Morgunblaðið - 29.06.2003, Blaðsíða 49
fötin frá þessu tímabili gjarnan kom-
ist í tísku, eða krakkar hafa að
minnsta kosti klætt sig upp í Grease-
föt til tilbreytingar. Ekki er víst að
þröngar buxur, leðurjakkar og víð
rokkpils nái vinsældum nú þar sem
uppfærslan er staðfærð.
Aldrei hefur Grease-stíllinn kom-
ist eins mikið í tísku og eftir að
Grease-myndin var frumsýnd hér-
lendis árið 1979 eins og skrifað er um
í grein í Morgunblaðinu 11. mars það
ár.
Satínpils og gallonbuxur
„Það er engu líkara en eitthvað
sem kalla mætti Grease-æði hafi
gripið íslenska unglinga, því nú þykir
enginn maður með mönnum nema
hann klæðist Grease-fatnaði og
kunni Grease-dansana,“ segir í
greininni og er fötunum lýst nánar.
„Einkennandi fyrir þennan fatnað
eru svartar gallonbuxur og svartur
gallonjakki með grófum rennilásum
til skrauts. Einnig eru til svartir
jakkar úr leðri en þeir eru mun dýr-
ari og minna keyptir. Buxurnar
þurfa helst að vera svo þröngar að
það líti svo út að þær séu málaðar á.
Mikil átök þarf því oft til þess að
koma rennilásnum upp og er öllum
brögðum beitt til þess. Eitt besta
ráðið til þess að koma renilásnum
upp er einfaldlega að leggjast flatur á
gólfið og fá svo einhvern til þess að
hjálpa til,“ segir þar en tekið er fram
að sérstakir Grease-bolir séu notaðir
við buxurnar og „á þá eru prentaðar
myndir af sjálfum John Travolta“.
Föt úr satíni komust einnig í tísku
og voru pils úr satíni einn vinsælasti
fermingarfatnaðurinn fyrir stúlkur
það árið.
Unglingar árið 1979 virðast ekki
síður hafa eytt peningunum sínum í
föt heldur en nú tíðkast. „Samkvæmt
þeim upplýsingum, sem fengust hjá
afgreiðslufólki tískuverslananna,
virðast unglingarnir hafa ótrúlega
mikla peninga til að kaupa þennan
fatnað og þegar nýjar sendingar
koma seljast þær upp nær samdæg-
urs,“ segir í greininni.
Þarf 2–3 þvotta til að ná
brilljantíninu úr
Þar kemur fram að ekki sé þó nóg
að vera í Grease-fötum því strákarnir
verði að greiða sér eins og John
Travolta „og það tekst ekki nema
notað sé brilljantín“ og var það
ákveðnum erfiðleikum háð. „Brillj-
antínið er eingöngu fita og þarf tvo til
þrjá þvotta til að ná því úr,“ segir í
greininni en þær brilljantínbirgðir
sem til voru í landinu seldust upp á
skömmum tíma þegar æðið byrjaði.
„Þessi hárgreiðsla virðist þó ekki
hafa náð neinum teljandi vinsældum
erlendis og má því segja að þetta
brilljantínæði sé séríslenskt fyrir-
bæri.“
Mikið er dansað í Grease og hefur
myndin gjarnan ýtt undir áhuga ung-
linga á dansinsum og var svo árið
1979. Til voru sérstakir danshópar
sem lærðu eingöngu dansa úr Grease
hjá Heiðari Ástvaldssyni. „Aðsóknin
í dansskólana hefur aukist mjög mik-
ið í vetur miðað við síðustu ár og aldr-
ei hefur verið eins mikið um það að
strákar læri að dansa og nú í vetur,“
segir í greininni.
ingarun@mbl.is
FÓLK Í FRÉTTUM
MORGUNBLAÐIÐ SUNNUDAGUR 29. JÚNÍ 2003 49
lif
u
n
Tímaritið Lifun fylgir
Morgunblaðinu
miðvikudaginn 2. júlí
innlit á Suðurlandi • grænmetisuppskeran • ísréttir • gott í garðinn • hönnun
ytra rýmis • heitir drykkir • öðruvísi hugmyndir í bústaðinn • léttir réttir
rúmsloft við upptökurnar og mér
virðist það skila sér í afrakstrinum.“
Að sögn Matthíasar eru allar líkur
á að með þessari plötu láti bandið gott
heita að gera arfleifð Jónasar Árna-
sonar skil í plötuútgáfu: „Við spilum
hann samt auðvitað áfram enda hefur
hann fylgt bandinu frá því það fór
fyrst að spila fyrir 16 árum. Hann
verður áfram með bandinu.“ Fram-
tíðina í útgáfumálum og tónlistar-
stefnu bandsins segir Matti óráðna en
hann tekur þó vel í hugmyndir um að
gera „live“ plötu eða jafnvel óraf-
magnaða, en segir að allt slíkt verði
þó að ráðast seinna.
