Morgunblaðið - 30.06.2003, Blaðsíða 11
VIÐSKIPTI/ATHAFNALÍF
MORGUNBLAÐIÐ MÁNUDAGUR 30. JÚNÍ 2003 11
ÍSHEIMAR, ný og endurbætt frysti-
vörumiðstöð Samskipa á Holta-
bakka var formlega opnuð við há-
tíðlega athöfn nýverið, rúmlega
hálfu ári eftir að fyrsta skóflu-
stungan var tekin að byggingunni.
Nýja frystivörugeymslan er sér-
hönnuð til að mæta þörfum vaxandi
flota fjölveiðiskipa og með tilkomu
hennar geta Samskip stóraukið
þjónustu sína við sjávarútveginn í
heild.
„Ég þori að fullyrða að með til-
komu nýju frystigeymslunnar hér á
Holtabakkanum erum við komin
með bestu og fjölbreyttustu þjón-
ustuna við fiskveiðiflotann sem
finnst hér á landi – og þótt víðar
væri leitað,“ segir Knútur G.
Hauksson, forstjóri Samskipa.
„Þetta er í raun ný tegund af
þjónustu hjá okkur. Í eldri hluta
frystivörumiðstöðvarinnar er var-
an öll í rekkum en nýja byggingin
er hönnuð fyrir stærri sendingar.
Þar verður allri vöru frístaflað,
sem er hagkvæmara með tilliti til
ýmissa fisktegunda. Samhliða
byggingu nýju frystigeymslunnar
hefur gámatenglum verið fjölgað
og verður öll vara plöstuð og merkt
með strikamerki áður en henni
verður komið fyrir í geymslunni.
Þá verður öll losun og lestun frysti-
flutningsskipa, flutningabíla og
gáma einfaldari því nýja geymslan
er í sömu hæð og bryggjan, sem
auðveldar akstur lyftara og ann-
arra ökutækja á svæðinu.“
Bygging fjölnota frystivöru-
miðstöðvar hefur lengi staðið til hjá
Samskipum og fyrir rúmu ári var
ákveðið að byggja 3 þúsund tonna
viðbót við frystigeymslu félagsins á
Holtabakka. Samið var við Línu-
hönnun um að sjá um alútboð á
byggingu geymslunnar og var hag-
stæðasta tilboðið í verkið, 263 millj-
ónir króna, frá Keflavíkurverktök-
um. Arkitektastofan Yrki hannaði
bygginguna en um burðarþol og
lagnir sá verkfræðistofan Hönnun.
Frystikerfi ehf. hafði umsjón með
vélarbúnaði, Samey annaðist raf-
lagnir og Línuhönnun hafði með
höndum eftirlit með verkinu fyrir
hönd Samskipa.
Miklar breytingar hafa einnig
verið gerðar á hafnarsvæði Sam-
skipa við Vogabakka, samhliða
byggingu nýju frystigeymslunnar.
Hafnarbakkinn var lengdur í 500
metra og innsiglingin dýpkuð. Geta
þrír togarar ásamt flutningaskipi
Samskipa nú legið samtímis við
Vogabakka og tveir togarar við
Holtabakka.
Samskip opna fjölnota
frystivörumiðstöð
Morgunblaðið/Jim Smart
Ísheimar, ný og endurbætt frystivörumiðstöð Samskipa, hafa verið teknir í
notkun á Holtabakka, um hálfu ári eftir að fyrsta skóflustungan var tekin.
Afl fjárfestingarfélag keypti hluta-
bréf í Atorku að nafnvirði 277.701.732
og er eignarhlutur félagsins nú
12,21% en var áður enginn. Þorsteinn
Vilhelmsson, stjórnarformaður Afls,
og Magnús Jónsson, stjórnarmaður í
Afli, eru báðir stjórnarmenn í Atorku.
Ránarborg ehf. keypti í Atorku
fyrir 41.818.182 krónur að nafnvirði
og er eignarhlutur félagsins orðinn
1,84% en var áður enginn. Þorsteinn
Vilhelmsson er stjórnarformaður og
aðaleigandi Ránarborgar ehf. og
Magnús Jónsson er framkvæmda-
stjóri félagsins.
Skessa ehf. fjárfesti fyrir
18.181.818 krónur að nafnvirði í
Atorku. Eftir viðskiptin er eignar-
hlutur Skessu 6,01% eða að nafnverði
136.622.054 krónur og lækkar úr
6,96%. Þorsteinn Vilhelmsson er
stjórnarformaður og aðaleigandi
Skessu ehf.
Fjárfestingarfélagið Atorka hf.
STJÓRN Fjárfestingarfélagsins
Atorku hf. hækkaði hlutafé félagsins
um rúmar 570 milljónir á föstudag.
