Morgunblaðið - 27.06.2003, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 27. JÚNÍ 2003 VERÐ Í LAUSASÖLU 190 KR. MEÐ VSK.
SÍMINN hefur ákveðið að bjóða
viðskiptavinum sínum að skoða
og greiða símreikninga sína með
rafrænum hætti í gegnum hvaða
heimabanka sem er og losna auk
þess við seðilgjald sem nú er
lagt á hvern reikning. Síminn og
Kaupþing Búnaðarbanki kynntu
þessa nýju þjónustu í gær. Sím-
inn er stærsti útgefandi reikn-
inga á landinu, sendir út um 2,5
milljónir reikninga árlega. Út-
sendir reikningar frá fyrirtæk-
inu vega 60 tonn á ári og myndu
ná til tunglsins og aftur til baka
væri þeim staflað upp. Útgáfa
rafrænna reikninga í gegnum
inga rafrænt en Síminn er þeirra
langstærst.
Að sögn Arnar Valdimarsson-
ar, sérfræðings á fyrirtækjasviði
Kaupþings Búnaðarbanka, tekur
um 2–3 vikur að koma nýju fyr-
irtæki inn í kerfið. Hann segir
Og Vodafone þegar hafa sýnt
áhuga á að semja við bankann
um rafræna birtingu reikninga
viðskiptavina sinna líkt og Sím-
inn hefur gert.
Síminn hóf fyrir tveimur árum
að gefa viðskiptavinum sínum
kost á að skoða reikninga sína
með rafrænum hætti á „þínum
síðum“ á www.siminn.is.
viðbúið að þróunin haldi áfram
hér á landi en hins vegar sé ann-
ars konar póstur að aukast, til að
mynda markpóstur sem stílaður
sé á viðtakanda.
Sífellt færri
reikningum dreift
Viðskiptavinir Símans geta
með þessum hætti sparað, því
seðilgjaldið nemur 150 krónum
en auk þess fá þeir greiddar 30
krónur fyrir að afþakka glugga-
póstinn.
Á fundinum í gær kom fram
að nú þegar hafa fleiri fyrirtæki
gert samning um birtingu reikn-
heimabanka getur því sparað
umtalsvert magn af pappír.
Síminn er einn stærstu við-
skiptavina Póstsins og segir Ás-
kell Jónsson, framkvæmdastjóri
markaðssviðs hjá Póstinum, það
vissulega áhyggjuefni fyrir fyr-
irtækið að missa þennan hluta
viðskipta sinna. „Þetta gerist
hins vegar ekki í einu vetfangi
enda ólíklegt að allir viðskipta-
vinir nýti sér þjónustuna strax.
Við erum við öllu búnir þar sem
alls staðar í kringum okkur hef-
ur þróunin verið sú að dregið
hefur úr reikningum í póstdreif-
ingu,“ segir Áskell. Hann segir
Mögulegt að fá rafræna símreikninga um heimabanka og spara um leið
Útsendir reikningar næðu
til tunglsins og til baka
BÖRNUM, sem kvíða tannviðgerðum, býðst nú
á stöku stofu sá kostur að horfa á teiknimyndir
eða kvikmyndir á meðan legið er í stólnum. Svo-
nefnd sjónvarpsgleraugu, upprunnin í Banda-
ríkjunum, eru hönnuð þannig að kvikar myndir
ber fyrir augu og hljóðið streymir inn í hlustir
þannig að varla heyrist í bor tannsa á meðan.
Margrét Rósa Grímsdóttir, sérfræðingur í
barnatannlækningum, er meðal þeirra sem tek-
ið hafa gleraugun í notkun og segir þau hafa
mælst afar vel fyrir hjá börnunum. „Nú heyrum
við ekki lengur spurninguna sem gjarnan
glumdi hér í eyrum: „Er þetta ekki að verða bú-
ið?“ og auk þess eru krakkarnir miklu kyrrari í
stólnum og vinnufriðurinn því meiri fyrir okk-
ur.“
Morgunblaðið/Sverrir
Sex ára stúlka horfir á teiknimynd um Línu
langsokk á meðan gert er við tennurnar.
Opinmynnt
börn í bíó
Daglegt líf/7
ÞAÐ VAR ys og þys baksviðs fyrir frumsýningu söngleiksins Grease í Borg-
arleikhúsinu í gær. Þau Birgitta Haukdal og Jón Jósep Snæbjörnsson voru að
koma sér í gervið og gírinn fyrir sýninguna er ljósmyndari Morgunblaðsins
heilsaði upp á þau. Jón Jósep, betur þekktur sem Jónsi í hljómsveitinni Í svörtum
fötum fer með hlutverk Daníels Zoëga sem er piltur er hrífst af utanbæjarsnót-
inni Sandí sem Birgitta Haukdal túlkar. Sögusviðið er sem sagt Ísland, nánar til-
tekið úthverfi í Reykjavík samtímans. Söngleikurinn sem er eftir Jim Jacobs og
Warren Casey er þýddur og staðfærður af Gísla Rúnari Jónssyni. Forsala miða á
sýninguna gekk framar öllum vonum og var löngu uppselt á frumsýninguna og
komust því færri að en vildu.
