Morgunblaðið - 25.06.2003, Blaðsíða 39

FRÉTTIR
MORGUNBLAÐIÐ MIÐVIKUDAGUR 25. JÚNÍ 2003 39
HRINGSNÚRUR
Hringsnúrurnar vinsælu
eru komnar aftur.
Mikið úrval
HAGSTÆTT VERÐ
RAFSTÖÐVAR
m/HONDA MÓTOR
Ekki rétt lokaverð
Á peningamarkaðssíðu Morgun-
blaðsins í gær birtist röng tafla frá
Kauphöll Íslands. Var um óleiðrétt
skjal að ræða frá Kauphöllinni. Því
eru lokaverð félaga ekki í öllum til-
vikum rétt í töflunni. Beðist er vel-
virðingar á þessum mistökum.
Listahátíðin Á seyði
Þau mistök urðu í frétt af listahá-
tíðinni Á seyði, sem haldin er ár
hvert á Seyðisfirði, að Arnbjörg
Sveinsdóttir var í myndatexta rang-
lega titluð framkvæmdastjóri hátíð-
arinnar. Það er hins vegar Aðalheið-
ur Borgþórsdóttir sem er
framkvæmdastjóri Á seyði, eins og
undanfarin ár. Beðist er velvirðingar
á mistökunum.
LEIÐRÉTT
Lúðrasveit Lýðsins í Árbænum
Lúðrasveit Lýðsins mun skemmta
sundlaugargestum í Árbæjarlaug
dag, miðvikudag kl. 14, og gestum á
Árbæjasafni kl. 15.15.
Lúðrasveit Lýðsins, skapandi sum-
arhópur á vegum Hins hússins, er
skipuð þremur hljóðfæraleikurum
sem spila alþýðleg lög á selló, gítar
og trompet. Lögin eru ekki stíluð inn
á ákveðinn hóp, tískustrauma eða
stefnur heldur eru fyrir alla. Þess
vegna mun hópurinn ekki bíða eftir
fólkinu heldur koma til þess, segir í
fréttatilkynningu.
Í DAG
Saga og framtíð Íraks Magnús Þ.
Bernharðsson, lektor í miðaustur-
landafræðum við Hofstra-háskólann
í New York, heldur erindi um sögu
og framtíð Íraks á sameiginlegum
fundi Sagnfræðingafélags Íslands
og Reykjavíkur Akademíu, á morg-
un, fimmtudaginn 26. júní. Fund-
urinn fer fram í fundarsal RA á 4.
hæð í JL-húsinu við Hringbraut 121
og hefst kl. 20.30. Á eftir erindinu
verða umræður.
Á MORGUN
Howard Gardner á ráðstefnum
ÍMS um menntamál Í byrjun
ágúst kemur til Íslands Howard
Gardner, prófessor við Harvard-
háskóla og upphafsmaður fjöl-
greindarkenningarinnar. Hann
kemur í boði Íslensku mennta-
samtakanna, ÍMS, og verður aðal-
fyrirlesari á tveimur kennararáð-
stefnum sem samtökin standa fyrir
í Kennaraháskóla Íslands og Há-
skólanum á Akureyri. Ráðstefn-
urnar verða haldnar bæði á Akur-
eyri og í Reykjavík. Einnig mun
Gardner verða aðalfyrirlesari á ráð-
stefnu fyrir viðskiptalífið í Háskól-
anum í Reykjavík undir heitinu Ár-
angur í starfi – Good Work when
Excellence and Ethics meet.
Howard Gardner er best þekktur
meðal skólamanna og uppeldisfræð-
inga fyrir fjölgreindarkenninguna
sem gengur þvert á þá hugmynd að
greind sé ein og óskipt og að hægt
sé að meta hana með stöðluðum
greindarprófum. Kenningin gengur
út á að einstaklingurinn búi yfir
a.m.k. 8 grunngreindum. Gardner
er þekktur sálfræðingur, fyrirlesari
og fræðimaður sem skrifað hefur
fjöldann allan af bókum um fjöl-
greind og fleiri efni.
Meðal fyrirlesara á ráðstefnunni er
Ellen Winner, eiginkona Howards
Gardner en hún mun einnig vera
fyrirlesari á sjálfstæðu námskeiði
um börn með sérþarfir og bráðger
börn. Hún starfar sem prófessor
við sálfræðideild Boston College.
Ellen Winner er sérfræðingur í
málefnum bráðgerra barna. Fjöldi
annarra fyrirlesara leiðbeinir á
námskeiðunum. Skráning stendur
yfir.
