Morgunblaðið - 29.06.2003, Blaðsíða 43

HUGVEKJA
MORGUNBLAÐIÐ SUNNUDAGUR 29. JÚNÍ 2003 43
LÆRISVEINARNIRtólf voru ekki beintskrautfjaðrir í hattimeistarans, heldurflestir eða allir dálítið
óheflaðir náungar, skapmiklir,
hvatvísir og fullir efasemda, að
því er lesa má af guðspjöllunum.
Hitt er jafnframt deginum ljós-
ara, að þetta var svo útpælt hjá
Jesú, að velja þessa samsetn-
ingu en ekki einhverja aðra,
sem hefði litið betur út á papp-
írnum, að maður verður orðlaus
af undrun og aðdáun. Um þá
snilld hans ber kirkja nútímans
vitni, stærstu trúarbrögð heims,
með þriðjung alls mannkyns
innan vébanda sinna, tvo millj-
arða af um sex milljörðum jarð-
arbúa. Þetta eigum við einkum
og sér í lagi kjarki og dugnaði
hinna óhefluðu púlsmanna að
þakka. Þeir fóru út um heiminn,
alls óhræddir, eftir fyrsta
páskadag, og lögðu grunninn,
sem aðrir byggðu síðan á, allt til
þessa dags.
Þessir lærisveinar voru
fulltrúar ættkvíslanna tólf, sem
komnar voru af þessum sonum
Jakobs (Ísraels): Asser, Benja-
mín, Dan, Gað, Íssakar, Jósef,
Júda, Leví, Naftalí, Rúben,
Sebúlon og Símeon. Og með
þeirri skipan rættist fyrirheitið í
31. kafla spádómsbókar Jer-
emía, 1. versi:
Á þeim tíma mun ég, segir Drottinn,
vera Guð fyrir allar ættkvíslir Ísr-
aels, og þeir munu vera mín þjóð.
Í þessum mönnum náði Guð
sumsé loks út fyrir Palestínu.
Jesús Kristur hafði óhemju
sterka nærveru, var mikill per-
sónuleiki; þurfti ekki annað en
segja: „Fylgið mér.“ Þá lögðu
menn umsvifalaust niður iðju
sína og hlýddu. Ásmundur Guð-
mundsson biskup ritar í bók
sinni Ævi Jesú, sem út kom árið
1952:
Án hans væru nöfn þeirra [þ.e. læri-
sveinanna] gleymd og öll iðja. Sá,
sem mikill er og heilagur, lætur
verða til mikla menn og góða. Ljós
hans tekur að loga á þeirra veika
skari, svo að þeir beri birtu einnig
um byggðir Galíleu. Hann á unga og
einlæga fylgismenn, sem elska hann
og hugsjón hans, komu Guðs ríkis á
jörðu – þeir boða með honum vor og
sumar. Fagrir viðarteinungar vefjast
að hinum styrka stofni og fagna svo
hækkandi sól.
Allt er þetta rétt og satt. En
fyrstu setningunni hefði næstum
mátt snúa við, þótt ekki sé ég
að draga verk og mátt heilags
anda í efa, og lesa: Án þeirra
væri nafn hans gleymt og öll
iðja.
Á þessum tíma voru nefnilega
margir fleiri kraftaverkamenn
og boðarar en Jesús á sveimi í
Gyðingalandi, en um þá er bara
fátt annað vitað núna. Nas-
aretbúinn einn stendur uppi í
minningunni, eflaust sökum
