Morgunblaðið - 29.06.2003, Blaðsíða 14
14 SUNNUDAGUR 29. JÚNÍ 2003 MORGUNBLAÐIÐ
INGVAR Haukur var tilnefndur til nem-endaverðlaunanna fyrir góða ástundun ínámi og félagslega færni. „Verðlaunin eru
góð hvatning til að halda áfram á sömu braut.
Þetta er eins og að hlaupa erfitt hlaup, þá er
auðvitað gaman að standa uppi sem sigurveg-
ari.“
Ingvar Haukur leggur mikla áherslu á að
vinna vel í skólanum. „Ef eitthvað vefst fyrir
mér þá legg ég mikið á mig til að ná tökum á
því. Þegar ég næ að skilja það verður miklu
auðveldara að læra meira,“ segir hann.
Hann segist reikna með að viðurkenningin
fyrir að vera góð fyrirmynd sé sprottin af því
að hann sýni öðrum hvernig eigi að ná góðum
árangri í náminu. „Ég hef sennilega alltaf haft
svipuð vinnubrögð í skóla, alla vega síðan í 5.
bekk.“
Stærðfræði, náttúrufræði og samfélags-
fræði, sérstaklega landafræði og saga, eru í
uppáhaldi.
Hann hefur í nógu að snúast utan skólans,
því hann stundar frjálsar íþróttir og hjólreið-
ar, auk þess að lesa töluvert. Þar eru æv-
intýrabækur í uppáhaldi og núna er hann að
lesa Hringadróttinssögu. Og svo gefur hann
sér tíma til að hlusta á tónlist, aðallega þungt
rokk.
En sportið tekur einna mestan tíma. „Ég
hjóla mikið og hef keppt í hjólreiðum. Þegar
ég var lítill æfði ég frjálsar, en hætti um tíma
og æfði þá körfubolta. Núna er ég kominn aft-
ur í frjálsar og reikna með að vera þar áfram.“
Félagslífið í skólanum tekur ekki mikinn
tíma, enda er Víkurskóli bara tveggja ára og
félagslífið enn í mótun. Ingvar Haukur hefur
hug á að fara í Menntaskólann í Reykjavík, „út
af náttúrufræðibrautinni sem er svo góð þar,“
segir hann.
Eftir stúdentspróf gæti Ingvar Haukur
hugsað sér að verða flugmaður, en eins og títt
er um jafnaldra hans hefur hann ekki ákveðið
sig enn.
Í sumar vinnur Ingvar Haukur hjá trésmiðju
GKS, við smíði á innréttingum. „Það er fínt
starf og ég var mjög heppinn að fá það.“
„Fróðleiksfús og vandvirkur“
Ingvar Haukur Guðmundsson, 9. bekk Víkurskóla
„Ingvar Haukur er nemandi í mínum umsjónarbekk, 9. bekk. Hann kemur ætíð vel undirbúinn í kennslustundir og hefur sýnt ágætan námsárangur í bóknámi, ásamt list- og verkgreinum. Hann
er fróðleiksfús og vandvirkur og sýnir hverju viðfangsefni áhuga. Ingvar er bæði greiðvikinn og hjálpsamur og tekur því sem að höndum ber af stakri jákvæðni. Hann umgengst jafnt samnem-
endur sem kennara af virðingu og er hvers manns hugljúfi. Ennfremur sýndi hann frumkvæði og drifkraft er nemendur bekkjarins voru að undirbúa atriði fyrir árshátíð skólans. Auk þess að
sinna náminu af kostgæfni þá stundar Ingvar reglulega æfingar í frjálsum íþróttum og ber út dagblaðið DV reglulega. Ingvar er sérlega góð fyrirmynd í nemendahópnum.“
Solveig Thoroddsen
Fyrirmyndarfólk
HrafnhildurHekla var til-nefnd til nem-
endaverðlaunanna
fyrir góðan árangur í
námi, íþróttum og
tónlist, framkomu og
viðmóti til eft-
irbreytni. „Það er
auðvitað af hinu góða
að sjá afrakstur síns
erfiðis.“
Hrafnhildur Hekla
er stödd í Noregi í
fríi með fjölskyldunni
og var nýkomin úr
sundi í lengsta firði
heims, Sognfirði, þegar Morgunblaðið náði tali af henni. „Ég
fékk verðlaunin af því að ég stend mig ágætlega í skólanum, er í
íþróttum og spila á harmonikku og píanó,“ segir hún. Í skólanum
er ekkert sérstakt fag í uppáhaldi og henni gengur vel í öllu.
