Morgunblaðið - 29.06.2003, Blaðsíða 21
MORGUNBLAÐIÐ SUNNUDAGUR 29. JÚNÍ 2003 21
AUGLÝSINGAR eru virk-ur þáttur í daglegri til-veru okkar, og það sterk-ur að oft á tíðum tökumvið ekki eftir þeim, nema
þær séu annaðhvort leiðinlegar og
þreytandi – eða skemmtilegar og
fyndnar og stundum greypast þær
inn í huga okkar án þess að við tökum
eftir því. Sumir taka auglýsingum
sem sjálfsögðum hlut, aðrir líta á þær
sem áreiti – en það er sama hvað okk-
ur finnst um auglýsingar, þær eru
komnar til að vera og oftar en ekki
þjóna þær upplýsingahlutverki, vís-
bendingu um hvert við getum leitað
þegar okkur vanhagar um ákveðinn
hlut eða þjónustu.
Seinustu árin hefur verið mikil
hreyfing á auglýsingamarkaðinum.
Ekki einasta að auglýsingastofur
komi og fari, sameinist og sundrist,
heldur hafa vinnuaðferðir og sá mark-
aður sem þær miða inn á gerbreyst,
bæði vegna tilkomu Netsins og fleiri
fjölmiðla. Það heyrist æ oftar að aug-
lýsingamarkaðurinn sé mjög erfiður
og á seinustu árum hafa jafnvel stórar
og þekktar auglýsingastofur lagt upp
laupana. Það vakti því athygli þegar
lítil auglýsingastofa í Hafnarfirði
fagnaði fjórtán ára starfsafmæli með
því að færa út kvíarnar og flytja inn í
miðja Reykjavík undir vorið í Lág-
múla 6, „þar sem er gott aðgengi og
nóg af bílastæðum fyrir viðskiptavini
okkar“, eins og eigandinn, Guðrún
Anna Magnúsdóttir, orðar það.
„Ég hafði rekið stofuna í húsnæði
við Reykjavíkurveg 66 í Hafnarfirði
nánast frá upphafi en áttaði mig á því
í vetur að viðskiptavinir mínir væru
dreifðir um Reykjavíkursvæðið en
stofan væri í einum jaðrinum á því
svæði. Ég ákvað að nú væri tími til
kominn að færa sig til og fór að leita
að hentugu húsnæði. Fljótlega datt
ég niður á húsnæðið hér í Lágmúl-
anum og leist vel á það vegna þess að
það er svo miðsvæðis. Héðan liggja
leiðir í allar áttir. Eitt af því sem við
sem rekum fyrirtæki verðum að
hugsa um er staðsetning út frá við-
skiptavinum og þjónustu við þá. Við
megum aldrei gleyma því markmiði
að þeir séu ánægðir og það sé þægi-
legt að skipta við fyrirtækið okkar.“
Mikilvægt að standa undir trausti
Hvað áttu við með „þægilegt“?
„Það felur í sér marga ólíka þætti
fyrir utan staðsetningu og aðgengi, til
dæmis að viðskiptavinurinn geti
ávallt náð í þann aðila sem sér um
hans mál með snöggum hætti og
fylgst náið með framþróun síns verk-
efnis. Einnig er mikilvægt að verk-
efnin gangi vel fyrir sig og að auglýs-
ingastofan leysi úr ýmsum málum án
þess að viðskiptavinurinn þurfi að
koma þar að. Þegar fyrirtæki velur
mína auglýsingastofu fram yfir aðrar
stofur felur það í sér ákveðið traust og
því hlýt ég að gera mitt besta til þess
að standa undir því trausti.
Annað sem mér finnst skipta miklu
máli er að á auglýsingastofunni ríki
ávallt góður andi og vinnugleði.
Ánægt fólk vinnur betur saman.
Mér finnst góð þjónusta og vinna
það mikilvæg að ég hugsa um það
daglega á hvern hátt ég og mitt
starfsfólk getum lagt okkur sem best
fram. Ég hef meðal annars komist að
þeirri niðurstöðu að grundvallaratriði
góðrar þjónustu sé góður skilningur á
viðskiptavininum. Við verðum að
leggja okkur fram um að skilja við-
skiptavininn til hlítar, óskir hans og
markmið. Hver viðskiptavinur er sér-
stakur og það dugar ekki að vera með
sömu lausnir fyrir alla.“
Nú hefur auglýsingamarkaðurinn
breyst töluvert á þeim fjórtán árum
sem þú hefur rekið þitt fyrirtæki.
