Morgunblaðið - 29.06.2003, Blaðsíða 53

MORGUNBLAÐIÐ SUNNUDAGUR 29. JÚNÍ 2003 53
ÁLFABAKKI
kl. 3.45, 5.50, 8 og 10.20.
Svalasta mynd sumarsins er komin.
ÁLFABAKKI
Sýnd kl. 2. Tilboð 300 kr
ÁLFABAKKI
Sýnd kl. 2 og 4. Ísl. tal
ÁLFABAKKI
Sýnd kl. 2 og 3.45.
KEFLAVÍK
Sýnd kl. 8 og 10.
ÁLFABAKKI
Sýnd kl. 5.40, 8 og 10.20. B.i. 16.

X-IÐ 97.7

DV
Tilboð 300 kr
KEFLAVÍK
kl. 4, 6, 8 og 10. Bi. 12
AKUREYRI
kl. 6, 8 og 10. Bi. 12
ÁLFABAKKI
Kl. 5.50, 8 og 10.15. Bi. 12
KRINGLAN
Kl. 3.45, 5.50, 8 og 10.10. B.i. 12
SÝND Í LÚXUS VIP Í ÁLFABAKKA
KL. 5.30, 8 OG 10.30.
ÁLFABAKKI
Sýnd kl. 2, 4, 6, 8 og 10.
KRINGLAN
Sýnd kl. 4 og 6.
KEFLAVÍK
Sýnd kl. 4 og 6.
KRINGLAN
Kl. 8 og 10.10.
HVER kannast ekki við lög eins og
„Sestu hérna hjá mér ástin mín“,
„Einu sinni á ágústkvöldi“, „Kötu-
kvæði“, „Anna í Hlíð„ og „Viltu með
mér vaka“? Vonandi flestir er svar-
ið en líklegt er að enn fleiri kynnist
þessum lögum og mörgum til við-
bótar við hlustun 22 ferðalaga með
Kristjáni Kristjánssyni, eða KK, og
Magnúsi Eiríkssyni, sem kemur út
hjá Sonet, útgáfufyrirtæki Óttars
Felix Haukssonar, á þriðjudaginn.
Hugmyndin kom fyrst upp fyrir
nokkrum árum, að gaman væri að
gera gömlu lögunum góð skil með
útgáfu nokkurs konar „rútubíla-
plötu“. Þetta áttu að vera lögin,
sem söngelskir syngja í ferðalög-
um, á útihátíðum, í tjaldinu, við
varðeldinn, í sumarbústaðnum eða
bara á gleðistund í heimahúsum í
góðra vina hópi.
Upprunalegar útgáfur
„Oft og tíðum er einfaldleikinn
svolítið flókinn,“ segir Óttar Felix
Hauksson, útgefandi og samstarfs-
maður KK og Magnúsar á plötunni,
þar sem við erum stödd á BSÍ, eðli-
legu umhverfi laganna, fordyri
náttúrunnar og ferðalaga.
„Við ákváðum að fara þá leið að
nota enga hljóðgervla eða auka-
hljóðfæri heldur reyna að ná þessu
eins upprunalegu og hægt væri,
eins og flestir hafa lært lögin,“ seg-
ir hann en KK og Magnús eru bara
tveir á plötunni með tvo kassagít-
ara auk þess sem munnharpan fær
að vera með.
„Við héldum að við myndum taka
þetta upp á nokkrum dögum en það
var ekki svo. Þetta tók þrjár vikur,
bara í upptökum, því að ná þessum
einfaldleika, þessum hlýleika og
einlægni, það var flóknara en virð-
ist í fyrstu,“ segir hann en fyrstu
orðin sem koma einmitt upp í hug-
ann við hlustun eru einlægni og ein-
faldleiki. „Við vildum að það skini
svolítið í gegn að þetta eru lög, sem
manni þykir vænt um.“
Textar og gítargrip fylgja
Inni í plötuumslaginu er að finna
alla texta laganna og hljómarnir
eru merktir á réttum stöðum. „Ef
einhvern langar til að læra að spila
lögin er það mjög aðgengilegt,“
segir hann en til viðbótar er gít-
argripin að finna í bæklingnum.
Diskurinn hefur því tvöfalt gildi
segir Óttar. „Þetta er bæði
skemmtiefni og kennslubók,“ segir
hann. „Hugsunin á bak við þessi gít-
argrip er að þetta sé gítarkennsla
um leið,“ útskýrir Magnús. „Þegar
batteríin eru búin í geislaspil-
aranum í Þórsmörk tekur fólk bara
gítarinn og gerir þetta sjálft,“ segir
KK.
Eins og áður sagði höfnuðu 22
lög á diskinum en valið var úr
mörgum góðum lögum. Til að fá yf-