Söngleikurinn Grease frumsýndur í Borgarleikhúsi í gærkvöldi
Morgunblaðið/Árni Torfason
Morgunblaðið/Árni Torfason
Heitt í kolunum bak við tjöldin
LÍKLEGT er að við svokallaðar hitastrýtur á
útsjávarhryggjum við Ísland sé að finna tölu-
vert magn góðmálma. Peter Herzig, prófessor í
hagfræðilegri vistfræði við tækni- og námuhá-
skólann í Freiburg segir að unnið sé að rann-
sóknum á því hvernig hægt sé að hagnýta þær
auðlindir sem kunna að felast á sjávarbotninum.
Meðal málmanna sem safnast upp í útfellingum
í kringum hitastrýturnar eru gull, silfur, járn og
sink. Herzig segir að ekki sé nægilega mikið vit-
að um útfellingahaugana til þess að hægt sé að
segja til um það með vissu hvort vinnsla á málm-
unum sé hagkvæm. Þó hefur fyrirtæki fengið
einkarétt á fimm þúsund ferkílómetra svæði við
Papúa Nýju Gíneu til þess að vinna málma.
Á hafréttarráðstefnu í HÍ er fjallað um ýmis
lagaleg og vísindaleg álitamál er varða afmörk-
un landgrunnsins. Lagalegt forræði yfir land-
grunni utan landhelgi gæti reynst mikilvægt úr-
lausnarefni ef umhverfi hitastrýtanna reynist
ríkt af nýtanlegum málmi.
Líklega góð-
málmar við Ísland
Góðmálmar/10
VERSLUN með því óvenjulega nafni Pinku
ponsulitla plötubúðin verður opnuð á Akureyri í
dag. Eigendur eru hjónin Rögnvaldur B. Rögn-
valdsson og Birna Guðrún
Baldursdóttir og er versl-
unin í 12 fermetra húsnæði
við Gránufélagsgötu.
Áður hefur líklega ekki
verið boðin brauðsúpa til
sölu í hljómplötuverslunum
hérlendis, en Rögnvaldur
ríður á vaðið – það sem verð-
ur í geisladiskastandinum á
myndinni verður jafnan
hægt að kaupa fyrir 2.000
krónur. „Það voru ekki alltaf
bestu bitarnir sem fóru í
brauðsúpuna í gamla daga,“ sagði Rögnvaldur
við Morgunblaðið og gaf í skyn að í brauðsúp-
unni væru diskar sem almennt teldust ekki
vænlegir til sölu.
Pinku ponsu-
lítil plötubúð
Pinku ponsulitla/21
♦ ♦ ♦
FIMMTÍU þúsund eintök hafa
selst af kiljum rithöfundarins
Arnaldar Indriðasonar. Hin
bókelska Unnur Jakobsdóttir
Smári vissi ekki hvaðan á sig
stóð veðrið í verslun Eymunds-
son í Kringlunni í gær þegar
Pétur Már Ólafsson, útgáfu-
stjóri Vöku-Helgafells, sveif á
hana með veglega bókagjöf.
Unnur var að kaupa nýjustu
glæpasögu Arnaldar, Röddina,
en svo skemmtilega vildi til að
þetta var einmitt fimmtíu þús-
undasta kiljan.
Í bókagjöfinni voru allar
skáldsögur Arnaldar, sex að
tölu, innbundnar, auk Spá-
dómabókarinnar.
Hefur selt
50 þús-
und kiljur
SANNKALLAÐ stuttbuxnaveður var á Norðausturlandi í
gær. Sól skein í heiði og hiti fór vel yfir 20°C á flestum stöð-
um í þessum landshluta. Mestur hiti var á Húsavík og Mán-
árbakka eða 24°C. Á Akureyri fór hitinn hæst í 22°C sam-
kvæmt mælingum Veðurstofu Íslands og þar spókuðu menn
sig léttklæddir um götur og torg. Veðurstofan spáir áfram-
haldandi hlýindum um allt land fram yfir helgi. Í dag má bú-
ast við að hitinn fari aftur yfir 20°C á Norðausturlandi. Í
öðrum landshlutum er spáin fyrir daginn einnig prýðileg
þótt víða sé hætta á einhverri úrkomu.
Tíðarfarið hefur haft góð áhrif á aflabrögð norður af
landinu. Í Grímsey var sannkallað Mallorka-veður í gær, eða
um og yfir 20°C hiti, logn og sólskin og sagði Garðar Ólason
útgerðarmaður að hitinn hefði greinilega ekki haft slæm
áhrif á aflabrögðin. Hann sagði bátana hafa verið í mokfisk-
eríi í kringum Kolbeinsey en aðeins minna nær Grímsey.
„Þeir voru að koma með fínasta afla að landi,“ sagði Garðar,
sem hefur haft næg verkefni fyrir sitt fólk í fiskverkuninni
síðustu daga. Þar hefur verið unnið fram á nætur við að
verka þorskinn, flak’ann og salta, og gera hann söluhæfan.
Bongóblíða
á Norðurlandi
Morgunblaðið/Skapti Hallgrímsson
Hinn frægi hitamælir á Ráðhús-
torginu á Akureyri fór í 25 gráður.
♦ ♦ ♦