Morgunblaðið - 27.06.2003, Page 4

FRÉTTIR
4 FÖSTUDAGUR 27. JÚNÍ 2003 MORGUNBLAÐIÐ
„ÞETTA samkomulag er mjög mikilvægt. Þótt við
gefum aðeins eftir af þeim afla sem við höfðum ætl-
að okkur, gerir það okkur kleift að gera meiri verð-
mæti úr minna magni,“ segir Friðrik J. Arngríms-
son, framkvæmdastjóri LÍÚ, um nýjan samning
milli Íslands og Noregs um veiðar á norsk-íslenzku
síldinni.
Samkomulagið felur í sér að hlutur Íslands úr
heildarveiðinni verður sá sami og áður eða 15,54%.
Á hinn bóginn gefa Íslendingar nú eftir 7.100 tonn
af sínum skerf gegn því að fá að veiða sama magn
innan norskrar lögsögu auk þeirra 5.000 tonna sem
samkomulagið hefði annars falið í sér. Leyfilegur
heildarafli á vertíðinni verður því um 103.000 tonn í
stað 110.000 tonna eins og Íslendingar höfðu ætlað
sér.
15,5% í stað 8%
Samkvæmt samningnum um nýtingu norsk-ís-
lenzku síldarinnar sem gilti frá árinu 1997 var hlut-
ur Norðmanna 57%, Hlutur Íslands 15,5%, Rússa
13,6, ESB 8,4 og Færeyja 5,5%. Fyrir þessa vertíð
höfðu Norðmenn farið fram á veruleg aukingu á
sínum skerf, sem meðal annars hefði falið í sér að
hlutur Íslands hefði lækkað um tæpan helming eða
farið niður í ríflega 8%. Eftir samkomulag þjóðanna
í gær verður hlutur Íslands sá sami og áður.
Friðrik J. Arngrímsson segir að útvegsmenn
styðji þetta samkomulag. Það geri þeim kleift að
skipuleggja veiðar sínar betur en ella og ná þannig
meiri verðmætum út úr minna magni. Vegna þessa
getum við nú veitt um 12.000 tonn innan norskrar
lögsögu í stað 5.000 tonna ella og getum óhindrað
veitt við Jan Mayen og Svalbarða. Það reynir þá
ekki á veiðirétt okkar þar að sinni. Það hefur einnig
styrkt okkur í þessum samningum að við höfum
sýnt fram á að við getum auðveldlega veitt þetta
magn innan lögsögu okkar og á alþjóðlega hafsvæð-
inu, þvert ofan í það sem Norðmenn höfðu haldið
fram,“ segir Friðrik J. Arngrímsson.
Árni M. Mathiesen sjávarútvegsráðherra segist
bærilega sáttur við samkomulagið, en báðir aðilar
hafi þurft að gefa nokkuð eftir af kröfum sínum.
„Þetta er praktísk lausn í erfiðri stöðu. Þetta ætti
ekki að koma illa út fyrir okkur, en það hefur styrkt
okkur mikið hve mikla síld við veiddum innan ís-
lenzku lögsögunnar og á alþjóðlega svæðinu. Það
styrkti einnig stöðu okkar í þessum samningum að
við sögðum upp loðnusamningnum við Norðmenn,
en eftir þetta samkomulag sé ég ekki annað en auð-
velt verði að endurnýja hann,“ segir Árni M.
Mathiesen.
Samkvæmt samningnum var hlutur okkar úr
loðnuveiðunum 81%, hlutur Grænlands 11% og
Norðmanna 8%.
Íslendingar vilja byggja upp stofninn
„Það liggur alveg ljóst fyrir að menn hefðu viljað
sjá óbreyttan samning,“ segir Halldór Ásgrímsson
utanríkisráðherra. „En miðað við þær aðstæður
sem uppi eru þá var ákveðið að ganga frá þessu máli
til að tryggja betra skipulag veiðanna og meiri verð-
mætasköpun. Það er engin launung á því að mark-
mið okkar Íslendinga hefur ávallt verið að byggja
upp stofninn og þess vegna höfum við viljað tak-
marka veiðarnar meira en aðrir. En við höfum þurft
að sækja í stofninn núna að undanförnu nokkuð
skipulagslaust vegna þess að flotinn hefur haft litla
tryggingu fyrir því að menn geti lokið sínum kvót-
um. Með þessu tel ég að það sé hægt að standa eðli-
lega að veiðunum.“
Skipulag veiðanna tryggt
Norðmenn og Íslendingar gefa eftir í nýjum samningi um síldveiðar
TÍU ára drengurinn sem slas-
aðist alvarlega þegar hann
varð fyrir jeppa á miðvikudag
við gatnamót Kúrlands og Ós-
lands í Fossvogi er á batavegi
á gjörgæsludeild Landspítal-
ans í Fossvogi. Er hann laus
úr öndunarvél og líðan hans
stöðug að sögn læknis. Sam-
kvæmt upplýsingum frá
slysarannsóknadeild lögregl-
unnar í Reykjavík mun öku-
maður bílsins hafa komið ak-
andi niður Ósland þegar
drengurinn kom á hlaupahjóli
sínu frá Kúrlandi og út á göt-
una. Reyndi ökumaðurinn,
sem er rúmlega tvítugur, að
sveigja frá og hemla en
drengurinn lenti í hlið bílsins.
Ranghermt var í frétt blaðs-
ins af málinu í gær að slysið
hefði orðið við Ljósaland og
einnig að drengurinn hefði
verið á reiðhjóli. Beðist er
velvirðingar á mistökunum.
