Morgunblaðið - 27.06.2003, Page 38
FRÉTTIR
38 FÖSTUDAGUR 27. JÚNÍ 2003 MORGUNBLAÐIÐ
Hundasýning um helgina. Árleg
sumarsýning Hundaræktarfélags
Íslands verður haldin um helgina í
reiðhöll Gusts í Kópavogi. Er
þetta viðamesta sumarsýning fé-
lagsins frá upphafi og hefst hún í
dag, föstudag, kl. 16 með keppni
ungra sýnenda. 62 hvolpar af 19
tegundum verða jafnframt sýndir í
dag og hefst sýning þeirra kl. 18.
Alls verða um 300 hundar af 48
tegundum sýndir á morgun og á
sunnudag.
Að þessu sinni koma fjórir dóm-
arar erlendis frá til að dæma
hundana, Frank Kane frá Eng-
landi, Luis Pinto Teixeira frá
Portúgal, Jenny Miller frá Eng-
landi og Jens Erik Sönderup frá
Danmörku. Þeir geta veitt hund-
um íslensk og alþjóðleg meistara-
stig ef þeir telja þá vera fram-
úrskarandi fulltrúa sinnar
tegundar.
Sýning hefst kl. 11 á morgun,
laugardag og kl. 10 á sunnudag.
Í DAG
Vorþing og aðalfundur samtak-
anna Landsbyggðin lifi, LBL verða
haldin í Tungubúð í Hróarstungu á
Norðurhéraði á morgun, laugardag-
inn 28. og sunnudaginn 29. júní.
Fundurinn hefst kl. 14 fyrri daginn
en kl. 9.30 þann síðari. Fríða Vala
Ásbjörnsdóttir formaður setur fund-
inn. Erindi halda m.a.: Jónas þór Jó-
hannsson, sveitarstjóri N–Héraðs,
Þórarinn Lárusson ráðunautur og
Sævar Sigbjarnarson bóndi. Kvöld-
verður verður í birkiskógi á laug-
ardagskvöldið og verður Sigurður
Aðalsteinsson, bóndi í Vaðbrekku,
veislustjóri.
Landsbyggðin lifi er landssamtök
framfara- eða velferðarfélaga víðs
vegar um landið sem hafa það á
stefnuskrá sinni að efla heimabyggð
sína og stuðla þannig að þróun
byggðarmála og betri byggð um
land allt, bæði efnahags- og menn-
ingarlega.
Nánari upplýsingar um dagskrá
vorþingsins og aðalfundinn er að
finna á heimasíðu LBL: www.land-
lif.is.
Á MORGUN
VIRÐISAUKASKATTUR verður
afnuminn af öllum fatnaði í Hag-
kaupum föstudag, laugardag og
sunnudag, að því er segir í tilkynn-
ingu frá versluninni.
„Það er baráttumál Hagkaupa að
íslensk verslun búi við sömu skilyrði
og erlend verslun, en með þeim hætti
má bæta hag heimilanna til muna.
Íslenskar fataverslanir eiga í beinni
samkeppni við sambærilegar erlend-
ar verslanir. Víða erlendis er lægri
virðisaukaskattur lagður á fatnað og
sums staðar er enginn virðisauka-
skattur lagður á barnafatnað,“ segir
ennfremur.
Lækkunin nemur sömu upphæð
og virðisaukaskattur, það er 24,5%,
og er á kostnað Hagkaupa, þar sem
ríkissjóður fær áfram sitt, segir jafn-
framt.
Afnema vsk.
af fatnaði
um helgina
SÍÐASTA laugardag voru liðin 30 ár
frá stofnun þjóðgarðsins í Jökulsár-
gljúfrum. Þjóðgarðurinn liggur vest-
an Jökulsár á Fjöllum, milli Detti-
foss og þjóðvegar við Ásbyrgi. Í
tilefni af afmælinu verður staðið fyr-
ir afmælisdagskrá á laugardaginn
kemur kl. 14. Dagskráin hefst með
því að gengið er frá Gljúfrastofu í
mynni Ásbyrgis og verður gengið
inn byrgið eftir nýjum skógarstíg.
Klukkan 18 mun gestgjafi, Sigþrúð-
ur Stella Jóhannsdóttir skógarvörð-
ur, ávarpa viðstadda og í framhaldi
af því mun Siv Friðleifsdóttir um-
hverfisráðherra flytja ávarp. Um
kvöldið leika svo Álftagerðisbræður
fyrir dansi.
Þjóðgarðurinn í
Jökulsárgljúfrum 30 ára
VERÐLAUN í smásagnakeppni
Menningarsamtaka Norðlendinga,
MENOR, og tímaritsins Heima er
best voru afhent í félagsheimilinu
Ljósheimum í Skagafirði laugardag-
inn 14. júní sl.
Á vegum MENOR hefur farið
fram um nokkurra ára skeið smá-
sagnakeppni annað hvert ár á móti
keppni í ljóðagerð hitt árið. Smá-
sagnakeppnin átti samkvæmt hefð-
inni að vera á síðasta ári, en vegna
tuttugu ára afmælis samtakanna,
sem gáfu út í tilefni afmælisársins
bókina Slóðir mannanna með verð-
launaverkum undangenginna ára,
færðist þessi keppni aftur um eitt ár.
Tímaritið Heima er best er nú í
fyrsta sinn aðili að keppninni ásamt
MENOR og munu verðlaunasögurn-
ar birtast í ritinu á næstunni.
Dómnefnd skipuðu Valdimar
Gunnarsson, Hólmfríður Anders-
dóttir og Einar Georg Einarsson.
Að þessu sinni bárust þrjátíu og
fimm handrit til dómnefndar og kom
fram að þrátt fyrir að handrit væru
nokkru færri en stundum áður hefði
efnið verið með allra besta móti og
því hefði nefndin átt í nokkrum erf-
iðleikum að velja bestu sögurnar.
Fyrstu verðlaun hlaut sagan Litla
prinsessan eftir Starkað Barkarson,
önnur verðlaun Dagur eins og hver
annar, eftir Hallberg Hallmundsson,
og þriðju verðlaun Fyrsti dagur
fjórðu viku, og var höfundur hennar
Ágúst Borgþór Sverrisson, og hlutu
þeir allir vegleg bókaverðlaun.
Ágúst Borgþór átti þess ekki kost
að vera viðstaddur afhendinguna en
Ólafur Hallgrímsson, formaður ME-
NOR, afhenti þeim Starkaði og Hall-
berg viðurkenningar sínar.
Á meðan gestir þágu veitingar las
Starkaður upp sögu sína Litla prins-
essan og var gerður góður rómur að
lestri hans, enda sagan hin prýðileg-
asta.
Að lokinni verðlaunafhendingunni
var haldinn aðalfundur MENOR.
Á fundinum var samþykkt tillaga
þar sem lýst var ánægju og stuðningi
við stofnun Fræðaseturs Jónasar
Hallgrímssonar að Hrauni í Öxnadal
en í fundarhléi skemmtu þau Sigríður
Snorradóttir og Kristján Valgarðs-
son gestum með einsöng og tvísöng
við undirleik Thomasar Higgerson.
Ólafur Hallgrímsson, sem verið
hefur formaður MENOR í tíu ár, gaf
ekki kost á sér til endurkjörs, og var í
hans stað kosinn Roar Kvam, tón-
menntakennari og söngstjóri frá
Fossbrekku á Svalbarðsströnd, en
aðrir í stjórn eru Svanhildur Egg-
ertsdóttir fráAkureyri, Helgi Ólafs-
son frá Hvammstanga, Magnús Ósk-
arsson frá Sölvanesi og Birgitta H.
Halldórsdóttir frá Syðri-Löngumýri.
Smásagnakeppni MENOR
og tímaritsins Heima er best
Sauðárkróki. Morgunblaðið.
Morgunblaðið/Björn Björnsson
Verðlaunahafarnir Starkaður Barkarson og Hallberg Hallmundsson.
DVALARGESTUM á Heilsustofn-
un NLFÍ í Hveragerði var boðið að
fara í jurtaskoðun í stað reglu-
bundinnar gönguferðar og slógust
margir með í hópinn. Í jurtaskoð-
uninni var lögð áhersla á þær teg-
undir sem notaðar eru í teið í
Heilsustofnuninni. Jurtirnar eru
tíndar í villtum og fjölbreyttum
gróðri í hlíðum Reykjafjalls sem
er hluti af umhverfi Heilsustofn-
unar.
