Morgunblaðið - 27.06.2003, Blaðsíða 21

Morgunblaðið - 27.06.2003, Blaðsíða 21
AKUREYRI MORGUNBLAÐIÐ FÖSTUDAGUR 27. JÚNÍ 2003 21 www.islandia.is/~heilsuhorn SALMON OIL Gegn stirðleika í liðamótum PÓSTSENDUM Glerártorgi, Akureyri, sími 462 1889 Fæst m.a. í Lífsins lind í Hagkaupum, Árnesapóteki, Selfossi og Yggdrasil, Kárastíg 1. PLÖTUBÚÐ með nafninu Pinku ponsulitla plötubúðin verður opnuð í dag í rétt tæplega 12 fermetra hús- næði í Gránufélagsgötu 4; skúr sem áfastur er Herradeild JMJ. Rögn- valdur B. Rögnvaldsson, betur þekktur á Akureyri sem Rögnvald- ur gáfaði, er verslunarstjóri nýju búðarinnar og eigandi ásamt eig- inkonu sinni. Hann sagði tuttugu ára gamlan draum nú verða að veruleika. „Ætlunin er að sérhæfa sig í tón- list og tónlistarmönnum sem ekki hafa náð hátt á vinsældarlistum og leggja meiri áherslu á tónlistina en útlitið. Tónlistarbransinn er orðinn svo upplitaður af útliti fólks, þetta er mest hálfnaktar unglingsstelpur sem verið er að selja. Mig langar til að leggja aðeins meiri áherslu á tón- listina. Það eru bara bókabúðir og verslanir sem eru með smá rekka með þessu söluvænlega. Mig minnir að það sé ekki búin að vera alvöru plötubúð í bænum síðan Melodia og hljómdeild KEA lögðust af. Nú eru menn með þetta bara sem aukabú- skap,“ sagði Rögnvaldur í samtali við Morgunblaðið í gær. „Vinsældapoppinu er ágætlega sinnt hér í bænum og ég er ekkert að kvarta undan þeim búðum sem hér eru, en ég vil meiri breidd. Ég ætla heldur ekki í neina samkeppni við aðrar verslanir; ég lít á þetta sem hreina viðbót.“ Rögnvaldur leggur áherslu á að verslunin verði heimilisleg. „Ég tek mér verslunina 12 tóna í Reykjavík til mikillar fyrirmyndar. Fólk getur komið og hlustað á tónlist og fengið sér kaffisopa. Ég vil að fólk geti grúskað hérna. Það er nefnilega fullt af diskum hérna sem ég veit ekkert um, fólk verður að hlusta á þá til að kynna sér efnið.“ Í skúrnum þar sem búðin verður var áður varaspennistöð fyrir Bún- aðarbankann og Sjallann og hann hefur ekki verið áberandi hingað til. Eftir að íbúðarhús á horni Gránu- félagsgötu og Geislagötu, gegnt Sjallanum, var rifið á dögunum blas- ir umrætt húsnæði hins vegar við. Rögnvaldur bíður upp á ýmiskon- ar „skrýtna“ tónlist í verslun sinni. „Þetta er heimstónlist, djass, popp og rokk og ýmislegt fleira.“ Hann er með mikið af efni frá 12 tónum í Reykjavík, svolítið frá Skífunni og Smekkleysu en auk þess flytur Rögnvaldur sjálfur inn tónlist, m.a. frá Danmörku, Finnlandi og Tékk- landi – en þaðan flytur hann inn geisladiska sem gefnir eru út af fyr- irtækinu Skoda records! Eitt af því sem Rögnvaldur bíður upp á er brauðsúpa til sölu á 2.000 krónur. Þar er þó ekki um neina venjulega brauðsúpu að ræða, held- ur nokkra geisladiska í sérstökum standi, mis marga eftir atvikum. „Það voru ekki alltaf bestu bitarnir sem fóru í brauðsúpuna í gamla daga,“ sagði Rögnvaldur þegar Morgunblaðið sótti hann heim í verslunina í gær. Gaf í skyn að í brauðsúpunni yrðu hverju sinni geisladiskar, sem almennt teldust ekki söluvænlegir! Með opnun verslunarinnar er gamall draumur Rögnvalds að ræt- ast sem fyrr segir. „Eftir að ég kynntist pönkinu þegar ég var ung- ur hefur mig alltaf langað til að opna plötubúð. Það hefur alltaf blundað í mér og núna ákvað ég að láta mig hætta að dreyma og gera þetta frekar að veruleika.“ En hvers vegna nú? „Ég hef aldrei viljað fara út í lá- naævintýri, hef ekki viljað veðsetja fjölskylduna en það stóð þannig á hjá mér núna að ég átti svolítinn pening og sló því til.“ Rögnvaldur hefur starfað sem skemmtikraftur við góðan orðstír í heimabæ sínum, en segist nú meira ætla að sinna frægðardraumum annarra en sinna eigin. Hann er þó ekki hættur að skemmta: „Nei, maður lætur alltaf plata sig til að koma fram annað slagið.“ Verslunin opnar kl. 15 í dag og opnunarhátíð hefst klukkustund síð- ar með því að hljómsveitin Helgi og hljóðfæraleikarnir stíga á þak versl- unarinnar og leika fyrir viðstadda. „Allir sem mæta á opnunina fá mjólkurglas og geislaköku sér að kostnaðarlausu,“ sagði Rögnvaldur. Búðin verður opin virka daga milli kl. 15 og 18 og fyrsta laug- ardag í hverjum mánuði frá kl. 10– 14. Morgunblaðið/Skapti Hallgrímsson Rögnvaldur B. Rögnvaldsson í verslunarstjórastólnum, og í verslunarstjóra- stellingunni eins og hann orðaði það í gær, með son sinn Rökkva í fanginu. Tuttugu ára gamall draumur Rögnvalds gáfaða að rætast Pinku ponsulitla plötubúðin opnuð
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.