Hefðbundið sumarfrí
Framundan er mikið annríki hjá
hljómsveitinni en Matthías segir þá
RÉTT rúmt ár er liðið síðan írsku-
skotna þjóðlaga- og danslagahljóm-
sveitin Papar gaf út plötuna Rigg-
arobb þar sem Jónasi Árnasyni og
söngtextum hans var hampað á þá
vegu sem Pöpunum einum er lagið.
Nú er komin út önnur plata þar sem
textar Jónasar eru enn og aftur í aðal-
hlutverki og ber útgáfan titilinn Þjóð-
saga. „Málið með Riggarobb, og í leið-
inni aðdragandinn að þessari nýju
plötu, var að við fundum 40 lög sem
okkur þóttu skemmtileg og vildum
setja á plötu,“ segir söngvari hljóm-
sveitarinnar til þriggja ára, Matthías
Matthíasson, um tilurð plötunnar:
„Lögin áttu öll vel heima í þessu verk-
efni og lengi vel gældum við við þá
hugmynd að hafa Riggarobb jafnvel
tvöfalda.“ Það varð þó úr á endanum
að gefa lögin út í tvennu lagi en í aug-
um Matthíasar er um eitt samfellt
verkefni að ræða.
Birgitta, Andrea, Bubbi og fleiri
Fyrri platan seldist með endemum
vel og hafa í dag vel á ellefta þúsund
eintaka selst og því augljóst að Jónas
og Papar eiga upp á pallborðið, enda
jafngildir þetta því að plötuna megi
finna á rúmlega 10. hverju heimili á
landinu.
Auk Papanna tók þátt í gerð fyrri
plötunnar fríður hópur gesta. Margir
þeirra eru snúnir aftur til að taka þátt í
Þjóðsögu en þar má nefna Birgittu
Haukdal sem syngur lagið um „Árans
kjóann hann Jóhann“ og Bubba
Morthens sem syngur „Það skrifað
stendur“. Stefán Karl Stefánsson
syngur sína dýpstu tóna í laginu
„Svarta satans hjörð“ og Andrea
Gylfadóttir tekur tvö lög með Pöpun-
um. Til viðbótar má nefna Einar Ágúst
Víðisson, Hermann Inga Her-
mannsson, Bergsvein Árilíusson og
Björn Björnsson ásamt Karlakór Dal-
víkur.
„Það eru að miklu leyti sömu gestir
sem taka þátt í plötunni með okkur.
Þau höfðu ofboðslega gaman af þessu
síðast og fóru jafnvel með okkur á
Riggarobb-tónleika sem við héldum
meðal annars á Akureyri og Vest-
mannaeyjum. Svo bætist til dæmis
við hann Bubbi, sem er Papa-aðdá-
andi númer eitt og vildi endilega vera
með,“ segir Matthías og skellihlær.
Auk Matthíasar er hljómsveitin
skipuð þeim Dan Cassidy fiðluleikara,
Eysteini Eysteinssyni trommu- og
slagverksleikara, Georgi Ólafssyni á
bassa, Páli Eyjólfssyni á hljómborð
og Vigni Ólafssyni á banjó. Bandið á
langa sögu, hefur starfað síðan 1986
og er þetta 8. plata hljómsveitarinnar.
Afslöppuð upptaka
Matthías segir plötuna hafa verið
tekna upp að mestu án utanaðkom-
andi hjálpar, og segir að það skili sér:
„Við vorum ekki með utanaðkomandi
upptökumenn eða neitt þess háttar,
nema þá þegar ég var að syngja. Fyr-
ir vikið var mun afslappaðra and-
félagana meira eða minna bókaða út
árið. Þeir taka sér þó venjubundið frí í
ágúst: „Við tökum okkur alltaf sum-
arfrí í ágúst. Eftir því sem frægðar-
sólin hefur risið hærra hefur það þó
gerst að saxast hefur á fríið, sem áður
var ríflega mánuður en er núna um
þrjár vikur. Við tökum verslunar-
mannahelgina og næstu helgi eftir
það en tökum okkur síðan hvíld fram í
byrjun september.“
Þangað til verða þeir þó á fullu en
aðdáendur þeirra og söngtexta Jónas-
ar Árnasonar geta heyrt þá spila nýju
lögin á útgáfutónleikum í dag í Hag-
kaupum í Smáralind kl. 15.00 en fyrir
þá sem vilja dansa ærlega verða þeir á
Players í Kópavogi í kvöld.
Papar gefa út Þjóðsögu, aðra plötu sína tileinkaða Jónasi Árnasyni
Morgunblaðið/Arnaldur
Paparnir síkátu: Eysteinn Eysteinsson, Vignir Ólafsson, Páll Eyjólfsson,
Georg Ólafsson, Matthías Matthíasson og Dan Cassidy.
Til heiðurs Jónasi
Árnasyni – aftur
asgeiri@mbl.is