Morgunblaðið - 29.06.2003, Blaðsíða 42

42 SUNNUDAGUR 29. JÚNÍ 2003 MORGUNBLAÐIÐ






 




 
   

 

  
  !  "#"
$ & '
 (
 
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Á UNDANFÖRNUM árum hefur
aðsókn mín í miðborg Reykjavíkur
minnkað mjög mikið. Hinn 17. júní
síðastliðinn er ég rölti með fjölskyld-
unni niður Laugaveginn var ég að
velta fyrir mér hver væri orsök þess
að ég sækti verslun og þjónustu ann-
að en í miðbæinn.
Aðalskýringin er einfaldlega sú að
til að nálgast þessa þjónustu þarf ég
að leggja bílnum mínum og greiða
fyrir það í stöðumæli. Oftar en ekki
sit ég uppi með sektarmiða að upp-
hæð 1.500 kr., annaðhvort vegna
þess að ég hef ekki haft mynt við
hendina eða vegna þess að ég hef
verið nokkrum mínútum of lengi á
staðnum.
Fyrir nokkrum árum þurfti ég
mikið að sinna erindum í miðbænum
og lenti þá oft og títt í því að fá stöðu-
mælasektir. Það er ekkert óeðlilegt
við það.
Hinsvegar var fjöldi stöðumæla-
varða svo mikill að ég lenti oftar en
einu sinni í því að á meðan ég var að
skipta í smámynt í næstu verslun
hafði stöðumælavörður komið, sekt-
að mig og var horfinn á braut. Þótti
mér það orðið frekar hart að geta
ekki horfið frá bílnum í tvær mínútur
í þeim tilgangi að fá mynt án þess að
vera sektaður. Einnig varð ég vitni
að því að sjá stöðumælavörð ganga í
gegnum stórt bílastæði, skoða hvaða
gjaldmælar væru að falla og bíða svo
eftir þeim.
Ástæðan fyrir því að ég rifja þetta
upp er að ég hef þurft að sækja þjón-
ustu undanfarinn mánuð niður í
miðbæ og er aftur að lenda í þessum
kostnaði sem verður af því að ég er
of seinn eða þarf að bregða mér frá
til að nálgast smámynt. Það gefur
augaleið að sá sem ekki greiðir fyrir
30 mínútna bílastæði og er kominn
fram yfir tímann á að fá sekt. Í öðr-
um stórborgum þar sem ég hef búið
eða dvalið í einhvern tíma hef ég
einnig kynnst þessum málum af eig-
in raun og fengið sektir, munurinn er
hinsvegar sá að sektargleðin er ekki
svo mikil að ef maður er 2–3 mínútur
fram yfir tímann geti maður bókað
að komin sé sekt eins og raunin er
hér í Reykjavík.
Þessvegna spyr maður sig hvort
tilgangur með stöðumælunum sé að
afla tekna fyrir borgarsjóð eða
stuðla að betri nýtingu á bílastæð-
um?
Hinn mikli dugnaður bílastæða-
sjóðs við að sekta stöðumælalög-
brjóta hefur óneitanlega hreinsað
miðbæinn af þess konar glæpamönn-
um. Það eru góðu fréttirnar. Vondu
fréttirnar eru þær að glæpamenn-
irnir í þessu tilfelli er almenningur,
ég og þú.
Ég ákvað að kynna mér málið nán-
ar og kom þá í ljós að R-listinn hefur
þá mótað sér sérstaka stefnu varð-
andi bíla í miðbænum. Tilgangur
þessarar stefnu er að reyna fá borg-
arbúa eins og mig til að hætta að fara
á bíl niður í miðbæ og nota frekar al-
menningssamgöngur (sem er raunar
ekki mjög umhverfisvænt), hjóla eða
fara gangandi þegar ég þarf að
sækja verslanir og þjónustu í mið-
bænum. Í hversdagslegu amstri
dagsins gefur það augaleið að ég hef
ekki tíma til að skjótast með bílinn
heim, stíga á reiðfákinn eða ganga
niður í miðbæ og versla. Ég sæki ein-
faldlega bara frekar á staði þar sem
ég get lagt bílnum ókeypis, svo sem í
Kringlunni eða Smáralind, og ég er
viss um að ég er ekki einn um það.
Enda fannst mér á göngu minni
niður Laugaveginn á þjóðhátíðar-
daginn að hann væri farinn að bera
þess ákveðin merki þar sem fjöldi
tómra húsa hefur aukist og það
mynstur af þjónustu og verslunum
sem eru þar er að breytast (mikil
fjölgun fyrirtækja sem opin eru á
kvöldin þegar ekki kostar að leggja.
Tilviljun?).
Ég held að ég sé ekki einn um þá
skoðun að stefna núverandi stjórn-
enda borgarinnar í miðborginni hafi
beðið skipbrot. Ég reyni að forðast
að fara niður í miðbæ enda eru mörg
fyrirtæki flutt úr þessum borgar-
hluta, þar á meðal fyrirtækið sem ég
starfa hjá. Spurningin er kannski sú
hversu mikið skattgreiðendur munu
þurfa að greiða til að aftur verði snú-
ið með þessa eyðileggingu.
MATTHÍAS BJÖRNSSON,
Lönguhlíð 19,
105 Reykjavík.
Miðbæjarblús
Frá Matthíasi Björnssyni:
REYKJAVÍKURLISTINN hefur á
síðustu árum staðið sig mjög vel við
stjórnun borgarinnar. Samstarf
flokkanna sem standa að Reykjavík-
urlistanum hefur gengið vel þrátt
fyrir ítrekaðar hrakspár pólitískra
andstæðinga. Borgarbúar hafa sýnt
ánægju sína með samstarfið í verki
með því að endurnýja umboð Reykja-
víkurlistans tvívegis í kosningum og
hefur forskotið á Sjálfstæðisflokk-
innn sífellt aukist. Umboð þetta er nú
í gildi í þrjú ár í viðbót.
Ungliðahreyfingar í flokkunum
sem standa að Reykjavíkurlistanum
telja að svo lengi sem málefnastaða
er sterk, samstaða næst um form og
næg verkefni eru fyrir hendi, verði
stefnt að því að halda samstarfinu
áfram, ekki bara á þessu kjörtímabili
heldur verði skoðað með opnum huga
hvort það skuli ekki einnig gert eftir
næstu kosningar.
Andrés Jónsson, formaður Ungra
jafnaðarmanna í Reykjavík, Haukur
Logi Karlsson, formaður Ungra
framsóknarmanna í Reykjavík suð-
ur, Katrín Jakobsdóttir, formaður
Ungra vinstri grænna.
Ungliðar vilja að
Reykjavíkurlistinn
haldi sínu striki
Frá formönnum ungliðahreyfinga,
sem standa að Reykjavíkurlist-
anum: