Morgunblaðið - 27.06.2003, Blaðsíða 19

HÖFUÐBORGARSVÆÐIÐ
MORGUNBLAÐIÐ FÖSTUDAGUR 27. JÚNÍ 2003 19
Mjólkin
slær
í gegn!
Flaskan er málið!
Það fer ekki á milli mála að
mjólk í flöskum hefur vantað á
markaðinn því sigurganga
Drykkjarmjólkurinnar er engu lík!
Hefur þú smakkað
Drykkjarmjólk?
Hún er létt
Mörkinni 6 • Sími 588 5518
Útsala
Yfirhafnir
TILLAGA skipulagsnefndar Kópa-
vogs um nýtt deiliskipulag fyrir
Lundarsvæðið, sem meðal annars
gerir ráð fyrir átta háhýsum, var
samþykkt í bæjarráði í gær. Tillagan
var samþykkt með fjórum atkvæð-
um fulltrúa Sjálfstæðisflokks og
Framsóknarflokks, en fulltrúi Sam-
fylkingar greiddi atkvæði á móti.
Gunnsteinn Sigurðsson, formaður
skipulagsnefndar og annar fulltrúa
Sjálfstæðisflokks í bæjarráði, segir
að bæjarráð fallist á að auglýsa til-
lögu að breyttu skipulagi á Lundar-
svæðinu og breytingu á aðalskipu-
lagi. „Fulltrúi Samfylkingar var ekki
samstiga okkur og því var þetta sam-
þykkt með fjórum atkvæðum,“ segir
hann og bætir við að gera megi ráð
fyrir að skipulagið fari fljótlega í
kynningu.
Sigrún Jónsdóttir, bæjarfulltrúi
og varafulltrúi Samfylkingarinnar í
bæjarráði, lagði fram tillögu þess
efnis að afgreiðslu tillögunnar yrði
frestað og bæjarlögmanni falið að
leggja fram greinargerð um bygg-
ingarbréf er fylgir landi Lundar.
Gæti haft áhrif á
aðkomu bæjarins
Sigrún segir að byggingarbréfið
sé frá því Lundur komst í hendur nú-
verandi eigenda og að skoða þurfi
hvort ákvæði í því og hugsanlega síð-
ari samningar um Lund hafi áhrif á
stöðu og aðkomu bæjarins að þessu
landi í dag. Bæjarlögmanni yrði því
falið að skoða málið svo það væri á
hreinu að allar forsendur fyrir hugs-
anlegri byggð stæðust. „Tillaga mín
var felld um að fresta afgreiðslunni
og skoða þessa samninga betur.
Hins vegar tóku þau, meirihlutinn,
inn í sína tillögu að leita álits bæj-
arlögmanns á þessu. Þau samþykktu
að auglýsa tillöguna en jafnframt að
láta skoða þetta mál sem ég kom
með inn á fundinn. Þau ætla að gera
þetta jafnhliða,“ segir Sigrún.
Hún segist mjög ósátt við þær
skipulagshugmyndir sem fram eru
komnar. Hún segist jafnframt eiga
bágt með að skilja af hverju það liggi
svona á afgreiðslu þeirra og af
hverju menn vilji ekki skoða það bet-
ur ef nýir fletir koma upp á málinu.
„Við lögðum fram breytingartillögu í
skipulagsnefnd sem ég tók undir í
bæjarráði í dag (í gær). Sú tillaga var
jafnframt felld. Okkar breytingartil-
lögur hafa ekki náð í gegn.“
Sigrún bendir einnig á að ekki hafi
verið gengið frá gatnagerð á svæð-
inu ennþá. Hún telur að menn eigi að
flýta sér hægt, Lundur sé viðkvæmt
svæði á góðum stað og því eigi að
vanda til verka.
Tillaga að nýju deiliskipu-
lagi Lundar samþykkt
Lundur
VONIR standa til að hægt verði að
opna Minningarsafn um Halldór
Laxness á Gljúfrasteini á næsta ári
en framundan eru gagngerar við-
gerðir á húsinu, auk annars undir-
búnings. Þórarinn Eldjárn, stjórnar-
formaður Minningarsafnsins, segir
að tíminn fram að því verði notaður
til að móta hugmyndir um það
hvernig staðið verði að safninu
sjálfu.
Hann segir að meðal þess sem nú
sé unnið að sé skrásetning bóka,
handrita og fleiri muna. Einnig þurfi
að huga að öryggismálum og ýmsu
öðru. Hann bætir við að stefnt sé að
því að undirbúningsvinnan verði það
langt á veg komin, þegar viðgerðum
á húsi ljúki, að hægt verði að opna
safnið fljótlega eftir það.
„Tíðindin eru fyrst og fremst þau
að þessi undirbúningur er alveg á
fullu og margir sem koma að honum.
Viðgerðirnar eru í höndum bygging-
ardeildar hjá forsætisráðuneytinu,
sem safnið heyrir undir. Svo þarf ef-
laust að gera úttektir á því hvað sé
ráðlegt að gera og þá er það unnið í
samráði við ráðgjafa og arkitekta
sem eru til samráðs við innri upp-
byggingu safnsins,“ segir Þórarinn.
Safnið á
Gljúfrasteini í
undirbúningi
Mosfellsdalur