Morgunblaðið - 27.06.2003, Síða 23
LANDIÐ
MORGUNBLAÐIÐ FÖSTUDAGUR 27. JÚNÍ 2003 23
MARGIR mættu á upplestur Helga
Guðmundssonar á efni úr drögum að
væntanlegri bók um norðfirska list-
málarann Tryggva Ólafsson sem
fram fór í Hóteli Capitano í Nes-
kaupstað. Það er Helgi, sem einnig
er Norðfirðingur, sem skráir bókina.
Bókin, sem hefur vinnuheitið
Tryggvi, kemur væntanlega út með
haustinu þótt ekki sé það endanlega
ákveðið.
Morgunblaðið/Ágúst Blöndal
Skrásetjarinn og listmálarinn úti í góða veðrinu að upplestri loknum.
Fjölmennt
á upplestri
úr bók um
Tryggva
Neskaupstaður
URRIÐAFOSS í Þjórsá er ekki í
alfaraleið þótt á láglendi sé í
næsta nágrenni við samnefndan
bæ í Villingaholtshreppi. Auðvelt
er að komast að fossinum frá Urr-
iðafossvegi en auðveld leið að hon-
um er um stíg frá veginum á móts
við bæinn. Fossinn myndast þar
sem Þjórsá byltist yfir kletta-
dranga í farveginum og gengur
mikið á þegar vatnið fellur þarna
um farveginn um skörð og kletta.
Vel má gera sér grein fyrir kraft-
inum í fallvatninu þegar áin byltir
sér um fossinn.
Nauðsynlegt er fyrir fólk að
virða fyrir sér fossinn til þess að
hafa í það minnsta séð hann, verði
úr virkjunaráformum á þessu
neðsta virkjunarsvæði Þjórsár.
Morgunblaðið/Sigurður Jónsson
Urriðafoss í Þjórsá sýnir glöggt kraftinn í fallvatninu.
Auðvelt
að komast
að Urriða-
fossi
Selfoss
HÓPUR ungs áhugafólks um um-
hverfismál hefur unnið við fjöru-
hreinsun á Langanesi síðastliðna
daga; nánar tiltekið á Skálanesi, við
Skoruvík og Sauðanesflugvöll.
Þarna voru ungmenni frá átta
þjóðlöndum en þau eru aðilar að al-
þjóðlegum samtökum sem kalla sig
Veraldarvini og eru með sjálfboða-
liðanet víða um heim.
Að sögn Sigfúsar Ólafssonar,
ferðamálafulltrúa Þistilfjarðar og
Langaness, getur þetta áhugafólk
fundið aðila til að taka þátt í verk-
efnum eins og t.d. fjöruhreinsun víða
um heim gegnum Netið; veraldar-
vinir.is. Ýmsir aðilar styrkja þetta
verkefni en það eru helst umhverf-
isráðuneytið, Ferðamálaráð og
UMFÍ en auk þess lögðu ýmis fyr-
irtæki á Norðurlandi sitt af mörkum
og Þórshafnarhreppur lét í té gist-
ingu í grunnskólanum.
Leiðsögumaður, túlkur og verk-
stjóri fólksins var Angantýr Einars-
son sem er þaulkunnugur á Langa-
nesi. Að sögn hans voru þessi
ungmenni mjög dugleg og jákvæð
þótt þau hefðu verið með eindæmum
óheppin með veður; látlaust hvass-
viðri og rigning annað veifið. Nokkur
þeirra geta bjargað sér á íslensku og
hafa verið starfandi hér á landi að
undanförnu. Þau heimsóttu Hrað-
frystistöðina og fóru bæði í loðnu-
bræðsluna og kúfiskvinnsluna en
sunnudagurinn var tekinn í
skoðunarferð um Rauðanesið sem
vakti mikla hrifningu. Einnig þótti
þeim mikið til um fuglabjörgin á leið-
inni út í Skoruvík á Langanesi.
Unga fólkið kom miklu í verk
þessa daga sem það var hér; enn er
samt mikið eftir því að hafið skilar
látlaust plasti og öðru rusli upp á
strendur landsins.
Morgunblaðið/Líney Sigurðardóttir
Veraldarvinirnir ásamt leiðsögumanninum Angantý Einarssyni við Eiði á Langanesi.
Veraldarvinir á Langanesi
Þórshöfn
BÓKASAFN Húnaþings vestra er
flutt af 2. hæð á 1. hæð Höfðabraut-
ar 6 á Hvammstanga. Hið nýja hús-
næði er um tvöfalt stærra en hið
eldra, um 380 ferm. Héraðs-
skjalasafnið var einnig flutt svo og
gögn í eigu Fræðafélags V-Hún.
Þjónusta safnsins við almenning
mun aukast verulega, aðgengi
verður að tölvum til almennings-
nota, m.a. á netið. Safnið er tengt
landstölvuneti bókasafna og er þar
með auðvelt að útvega bækur úr
öðrum söfnum. Nokkurt framboð er
í safninu af hljóðsnældum, þar sem
hlustun kemur í stað lestrar. Lestr-
araðstaða í safninu er mjög góð.
Aðgengi að söfnunum batnar til
muna, þar sem þau eru nú á jarð-
hæð og þar verður aðkoma fyrir
fatlaða. Bókasafnsstjóri er Sigríður
Tryggvadóttir og er safnið opið alla
virka daga kl. 13-18 og að auki tvo
morgna í viku frá kl. 10. Það mun
tíðkast innan bókasafnageirans, að
starfsfólk bókasafna aðstoði hvert
annað við flutning á söfnum. Hing-
að komu starfsmenn frá Reykjavík,
Þorlákshöfn og Höfn í nokkra daga
og unnu að uppsetningu og röðun
safnsins. Formleg opnun nýja hús-
næðisins verður hinn 11. ágúst nk.
Morgunblaðið/Karl Ásgeir Sigurgeirsson
F.v. Guðfinna Karlsdóttir, Þorlákshöfn, Sigríður Tryggvadóttir, safna-
stjóri, Hvammstanga, Kristín H. Pétursdóttir, Reykjavík, Guðný
Svavarsdóttir, Höfn, og Jón Sævar Baldvinsson, Þorlákshöfn.
Bókasafnið flytur
í nýtt húsnæði
Hvammstangi
Smáralind | 522 8380
ÍS
L
E
N
S
K
A
A
U
G
L
Ý
S
IN
G
A
S
T
O
F
A
N
/
S
IA
.I
S
M
IS
2
1
5
9
2
0
6
/
2
0
0
3
Útsalan
hefst í dag
Allt að 70%
afsláttur