Á bata-
vegi eftir
slys
TVEGGJA punkta bílbelti hafa
komið í veg fyrir slys og umferð-
arráð telur ekki ástæðu til að gera
kröfu um að þeim verði skipt út fyr-
ir þriggja punkta belti. Ekki er gerð
er krafa um þriggja punkta belti í
öllum sætum nýrra bifreiða en slíkt
er algengt í nýjum fólksbílum.
Í Morgunblaðinu í gær var sagt
frá því að í Noregi hefur verið varað
við því að börn noti einungis tveggja
punkta belti og talið er að nokkur
dauðsföll barna megi rekja til notk-
unar þeirra.
Óli H. Þórðarson, formaður um-
ferðarráðs, segir að tveggja punkta
beltin komi í veg fyrir slys á fólki þó
að þau geti verið hættuleg við
ákveðnar aðstæður, sérstaklega
börnum. Í umferðarlögum sé kveðið
á um að börn eigi að nota þar til
gerðan öryggisbúnað og ökumönn-
um sé beinlínis skylt að sjá til þess.
Hann segir að allt sé betra en að
börn sé laus í bílum.
Aðspurður segir Óli að í lögum sé
ekki gerð krafa um þriggja punkta
belti í öllum sætum nýrra bíla en
slíkur búnaður verði sífellt algeng-
ari. Hann telur ekki raunhæft að
gera kröfu um slík belti í eldri bif-
reiðum, hvorki fólksbílum né rútum.
„Tíminn vinnur svo sannarlega með
okkur en Íslendingar eru nýtnir á
bílana sína þannig að hér eru bílar
oft dálítið gamlir. Þetta tekur of
langan tíma að því er okkur finnst,“
segir hann.
117 börn notuðu engan
öryggisbúnað í bíl
Börn lægri en 140 sm þurfa sér-
stakan öryggisbúnað í bílum. Annað
hvort barnabílstól sem festur er
með bílbeltum eða öðrum sérstökum
búnaði eða bílpúða sem hækkar
barn þannig að það getur notað bíl-
belti án vandræða. Börn sem eru
140 sm á hæð ættu ekki að nota bíl-
belti án aukabúnaðar vegna þess að
þau hafa ekki náð þeim líkams-
þroska að geta notað bílbelti ein-
göngu.
Bílbelti eru hönnuð fyrir einstak-
linga sem eru að lágmarki 140 sm. Í
neyð og ef ekki er sérstakur örygg-
isbúnaður fyrir barnið í bílnum á að
nota bílbelti og þá frekar þriggja-
punkta bílbelti en tveggja punkta.
Þetta kemur fram í fréttatilkynn-
ingu Umferðarstofu og Árvekni.
Í nýlegri könnun sem Árvekni,
Slysavarnafélagið Landsbjörg og
Umferðarstofa gerðu nýlega á ör-
yggisbúnaði leikskólabarna á aldr-
inum 1–6 ára kom fram að 117 börn
notuðu engan öryggisbúnað og 243
börn notuðu bílbelti án þess að nota
bílpúða um leið.
Umferðarráð segir tveggja punkta belti bjarga miklu
„Ekki gerð krafa um
þriggja punkta belti“
HLAUPAHJÓL, línuskautar og
hjólabretti eru ekki ætluð til ferða-
laga á götum heldur skal nota þau á
öruggum svæðum og börn sem þeys-
ast um á slíkum tækjum eiga und-
antekningarlaust að vera með
hjálma. Þetta er skoðun Herdísar L.
Storgaard, framkvæmdastjóra Ár-
vekni. Hún segir að foreldrum reyn-
ist erfitt að fá börn sín til að setja
hjálmana upp og viðkvæðið sé einatt
hið sama: „Það notar enginn annar
hjálm.“
Herdís segir að þeir sem fari um á
hlaupahjólum, línuskautum eða
hjólabrettum eigi ekki síður að nota
hjálma en hjólreiðamenn. Reyndar
séu þessi farartæki alls ekki ætluð til
þess að ferðast um götur enda eru
þau ekki búin sömu eiginleikum og
reiðhjólin. Því eigi eingöngu að nota
þau á lokuðum svæðum og notend-
urnir skuli auk hjálms vera með
hné-, olnboga- og úlnliðshlífar.
Í umferðarlögum segir að börn
yngri en 15 ára eigi að nota hjálma á
reiðhjólum. Engin ákvæði eru um
hlaupahjól, línuskauta eða hjóla-
bretti. Herdís segir vísbendingar um
að dregið hafi úr hjálmanotkun
barna undanfarið, þó að ekki hafi
verið gerð á því könnun. Í umferð-
arlögum er miðað við að sex ára börn
og eldri megi hjóla í umferðinni en
Herdís segir þau alls ekki nógu
þroskuð til að takast á við hætturnar.
Börn á hlaupahjóli noti hjálm
„Það notar eng-
inn annar hjálm“
Morgunblaðið/Jónas Erlendsson
Rekastaur í kvöldsól
ÞEGAR litið er til baka sést oft af hverju maður
hefur misst. Þegar fréttaritari var á ferð um Fagra-
dalsfjöru leit hann í hliðarspegilinn á bílnum og
blasti þá við rekadrumbur baðaður í kvöldsól á
lengsta degi ársins og Fagridalur og Fagradals-
hamrar í fjarska.
Fagradal. Morgunblaðið.