Útistandandi hlutafé félagsins er nú
tæplega 2,3 milljarðar og var aukn-
ingin seld á genginu 1,65. Atorka
keypti á föstudag eigin bréf að nafn-
verði 173.015.588 krónur og eru eigin
bréf félagsins nú 9,9%.
Í kjölfar hækkunar hlutafjár
Atorku fór hlutur Harðbaks hf. niður
fyrir 5% flöggunarmörk, úr 6,22% í
4,66%, að því er fram kemur á vef
Kauphallar Íslands.
Fjögur félög keyptu hlutabréf í
Atorku fyrir samtals 357.701.732
krónur að nafnvirði á genginu 1,65.
Heildarvirði þessara viðskipta nemur
því rúmum 590 milljónum króna.
Margeir Pétursson ehf. keypti hluti
fyrir 20 milljónir að nafnvirði og er
hlutur félagsins, sem er í eigu Mar-
geirs Péturssonar, stjórnarformanns
Atorku, nú 3,58%.
keypti á föstudag hlutabréf í Lífi að
nafnvirði 41 milljón króna og er þar
með stærsti hluthafi í félaginu með
ríflega 40% hlut. Kaupin voru gerð á
genginu 5,17 krónur á hlut og virði
viðskiptanna því um 212 milljónir
króna. Stjórnarformaður bæði
Atorku og Lífs er Margeir Pétursson.
Félag í hans eigu, Margeir Péturs-
son ehf., seldi allan hlut sinn í Lífi að
nafnvirði 6.292.191 krónur á genginu
5,17 krónur á hlut á föstudag. Námu
viðskiptin því 32,5 milljónum króna.
Kaupthing Bank Luxemburg seldi
ennfremur hluti að nafnvirði
47.712.050 krónur í Lífi og fellur
eignarhlutur bankans í Lífi þar með
úr 11,31% niður í 0,21%. Jóhann Óli
Guðmundsson fór með atkvæðarétt
þess hlutar en hann féll niður í kjölfar
sölunnar. Í kjölfarið sagði Grímur K.
Sæmundsen, sem áður var stjórnar-
formaður Lyfjaverslunar Íslands, úr
stjórn Líf.
Atorka komin með
40% hlut í Lífi
ÍSLENSKT bankakerfi virðist ekki
alltaf taka vel á móti útlendingum ef
marka má frásögn sérfræðings hjá
deCODE sem birtist í Viðskiptablaði
Morgunblaðsins síðastliðinn fimmtu-
dag. Yfirmenn hjá þeim þremur
bönkum sem Morgunblaðið hafði
samband við vegna þessa sögðust
hissa á ummælunum og töldu útlend-
inga metna á sama hátt inn í banka-
kerfið og Íslendinga.
Ingólfur Guðmundsson, aðstoðar-
framkvæmdastjóri viðskiptabanka-
sviðs Landsbanka Íslands, sagði að
hjá bankanum væri tekið á móti út-
lendingum á nákvæmlega sama hátt
og öðrum viðskiptavinum. „Við höfum
reynt að auðvelda þetta ferli eins og
við getum, höfum til dæmis sótt um
kennitölu og stofnum reikninga.
Höfðum frumkvæði að því að bjóða
starfsmönnum Impregilo alla banka-
þjónustu. Við lítum á þá sem spenn-
andi viðskiptavini eins og aðra. Það er
síður en svo nokkur greinarmunur
gerður á.“
Ekki meiri vandamál
með útlán útlendinga
Ingólfur segir að sér hafi komið á
óvart að lesa frásögn Adams Bakers í
Viðskiptablaði Morgunblaðsins á
fimmtudag. „Ég hef sjálfur prófað að
vera búsettur erlendis. Þetta getur
verið talsvert flókið mál. Hérna á Ís-
landi held ég að það sé einstaklega
auðvelt og þægilegt að hefja banka-
viðskipti. Undanfarin ár höfum við
verið að þróa það að fara meira úr
þessum ábyrgðarmannaskuldbind-
ingum. Þeir sem eru skilvísir og með
sín heildarviðskipti við Landsbank-
ann geta fengið lán án ábyrgðar-
manna. Þessir viðskiptavinir okkar
hafa verið að koma hingað og fá bæði
yfirdráttarheimild og greiðslukort
eftir mjög stutta viðskiptasögu og
mun styttri en gerist erlendis. Ég tel
að þjónusta banka og sparisjóða á Ís-
landi sé mjög góð. Við erum með mjög
stóran hóp af útlendingum í viðskipt-
um og höfum ekki fengið neinar
kvartanir svo ég viti til. Auðvitað er
hver viðskiptavinur metinn og þar
gildir nákvæmlega það sama um Ís-
lendinga og útlendinga. Reynsla okk-
ur af þessum viðskiptavinum er mjög
góð. Það eru ekki neitt frekari vanda-
mál með útlán eða annað hjá þeim en
öðrum,“ segir Ingólfur.
