Morgunblaðið - 27.06.2003, Blaðsíða 40

40 FÖSTUDAGUR 27. JÚNÍ 2003 MORGUNBLAÐIÐ






 
 


 

 
 

  BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Í MORGUNBLAÐINU 21. júní
bendir Margrét Jónsdóttir á Akra-
nesi réttilega á að fósturlandið okk-
ar er gróðursnautt í samanburði við
það land sem forfeður okkar numu
fyrir liðlega ellefu hundruð árum.
Hún furðar sig á jákvæðum um-
mælum framkvæmdastjóra Land-
verndar um ástand gróðurs og jarð-
vegs á Íslandi, sem birtist í frétt í
Morgunblaðinu 17. júní sl. Fréttin
var agnarsmá, eins og Margrét
bendir á í grein sinni. Í smáum
fréttum um stór mál getur ýmislegt
misfarist. Margrét hefur því miður
rétt fyrir sér. Gróður- og jarðvegs-
eyðing er enn mikil hér á landi. Hafi
einhver skilið orð framkvæmda-
stjóra Landverndar með öðrum
hætti skal það hér með leiðrétt.
Landhnignun og jarðvegseyðing
er einhver alvarlegasti umhverfis-
vandi á jörðinni og af þeirri ástæðu
tileinka Sameinuðu þjóðirnar 17.
júní verndun jarðvegs. Landvernd
sinnir jarðvegsvernd og í tilefni
dagsins sendu samtökin frá sér til-
kynningu sem birtist á heimasíðu
samtakanna www.landvernd.is. Til-
kynningin barst einnig í hendur fjöl-
miðla og Morgunblaðið greindi frá
málinu í frétt.
Landvernd telur mikilvægt að all-
ir geri sér ljóst að landhnignun og
eyðimerkurmyndun er einhver al-
varlegasti umhverfisvandi heimsins.
Þessi vandi fer vaxandi, bæði vegna
þess að land og gróður er ekki nýtt-
ur með sjálfbærum hætti, en einnig
vegna loftslagsbreytinga.
Að mati Landverndar hefur mik-
ill árangur náðst í gróður- og jarð-
vegsvernd á Íslandi frá því að
markvisst var byrjað að vinna að
þeim málum í byrjun tuttugustu
aldar. Á tilteknum svæðum hefur þó
enn ekki tekist að koma á viðunandi
aðgerðum til varnar jarðvegseyð-
ingu og úr því þarf að bæta. Til að
mynda er ástand gróðurs á hálend-
inu enn víða bágborið, m.a. vegna
meiri beitar en gróðurinn þolir.
Þetta hefur þó á ýmsum svæðum
lagast nokkuð í seinni tíð vegna
minni beitar, uppgræðslu og hlýn-
unar. Landvernd telur að sjálfbær
landnýting sé hagkvæmasta leiðin
til að koma í veg fyrir eða stöðva
gróður- og jarðvegseyðingu. Það er
mikilvægt að sett séu skýr markmið
um sjálfbæra landnýtingu og að lög
og reglugerðir verði samræmd í
þessum tilgangi og felld að þessum
markmiðum.
Næsti jarðvegsverndardagur
verður haldinn 17. júní 2004. Það
væri gott ef fleiri áhugamenn og fé-
lög um verndun gróðurs gætu náð
saman með Landvernd til að vekja
athygli á þessu brýna viðfangsefni.
TRYGGVI FELIXSON,
framkvæmdastjóri
Landverndar.
Um ástand gróðurs
og jarðvegseyðingu
Frá Tryggva Felixsyni
ÞEGAR flest fólk tekur sér frí frá
amstri daganna gýs upp umræða um
stjórnmál. Tvö atriði í íslenskum
stjórnmálum eru nú ljós. Vinstri -
grænir eru margir búnir að viður-
kenna þá staðreynd að flokkurinn
þeirra, sem heitir svo fallegu nafni,
leiddi með klofningi sínum til valda
þá ríkisstjórn, sem ekki mun standa
vörð um velferðarþjóðfélagið. Samt
halda forustumenn þeirra sömu ræð-
una: „Við kjósum aldrei helv... krat-
ana, við kjósum ekki íhaldið, hugsjón
okkar er tær og hana svíkjum við
aldrei.“ Þessi flokkur mun hverfa af
næsta þingi. Hitt atriðið er sú stað-
reynd að „fjórflokkakerfið“ er hrun-
ið en þessi einstæðu tíðindi vöktu
ekki teljandi athygli í kosningabar-
áttunni en nú er eins og stjórnmála-
mennirnr hrökkvi upp við vondan
draum.
Samfylkingin virðist skilja stöð-
una þannig að hún er byrjuð að hug-
leiða þann möguleika að mestu stór-
tíðindi sögunnar á öllum lýðveldis-
tímanum geti gerst á þessu
kjörtímabili. Þessi atburðarás gæti
hafa byrjað með fleiri möguleikum í
stjórnarmyndunum og frekari upp-
stokkun flokkakerfisins almennt. Sú
ákvörðun Framsóknarflokksins, að
ganga án almenns mats á þörfum
þjóðarinnar, í þriðja kjörtímabil í
samstarf við Sjálfstræðisflokkinn
mun líka hafa áhrif á stjórnmálin.
Eftir hinni pólitíku landrekskenn-
ingu klofnar fleki Framsóknar-
flokksins endanlega frá meginland-
inu þegar landið verður eitt kjör-
dæmi. Það skyldi þó ekki vera að
Framsóknarflokkurinn og Sjálf-
stæðisflokkurinn rugluðu reitum
sínum í sameiginlegum pólitískum
ótta. Það væri ekki gott fyrir velferð-
arþjóðfélagið okkar.
Í þeim gífurlegu átökum sem
verða í þjóðfélaginu næstu árin verð-
ur hinn almenni kjósandi að vera
virkur og ekki síst þeir sem eru
óflokksbundnir.
HRAFN SÆMUNDSSON,
fyrrv. atvinnumálafulltrúi.
Pólitísk umræða
í gulu sólarljósi
Frá Hrafni Sæmundssyni