Morgunblaðið - 30.06.2003, Blaðsíða 23
FRÉTTIR
MORGUNBLAÐIÐ MÁNUDAGUR 30. JÚNÍ 2003 23
FYRSTI hópurinn frá Shirley Price
International Collage of Aroma-
therapy á Íslandi hefur nú útskrif-
ast. Hópurinn hefur lagt að baki
fjögurra ára nám af Nuddbraut Ár-
múlaskóla eða annað sambærilegt
nám, og lokið verklegu og bóklegu
prófi í faginu sem gefur þeim rétt-
indi til að kalla sig Aromather-
apista eða ilmkjarnaolíufræðinga.
Þau eru talið frá vinstri: stand-
andi, Fjóla E. Arndórsdóttir, Ásrún
Jónsdóttir, Guðbrandur Einarsson,
Júlíana Magnúsdóttir, Kristín V.
Gunnarsdóttir, Sigríður Eyrún Sig-
urjónsdóttir, Alma B. Guttorms-
dóttir, Anne May Sæmundsdóttir,
Valgeir Viðarsson og Sveinbjörg
Rósa Sumarliðadóttir. Sitjandi:
Margrét Alice Birgisdóttir, kennari
í Aromatherapy við Nuddskóla Ís-
lands og umsjónarmaður kennslu-
þáttar Shirley Price International
Collage of Aromatherapy á Íslandi.
Á myndina vantar Hörpu Rós
Björgvinsdóttur og Arndísi Einars-
dóttur.
Ilmkjarnaolíufræðingar útskrifaðir
VÆTUTÍÐIN að undanförnu hefur
hleypt lífi í þær laxveiðiár þar sem
vætunnar hefur notið við, t.d. á Suð-
vestur- og Vesturlandi, en þó hafa
Dalirnir misst af regninu að mestu,
þar hefur aðeins súldað lítillega.
Ingólfur Ásgeirsson, leið-
sögumaður við Norðurá, sagði í
samtali við Morgunblaðið í gær að
áin hefði vaxið um eitt til tvö fet síð-
ustu tvo daga og veiðin hefði snar-
batnað og göngur aukist. „Hollið
sem er að veiða er komið með 50
laxa eftir tvo daga og stefnir í 70–80
fiska. Ég hef aldrei séð laxinn jafn
vel dreifðan um ána í júnímánuði og
aldrei séð veiðina á Dalnum taka
eins hratt við sér og nú við þessa
breytingu. Veiðifélagsformaðurinn
var að segja okkur í gær að hann
hefði aldrei séð Norðurá jafn vatns-
litla á veiðitíma og áin hefur verið,
en þessi rigning gæti bjargað sumr-
inu. Nú þarf bara að rigna af og til
til þess að viðhalda vatnshæðinni,“
sagði Ingólfur og bætti við að einn af
hverjum fjórum löxum væri tveggja
ára fiskur, 9 til 12 punda.
Svipaða sögu var að heyra frá
Þverá og Grímsá, starfsstúlka í
Þverárhúsinu sagði um 80 laxa vera
komna á land, vatnið væri gott og
síðustu dagar hefðu verið góðir. Eg-
ill Kristjánsson, staðarhaldari við
Grímsá, var einnig hress í bragði,
sagði hollið sem nú væri að veiðum
vera komið með þrettán laxa eftir
fyrsta daginn, þar af níu í gærmorg-
un. „Þetta er að springa út núna, það
er kominn lax um alla á og hann er
nýgenginn,“ sagði Egill.
Gylfi Ingason, kokkur í Þrándar-
gili við Laxá í Dölum, sagði rigning-
una aðeins vera súld og hún hefði
engin áhrif haft á vatnshæðina í
Laxá, sem væri enn afar lítil.
Lítið að gerast í Dölunum
„Hér er lítið að gerast, fyrsta holl-
ið fékk aðeins tvo fiska, holl númer
tvö er komið með aðra tvo eftir tvo
daga. En við sjáum mikið af laxi í
Sjávarfljótinu þannig að þetta er
bara tímaspursmál,“ sagði Gylfi.