Meiri áhætta að lána
útlendingum
Að sögn Friðriks S. Halldórssonar,
framkvæmdastjóra viðskiptasviðs
Kaupþings-Búnaðarbanka, eru menn
þar á bæ töluvert hræddari við að
lána útlendingum en Íslendingum.
„Útlendingarnir þurfa að fá kennitölu
áður en við getum farið að lána þeim.
Þeir geta verið brottrækir fljótt og við
þurfum að fara varlega. Sambærilegt
er þekkt annars staðar í heiminum.
Þegar íslenskur aðili kemur í erlend-
an banka er hann beðinn um banka-
upplýsingar og við sendum þá oft
staðfestingar um að viðkomandi hafi
verið í bankaviðskiptum. Þessar upp-
lýsingar er oft erfitt fyrir okkur að fá
erlendis frá. Þess vegna förum
varlega í að opna fyrir lánsviðskipti
við útlendinga því við höfum ekkert til
að byggja á. Ég veit að Íslendingar í
Bandaríkjunum lenda í miklum
vandræðum með að fá bankafyrir-
greiðslu þar.“
Að sögn Friðriks eiga Íslendingar
almennt auðvelt með að fá banka-
fyrirgreiðslu hérlendis. „Það er auð-
veldara að fá upplýsingar í þessu litla
þjóðfélagi og bankakerfið hefur ýmsa
möguleika til að þekkja íslenska við-
skiptavini betur. Útlendingar sem
koma hingað í bankann þurfa að
mynda sér sögu hjá okkur áður en við
getum farið að lána þeim eitthvað. Ef
viðkomandi kæmi með viðskiptasögu
sína frá erlendum banka myndi það
breyta miklu, en það er mjög óal-
gengt.“ Friðrik segist taka eftir því að
útlendingum sem koma til starfa á Ís-
landi hafi fjölgað að undanförnu. „Oft
er erfitt að fá upplýsingar um hvað
fólk ætlar að vera hér lengi. Áhættan
er því meiri gagnvart útlendingum en
Íslendingum,“ segir Friðrik.
Hjá Íslandsbanka eru útlendingar
velkomnir í viðskipti, hvort sem þeir
hafa tímabundið aðsetur hérlendis
eða eru hingað komnir til langframa,
að sögn Jóns Þórissonar, fram-
kvæmdastjóra útibúasviðs Íslands-
banka. Hann segir að sér hafi brugðið
við að sjá frétt Viðskiptablaðs Morg-
unblaðsins á fimmtudag. „Við notum
sömu mælikvarðana við að meta Ís-
lendinga og útlendinga. Við höfum
tekið sérstaklega á þessu máli og sett
skýrar verklagsreglur um hvernig
standa á að því að stofna til viðskipta
við erlenda ríkisborgara. Þar er þess
gætt að menn séu metnir til við-
skiptanna á jafnræðisgrunni. Að sjálf-
sögðu er það þannig að bankar horfa
á fjárhagsstöðu fólks, greiðsluhæfi og
hvort fólk á eignir, hvort sem um er
að ræða Íslendinga eða útlendinga.
Það kemur fyrir að við óskum með-
mæla frá fjármálafyrirtæki sem við-
komandi hefur átt viðskipti við í sínu
heimalandi. Ég vona að saga þessa
manns sé undantekning.
Ég hallast helst að því að þarna hafi
verið um einhvers konar samskipta-
örðugleika að ræða. Reyndar er ég
ekki frá því að það hafi eitthvað
breyst frá árinu 2000 en það kæmi
mér samt á óvart að kerfið hafi þá
verið svona forneskjulegt eins og
þarna er lýst. Mér finnst ekki ósenni-
legt að augu fólks hafi opnast fyrir því
að þarna sé líka mikilsverður hópur
viðskiptavina. Mikið af þessu fólki
hefur prýðilegar tekjur og útlending-
ar eru alveg jafn mikilvægir við-
skiptavinir og hverjir aðrir,“ segir
Jón Þórisson.
Mat á viðskiptavinum í
bönkum óháð þjóðerni
’ Hérna á Íslandiheld ég að sé ein-
staklega auðvelt og
þægilegt að hefja
bankaviðskipti. ‘
Skólavörðustíg 21,
sími 551 4050
Til brúðargjafa
Úrval af
fallegum
rúmfatnaði