þess, að hann var sterkari en
þeir, en hinu má ekki gleyma,
að liðsmenn hans voru meira en
starfinu vaxnir, áttu eftir að
reynast dýrmætir á akrinum.
Í Matteusarguðspjalli (10:2-4)
er þessi nafnalisti og röð: Símon
Pétur, Andrés bróðir hans, þá
Jakob Sebedeusson og Jóhannes
bróðir hans, Filippus og Bart-
ólómeus, Tómas og Matteus toll-
heimtumaður, Jakob Alfeusson
og Taddeus, Símon vandlætari
og Júdas Ískaríot. Í Mark-
úsarguðspjalli (3:16-19) þessi:
Símon Pétur, Jakob Sebed-
eusson og Jóhannes bróður
hans, Andrés, Filippus, Bart-
ólómeus, Matteus, Tómas, Jakob
Alfeusson, Taddeus, Símon
vandlætara og Júdas Ískaríot. Í
Lúkasarguðspjalli (6:14-16)
þessi: Símon Pétur, Andrés
bróðir hans, Jakob og Jóhannes,
Filippus og Bartólómeus, Matte-
us og Tómas, Jakob Alfeusson
og Símon, kallaður vandlætari,
og Júdas Jakobsson og Júdas
Ískaríot.
Í Jóhannesarguðspjalli er
enginn listi. En í Postulasögunni
eru þessir nefndir: Pétur, Jak-
ob, Jóhannes, Andrés, Filippus,
Tómas, Bartólómeus, Matteus,
Jakob Alfeusson, Símon vand-
lætari og Júdas Jakobsson.
Fræðimenn þykjast geta lesið
út úr guðspjöllunum, að Jesús
hafi skipt þessum innsta læri-
sveinahring í þrjár grúppur. Í
þeirri fyrstu munu hafa verið
Andrés, Símon Pétur og Zebed-
eussynirnir tveir, í annarri
Bartólómeus, Filippus, Matteus
og Tómas og í hinni þriðju Jak-
ob Alfeusson, Júdas Ískaríot,
Júdas Jakobsson (einnig nefnd-
ur Lebbeus og Taddeus) og
Símon vandlætari. Þeir fyrst-
nefndu eru taldir hafa staðið
Jesú næst, enda fyrstu læri-
sveinar hans, önnur grúppan
svo og hin þriðja verið fjar-
tengdust. En auk þessara tólf
var stór hópur fyrir utan, af
báðum kynjum.
Á næstu vikum mun ég fjalla
um þessar tólf hetjur, eina af
annarri; þrettán raunar, ekki
skal Mattías, arftaki Júdasar
Ískaríot, verða útundan. Við
getum svo ótalmargt af þeim
lært, m.a. það að við – sem eig-
um oft og tíðum bágt með að
skilja hlutverk okkar í þessu
öllu – erum mikilvægari í hinni
góðu baráttu en við oft höldum;
að við skiptum óendanlegu máli
við útbreiðslu trúarinnar með
því einfaldlega að vera til og
benda með líferni okkar á þann,
sem við erum helguð í skírninni.
Tólf hetjur
sigurdur.aegisson@kirkjan.is
Seint verður læri-
sveinunum tólf full-
þakkað að hafa lagt
af stað með hinn
kristna boðskap út í
heiminn forðum
daga. Sigurður
Ægisson lítur til
þessara einstöku
manna og bendir á
að af þeim megi
ýmislegt læra, þótt
bráðum skilji þarna
20 aldir á milli.
Fyrirtæki til sölu