Svava Víglundsdóttir í veiðihús-
inu við Haukadalsá sagði sömu sögu,
ekki væri um „draumarigningu
veiðimannsins“ að ræða. Hins vegar
er Haukadalsá vatnsmeiri á og veiði
hefur verið bærileg í ánni. Í gærdag
voru komnir 24 laxar á land og 14
bleikjur, að sögn Svövu, laxinn er
um alla á, nýir fiskar að ganga á
hverjum degi, en laxinn hefur tekið
illa í bjartviðrinu sem nú er á enda í
bili a.m.k.
Fyrsti flugulax sumarsins úr Hítará, Theodór Erlingsson að landa vænum
laxi á Breiðinni, en veiði hefur glæðst víða í vætunni að undanförnu.
Veiðin glæðist
víða í vætunni
ERU
ÞEIR AÐ
FÁ’ANN?
Mjólkurhátíð SÁÁ og Dalamanna
verður haldin helgina 4.–6. júlí 2003
að Staðarfelli í Dölum. Eins og und-
anfarin ár verður vandað til þess-
arar fjölskylduhátíðar og munu
landsfrægir tónlistarmenn og
skemmtikraftar eins og KK og
Magnús Eiríksson og Halli og Laddi
skemmta gestum hátíðarinnar.
Á laugardagskvöldinu leika Eyjólfur
Kristjánsson og Íslands eina von
fyrir dansi en hljómsveitin Bikkeb-
ane á föstudagskvöldinu. Á dag-
skránni eru íþróttir og leikir fyrir
börnin, söngvarakeppni, kennsla í
línudansi, varðeldur og brekku-
söngur. Aðgangseyrir er 3.000 krón-
ur en frítt fyrir yngri en 14 ára.
Á NÆSTUNNI
HEILSUGÆSLA Reykjavíkur
hefur tekið í notkun tíma- og við-
verukerfið Tímon sem er þróað af
Grunni. Um 500 manns starfa á ell-
efu stöðvum Heilsugæslunnar á
höfuðborgarsvæðinu, á Heilsu-
verndarstöðinni í Reykjavik og á
Miðstöð heimahjúkrunar.
Í tilkynningu frá Heilsugæslunni
kemur fram að Tímon-kerfið er al-
farið byggt á vefviðmóti og starfs-
menn geta stimplað sig inn og út í
gegnum tölvu eða síma.
Starfsmenn í heimahjúkrun, sem
þurfa að fara á milli staða, geta til
að mynda notað farsíma til að
stimpla sig inn til vinnu og út aft-
ur. Þannig verður óþarft að starfs-
menn mæti á tiltekinn stað áður en
vakt hefst.
Tímon veitir stjórnendum
Heilsugæslunnar yfirsýn yfir
vinnutíma og viðveru starfsmanna
auk þess sem starfsmenn sjálfir
hafa aðgang að eigin vinnu- og við-
veruskýrslum á Netinu, segir í til-
kynningunni.
Tímon er þegar í notkun hjá
mörgum af stærstu fyrirtækjum
landsins, þ.á m. hjá Eimskip,
Baugi, Landspítala – háskóla-
sjúkrahúsi og Skeljungi. Meðal
nýrra Tímon-notenda eru Rarik,
Byko og Bílanaust.
Grunnur sérhæfir sig í sam-
skiptalausnum fyrir fyrirtæki með
áherslu á IP-símatækni og símtölv-
unarlausnir, en Tímon er dæmi um
lausn þar sem síma- og veftækni er
nýtt til að leysa verkefni.
Stimpla sig
með farsíma
Heilsugæsla Reykjavíkur tekur í
notkun nýja viðveruskráningu
LAUGARDAGINN 28. júní sl., um
klukkan 15.15, var ekið á rauða
Peugeot-fólksbifreið þar sem hún
stóð í bifreiðastæði við Nettó í
Mjódd í Reykjavík. Tjónvaldur ók af
vettvangi án þess að tilkynna um
óhappið og er hann og þeir sem
veitt geta upplýsingar um málið
beðnir að hafa samband við lögregl-
una í Reykjavík.