Harmonikkunámið hefur staðið í fjögur ár, hún lauk 5. stigi í
píanóleik í vor og hefur æft fótbolta með Fylki í sex ár. „Nei, þær
eru nú ekki margar stelpurnar á mínum aldri sem spila á harm-
onikku,“ segir hún. „En mamma spilar og tvær eldri systur mín-
ar.“
Í sumar vinnur hún í unglingavinnunni og ferðast með fjöl-
skyldunni auk þess að spila fótbolta hvenær sem tækifæri gefst.
„Ég ætla að halda áfram í fótboltanum. Mér finnst hann svo
skemmtilegur að ég æfi oft með vinkonum mínum fyrir utan æf-
ingatímana hjá Fylki.“
Framtíðin er enn óráðin, en hún hefur áhuga á að fara á nátt-
úrufræðibraut í menntaskóla. „Mig langar til að læra eitthvað
sem tengist íþróttum, en ég hef ekkert ákveðið ennþá.“
„Frábær félagi“
Hrafnhildur Hekla Eiríksdóttir, 9. bekk Árbæjarskóla
„Hrafnhildur er í senn frábær félagi og mikill íþróttamaður auk
þess sem hún skarar fram úr í tónlist en hún er mjög góður
harmonikkuleikari. Hún er góður námsmaður og skólasókn
hennar er til fyrirmyndar. Framkoma hennar og allt viðmót er
einnig til eftirbreytni.“
Valnefnd Árbæjarskóla
BENEDIKT Smárivar tilnefndur tilnemendaverð-
launa fyrir sam-
viskusemi, dugnað, að-
laðandi og sérlega
kurteislega framkomu.
„Ætli þessi viðurkenning
hafi ekki verið bæði fyrir
árangur í skóla og vegna
þess að ég er í hljómsveit
og íþróttum. Ég var
ánægður með þetta og
fjölskyldan og félagarnir eru ánægðir fyrir mína hönd.“
Benedikt Smári er gítarleikari hljómsveitarinnar Búdrýginda, sem
sigraði í Músíktilraunum á síðasta ári. Hljómsveitin gaf út fyrstu plötu
sína, Kúbakóla, í fyrra og hefur spilað víða. Hljómsveitin var valin Bjart-
asta vonin þegar Íslensku tónlistarverðlaunin voru afhent í janúar sl.
„Ég æfi líka körfubolta með Fjölni og við erum Íslandsmeistarar,“ segir
Benedikt Smári. Miðað við árangurinn hingað til ættu hljómsveitir og
körfuboltalið að keppast við að fá hann í sínar raðir.
Benedikt Smári hefur verið í Engjaskóla frá því í 7. bekk og er ánægð-
ur með skólann. „Sterkustu fögin mín eru líklega íslenska, enska og
stærðfræði. Ég ætla í Menntaskólann við Hamrahlíð næsta vetur, á nátt-
úrufræðibraut. Ég veit ekkert hvað ég geri eftir MH, það er nógur tími
til að velta því fyrir sér.“
Hann viðurkennir að það geti verið erfitt að samræma skólann, gít-
arleikinn og körfuboltann. „En þetta er svo skemmtilegt að það er allt í
lagi.“
Í sumar er hann að vinna hjá Sólarfilmu og að auki munu Búdrýgindi
spila. „Við fáum stundum gigg, erum búnir að spila á nokkrum tónleikum
undanfarið og nokkrir eru framundan.“
Benedikt Smári Skúlason, 10. bekk Engjaskóla
„Benedikt Smári er framúrskarandi námsmaður, samviskusamur,
stundvís og kurteis. Hann er mjög skipulagður unglingur í öllu sínu
starfi því hann hefur orðið að skipuleggja vel tíma sinn í námi í
grunnskóla og tónlistarskóla og í tómstundum. Hann er núverandi
liðsmaður í unglingahljómsveitinni Búdrýgindi sem hlotið hefur Eddu-
tónlistarverðlaunin og í keppni Músíktilrauna.“
Ormarr Snæbjörnsson, kennari í Engjaskóla
„Samviskusamur“ D
EONDRA Nickcoda Pennant var tilnefnd
til nemendaverðlauna fyrir þrautseigju,
umburðarlyndi, jákvæðni og ljúfmann-
lega framkomu. „Ég reyni að koma fram við aðra
eins og ég vil að þeir komi fram við mig.“
Deondra hefur búið hér á landi í fimm ár, en
hún er fædd og uppalin í Kingston á Jamaíku. Hún
gekk í Vesturbæjarskóla í eitt ár, en hefur und-
anfarin fjögur ár stundað nám við Hólabrekku-
skóla. „Ég var mjög hissa þegar ég var valin.
Margir hafa gert betur en ég og mér fannst ég
ekki eiga þetta skilið. En ég var mjög glöð.“
Þótt Deondra sé ánægð með skólann segir hún
það hafa verið mikil viðbrigði að flytja frá Jam-
aíku, en hérna býr hún hjá föður sínum og stjúpu.