Jurtaskoðun í Hveragerði
ÁRLEGIR styrkir Námsmannalínu
Búnaðarbankans voru afhentir fyr-
ir nokkru. Í ár bárust alls 335 um-
sóknir frá félögum í Námsmanna-
línunni en þetta var í þrettánda
sinn sem úthlutun fór fram. Styrk-
beiðnum hefur fjölgað mjög á und-
anförnum árum og því ákvað bank-
inn að fjölga styrkþegum úr tólf í
fimmtán. Hver námsmaður hlýtur
200 þúsund króna styrk en alls
voru 3 milljónir veittar í styrki. Sjö
útskriftarstyrkir voru veittir að
þessu sinni og átta námsstyrkir.
Fimm nemendur úr Háskóla Ís-
lands hlutu útskriftarstyrki og
tveir nemendur úr sérskóla, annar
frá Tónlistarskólanum í Reykjavík
og hinn frá Tækniháskóla Íslands.
Námsstyrkirnir voru veittir átta ís-
lenskum námsmönnum við erlenda
háskóla. Eftirfarandi námsmenn
hlutu styrki: Frá Háskóla Íslands:
Andri Steinþór Björnsson – sál-
fræði, Anný Lára Emilsdóttir –
hjúkrun, Guðrún Jóhannsdóttir –
bókmenntafræði, Stefán Ingi
Valdimarsson – stærðfræði og
Þóra Pétursdóttir – sagnfræði/
landafræði.
Frá Bandalagi íslenskra sér-
skólanema (BÍSN): Daníel Bjarna-
son – tónsmíðar og hljómsveit-
arstjórnun; Tónlistarskólinn í
Reykjavík og Sigurbjörg Rósa
Viggósdóttir – iðnrekstrarfræði;
Tækniháskóli Íslands.
Frá Samtökum íslenskra náms-
manna erlendis (SÍNE): Árdís Elí-
asdóttir – eðlisfræði; Tækniháskól-
inn í Kaliforníu, Benedikta
Steinunn Hafliðadóttir – líffræði;
þroskunar- og erfðafræði; Har-
vard-háskóla, Bergrós Ingadóttir –
matvælaefnafræði; Háskólinn í
Flórída, Guðbjörg Halla Arnalds –
nútímadans; Listaháskóli Norður-
Karólínu, Guðbrandur Benedikts-
son – safnfræði; Gautaborg-
arháskóli, Hulda Þórisdóttir –
vinnusálfræði; Háskólinn í New
York, Ingibjörg Aldís Ólafsdóttir –
óperusvið; Tónlistarskólinn í Nürn-
berg og Vala Hjörleifsdóttir – jarð-
skjálftafræði; Tækniháskólinn í
Kaliforníu.
Í styrkveitingarnefnd sátu: Jón
Adolf Guðjónsson, fyrrverandi
bankastjóri, Kristín Benný Grét-
arsdóttir, sérfræðingur hjá Kaup-
þingi Búnaðarbanka, Davíð Gunn-
arsson, formaður Stúdentaráðs
Háskóla Íslands, Heiður Reyn-
isdóttir, framkvæmdastjóri Sam-
taka íslenskra námsmanna erlend-
is, og Fjóla Margrét
Hrafnkelsdóttir, framkvæmda-
stjóri Bandalags íslenskra sér-
skólanema.
Styrkþegar og fulltrúar þeirra nemenda sem dvelja erlendis við nám, ásamt Hreiðari Má Sigurðssyni, forstjóra
Kaupþings Búnaðarbanka hf. Hver námsmaður hlýtur 200 þúsund króna styrk en 3 milljónir voru veittar í styrki.
Fimmtán fá styrk úr Náms-
mannalínu Búnaðarbankans
Nöfnum listakvenna víxlað
Í umsögn um sýningu Ormanna
á Tryggvagötu 11 í blaðinu í gær
var nöfnum tveggja listamanna
víxlað. Verk sem eignað var Huldu
Vilhjálmsdóttur er eftir Hildi Mar-
grétardóttur, en verk sem eignað
var Hildi Margrétardóttur er eftir
Huldu Vilhjálmsdóttur.
Sömuleiðis var misfarið með
höfund verksins „Móðir kvelur
barn“ sem fylgdi með greininni
sem myndskreyting, en réttur höf-
undur þess er Hildur Margrétar-
dóttir.
Beðist er velvirðingar á þessum
mistökum.
LEIÐRÉTT
Morgunblaðið/Arnaldur
„Móðir kvelur barn“ eftir Hildi
Margrétardóttur.