Vitni óskast
UNDANFARIN ár hefur færst í
aukana að verkefnastjórar og starfs-
menn sem koma að verkefnavinnu
hafi leitað eftir því að fá staðfestingu
á hæfni sinni á þessu sviði. Innan al-
þjóðlega verkefnastjórnunarsam-
bandsins, IPMA, var unnið að skil-
greiningum á samræmdu
vottunarferli í þessu skyni sem unnið
hefur verið eftir undanfarin ár víða
um heim. Um er að ræða fjögur mis-
munandi stig á vottun einstaklinga,
allt eftir reynslu og þekkingu í fag-
inu. IPMA vottunin er framkvæmd
af verkefnastjórnunarfélögum ein-
stakra aðildarlanda sambandsins, en
þau eru nú 33 talsins. Í byrjun júní
hlutu 9 verkefnastjórar staðfestingu
samkvæmt IPMA stigi C og einn ein-
staklingur samkvæmt IPMA stigi D.
Meðfylgjandi mynd var tekin af því
tilefni af hópnum, ásamt tveimur af
matsmönnum ferlisins, þeim Jónasi
Frímannssyni og Agli Skúla Ingi-
bergssyni.
Fyrstu íslensku IPMA C vottuðu
verkefnastjórarnir eru: Arnheiður
Guðmundsdóttir, Skýrr, Davíð Örn
Halldórsson, hjá Símanum, Ingólfur
Sigmundsson, VKS, Kjartan Jóns-
son, hjá Símanum, Kristján Þór
Hallbjörnsson, hjá Símanum, Mark-
ús Sveinn Markússon, VKS, Óskar
Elvar Guðjónsson, VKS, Sigrún
Ámundadóttir, Skýrr, og Sigurður
Grímsson, RTS. Einn aðili tók IPMA
D próf: Ríkarður Ragnarsson hjá
Fjarhitun.
Verkefnastjórnunarfélag Íslands,
sem sér um vottunina hérlendis og er
nánari upplýsingar um hana að finna
á heimasíðu félagsins www.vsf.is.
Aftari röð frá vinstri: Egill Skúli, Kjartan, Davíð Örn, Markús Sveinn, Ing-
ólfur, Ríkarður og Jónas. Sitjandi frá vinstri: Aðalheiður, Sigrún, Kristján
Þór og Óskar Elvar, á myndina vantar Sigurð.
Tíu verkefnastjórar
fengu viðurkenningu
AÐ UNDANFÖRNU hefur verið
unnið að endurbótum á heimasíðu
umboðsmanns barna, www.barn.is.
Útlit heimasíðunnar er nokkuð
breytt þótt áfram sé byggt á mynd-
um Brians Pilkingtons, sem prýtt
hafa hana frá upphafi. Endurbæt-
urnar miða fyrst og fremst að því að
ná enn betur til barna og unglinga en
hingað til.
Ýmislegt nýtt efni er að finna á
heimasíðunni og má þar helst nefna:
Láttu í þér heyra, áskorun til unga
fólksins um að koma á framfæri við
umboðsmann skoðunum sínum og
spyrja spurninga um málefni sem
þau varða.
Vegvísir; margháttaðar upplýs-
ingar um hvert hægt er að leita með
fyrirspurnir í einstökum málum.
Skoðanakönnun, umboðsmaður
spyr börn og unglinga álits á mál-
efnum líðandi stundar.
Leikir; hugmyndir að skemmtileg-
um útileikjum.
Smásögur eftir börn. Börn og ung-
lingar geta sent umboðsmanni smá-
sögur og ljóð til birtingar á heimasíð-
unni.
Endurbæt-
ur á heima-
síðunni
BJARNI Haraldsson, umboðsmaður
Olís í Skagafirði, hefur stundum af
gárungunum verið nefndur bæjar-
stjóri norðurbæjarins. Bjarni er
sanntrúaður og sprungulaus sjálf-
stæðismaður og þess vegna hafa ein-
kennislitir Olís alltaf angrað hann
svolítið. Því lét Bjarni hanna nýtt
skagfirskt Olís-merki í sínum litum
og merkti þjónustubíl fyrirtækisins
með því og kannaði einnig hvernig
merkið færi á olíudælum félagsins.
Nýtt
skagfirskt
Olís-merki
Sauðárkróki. Morgunblaðið.
Morgunblaðið/Björn Björnsson
♦ ♦ ♦