Morgunblaðið - 27.06.2003, Blaðsíða 22
SUÐURNES
22 FÖSTUDAGUR 27. JÚNÍ 2003 MORGUNBLAÐIÐ
Grillum dag í
Lynghálsi 4 á
OPIÐ
11-20
ALLA DAGA
Ódýrt fyrir alla!Ódýrt fyrir alla!
995-
SILKIBLÓM Í POTTI
768-
Nýr svínahnakki
beinlaus biti
30% afsláttur
Svínahnakki Mexíkó
30% afsláttur
Svínakótilettur Mexíkó
289-
Svínabógar
1. fl. nýir og ófrosnir
Ódýrt fyrir alla! LYNGHÁLSI 4 - SKÚTUVOGI 2
LÁGT OG
STÖÐUGT
VÖRUVERÐ!
1495-
BLÓMAKASSI - 100 CM.
GRIND ÚR SMÍÐAJÁRNI
- og á morgun Skútuvogi 2 í
Börnin fá Pepsí við grillið!
Ferskur lax
kryddaður og tilbúin
grillið!á
pr. kg.
pr. kg.
pr. kg. 499-
Lambaframpartur
niðursagaður á grillið
GUÐNÝ Hanna Sigurðardóttir,
fimm ára Keflvíkingur, bókaði á dög-
unum fund með Árna Sigfússyni
bæjarstjóra í þeim tilgangi að láta
laga göngustíg þar sem hún hefur oft
dottið og meitt sig. Guðný notar
þennan stíg gjarnan til að heim-
sækja vinkonur sínar og þykir hann
heldur varasamur vegna slæms
ástands.
Fyrir nokkrum dögum kom hún
grátandi og sár heim eftir að hafa
dottið á stígnum. Hafði hún hruflað
olnboga og var með plástra á báðum
hnjám. Tjáði Guðný þá móður sinni
að nú væri mál að linni og að hún
vildi finna bæjarstjórann til að ræða
ástand stígsins og úrbætur þar á.
Hlýjar móttökur
Móðir Guðnýjar hjálpaði henni til
við að undirbúa heimsókn sína til
bæjarstjóra og teiknaði Guðný upp
sína hugmynd að fyrirmyndarstíg.
Guðný Hanna pantaði tíma hjá
bæjarstjóra og mætti með erindi sitt
ásamt bræðrum sínum tveimur, sem
veittu henni siðferðislegan stuðning.
Sýndi hún bæjarstjóra hruflaða
olnboga, hné og skarð í tönn, sem
vitnisburð um illa náttúru stígsins.
Hélt hún áfram og útlistaði hug-
myndir sínar um úrbætur á stígnum
og sýndi bæjarstjóra myndina sem
hún teiknaði, máli sínu til stuðnings.
Eftir að hafa hlýtt á framsögu
Guðnýjar mælti bæjarstjóri svo að
við þessu yrði að bregðast. Sagði þá
Guðný: „Þú verður þá að tala við
vinnumennina.“ Þessu samsinnti
bæjarstjóri og hringdi í viðkomandi
starfsmenn bæjarins.
Árni Sigfússon sagði göngustíginn
verða lagfærðan mjög fljótlega.
Hann bætti við að heimsókn Guðnýj-
ar hefði verið mjög ánægjuleg og það
væri gaman þegar ungir íbúar
Reykjanesbæjar kæmu að hitta sig.
Ljósmynd/Einar Guðberg Gunnarsson
Árni Sigfússon skoðar skarðið í tönn Guðnýjar Hönnu fullur áhuga.
Fimm ára telpa á
fund bæjarstjóra
Reykjanesbær
ÞESSAR ungu og snotru meyjar
sjá um viðhald og fegrun kirkju-
garðsins á Hvalsnesi í sumar. Þær
gáfu sér tíma í sumarblíðunni til
að sitja stuttlega fyrir hjá frétta-
ritara Morgunblaðsins sem átti
leið hjá þessum fallega stað, rétt
sunnan við Sandgerði, á dögunum.