Mjög vinsæll næturklúbbur í miðbænum — tryggur kúnnahópur.

Stór sérverslun með heimilisvörur. Eigin innfluttningur.

Rótgróinn lítill matsölustaður í Hafnarfirði. Mjög gott fyrirtæki fyrir kokk
eða fólk sem kann að elda góðan heimilismat.

Lítil vélsmiðja, vel tækjum búin, frábær fyrir tvo duglega félaga.

Kvenfataverslun á Akureyri með góð merki. Eigin innflutningur.

Framleiðslubakarí í Hafnafirði með eða án verslunnar. Tilvalið fyrir bak-
ara sem langar í eiginn rekstur.

Höfum nokkur góð fyrirtæki á Suðurnesjum fyrir rétta aðila.

Stórt iðnfyrirtæki með þekktar neysluvörur. Ágæt EBITDA.

Rótgróið og vel arðbært gistihús miðsvæðis í Reykjavík. 30 herbergi og
lítil íbúð fyrir eiganda, ársvelta 40 m. kr.

Lítil verslun og verkstæði með reiðtygi og aðrar hestavörur. Gott fyrir
laghentan hestamann.

Rótgróðið hverfablað með miklar auglýsingartekjur.

Glæsileg myndbandasjoppa í Vesturbænum með langa og góða rek-
strarsögu. 60 m. kr. ársvelta. Möguleiki á grilli og ísbúð.

Stór austurlenskur veitingastaður í miðbænum. Mikil velta, góður
hagnaður. Eigið húsnæði.

Þekkt dömuverslun með náttföt og sundfatnað. Eiginn innflutningur.
Auðveld kaup.

Lítil en þekkt smurbrauðstofa og veisluþjónusta með góð tæki og mikla
möguleika.

Lítið en efnilegt framleiðslu- og þjónustufyrirtæki. Velta síðasta árs 40
m. kr. og stefnir í tvöföldun á þessu ári.

Listasmiðja með áherslu á steinavinnslu, gler og leir. Tilvalið til flutnings
út á land.

Stafræn ljósmyndaþjónusta og hefðbundin á besta stað í miðbænum.
Tilvalið fyrir hjón sem vilja fara í eigin rekstur. Auðveld kaup.

Snyrtilegur og fallegur söluturn með videó. Gott tækifæri fyrir samhenta
fjölskyldu. Verð 8 m. kr.

Höfum til sölu nokkrar stórar sérverslanir, heildverslanir og iðnfyrirtæki í
ýmsum greinum fyrir rétta kaupendur. Ársvelta 100—1000 m. kr.

Vörubílaverkstæði með föst viðskipti.

Hjólbarða- og bifreiðaverkstæði vel tækjum búið.

Lítil en góð heildverslun með gjafavöru, tilvalið fyrir 1—2 eða sem við-
bót við annan rekstur. Auðveld kaup.

Innflutnings- og þjónustufyrirtæki með kælitæki o.fl. Góður rekstur og
miklir möguleikar. Tilvalið fyrir vélstjóra.

Söluturn og videóleiga í Hafnafirði. Tilvalið sem fyrsta fyrirtækið. Verð
4,5 m. kr.

Glæsilegur veitingastaður á Suðurnesjum, einungis fyrir fagmenn. Frá-
bært tækifæri til að skapa sér nafn í faginu.

Viðgerðarverkstæði fyrir vélar og rafmagnstæki. Ábyrgðarviðgerir fyrir
stórt verslunarfyrirtæki. Þægilegur og öruggur rekstur fyrir 1—2 starfs-
menn.

Matvöruverslun, bensínsala og veitingarekstur í Búðardal. Eigið hús-
næði. Ársvelta er nú tæpar 200 m. kr. og hefur farið vaxandi með hverju
ári. Góður hagnaður um margra ára skeið og mjög heilbrigður rekstur.
Sérstaklega hentugt fyrir stóra fjölskyldu eða tvenn hjón.

Stórt samkomuhús í nágrenni Reykjavíkur með góðri aðstöðu fyrir dans-
leiki, veislur og fundi. Ársvelta 40—50 m. kr. Gott tækifæri fyrir fag-
menn. Rekstrarleiga möguleg.

Sérhæft fyrirtæki sem setur lakkvörn á bíla. Gott einkaumboð, tæki og
lager. Hentugt fyrir tvo menn. Gott verð.

Stórt arðbært þjónustufyrirtæki í byggingariðnaði.

Rótgróið framleiðslufyrirtæki með ljósabúnað, einnig einhvern innflutn-
ing. Upplagt sem sameiningardæmi.

Höfum ýmiss góð sameiningatækifæri fyrir stærri fyrirtæki.

Matvöruverslun á uppgangsstað í nágrenni Reykjavíkur. Ársvelta 136 m.
kr. Góð afkoma.

Stór sérhæfð trésmiðja með góðan hagnað. 10 starfsmenn. Gott tæki-
færi fyrir fyrirtæki í svipaðri starfsemi.