Hvernig er ástandið í dag?
„Í dag eru fyrirtæki orðin meðvit-
aðri um kostnað. Það hefur í för með
sér aukna áherslu á tilboðsgerð og
gjarnan frá mörgum aðilum. Sam-
keppnin er það mikil að stundum er
erfitt að láta reksturinn skila arði.
Mikill tölvukostnaður og starfslið sem
samanstendur af sérfræðingum hefur
þar sitt að segja. Þetta er ein ástæða
þess hve mörg auglýsingafyrirtæki
hafa lent í erfiðleikum síðustu árin og
svarið við því er að velja starfsfólk vel,
passa að hafa ekkert óþarfa manna-
hald og gæta aðhalds í rekstri.“
Hvað um auglýsingamiðla?
„Þeir hafa breyst töluvert. Með til-
komu Netsins opnaðist nýr auglýs-
ingamöguleiki sem fólk á eftir að nýta
sér í auknum mæli. Í dag er að vaxa
upp heil kynslóð sem aldrei lítur í blöð
en sækir sér allar upplýsingar á Net-
ið. Það er hins vegar mikill vandi að
ná til þessa fólks og það þarf að fylgj-
ast vel með því hvað það er að skoða.
Þess misskilnings hefur gætt að
nóg sé fyrir fyrirtæki að koma sér
upp heimasíðu til að ná til viðskipta-
vinanna. Heimasíður eru svo sannar-
lega nauðsylegur þáttur í nútíma
markaðssetningu. En margir hafa
fallið í þá gryfju að halda að bara
vegna þess að þeir auglýsa vöru eða
þjónustu á heimasíðu sinni hljóti fólk
ósjálfrátt að skoða hana. En það er
ekki þannig. Ef heimasíða á að þjóna
þeim tilgangi að kynna vörur eða
þjónustu, þarf að leiða fólk inn á hana
með áberandi auglýsingaborðum á
mikið lesnum netsíðum. Auk þess
þarf að geta hennar á öllu kynningar-
efni.
Sumar heimasíður eru hugsaðar til
þess að auðvelda fólki val á vörum,
eða til að selja tiltekna vöru eða þjón-
ustu fyrir tilstilli heimasíðunnar.
Þessar heimasíður þurfa að vera ná-
kvæmar og greinagóðar, þannig að
auðvelt sé fyrir neytandann að finna
nákvæmlega þá vörutegund sem
hann óskar eftir sem og verð hennar.
Almennt þurfa heimasíður að vera að-
gengilegar og notendavænar. Þær
verða að leiða áhorfandann þægilega
á rétta braut, koma hreint að efninu
og forðast orðskrúð. Síðast en ekki
síst verður áhorfandinn að komast
auðveldlega út úr síðunni aftur.“
En nú hafa ekki bara orðið tækni-
legar breytingar á auglýsingamark-
aðinum á seinustu fimmtán árum.
Hefur ekki fjölmiðlaumhverfið breyst
töluvert líka?
„Jú, bæði útvarps- og sjónvarps-
stöðvum hefur töluvert fjölgað. Dag-
blaðamarkaðurinn hefur líka verið á
mikilli hreyfingu, þannig að menn
þurfa stöðugt að endurskoða hvað
þeir telja að hinn almenni neytandi
lesi hverju sinni. Hvað sjónvarp varð-
ar, þá er Skjár 1 að sækja mjög í sig
veðrið. Hann hefur mikið áhorf og ég
vona að sú sjónvarpsstöð sé komin til
þess að vera.“
Nú ætlar Skjár 1 að fjölga stöðvum
í haust. Er ekki sjónvarpsmarkaður-
inn orðinn ofmettaður hjá okkur?
„Nei, mér finnst allar þessar sjón-
varpsstöðvar eiga rétt á sér. Mann-
lífsflóran er fjölbreytt og fólk hefur
svo misjafnan smekk.“
Snýst um heildarútlit
Hvað þarf auglýsingahönnuður að
hafa til að bera?
„Starfsemi auglýsingastofa snýst
um allt sem lýtur að heildarútliti og
ímynd fyrirtækja. Auk þess sjá þær í
mörgum tilfellum um dreifingu og
framleiðslu þess efnis sem hannað er.
Þetta á að sjálfsögðu við um okkur.
Varðandi hönnun þá hönnum við t. d.
merki, bréfsefni fyrir fyrirtæki, alls
kyns bæklinga, auglýsingar í blöð,
tímarit, útvarp og sjónvarp, skilti,
ársskýrslur, umbúðir, heimasíður,
bása – sem sagt allt sem nöfnum tjáir
að nefna í sambandi við auglýsingar
og kynningar, auk skipulags á alls
kyns auglýsingatengdum viðburðum.
Það er mjög mikilvægt að hafa list-
rænt menntaða grafíska hönnuði við
störf á auglýsingastofum. Ég tel að
leiðin að góðri hönnun sé þessi list-
ræna sýn sem fólk virðist í flestum til-
fellum ekki hafa öðlast nema eftir 3–4
ára nám í grafískri hönnun við MHÍ/
LHÍ eða sambærilega listaháskóla
erlendis. Það er engin trygging fyrir
góðri hönnun að kunna vel á Photo-
shop eða Freehand ef þessa sýn vant-
ar þó svo að tölvurnar séu auðvitað
frábær verkfæri. Ég tel tímabært að
fara að huga að því að fá löggildingu á
starfsheitinu grafískur hönnuður.
Þannig að þeir sem það starfsheiti
beri hafi sambærilega listræna
menntun á bak við sig. Að öðru leyti
er starf grafísks hönnuðar mjög
margþætt í dag og góð þekking og
færni á hinum ýmsu hönnunarforrit-
um er grundvallaratriði til þess að
hönnuðurinn nái að skila hugmynd-
inni og verkinu vel frá sér.“
Hefur vinnumhverfið breyst frá því
þú ákvaðst að leggja fyrir þig grafíska
hönnun?
„Já, það má segja það. Þegar tölvu-
væðingin ruddi sér leið inn í auglýs-
ingaheiminn fyrir um það bil tíu ár-
um, þurftu þeir sem vinna við
grafíska hönnun að tileinka sér þekk-
ingu á ýmsum fjölbreyttum hönnun-
arforritum og tölvum almennt. Þetta
var mikil breyting frá vinnunni við
teikniborðið, þó svo að hugmynda-
fræðin hafi áfram verið sú sama. Við
þessa breytingu urðu skilin á milli
þess sem unnið er í prentsmiðjum og
auglýsingastofum óljósari. Í dag fara
flestar litgreiningar og myndvinnsla
fram á auglýsingastofum – þannig að
vinnan sem fram fer á auglýsingastof-
um hefur orðið æ viðameiri.“
Á tímum sem taldir eru erfiðir auglýsingastofum eru samt til stofur sem halda
hægt og bítandi áfram að fjölga starfsfólki, bæta þjónustuna og stækka við sig
húsnæði. Ein slík er Auglýsingastofa Guðrúnar Önnu, sem nýverið flutti úr Hafn-
arfirði til Reykjavíkur. Súsanna Svavarsdóttir ræddi við Guðrúnu Önnu.
Ánægt fólk vinnur
betur saman
Morgunblaðið/Jim Smart
Guðrún Anna Magnúsdóttir segir listræna sýn nauðsynlega í grafískri hönnun.
A›alvinningar:
10 Eimskipsboltar, árita›ir af
landsli›shetjum Íslands
Gá›u hva›a númer er á bolnum flínum*,
flví hér eru ni›urstö›urnar úr fyrsta útdrætti
sumarsins í happdrættinu:
*Allir leikmenn í 4. flokki kvenna og 5. flokki karla í knattspyrnu eru
sjálfkrafa flátttakendur í Eimskipsmótinu og hafa fengi› bol a› gjöf me›
happdrættisnúmeri áritu›u ne›st.
Nánari uppl‡singar er a› finna á heimasí›u Eimskips, www.eimskip.is.
Ertu flátttakandi í Eimskipsmótinu?
40 Eimskipsboltar
Aukavinningar:
Vinningshafar hafi samband vi› Hörpu fiorláksdóttur hjá Marka›sdeild
Eimskips í síma 525 7225. Vinningshafar utan höfu›borgarsvæ›isins
geta haft samband vi› næstu svæ›isskrifstofu Eimskips.
Næsti útdráttur ver›ur 25. júlí.
Númer hva›
er bolurinn flinn?
1160
1225
1512
2290
807
990
181
551
2449
2592
20
58
238
282
301
328
442
458
538
555
656
795
825
906
923
994
1009
1060
1098
1343
1709
1794
1878
2000
2012
2096
2228
2282
2301
2414
2484
2494
2497
2499
2552
2567
2603
2612
2785
2786