Morgunblaðið - 30.06.2003, Blaðsíða 5
ÍÞRÓTTIR
MORGUNBLAÐIÐ MÁNUDAGUR 30. JÚNÍ 2003 B 5
ÍSLENSKIR knattspyrnumenn
voru lítið í sviðsljósinu í norsku
knattspyrnunni í gær en Haraldur
Ingólfsson skoraði enn og aftur
fyrir Raufoss í 1. deildinni í 4:0
sigri liðsins á útivelli gegn Sand-
efjord og er Haraldur í hópi
markahæstu leikmanna deildarinn-
ar með 8 mörk.
GYLFI Einarsson og Indriði
Sigurðsson voru í vörn Lilleström
sem bakverðir í leik liðsins í úr-
valsdeildinni á útivelli gegn Odd og
er skemmst frá því að segja að
heimaliðið lék sér að gestunum frá
Lilleström og skoruðu alls fimm
mörk í leiknum án þess að Lille-
ström gæti svarað fyrir sig. Davíð
Viðarsson lék síðasta stundarfjórð-
unginn í liði Lilleström en Rík-
harður Daðason var á varamanna-
bekk liðsins frá upphafi til enda
eins að undanförnu.
TRYGGVI Guðmundsson var í
liði Stabæk sem gerði 1:1 jafntefli
á útivelli gegn Ålesund en Tryggvi
náði ekki að skora en fékk að líta
gula spjaldið í leiknum vegna
brots.
EKKERT varð af leik Viking frá
Stavanger gegn Molde þar sem
keppnisvöllur Viking var líkari
sundlaug en knattspyrnuvelli sök-
um gríðarlegrar úrkomu undan-
farna daga.
AÐ venju var Árni Gautur Ara-
son úti í kuldanum hjá þjálfara
Rosenborg og sat landsliðsmark-
vörðurinn á varamannabekknum
tólfta leikinn í röð. Rosenborg
lagði Bryne, 5:1, á heimavelli og er
með 11 stiga forskot á Sogndal
sem er í öðru sæti deildarinnar.
AUÐUNN Helgason lék allan
leikinn fyrir Landskrona sem sigr-
aði Elfsborg, 2:1, í eina leik
sænsku úrvalsdeildarinnar í gær.
Auðun og félagar eru í 11. sæti af
14 liðum með 13 stig eftir tólf leiki.
FÓLK
ÁSTHILDUR Helgadóttir, fyrirliði
íslenska landsliðsins í knattspyrnu
og fyrirliði KR, mun að öllum lík-
indum ekki leika með liðinu á
næsta keppnistímabili. Ásthildur,
sem er 27 ára gömul, hefur ákveð-
ið að fara í framhaldsnám í verk-
fræði í Svíþjóð í haust og hefur
hún ekki gert upp hug sinn með
hvaða liði hún muni leika þar í
landi. Þrjú lið koma þar til greina,
Malmö FF, Stattena og IF Trion.
Ásthildur sagði í gær að námið
tæki þrjár annir, eða 1½ ár, en
hún hefði ekki gert neinar áætl-
anir um hve lengi hún yrði í Sví-
þjóð. Keppnistímabilinu hér á
landi verður ekki lokið þegar Ást-
hildur heldur ut-
an til náms en
að öllum lík-
indum mun Ást-
hildur mæta í þá
leiki sem skipta
hvað mestu máli
fyrir KR þegar
nær dregur lok-
um Íslandsmóts-
ins. Keppni í
sænsku úrvals-
deildinni lýkur í lok október ár
hvert en mótið hefst um miðjan
apríl og er því ljóst að Ásthildur
leikur ekki með KR á næstu leiktíð
ætli hún sér að leika með sænsku
félagsliði samhliða náminu.
