Morgunblaðið - 26.06.2003, Blaðsíða 20

SUÐURNES
20 FIMMTUDAGUR 26. JÚNÍ 2003 MORGUNBLAÐIÐ
NESFISKUR í Garði hefur keypt
netabátinn Ósk KE5 af Einari
Magnússyni, útgerðarmanni og
skipstjóra, ásamt öllum veiði-
heimildum. Einar hefur þegar
samið við fyrirtækið Seiglu í
Reykjavík um smíði á nýjum 15
tonna línubát sem afhentur verð-
ur í haust. Einar segir að hann sé
að hagræða í útgerðinni og mæta
aðstæðum sem skapast hafa í
netaútgerð.
Umhverfisvæn hagræðing
„Þetta er eingöngu hagræðing
af minni hálfu. Maður er búinn að
vera á netum í 15 ár og það hefur
lítið verið gert fyrir netabáta í
gegnum tíðina. Með þessum
breytingum er ég að horfa á þá
möguleika sem felast meðal ann-
ars í línuívilnun,“ segir Einar en
til stendur að minnka möskva við
netaveiðar niður í sjö og hálfa
tommu og segir Einar að verð-
mæti aflans minnki við það um
allt að 30%. „Ég tel mig geta
stækkað pottinn betur í línukerf-
inu og ætla mér að gera það.“
Bætist við kvóta Suðurnesja
Kvótinn eykst á svæðinu. Einar
hefur nú þegar tryggt sér afla-
heimildir á nýja bátinn og segir
hann að hann sé kominn með
jafnmiklar heimildir og fóru með
Ósk út í Garð. „Ég kaupi veiði-
heimildir af öðrum stöðum en
Suðurnesjum og sá kvóti sem ég
kem með inn á svæðið er aðeins
viðbót því að Ósk verður í Garð-
inum. Ég fékk tilboð í skipið víðs-
vegar að á landinu en ég vildi
halda bæði bátnum og veiðiheim-
ildunum á svæðinu og er ánægður
með að sjá skipið í góðum hönd-
um í Garðinum,“ segir Einar.
Flestir mennirnir sem voru á Ósk
verða á nýja bátnum, annaðhvort
á sjó eða í beitningu.
Skiptir úr netum í línu
Ljósmynd/Jóhannes Kr. Kristjánsson
Einar Magnússon, útgerðarmaður í Reykjanesbæ, hyggst færa sig yfir á hagkvæmari veiðarfæri.
Suðurnes
VINNUFLOKKUR á vegum Ís-
lenskra aðalverktaka (ÍAV) vinnur
nú ötulum höndum að undirbún-
ingi hafnarsvæðisins í Helguvík
fyrir stálröraverksmiðju, sem
áformað er að reisa þar á næsta
ári. Að sögn Péturs Jóhannssonar
hafnarstjóra lýkur sprengingum
um áramót, en sjóvarnafram-
kvæmdum næsta vor, og munu
framkvæmdir við sjálfa verksmiðj-
una hefjast um áramótin.
Stórvirkar vinnuvélar eru nýttar
til verksins, sprengt er úr bergi og
stórgrýtið flutt bæði inn í Keflavík
til gerðar sjóvarnargarða og einn-
ig inn í Njarðvíkurhöfn þar sem
það er notað til þess að styrkja og
lengja grjótgarðinn. Annað efni
sem fellur til verður notað til að
grófjafna lóðir á iðnaðar- og hafn-
arsvæðinu í Helguvík.
Pétur segir bjartsýni ríkjandi
hjá hafnaryfirvöldum og að þetta
verkefni sé krefjandi en ánægju-
legt.
Morgunblaðið/Svavar
Með hjálp þessara myndarlegu ferlíkja, með mannhæðarháa hjólbarða,
reynist það mönnum létt verk að ferja tröllaukin björgin milli staða.
Hafnarfram-
kvæmdir í Helgu-
vík sækjast vel
Reykjanesbær
ÞESSIR hressu krakkar létu ekki
sudda og næðing draga niður góða
skapið þegar blaðamaður átti leið um
Reykjanesbæ á dögunum. Þau starfa
í vinnuskóla Reykjanesbæjar og hafa
undanfarnar vikur verið að leggja
túnþökur meðfram vegum.
„Það er ótrúlegt hvað þessir krakk-
ar eru duglegir,“ segir Sigríður
(Sigga) Lára Jóhannsdóttir flokks-
stjóri og bætir við að krafturinn og
dugnaðurinn í börnunum hafi komið
sér þægilega á óvart og ekki þurfi að
berja þau áfram eins og lata hesta.
