Morgunblaðið - 25.06.2003, Blaðsíða 38

38 MIÐVIKUDAGUR 25. JÚNÍ 2003 MORGUNBLAÐIÐ
ÉG er stuðningsmaður þess að geng-
ið verði í Evrópusambandið og eru
margar ástæður fyrir því. Evran er
sterkur gjaldmiðill og myndi valda
byltingu í fjármálum á okkar litla
landi, það er að mínu áliti mikil lyfti-
stöng fyrir alþjóðavæðingu Íslend-
inga að vera í bandalagi við hina víð-
lendu Evrópu með öll sín framfara-
sinnuðu markmið til að sameina
Evrópu og þar með talið Ísland.
Ísland er eyland hér lengst í norðri
og fyrir utan alfaraleið, það eru ekki
nema sérvitringar sem ferðast til
landsins svona að mestu leyti. Þótt
landið auglýsi sig meira og meira
sem hreint land með ómengað vatn
og slíkt, þá taka hinir almennu Evr-
ópubúar ekki mikið eftir því, hvað þá
aðrar þjóðir sem eru kannski í óra-
fjarlægð frá okkur hér í norðrinu.
Nei, við eigum að sækja um aðild
að Evrópusambandinu og taka upp
evruna. Það myndi auglýsa landið
sjálfkrafa í Evrópu og hinn almenni
borgari myndi verða miklu upplýst-
ari um ágæti Íslands þar sem við
værum ein af þeim.
Við myndum njóta góðs af allri al-
þjóðamenningu sem þrífst í Evrópu
sem er svo margt að það tekur því
ekki að telja það upp. Alþjóðavísindi
myndu einnig sækja meira hingað og
þótt við teljum okkur hafa nokkurn
skerf að alþjóðavæðingunni hér þá er
það ekki nema brotabrot af því sem
er að gerast úti í hinum stóra heimi.
Við ættum að leyfa okkur að hugsa
um okkur sem eitt af Evrópusam-
bandslöndunum og fá tilfinningu fyr-
ir því hvað það er að vera í alþjóða-
samskiptum á breiðum grundvelli en
ég held að við gerum okkur almennt
ekki grein fyrir hvernig það er, við
erum smá þjóð og lítið upplýst um
hinn stóra alþjóðaheim. Við förum að
vísu nokkuð út fyrir landsteinana en
þá aðalega til að sleikja sólina á sól-
arströnd, menn verða ekki mikið
varir við alþjóðamenninguna og al-
þjóðaheim í slíkum utanferðum.
Ég vil að við Íslendingar gerum
okkur betri grein fyrir hinum alþjóð-
lega heimi en við gerum nú. Við ætt-
um að ganga í Evrópusambandið og
taka upp evruna og upplifa okkur
sem hluta af alþjóðaheiminum.
BJARNI ÞÓR ÞORVALDSSON,
listamaðurinn B. Thor.,
Asparfelli 12,
111 Reykjavík.
Evran og alþjóða-
menningin
Frá Bjarna Þór Þorvaldssyni:
AF og til birtast greinakorn í dag-
blöðum um lélegt umferðareftirlit
lögreglunnar. Þessi skrif hafa greini-
lega lítil áhrif haft hingað til. Ég trúi
því samt að dropinn holi steininn og
munda því hér með pennann.
Löggæsla í umferðinni á höfuð-
borgarsvæðinu er til háborinnar
skammar. Á hverjum einasta degi, og
oft á dag, sér maður t.d. fólk aka yfir á
rauðu ljósi eða hunsa bið- eða stöðv-
unarskyldu. Hægt er um vik þar sem
lögbrjótarnir vita að lögreglan er víðs
fjarri.
Lögbrjótarnir eru ótalmargir og
mismunandi. Fjölmargir glíma við
stefnuljósafötlun, eru lesblindir á
hraðamæla eða með Bakkus í bílnum.
Enn fleiri hitta ekki í bílastæði og
leggja því uppi á gangstéttum eða í
innkeyrslum. Síðan eru það þeir átta-
villtu sem vita ekki hvort þeir eru á
vinstri eða hægri akrein eða kunna
ekki að leggja í rétta akstursstefnu í
götum. Og ekki skal gleyma þeim sem
eru hættir að nota handfrjálsa
gemsabúnaðinn (enda allt nýjabrum
farið af græjunum sem voru jólagjöf-
in í hitteðfyrra). Það skrítnasta við
umferðarnördana er að þeir eru á öll-
um aldri og úr öllum stéttum: 17 ára
óagaðir villingar sem vita allt og
kunna allt, ungar konur með dýr-
mætu börnin sín á leið í fimleika eða
tónheyrnartíma, ráð- og skuldsettir
miðaldra einbýlis- og sumarbústaða-
eigendur á Land Cruiser, iðnaðar-
menn á gömlum Lödum, flutningabíl-
stjórar, gamlir karlar með og án
hatta, miðaldra konur í fínum drögt-
um á leið í fótsnyrtingu, lúnir fram-
haldsskólakennarar í flauelsbuxum,
grænmetisætur á leið í jógaleikfimi
og jakkafatauppar að tala í símann.
Ein ákveðin hugsun tengir þennan
mislita hóp og sú hugsun er þessi: ÉG
er að keyra og ÉG keyri eins og mér
sýnist og ÉG Á ALLAN RÉTT og
mér er SKÍTSAMA um þá sem eru í
kringum mig – sem sagt ÉG VIL OG
ÉG MÁ. Þetta sama fólk vælir og
kvartar undan háum bifreiðatrygg-
ingum en virðist ekki átta sig á því að
þeirra eigið tillitsleysi, sofandaháttur
og hálfvitaskapur í umferðinni er ein-
mitt orsök þess að bifreiðatryggingar
eru hærri en þær þyrftu að vera.
Ég get vel skilið að lögreglumenn
vilji frekar sitja á stöðinni og spila
Kana en að eltast við þessi fötluðu
umferðarfól. Það sem mér er hins
vegar fyrirmunað að skilja er að lög-
reglumenn skuli aldrei hafa hugleitt
að fara sömu leið og flugfreyjur í
kjaramálum. Þær fá prósentur af
söluverði þess varnings sem troðið er
upp á flugfarþega nú til dags. Hafa
lögreglumenn aldrei hugleitt hvílíkan
aukabónus þeir gætu haft upp úr því
að semja um fasta prósentu af sekt-
argreiðslum? Lögreglumenn eru
nefnilega víst ekkert alltof sælir með
launin sín. Ég rölti um hverfið mitt í
gærkvöldi og taldi bíla sem lagt var í
ranga akstursstefnu í tveimur húsa-
götum. Lögreglumaður sem hefði
fórnað 15 mínútum í að sekta bíla í
þessum götum hefði haft um 32 þús-
und krónur upp úr krafsinu, og þá er
ég eingöngu að tala um umboðslaun-
in. Það eru dágóð laun miðað við
vinnutíma. Gaman væri ef þessi til-
laga mín hlyti hljómgrunn og yrði
borin undir atkvæði á næsta lögreglu-
þingi. Ávinningurinn væri ekki bara
lögreglumanna, heldur einnig okkar
sem viljum að lög og regla ríki í um-
ferðinni.
RAGNHEIÐUR
STEFÁNSDÓTTIR,
Karfavogi 54,
Reykjavík.
Að græða á
umferðarnördum
Frá Ragnheiði Stefánsdóttur:






 


 
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.