Auk þess að sinna hirðingu
garðsins sýna þær Guðbjörg
Reynisdóttir og Bergey Sigurð-
ardóttir gestkomandi hina fallegu
Hvalsneskirkju, sóknarkirkju
Sandgerðinga, en mikill fjöldi
gesta heimsækir kirkjuna á hverju
sumri. Kirkjan sem nú stendur
var vígð árið 1887 og er hún ein-
hver allra fegursta steinkirkja
landsins.
Gæslumeyjar grafreitsins
Morgunblaðið/Reynir Sveinsson
Sandgerði
SAMTÖKIN Gróður fyrir fólk í land-
námi Ingólfs (GFF) og fimm sveitar-
félög á Suðurnesjum hafa blásið til
samstarfsverkefnis sem ber heitið
LAND-NÁM á Suðurnesjum. Verk-
efnið snýst um að samþætta vinnu
nemenda í vinnuskólum og ungmenna
í atvinnuátaki sveitarfélaganna í trjá-
plöntun og annarri uppgræðslu. Unga
fólkið fær meðal annars þjálfun í því
að afla gagna um plöntur, skrá þau
niður og koma þeim fyrir á tölvutæk-
um gagnagrunni. Nýsköpunarsjóður
námsmanna og Suðurlandsskógar
styrkja verkefnið.
Áhugi vex með virkri þátttöku
Hópur úr vinnuskóla Vatnsleysu-
strandarhrepps hefur undanfarið
unnið að gróðurátaki í Vogastapan-
um. Þar eru gróðursettar trjáplöntur
og rofabörð og flög grædd upp. Þetta
hefur vakið áhuga unglinganna á upp-
græðslu landsins og hafa þau sýnt
verkefninu mikinn áhuga. Að sögn
Kristjáns Baldurssonar, tækni- og
umhverfisstjóra Vatnsleysustrandar-
hrepps, hefur samstarfsverkefnið far-
ið mjög vel af stað og eru flokksstjór-
ar vinnuskólans mjög ánægðir með
nemendur sína. „Þetta hefur gengið
eins og í sögu. Krakkarnir hafa staðið
sig með stökustu prýði og hefur
frammistaða þeirra og hegðun verið
til fyrirmyndar. Áhugi þeirra á land-
græðslunni er mjög mikill.“ Kristján
bætir við að ljóst sé að jákvæðni og
hrós virki mun betur til hvatningar en
skammir og leiðindi. „Þetta hefur því
allt verið á mjög jákvæðum nótum.“
„Ungir vísindamenn“
Björn Guðbrandur Jónsson, for-
maður GFF, segir þátttöku unga
fólksins skipta mjög miklu máli í
þessu samhengi. „Við erum að þjálfa
krakkana í vinnubrögðum og í raun
að gera þau að ungum vísindamönn-
um. Við veitum þeim svolitla innsýn
inn í það hvernig unnið er vísindalega.
Þau eru þátttakendur í því að afla
gagna um það hvernig trjáplöntunum
sem þau setja niður reiðir af og eru
þannig ekki lengur bara að planta
trjám, heldur eru þau virk í öllum
stigum ferlisins. Við munum síðan
koma með hópa næstu ár og mæla ár-
angur liðins árs og fylgjast með ár-
angrinum á mismunandi stöðum.
Við notum moltu sem unnin er úr
lífrænum úrgangi og verkaða svína-
mykju, sem hefur verið þurrkuð upp,
til uppgræðslunnar og berum árang-
urinn af nýtingu þessara áburðarefna
meðal annars saman innbyrðis. Sam-
tökin eru trú sínu markmiði, sem er
að nýta tilfallandi lífræn úrgangsefni í
þágu uppgræðslu.“
Ljósmynd/Rannveig Eyþórsdóttir
Ekki skortir áræðið hjá þessum vormennum Vatnsleysustrandar.
LAND-NÁM í Vogum
Vatnsleysuströnd