„Þekkirðu ekki Bee Gees?!?“
„Þau eru líka ofboðslega skemmti-
leg og alltaf að fíflast. Strákarnir eru
alltaf að syngja í falsettu fyrir mig,
svo ég spurði þá hvort þeir væru ekki
hrifnir af Bee Gees. Þá ypptu þeir
bara öxlum og spurðu hverjir það
væru,“ segir Sigga Lára og hlær. „En
þá var einn sem vissi hverjir Bee Gees
voru og sagðist fíla þá í ræmur. Hann
var alveg hneykslaður á að hinir
þekktu þá ekki, enda finnst mér þeir
ein besta hljómsveit í heimi.“
Unga fólkið brá á léttan leik fyrir
blaðamann og minntu sumir dreng-
irnir helst á búpening að vori, sprikl-
andi og hoppandi af gleði. Sungu þeir
vinnusöngva af mikilli gleði og léku
við hvern sinn fingur. Á endanum
sýndu þeir ródeólistir og snöruðu
einn félaga sinn eins og kálf og ríg-
bundu hann. En hætta skal leik þá
hæst hann stendur og voru vormenn
Suðurnesja fljótir að koma sér aftur
að verki þegar leiktímanum lauk.
Sigga Lára segist stolt af hópnum
sínum og segir að þarna sé ekki
kroppað með hrífunum í moldina eins
og lystarlaust barn í kaldan fisk.
„Þessir krakkar eru sko ekkert slor
og þau vinna sitt verk ekki með hang-
andi hendi. Þau moka heilu vörubíla-
hlössunum af mold.“
Ærslabelgir í Vinnuskólanum
Reykjanesbær
Morgunblaðið/Svavar
Þessi söngglöðu og kraftmiklu ungmenni stilltu sér upp fyrir blaðamann
og brostu sínu blíðasta þrátt fyrir sudda og næðing. Fyrir miðju, með
rauða húfu, er annar flokksstjóri hópsins, Berglind Óskarsdóttir.
BLÁA Lónið hf. og Prokaria ehf. hafa
gert með sér samning um rannsókn á
lífríki Bláa lónsins. Markmið rann-
sóknarinnar er að renna styrkari
stoðum undir þann þekkingargrunn
sem þegar er til um líffræðilegan fjöl-
breytileika Bláa lónsins.
Nokkur ár eru síðan lífríkisrann-
sókn var gerð á lóninu. Þá kom í ljós
að um einstakt vistkerfi er að ræða.
Frá þeim tíma hefur tækninni sem
nýtt er til greininga á tegundasam-
setningu örvera fleygt fram og hefur
líftæknifyrirtækið Prokaria ehf. m.a.
sérhæft sig í greiningum af þessu
tagi. Hér er um að ræða raðgrein-
ingar á DNA ákveðinna gena sem
einangruð eru og eru raðirnar bornar
saman við þekktar raðir í gagna-
grunnum. Ræktanir á örverum úr
lóninu og greiningar á þeim munu
einnig verða framkvæmdar. Enn-
fremur er ætlunin að mynda banka
sem inniheldur DNA úr öllum sýnum
á því formi að það geti nýst til hugs-
anlegra rannsóknar- og þróunar-
vinnu á sviði heilsutengdrar erfða-
tækni í framtíðinni. Þá er og ætlunin
að varðveita hreina stofna úr lóninu í
sérstöku stofnasafni.
Grímur Sæmundsen, fram-
kvæmdastjóri Bláa lónsins hf., segir
samninginn vera mikilvægan fyrir
áframhaldandi uppbyggingu grunn-
þekkingar á Bláa lóninu og umhverfi
þess. „Bláa lónið og lækningamáttur
þess er einstakur í veröldinni og því
eru frekari rannsóknir á lóninu með
nýjustu tækni mjög mikilvægar til að
auka skilning okkar og möguleika til
vöruþróunar úr hinu sérstaka lífríki
Bláa lónsins.“
Jakob K. Kristjánsson forstjóri
Prokaria segist vera mjög ánægður
með samninginn við Bláa lónið hf.
„Prokaria hefur byggt upp mikla
þekkingu og færni í erfðagreiningu á
alls kyns örverum úr hverum og öðru
umhverfi. Erfðagreiningar eru t.d.
miklu öflugri, hraðvirkari og ódýrari
en hefðbundnar aðferðir til örveru-
greininga.“ Prokaria er því byrjað að
selja slíka þjónustu á innlendum
markaði og selur nú einnig erfða-
greiningar til annara nota, m.a. arf-
gerðargreininga á fiski. „Við erum
því afar ánægðir með þennan samn-
ing við Bláa lónið hf. Þetta er ákveðið
skref til að koma þekkingu okkar og
færni í notkun á innanlandsmarkaði.“
Samningur um rannsókn
á lífríki Bláa lónsins
Grindavík
Grímur Sæmundsson, framkvæmdastjóri Bláa Lónsins, og Jakob H. Krist-
jánsson, forstjóri Prokaria, takast í hendur við undirritun samningsins.