irsýn yfir þann aragrúa af söng-
lögum sem um var að velja leitaði
Magnús á náðir Jónatans Garð-
arssonar hjá Ríkisútvarpinu, sem
tók saman langan lista yfir þau ís-
lensk dægurlög sem oftast hafa
hljómað á öldum ljósvakans í gegn-
um árin.
Vinsælustu rútubílalögin
„Ég talaði við Jónatan og sagði
honum að við værum að pæla í að
gera plötu með svona rútubílalög-
um. Hann tók vel í það að fara yfir
það hjá Útvarpinu, hvað hefur verið
spilað mest á síðustu öld,“ segir
Magnús en Jónatan lét þá fá lista
með um 200 lögum. „Við vorum
búnir að mynda okkur skoðun áður
og við Kristján vorum búnir að
pæla mikið í þessari músík frá ’50
og ’60,“ segir Magnús.
„Við erum búnir að vera að pæla í
þessu í nokkur ár og viða að okkur
upplýsingum. Maggi átti þessa hug-
mynd frá byrjun,“ útskýrir KK.
Félagarnir þrír voru sammála
um hvaða lög ættu að hafna á plöt-
unni. „En það vantaði eitt lag sem
var ekki á listanum en það er „Sestu
hérna hjá mér“. Okkur fannst það
eiga heima þarna og bættum því
við,“ segir Óttar Felix.
Vinnuheiti plötunnar var „rútu-
bílalögin“ en þeim fannst „ferða-
lög“ vera þjálla orð. „Það er mjög
viðeigandi. Eins og allt annað á
þessari plötu kom þetta af sjálfu
sér,“ segir KK.
Tileinkuð mæðrum þeirra
„Þetta eru eiginlega 22 ferðalög
til fortíðar,“ segir Magnús en plat-
an er tileinkuð mæðrum þeirra
þriggja. „Þetta eru uppáhaldslögin
þeirra mörg hver, sem þær ólust
upp við,“ segir Óttar Felix.
Lögin voru síðan útsett og æfð í
maísólinni í garðinum hjá KK og, ef
illa viðraði, í stofunni hjá Magnúsi. Í
útsetningunum var haft að leið-
arljósi að reyna að halda í þær
raddsetningar, sem þeir lærðu af
þeim eldri.
„Þetta eru svo falleg og saklaus
lög. Sex og sjö ára börn geta hlust-
að á þau og sett sína merkingu í
þau, markaða af sinni reynslu. Þau
geta sett sinn skilning í textann,“
segir KK og bætir við að þetta séu
„verðmæt lög“. „Þau eru svo falleg,
þau eru rómantísk, erótísk og sak-
laus,“ segir hann.
Vinátta og virðing
Allir ættu því að geta sameinast
um þessi lög. „Þetta er hinn sameig-
inlegi söngarfur þessarar þjóðar,“
segir Óttar Felix.
KK og Magnús hafa átt farsælt
samstarf í gegnum árin og eru þeir
báðir sammála um ástæðuna. „Það
er vinátta og virðing,“ segir KK og
Magnús tekur undir það en þess má
geta að þetta er fyrsti diskurinn,
sem þeir gera með lögum eftir aðra
en sig sjálfa.
Þeir eru sérstaklega ánægðir
með útkomuna og segja að besta
spilamennskan og söngurinn hafi
endað á plötunni. Óttar Felix skýt-
ur inn í að 3.000 eintök af plötunni
hafi verið seld í forsölu viku fyrir
útgáfu. Ástæðan? „Fólk elskar þessi
lög,“ segir Magnús.
KK og Magnús Eiríksson senda frá sér 22 ferðalög
Lifandi þjóðlög
Platan 22 ferðalög með KK og Magnúsi
Eiríkssyni kemur út eftir helgina. Inga Rún
Sigurðardóttir ræddi við KK, Magnús og
útgefandann Óttar Felix Hauksson um þennan
sameiginlega söngarf þjóðarinnar.
Morgunblaðið/Arnaldur
KK og Magnús á BSÍ, tilbúnir í ferðalag með kassagítarinn að vopni.
Platan 22 ferðalög með KK og
Magnúsi Eiríkssyni kemur út 1. júlí.
Sonet gefur út.
ingarun@mbl.is