjórn del
Bosque vann Real Madrid Meistara-
deildina tvívegis, 2000 og 2002, og
Spánarmeistaratitilinn árin 2001 og
2003.
MIKE Newell, fyrrv. leikmaður
Blackburn Rovers, hefur verið ráðinn
knattspyrnustjóri enska 2.deildarliðs
Luton Town. Newell tekur við af Joe
Kinnear sem sagt var upp störfum að
loknu nýafstöðnu leiktímabili.
JUAN Sebastian Veron, leikmaður
Manchester United, hefur sagt að sér
myndi ekki koma á óvart ef hann yrði
seldur aftur til Ítalíu. Vitað er að Juv-
entus hefur hug á að fá Verón til liðs
við sig en líklegast er að leikmaðurinn
fari til Inter Milan fari hann frá Man-
chester United á annað borð.
HECTOR Cuber, þjálfari Inter Mil-
an, hefur löngum verið mikill aðdá-
andi landa síns. Cuber vill fá Verón til
liðs við Inter til að stjórna miðjuspili
liðsins.
KNATTSPYRNUMAÐURINN
Teddy Sheringham hefur ákveðið að
ganga til liðs við Portsmouth. Samn-
ingur Sheringhams við Tottenham
rann út í vor og því var leikmanninum
frjálst að fara án greiðslu. Shering-
ham er 37 ára gamall framherji og
hefur gert yfir 300 deildamörk á afar
farsælum ferli.
FÓLKGUÐJÓN Þórðarson, fyrrverandi þjálfari ís-lenska landsliðsins og Stoke City í knattspyrnu,
fer fyrir hópi fjárfesta sem hefur í hyggju að
eignast enska 2. deildarliðið Barnsley. Guðjón
staðfesti þetta í samtali við Morgunblaðið í gær.
Guðjón vildi sem minnst láta hafa eftir sér en
játti því að hafa átt langan fund með Peter
Doyle, stjórnarformanni Barnsley á laugardag
ásamt hugsanlegum fjárfestum. Samkvæmt
heimildum Morgunblaðsins er um að ræða hóp
enskra og íslenskra fjárfesta. Guðjón og félagar
eru ekki einir um að vilja fjárfesta í Barnsley því
Peter Risdale, fyrrverandi stjórnarformaður
Leeds United hefur einnig verið í viðræðum við
Peter Doyle, stjórnarformann Barnsley.
Haustið 1999 leiddi Guðjón hóp íslenskra fjár-
festa í kaupum á Stoke City sem þá var í 2. deild.
Guðjón kom liðinu í 1. deild vorið 2002 en var
ekki boðinn nýr samningur í kjölfarið.
Barnsley er skuldum vafið og vegur þess inn-
an vallar hefur legið niður á við undanfarin ár en
liðið lék í úrvalsdeildinni veturinn 1997/1998.
Hins vegar er völlur félagsins glæsilegur sem og
æfingaaðstæðan sem er fyrsta flokks.
Guðjón fer fyrir hópi
sem vill kaupa Barnsley
Guðjón Þórðarson á meðan hann var við
stjórnvölinn hjá Stoke City.
Steingrímur
frá í 3 vikur
vegna höf-
uðhöggs
STEINGRÍMUR Jóhann-
esson, framherji ÍBV í knatt-
spyrnu, getur ekki leikið
með sínum mönnum næstu
þrjár vikurnar. Steingrímur
fékk þungt höfuðhögg í
leiknum gegn FH í Vest-
mannaeyjum í fyrradag eftir
samstuð við Ásgeir Ásgeirs-
son varnarmann FH-inga og
eftir leikinn var ákveðið að
senda hann með sjúkraflugi
til Reykjavíkur. Þar gekkst
hann undir rannsókn og var
útskrifaður eftir hádegi í
gær.
Að sögn Jónu Dísar Krist-
jánsdóttur, eiginkonu Stein-
gríms, sem Morgunblaðið
spjallaði við í gær kom í ljós
að hljóðhimna í eyra Stein-
gríms sprakk auk þess sem
sprunga myndaðist í höf-
uðkúpu fyrir aftan eyrað og
fyrirskipuðu læknar að hann
mætti ekki spila knatt-
spyrnu næstu þrjár vik-
urnar.
Steingrímur missir af
deildarleikjum ÍBV á móti
Þrótti, KR og ÍA og af bik-
arleik Eyjamanna á móti
Grindvíkingum í næstu viku.
Morgunblaðið/Árni Torfason
Olga Færseth, framherji ÍBV-liðsins, er hér umkringd af þremur fyrrverandi félögum sínum í KR,
Emblu Grétarsdóttur, Sólveigu Þórarinsdóttur og Guðrúnu Jónu Kristjánsdóttur, á KR-vellinum í
gærkvöld þar sem KR-ingar lögðu Eyjakonur örugglega, 3:0.
ENSKA 3. deildarliðið
Northampton hefur sýnt
áhuga á að kaupa íslenska
landsliðsmanninn Ívar
Ingimarsson frá Wolves.
Enska blaðið Express-
&Star greinir frá því að
Northampton hafi í vetur
spurst fyrir um Ívar og
fengið þau skilaboð að hann
væri falur fyrir 50.000 pund
eða rúmar 6 milljónir króna
en nú hafa forráðamenn
Úlfanna sagt söluverð Ív-
ars vera 250.000 pund eða
ríflega 30 milljónir ís-
lenskra króna.
Martin Wilkinson, knatt-
spyrnustjóri Northamp-
ton, segir í Express&Star
að hann sé mjög óhress
með framkomu Úlfanna en
að málið sé ekki dautt af
sinni hálfu.
Ívar gekk í raðir Wolves
í fyrra og gerði þriggja ára
samning við félagið. Hann
lék 12 deildarleiki með lið-
inu í 1. deildinni á síðustu
leiktíð en fékk eftir það fá
tækifæri og var lánaður til
Brighton þar sem hann lék
þrjá síðustu mánuðina á
tímabilinu.
Northampton
vill fá Ívar
Heimsmeistarar Brasilíu-
manna féllu úr leik í Álfu-
keppninni í knattspyrnu í
gærkvöld þegar þeir
gerðu 2:2 jafntefli við
Tyrki í stórskemmtileg-
um leik í St. Etienne.
Tyrkir og Brasilíumenn
hlutu fjögur stig í öðru
sæti á eftir Kamerúnum
en markatala Tyrkjanna
var betri. Tyrkir mæta
Frökkum í undanúrslitun-
um og í hinni viðureign-
inni eigast við Kamerún,
sem gerði markalaust
jafntefli við Bandaríkja-
menn í gær, og Kólumbía.
Brassarnir voru miklu
sterkari í fyrri hálfleik og
Adriano skoraði eina
mark hálfleiksins. Í síðari
hálfleik bitu Tyrkirnir svo
sannarlega frá sér og
heimsmeistararnir áttu í
vök að verjast. Gokdeniz
Karadeniz og Okan Yili-
maz komu þeim yfir en á
lokamínútu leiksins jafn-
aði Alex metin fyrir
Brassana. Ronaldino fékk
svo að líta rauða spjaldið
rétt áður en dómarinn
flautaði til leiksloka.
Tyrkir slógu
út Brassana