Frekari upplýsingar er að finna á
heimasíðu Íslensku mennta-
samtakanna, www.ims.is, og á skrif-
stofu ÍMS.
Á NÆSTUNNI
ÞRETTÁN nemendur hlutu námsstyrki Fulbright þann
2. júní síðastliðinn. Móttaka var haldin í Iðnó í Reykjavík
og voru viðstaddir báðir heiðursformenn stjórnarinnar,
þeir James I. Gadsden, sendiherra Bandaríkjanna, og
Tómas Ingi Olrich menntamálaráðherra. Lára Jóns-
dóttir, framkvæmdastjóri Fulbright á Íslandi, afhenti ís-
lenskum styrkþegum viðurkenningarskjöl vegna frá-
bærs árangurs. Þau sem hlutu námsstyrki í ár voru:
Andri Steinþór Björnsson sem mun stunda framhalds-
nám í sálfræði, Anna Lind Pétursdóttir sálfræði, Anna
Sjöfn Sigurðardóttir kennslufræði, Brynjar Pétursson
Young MBA-námi, Dagmar Kristín Hannesdóttir sál-
fræði, Evgenía Kristín Mikaelsdóttir líffræði, Guðrún
Björnsdóttir líffræði, Helgi Ingólfur Ingólfsson tölvu-
fræði, Herdís Helga Schopka jarðfræði, Kristján Guð-
mundsson verkfræði, Magnús Örn Úlfarsson verkfræði,
Ragnar Tómas Árnason lögfræði og Skúli Þór Helgason
stjórnmálafræði. Auk þeirra hlaut Arnfríður Guðmunds-
dóttir guðfræðingur fræðimannastyrk til þess að stunda
rannsóknir við Emory University í Atlanta.
Þrettán hlutu námsstyrki
Fulbright á Íslandi
Morgunblaðið/Golli
STJÓRN Samtaka iðnaðarins hef-
ur sent frá sér ályktun um málefni
Tækniháskóla Íslands. Ályktunin
er svohljóðandi:
„Atvinnulífið hefur þörf fyrir
fleira tæknimenntað fólk en
nokkru sinni fyrr. Fyrirsjáanleg
uppbygging í iðnaði leiðir til auk-
innar eftirspurnar tæknimenntaðs
fólks. Samkvæmt könnun Samtaka
iðnaðarins árið 2000 töldu fyrir-
tæki í iðnaði nauðsynlegt að fjölga
tæknifræðingum og verkfræðing-
um um 80% á árunum 2000–2005.
Hér á landi ríkir vaxandi skiln-
ingur á mikilvægi tæknimenntun-
ar. Það má m.a. sjá í stjórnarsátt-
mála nýrrar ríkisstjórnar en þar er
kveðið á um sókn á sviði starfs- og
verkmenntunar. Tækniháskóli Ís-
lands var stofnaður á síðasta ári á
grundvelli lagasetningar og er
honum ætlað að efla þjónustu við
tæknisamfélagið.
Ungt fólk gerir sér grein fyrir
tækifærum sem tæknisamfélagið
býður. Tækniháskólinn hefur gert
átak til að kynna námið og það er
því gleðilegt að sjá að 200 manns
hafa sótt um að hefja tækninám við
Tækniháskóla Íslands næsta
haust.
Nú berast hins vegar þær fréttir
að miðað við fyrirhuguð framlög á
fjárlögum næsta árs verði einungis
hægt að taka inn rúmlega 60 ný-
nema í tækninám og þar með verði
að vísa frá 140 umsækjendum
vegna fjárskorts.
Samtök iðnaðarins hvetja stjórn-
völd til þess að standa við gefin
fyrirheit um uppbyggingu tækni-
menntunar í landinu og tryggja
fjárhagslegan grunn að tækninámi
við Tækniháskóla Íslands í sam-
ræmi við þarfir iðnfyrirtækja fyrir
tæknimenntað starfsfólk.“
Vill aukin
framlög til
Tæknihá-
skólans
Stjórn Samtaka
iðnaðarins ályktar
BORIST hefur ályktun frá Samtök-
um herstöðvaandstæðinga þar sem
segir meðal annars:
„Samtök herstöðvaandstæðinga
fagna því tækifæri sem nú er fyrir
hendi til að leggja niður herstöðvar
Bandaríkjanna á Íslandi. Að lokinni
síðari heimsstyrjöldinni var svo al-
mennur vilji fyrir herstöðvalausu Ís-
landi að jafnvel eindregnustu tals-
menn aðildarinnar að NATO sögðu
að hér skyldi aldrei vera erlendur
her á friðartímum. Það er því ein-
kennilegt nú, rúmum áratug eftir að
hinu svokallaða kalda stríði er lokið,
að heyra menn tala um að ekki sé
hægt að hafa landið varnarlaust.
