Morgunblaðið - 27.06.2003, Blaðsíða 27

UMRÆÐAN
MORGUNBLAÐIÐ FÖSTUDAGUR 27. JÚNÍ 2003 27
Í VOR sameinuðust Icelandair,
Reykjavíkurborg og rétthafafélögin
FÍH og STEF um stofnun sjóðs sem
þau hafa kosið að
kalla Reykjavík
loftbrú. Hlutverk
sjóðsins er veita
brautargengi fram-
sæknu íslensku tón-
listarfólki og gera
því keift að mæta til
tónleikahalds hvar sem er og hve-
nær sem er í Evrópu eða Bandaríkj-
unum berist þaðan boð frá við-
urkenndum aðilum.
Með þessu var skapaður lang-
stærsti sjóður sinnar tegundar á Ís-
landi og í raun var með stofnun hans
stigið stærsta skref í útflutningi á ís-
lenskri tónlist sem stigið hefur verið
til þessa, a.m.k. hvað varðar aðkomu
opinberra aðila. Sjóðurinn hefur ár-
lega um ellefu milljónir króna til
ráðstöfunar og munu því allt að 300
íslenskir tónlistarmenn geta notið
styrkveitinga úr honum á hverju ári.
Í sjóðsstjórn sitja 5 manns frá aðild-
arfélögunum en þriggja manna
verkstjórn hefur verið skipuð til að
vinna úr umsóknum og taka ákvarð-
anir um styrkveitingar. Sjóðurinn er
vistaður hjá Höfuðborgarstofu.
Þetta þýðir í raun að ef fram-
sækin hljómsveit, höfundar eða tón-
listarmenn fá boð um að koma fram
á tónleikum eða í fjölmiðlum erlend-
is sem sjóðsstjórn loftbrúarinnar
telur að muni leiða til áframhaldandi
landvinninga viðkomandi aðila, þá
mun sjóðurinn sjá um að koma um-
ræddum tónlistarmönnum til Evr-
ópu eða Ameríku eftir aðstæðum.
Reykjavíkurborg og Icelandair
hafa með þátttöku sinni staðfest það
sem hefur lengi blasað við: Mezzo-
forte, Sykurmolar, Björk, Gus Gus,
Sigurrós, Leaves, Quarashi, Múm
og fleiri góðir tónlistarmenn eru
ekki síðri landkynning en Snorri
Sturluson, harðfiskur og Halldór
Laxness. Þetta er ekki sagt með
neinum hroka heldur byggt á stað-
reyndum. Opinberir aðilar hafa ný-
verið kynnt skýrslur m.a. unnar úr
viðtölum við ferðafólk sem hingað
hefur komið að skoða land og lýð. Í
þeim rannsóknum hefur komið í ljós
að mikill meirihluti kemur hingað
fyrst og fremst til að kynna sér
menningu, ekki síst hina rómuðu
tónlist Reykjavíkur, borgarinnar
sem ól allt þetta hæfileikaríka tón-
listarfólk. Þetta þarf ekki að koma
neinum á óvart sem hefur haft opin
augu og eyru fyrir íslenskum áhrif-
um erlendis. Þetta eru í raun engar
fréttir.
Þessar staðreyndir eru sam-
hljóma skýrslum sem unnar voru af
Útflutningsráði snemma á tíunda
áratugi síðustu aldar, en þar segir
að hverskonar stuðningur við þann
vaxtarbrodd sem íslensk tónlist er
mundi hafa margföldunaráhrif sem
skila mundi sér beint í íslenska rík-
iskassann með virðisaukandi áhrif-
um. Hér er það þó ekki ríkið sem
réttir fram aðstoð heldur Reykjavík-
urborg og framsækið íslenskt mark-
aðsfyrirtæki sem í samvinnu við
hagsmunafélög stéttarinnar taka af
skarið.
Benda má á að hvorki Icelandair
né Reykjavíkurborg líta á framlög
sín til loftbrúarinnar sem styrki eða
tapað fé heldur skynsamlega og arð-
bæra fjárfestingu í markaðstengdri
menningarstarfsemi. Með þessu er
vonandi lokið þeirri aðgerðarfælni
sem einkennt hefur opinbera aðila
þegar framsækin íslensk tónlist hef-
ur verið annars vegar. Skrefið hefur
verið stigið, boðið hefur verið upp í
framsækinn dans. Nú verður von-
andi ekki sofið heila öld eins og í æv-
intýrinu heldur dansað í heila öld.
Þetta er þó alls ekki í fyrsta sinn
sem Icelandair gengur af slíkum
krafti til samstarfs við íslenskt tón-
listarfólks. Stuðningur fyrirtækisins
og drifkraftur í tengslum við Air-
waves-tónlistarhátíðina verður að
teljast aðdáunarverður. Þar hefur
hin ungi markaðsstjóri fyrirtækisins
í Bandaríkjunum, Magnús Steph-
ensen, farið fremstur í flokki. Hann
hefur unnið íslenskri tónlist meira
gagn á erlendum vettvangi en flesta
grunar.
Dagur B. Eggertsson, fulltrúi
borgarstjórnar, Björn Árnason,
FÍH, Magnús Kjartansson, FTT og
Kjartan Ólafsson, formaður Sam-
tóns, eiga skildar miklar þakkir ís-
lensks tónlistarfólks og annarra fyr-
ir að hrinda þessari hugmynd í
framkvæmd með áðurnefndum að-
ilum.
Hjá Icelandair, Reykjavíkurborg,
FÍH og STEF er það ekki hvað þú
getur sem telur, heldur hvað þú ger-
ir! Tónlistarfólk allt fagnar þeim
stórhuga aðilum sem stóðu fyrir
þessu löngu tímabæra framfaramáli
og vonar að það verði landi og tón-
listarþjóð til framdráttar á nýrri öld.
Reykjavík
loftbrú er lofs-
vert framtak
Eftir Einar Bárðarson
Höfundur er framkvæmdastjóri
Íslensku tónlistarverðlaunanna,
tónleikahaldari og lagasmiður.
www.gimli.is - ww.mbl.is/gimli
Árni Stefánsson viðskiptafræðingur og lögg. fasteignasali
FASTEIGNASALAN
GIMLI GRENSÁSVEGI 13,SÍMI 570 4800 - FAX 570 4810
Traust þjónusta í 20 ár
Sveinbjörn Halldórsson
sölustjóri
sími 693 2916, 570 4800
ELLIÐAÁRDALUR
EINBÝLI
Mér hefur verið falið að leita eftir góðu ein-
býlishúsi með útsýni yfir Elliðaárdalinn
og/eða aðgengi að friðlýstu svæði. Kaup-
andi er tilbúinn að veita ríflegan afhending-
artíma sé þess óskað. Sterkar greiðslur eru í
boði fyrir rétta eign.
Áhugasamir vinsamlega hafið samband
og ég mun fúslega veita nánari upplýsingar.
Hafðu samband - það kostar ekkert
INDRIÐASTAÐIR SKORRADAL
2 FYRIR 1 UM HELGINA
Sími 822 0055 / www.safaris.is
AUGLÝSINGADEILD
netfang: augl@mbl.is eða sími 569 1111