Morgunblaðið - 27.06.2003, Side 20

AKUREYRI
20 FÖSTUDAGUR 27. JÚNÍ 2003 MORGUNBLAÐIÐ
SUMAR 2003
Krónunni, 2. hæð, sími 462 3505,
Hafnarstræti 97, 600 Akureyri.
Verið velkomin

Rúskinnsjakkar

Stakir jakkar

Hörfatnaður

Kápur

Bolir
ARCTIC-open-miðnæturgolfmótið
hefur verið haldið árlega frá því ár-
ið 1986. Mótið í ár var sett í golf-
skálanum á Jaðri síðastliðið mið-
vikudagskvöld. Sjálf keppnin hófst
í gær kl. 16 og og var spilað fram á
nótt. Keppninni verður svo fram
haldið í kvöld og lýkur með loka-
hófi og verðlaunaafhendingu á
laugardagskvöld.
Árni Már Harðarson, einn af
þeim sem eru í mótsstjórn, sagði við
Morgunblaðið að í ár væru 122 golf-
arar skráðir til leiks, þar af 20 út-
lendingar.
„Þetta er fækkun frá því í fyrra
en þá voru um 140 skráðir í mótið.
Það vantar til dæmis flestalla
Bandaríkjamenn í ár en aðeins
fimm þátttakendur eru þaðan.
Þetta á sér einna helst þá skýringu
að golfmótið Icelandic open er
haldið á sama tíma í Reykjavík, en
það er boðsmót þar sem um 250
manns, aðallega útlendingum, er
boðið. Nú er lengsti dagur ársins og
menn vilja nýta sér nætursólina.
Þetta er einnig aukin samkeppni og
því verðum við bara að auglýsa
okkar mót betur en við höfum gert.
Veðrið er frábært og spáin góð svo
það er bara um að gera að hafa
gaman af þessu,“ sagði Árni.
Golfmótið
Arctic-open
Morgunblaðið/Skapti Hallgrímsson
Arctic-open hófst í dag á Jaðars-
velli á Akureyri. Hér er púttað á
annarri flöt.
Haldið í
átjánda
sinn
Í VIKUNNI var könnuð bílbelta-
notkun hjá ökumönnum á Akureyri.
Björgvin Smári Jónsson, umferð-
arfulltrúi Norðurlands, sagði að yf-
irleitt væri bílbeltanotkun innan-
bæjar á Akureyri nokkuð góð, um
eða yfir 90%.
„Nú vorum við að kanna bílbelta-
notkun á þremur stöðum í bænum
og útkoman var því miður sú
langlélegasta sem ég hef séð síðan
ég byrjaði. Aðeins 81% ökumanna
var með bílbelti í Hjalteyrargötu
við Samland og einnig í Skarðshlíð
við Litluhlíð. Reyndar voru 91%
með bílbelti þegar við vorum að at-
huga notkun í Kaupvangsstræti eða
í gilinu, sem er nokkuð eins og við
má búast. Í Hjalteyrargötu er mik-
ið um að karlar séu einir á vinnubíl-
um og virðast vera með hugan við
eitthvað annað en bílbeltið. Í
Skarðshlíð er íbúðarhverfi með 30
km hámarkshraða og það virðist
sem fólk setji ekki á sig beltið fyrr
en það er komið vel af stað þangað
sem það er að fara. Þegar komið er
í miðbæinn virðist sem flestir séu
komnir í belti. Kannanir frá í fyrra
voru yfirleitt mjög góðar en það
þarf stöðugt að hamra á þessu og
fylgjast með,“ sagði Björgvin.
Björgvin Smári Jónsson, umferðarfulltrúi
Norðurlands, kannaði bílbeltanotkun
Langlélegasta
sem ég hef séð
ÞESSA dagana stendur yfir
sýning í Punktinum á hekluðum
dúkum eftir serbneskar konur,
sem fluttu til Akureyrar ásamt
fjölskyldum sínum í vetur sem
flóttafólk. Þær heita Miljka Pav-
lica, Borka Paı́c og Nedeljka
Ostojı́c og eru dúkarnir allir
unnir í föðurlandi þeirra Serbíu.
Flóttafólkið sem kom til bæj-
arins í vetur var hrakið frá
heimilum sínum í Króatíu og
hafði dvalið í flóttamannabúðum
í 6-8 ár við afar bágborin kjör.
Fólkið hefur nú komið sér vel
fyrir á Akureyri og unir hag sín-
um vel.
Sýningin er opin út júnímán-
uð á opnunartíma Punktsins
sem er alla virka daga kl. 13.00 -
17.00.
Heklaðir
dúkar í
Punktinum
NÝLEGA var opnað gistiheimili í
Höepfnerhúsinu í innbænum á Ak-
ureyri og í því eru fjögur herbergi,
sameiginleg setustofa og eldhús.
Jórunn Viggósdóttir sagði í sam-
tali við Morgunblaðið að fyrir ári
hafi hún ásamt dætrum sínum
keypt húsið. „Síðastliðinn vetur
leigði ég út herbergi til skólafólks
og þegar það fór tókum við hús-
næðið í gegn. Markmiðið er að
leigja herbergin aftur út til skóla-
fólks næsta vetur,“ sagði Jórunn.
„Ég er úr Reykjavík, en yngri
sonur minn var búinn að vera
hérna fyrir norðan og þegar við
þurftum að skipta um húsnæði fyr-
ir sunnan stakk hann upp á því að
við myndum flytjast til Akureyrar,
sem og við gerðum. Við erum alsæl
hérna og það eru allir á því að hér
ætlum við að vera. Það er svo þægi-
legt mannfélag hérna, finnst mér,
þetta er allt annað en í Reykjavík,
allt miklu persónulegra og yndis-
legra,“ sagði Jórunn.
Morgunblaðið/Skapti Hallgrímsson
Höepfner-húsið, þar sem nýja gistiheimilið er á efri hæðinni.
Jórunn Viggósdóttir rekur gistiheimili í Höepfner-húsi
Við erum
alsæl hérna
Gamall ísskápur er notaður sem
bókaskápur í einu herbergjanna.