Ásthildur leikur ekki
með KR á næsta ári
Ásthildur
Helgadóttir
Það er súrt í broti fyrir KA aðfalla úr keppninni, ekki síst
vegna þess að liðið átti mun fleiri og
hættulegri sóknir en
Sloboda í þessum
leik og raunar léku
KA-menn skínandi
vel á köflum. Helsta
fyrirstaða þeirra var bosníski lands-
liðsmarkvörðurinn Mirsad Dedic sem
varði frábærlega í leiknum og kór-
ónaði síðan frammistöðu sína með
því að verja þrjár vítaspyrnur í víta-
keppninni.
Leikurinn var jafn framan af en á
19. mínútu skallaði Gradimir
Cznogorac boltann snyrtilega í mark
KA eftir aukaspyrnu og Sloboda yfir.
Þetta þýddi aðeins eitt, að KA varð
að leggja allt kapp á sóknarleik og
þeir sköpuðu sér ágæt færi. Þorvald-
ur Makan, Steinar Tenden og Pálmi
Rafn Pálmason áttu allir skalla eða
skot að marki af stuttu færi en
markvörðurinn sá við þeim öllum.
KA tókst því ekki að jafna í fyrri
hálfleik þrátt fyrir góða tilburði.
Seinni hálfleikur var jafnari. Á 54.
mínútu sendi Dean Martin fyrir frá
hægri, varnarmenn Sloboda skölluðu
frá en Þorvaldur Makan Sigbjörns-
son lúrði vinstra megin fyrir utan
teig og hann þrumaði boltanum
glæsilega í fjærhornið. Staðan þá 1:1
og ekki munaði miklu að KA kæmist
yfir á 75. mín. þegar Dedic varði frá-
bærlega skalla frá Elmari Dan Sig-
þórssyni en Elmar og Hreinn
Hringsson komu til leiks á 55. mín-
útu til að skerpa sóknina enn frekar.
Leiktíminn fjaraði út. Í fyrri hálf-
leik framlengingar réðu KA-menn
ferðinni. Dedic varði frá Hreini og
Ronnie Hartvig átti hörkuskot í
þverslána á 103. mín. eftir gott spil. Í
seinni hluta framlengingar voru
Bosníumennirnir meira með boltann
undan vindi en sköpuðu sér ekki telj-
andi færi. Úrslitin réðust því í víta-
keppni. Sloboda komst yfir með
marki úr fyrstu spyrnunni og Dedic
varði frá Hreini. Sören Byskov varði
síðan og Steinn Viðar Gunnarsson
jafnaði. Sloboda komst aftur og Ded-
ic varði frá Elmari Dan. Þá varði
Sören glæsilega og Steingrímur Örn
Eiðsson jafnaði. Það var síðan fyrir-
liðinn Muslimovic sem skoraði örugg-
lega úr síðustu spyrnunni en Dedic
varði frá Þorvaldi Sveini Guðbjörns-
syni.
KA gat nú loks teflt fram sínum
sterkustu mönnum og liðið á hrós
skilið fyrir mikla baráttu og góðan
leik. Danski miðvörðurinn Ronnie
Hartvig lék sinn fyrsta heimaleik
með KA og er greinilega afar sterk-
ur og öruggur. Hann var besti maður
liðsins. Vörnin í heild var góð og
raunar allt liðið. Bestu menn vall-
arins voru hins vegar Dedic mark-
vörður Sloboda og dómarinn Brian
Lawlor frá Wales en það var hrein
unun að fylgjast með tökum hans á
leiknum
Vítin urðu
KA-mönn-
um að falli
Lið KA og Sloboda Tusla skildu jöfn, 1:1, í seinni leik liðanna í Intertoto-
keppninni sem fór fram á Akureyrarvelli á laugardaginn. Sömu úrslit urðu í
leik liðanna úti í Bosníu og því var leikurinn framlengdur. Ekkert mark var
skorað í framlengingunni en KA-menn voru mun nær því að skora sigur-
markið. Vítakeppni var því eina tiltæka leiðin til að skera úr um hvort liðið
kæmist í aðra umferð og þar hafði Sloboda betur og skoraði úr þremur vít-
um en KA tveimur. Lokatölur leiksins urðu því 3:4, gestunum í vil, og þátt-
töku KA í Evrópukeppni lokið.