Hugmyndir um íslenskan her eru
ekki síður hjákátlegar og dapur-
legar.
Bandarísku herstöðvarnar á Ís-
landi hafa alltaf virkað sem ól milli
hunds og húsbónda eins og best kom
í ljós þegar íslenska ríkisstjórnin
lýsti yfir stuðningi við innrás Banda-
ríkjamanna og Breta í Írak, enda
var hann helst rökstuddur með nánu
sambandi Íslands og Bandaríkj-
anna.
Heimsvaldastefna og yfirgangur
Bandaríkjanna verður æ grímulaus-
ari. Almenningi um allan heim er
nóg boðið eins og best sést af hinni
öflugu alþjóðlegu friðarhreyfingu
sem sprottið hefur upp á undanförn-
um mánuðum. Þessi hreyfing lítur
ekki á innrásina í Írak sem ein-
angrað mál heldur er hún liður í
heimsvaldastefnu sem m.a. birtist í
herstöðvum Bandaríkjanna um allan
heim.
Samtök herstöðvaandstæðinga
skora á ríkisstjórn Íslands að standa
nú loksins við gefin loforð um að hér
verði ekki her á friðartímum, hefja
þegar undirbúning að brottför hers-
ins og ganga til viðræðna við Banda-
ríkjastjórn með það í huga.“
Fagna tækifæri til að
leggja niður herstöð
SENDIHERRA Írlands hér á landi, James Brennan, heimsótti Akranes í
síðustu viku í boði bæjarstjóra og bæjarráðs Akraneskaupstaðar. Á Akra-
nes fór sendiherrann að eigin frumkvæði m.a. til að kynna sér staðhætti og
fá innsýn í áhuga Skagamanna á eflingu tengsla við frændurna á Írlandi.
Til stendur að auka samskipti Akurnesinga við Íra m.a. með áherslu á
írska daga, byggingu Írlandsstofu á safnasvæðinu Görðum og vinabæjar-
tengslum.
Dagskrá heimsóknarinnar hófst með fundi sendiherrans með bæjar-
stjóra og bæjarráði. Síðan var farin kynnisferð í HB, íþróttamannvirki
voru skoðuð og á safnasvæðinu fékk sendiherrann leiðsögn Björns Inga
Finsen sem rakti sögu landnáms Íra á Akranesi og í nágrenni, írski steinn-
inn var skoðaður auk safnanna. Kvöldverður var að lokum snæddur á Hót-
el Barbró.
Við írska minningarsteininn sem Írar gáfu Akurnesingum 1974. F.v.: Guð-
mundur Páll Jónsson, formaður bæjarráðs, Björn I Finsen leiðsögumaður,
James Brennan sendiherra og Gísli Gíslason bæjarstjóri.
Írski sendiherrann
í heimsókn á Akranesi
STJÓRN Sambands ungra sjálfstæð-
ismanna samþykkti ályktun sl. mánu-
dag þar sem varað er við hugmyndum
um breytingar á húsnæðislánakerfinu
með 90% lánshlutfalli og hækkaðri
hámarkslánsupphæð.
„Sambandið telur að breytingarnar
muni ekki ná þeim markmiðum sem
að er stefnt, þvert á móti muni þær að
öðru jöfnu hafa neikvæð áhrif fyrir
kaupendur og seljendur fasteigna og
skattgreiðendur almennt. Hækkun
lánshlutfalls og hámarksupphæðar
íbúðalána stuðlar að hærra fasteigna-
verði sem eyðir þeim ávinningi sem
stefnt er að með hækkandi lánsupp-
hæðum. Hærra fasteignaverð leiðir
jafnframt til aukinnar verðbólgu og
aukin útgáfa húsbréfa getur leitt til
aukinna affalla bréfanna, auk þess
sem útlánaaukning Íbúðalánasjóðs
getur leitt til versnandi lánshæfis-
mats íslenska ríkisins,“ segir í álykt-
uninni.
„Nær væri að stefna að því að koma
Íbúðalánasjóði úr höndum ríkisins til
einkaaðila, t.d. þannig að bankakerfið
veiti þá þjónustu sem Íbúðalánasjóð-
ur býður nú. Þannig má spara útgjöld
sem tengjast rekstri Íbúðalánasjóðs
og koma á samkeppni milli banka-
stofnana um veitingu fasteignalána,
en jafnframt tryggja hagstæð vaxta-
kjör með áframhaldandi aðkomu rík-
isvaldsins.“
Vara við
hækkun
íbúðalána