Þekkt sérverslun með 100 m. kr. ársveltu. Rekstrarhagnaður 14 m. kr.

Atvinnutækifæri. Rótgróinn pylsuvagn í atvinnuhverfi. Opnunartími virka
daga kl. 10—17. Ágætar tekjur, auðveld kaup.
Suðurlandsbraut 50 (Bláu húsin v/Faxafen)
Sími 533 4300, GSM 820 8658
FRÉTTIR
Sumarferð starfsmanna Múla-
lundar. Lokað verður eftir hádegi á
morgun, mánudaginn 30. júní, vegna
sumarferðar starfsfólks. Hér er um
að ræða árlega ferð starfsfólks þar
sem farið verður í Heiðmörk og
grillað.
Á MORGUN
FÉLAGSMÁLARÁÐHERRA hef-
ur borist áskorun frá Verkfræð-
ingafélagi Íslands,VFÍ, og Tækni-
fræðingafélagi Íslands, TÍ, til
stjórnvalda um að veita ekki er-
lendum aðilum starfsleyfi sem
verkfræðingar eða tæknifræðingar
án þess að ákveðin skilyrði séu upp-
fyllt. Er þetta gert vegna atvinnu-
leyfa á Íslandi fyrir verkfræðinga
og tæknifræðinga utan EES í
tengslum við framkvæmdir vegna
álvers á Reyðarfirði.
Mælst er til að erlendir aðilar séu
aðeins ráðnir að því tilskildu að
ekki reynist unnt að fá til starfa Ís-
lendinga með tilskilda menntun og
sérhæfingu. Ef það reynist ekki
unnt verði fullreynt að þeir sem
sæki um atvinnuleyfi sem verk-
fræðingar eða tæknifræðingar upp-
fylli sömu kröfur og Íslendingar
þurfa að gera til að geta kallað sig
verkfræðing eða tæknifræðing.
Gengið verði eftir því að erlendum
verkfræðingum og tæknifræðing-
um verði ekki greidd lægri laun en
hér hefur verið samið um á almenn-
um vinnumarkaði. Lægri launa-
greiðslur skekki samkeppnisstöðu
íslenskra verkfræðistofa og verk-
takafyrirtækja.
Nægur fjöldi fagmanna hér
Í bréfi félaganna til félagsmála-
ráðherra er undirstrikað að í land-
inu sé nægur fjöldi verkfræðinga og
tæknifræðinga sem geti leyst þau
verkefni sem undir starfssvið
þeirra falli varðandi framkvæmdir
við Kárahnjúkavirkjun og álver í
Reyðarfirði. Þar kemur jafnframt
fram að gert sé ráð fyrir verulegri
vinnu við hönnum mannvirkja af
hálfu verktaka og ef ekki sé gætt
ítrustu krafna um hæfni starfs-
manna verktakans kalli slíkt á auk-
ið eftirlit verkkaupa með tilheyr-
andi kostnaði.
VFÍ og TÍ
Áskorun
til stjórn-
valda
ÁTVR hefur opnaði vínbúð í Víkur-
skála í Vík í Mýrdal, verslunarstjóri
er Guðmundur Elíasson. Þetta er 80
tegunda verslun og eru tegund-
irnar í upphafi valdar með hliðsjón
af vinsældalistum í öðrum vínbúð-
um, en hægt verður að panta aðrar
tegundir ef þess er óskað. Þetta er
42. vínbúðin sem er opnuð á land-
inu. Í tilefni af opnuninni var boðið
til kynningar á húsnæðinu, einnig
var boðið upp á veitingar.
Morgunblaðið/Jónas Erlendsson
Ívar J. Arndal, forstjóri ÁTVR,
Guðmundur Elíasson, verslunar-
stjóri og varaoddviti Mýrdals-
hrepps og Bryndís F. Harðardóttir.
Vínbúð
opnuð í Vík
Fagradal. Morgunblaðið.
AUGLÝSINGADEILD
netfang: augl@mbl.is eða sími 569 1111