Mamma hennar og tvö systkini búa á Jamaíku og
hún reynir að heimsækja þau á hverju sumri.
„Þegar ég kom hingað fyrst vildi ég ekki fara út
úr flugstöðinni. Það var svo kalt. En um leið og ég
gat farið að tala íslensku varð allt léttara. Þá byrj-
aði ég lífið upp á nýtt. Mér finnst gaman í skól-
anum og allir eru mjög góðir við mig, bæði kenn-
arar og nemendur.“
Í skólanum finnst henni skemmtilegast að
teikna og hún teiknar mikið heima. „Ég á margar
bækur með alls konar teikningum, en ég teikna
eftir því hvernig mér líður. Aðaláhugamálið er
samt dans. Ég hef dansað frá því að ég var lítil.
Næsta haust ætla ég að læra afró-dans. Næsta vet-
ur ætla ég í Fjölbrautaskólann í Ármúla og svo vil
ég fara til New York og læra dans. Ég sé ekkert
annað en dansinn. Að vísu gæti ég kannski hugsað
mér að verða hjúkrunarkona.“
Í sumar ætlar hún að bæta íslenskukunnáttuna í
sumarskóla, en hefur reyndar náð ágætum tökum
á málinu. Sumarvinnan er í versluninni Exodus
við Hverfisgötu, sem pabbi hennar og stjúpa reka.
Deondra Nickcoda Pennant,
10. bekk Hólabrekkuskóla
„Deondra kom í skólann í 7. bekk ómælandi á ís-
lenska tungu og er nú að ljúka grunnskólaprófi
frá skólanum. Hún ætlar sér í framhaldsnám
við Menntaskólann í Hamrahlíð. Hún hefur lagt
sig alla fram og náð góðum árangri í námi. Hún
tekur öllum erfiðleikum og mótlæti með brosi á
vör og sýnir þrautseigju í námi, leik og starfi.
Hún er mjög jákvæð og af henni stafar lífsgleði
en um leið er hún hvers manns hugljúfi, kurteis
og ljúf.“
Sigurjón Fjeldsted,
skólastjóri Hólabrekkuskóla
„Þrautseigja
í námi,
leik og starfi“
STEINAR Birgisson var tilnefndur til nemendaverðlauna fræðsluráðs Reykjavíkur fyrir ástundunog framkomu. „Ég er stoltur af þessum verðlaunum og ánægður að fá viðurkenningu fyrir þávinnu sem ég hef lagt á mig. Það er alltaf gott þegar fólk er hvatt áfram.“
Steinar lauk 10. bekk Hamraskóla í vor og ætlar í Kvennaskólann í haust. „Mér hefur þótt gaman í
náttúrufræði og ég ætla á náttúrufræðibraut í Kvennaskólanum. Ég valdi Kvennaskólann af því að mig
langar í skóla með bekkjakerfi. Mér finnst Kvennaskólinn líka hæfilega lítill og ég hef heyrt látið vel af
honum. En ég er ekki búinn að ákveða hvað ég geri eftir stúdentsprófið.“
Steinar segist ekki hafa tekið mikinn þátt í félagslífinu í Hamraskóla, þótt hann hafi tekið þátt í
spurningakeppni grunnskólanna fyrir hönd skólans. Lið skólans féll að vísu úr keppni í fyrstu umferð,
en naumlega þó. Hann hefur hins vegar ýmis áhugamál utan skólans. „Ég er í unglingadeild björg-
unarsveitarinnar Ársæls. Við hittumst einu sinni í viku í vetur, fórum á skyndihjálparnámskeið og æfð-
um klifur, sig og fleira af því tagi. Ég er ákveðinn í að halda áfram að starfa með björgunarsveitinni.“
Í sumar er Steinar nemi um borð í varðskipinu Tý og lætur vel af sér. „Nemarnir fá að prófa allar
vaktir og við lærum ýmislegt.“ Hann viðurkennir að hafa fundið fyrir sjóveiki í byrjun, en sú vanlíðan
hafi svo horfið. „Ég hef aldrei verið á sjó áður en líkar það vel.“
Áður en Steinar skipverji sofnar í koju um borð í Tý lítur hann í bók. „Ég les mikið og helst skáldsög-
ur.“
Steinar Birgisson, 10. bekk Hamraskóla
„Alla sína skólagöngu í Hamraskóla hefur Steinar haldið sínu striki, verið jákvæður, duglegur, samviskusamur og í alla staði til fyrir-
myndar. Hann sýnir öllum virðingu, kemur alltaf vel fram og stendur sig með prýði í öllu sínu námi, ástundun og samskiptum við aðra. Það
er mér mikill heiður að hafa fengið að vera umsjónarkennarinn hans í tvö ár því það er svo margt gott sem af honum er hægt að læra.“
Soffía Guðnadóttir
„Jákvæður og duglegur“