Stefán Þór
Sæmundsson
skrifar
Morgunblaðið/Skapti Hallgrímsson
Leikmenn Sloboda fagna markverði sínum, Mirsad Dedic, eftir að hann hafði varið fimmtu vítaspyrnu
KA, frá Þorvaldi Sveini Guðbjörnssyni, og tryggt liðinu sæti í næstu umferð keppninnar.
Meiðsli í herbúðum ÍBV
MIÐVALLARLEIKMAÐUR ÍBV í knattspyrnu, Ian Jeffs, verður
frá keppni í að minnsta þrjár vikur vegna meiðsla. Fyrir eru Eyja-
mennirnir Hjalti Jónsson, Steingrímur Jóhannesson og Páll
Almarsson allir frá keppni vegna meiðsla; Hjalti vegna hásinar og
nára, Steingrímur vegna sprungu í höfuðkúpu og sprunginnar
hljóðhimnu og Páll vegna slitins krossbands. Þá hefur Unnar Hólm
átt við þrálát meiðsl í ökkla að stríða en hefur þó verið á batavegi.
Þegar Morgunblaðið hafði samband við Magnús Gylfason, þjálfara
ÍBV, játti hann því að félagið væri að líta í kringum sig eftir leik-
mönnum og þá helst til þess að styrkja vörn liðsins. Samnings-
bundnum leikmönnum er óheimilt að skipta um lið fyrr en eftir 15.
júlí. Því verða lið sem ætla að styrkja sig fyrir síðari umferð Ís-
landsmótsins annaðhvort að bíða þar til félagaskiptaglugginn opn-
ast eða þá að fá til sín ósamningsbundna leikmenn eða menn utan
félags.
JÓHANNES Karl Guðjónsson er
enn og aftur orðaður við Manchester
City í enskum fjölmiðlum um helgina
en Jóhannes, sem er á mála hjá
spænska liðinu Real Betis, fékk þau
skilaboð frá David O’Leary, nýráðn-
um knattspyrnustjóra Aston Villa, í
síðstu viku að félagið ætlaði ekki að
kaupa hann frá spænska liðinu. Daily
Star greinir því að Kevin Keegan,
knattspyrnustjóri Manchester City,
hafi áhuga á að kaupa Jóhannes Karl
og miðjumanninn Ray Parlour.
Jóhannes Karl sagði í samtali við
Morgunblaðið í gær að hann hefði
heyrt af áhuga Manchester City á
sér en ekkert væri búið að ræða við
sig né umboðsmann sinn um þessi
mál.
Jóhannes
til Man. City?
STOKE City hefur samið við Eng-
landsmeistara Manchester United
um æfingaleik sem fram fer á Brit-
annia-vellinum í Stoke miðvikudag-
inn 13. ágúst næstkomandi. Þetta
verður eini leikur meistara United á
Bretlandseyjum á undirbúnings-
tímabilinu utan leiksins við Arsenal
um góðgerðarskjöldinn sem fram fer
á þúsaldarvellinum í Cardiff.
Félögin hafa gert samkomulag um
að tefla fram sínum sterkustu leik-
mönnum svo ætla má að Britannia-
völlurinn, sem tekur um 28.000
manns, verði þéttsetinn enda ekki á
hverjum degi sem stórlið á borð við
Manchester United heimsækir liðið.
Fyrsti leikur Stoke í 1. deildinni
verður á móti Derby á útivelli laug-
ardaginn 9. ágúst en Manchester
United hefur titilvörn sína í úrvals-
deildinni með leik á móti Bolton á
Old Trafford laugardaginn 16. ágúst.
Stoke tek-
ur á móti
United