Morgunblaðið - 02.07.2003, Blaðsíða 15

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 2. JÚLÍ 2003 15
ÚTSALAN ER HAFIN
Hverfisgötu 6, 101 Reykjavík, sími 562 2862
Opið hús
Vallarás 5 - lyftuhús - laus strax
Mjög góð 3ja herbergja íbúð á 4.
hæð í lyftuhúsi. Tvö góð svefnher-
bergi með skápum. Eldhús með
ágætri innréttingu. Baðherbergi
með kari. Stofa með útgang á
suðursvalir með útsýni. Parket á
stofu, dúkur á herbergjum.
Hús og sameign í góðu standi.
Áhv. 7,8 millj. Verð 11,9 millj.
Opið hús í kvöld milli kl. 18-20,
Guðrún Valgerður á bjöllu.
STYTTA má tafatíma um allt að 15%
og fækka óhöppum um 30–50% á
gatnamótum Miklubrautar og
Kringlumýrarbrautar með fjölgun
akreina og fjögurra fasa ljósum. Með
mislægum þriggja hæða gatnamót-
um má hins vegar stytta tafatíma um
allt að 70% og fækka umferðar-
óhöppum um um það bil 80%. Stytt-
ing tafatíma og fækkun umferðar-
óhappa með tveggja hæða mislæg-
um gatnamótum væri að öllum
líkindum einhvers staðar á milli fyrr-
nefndra lausna. Þetta er meðal nið-
urstaðna vinnuhóps á vegum Vega-
gerðarinnar og Reykjavíkurborgar,
en hópurinnn vann greiningu á
mögulegum lausnum á gatnamótum
Miklubrautar og Kringlumýrar-
brautar. Hann hefur nú skilað af sér
áfangaskýrslu þar sem farið er yfir
helstu valkosti með tilliti til kostn-
aðar, fækkunar slysa, umferðarálags
og annarra umferðartæknilegra
þátta.
Skoðaðar voru og bornar saman
þrjár meginlausnir. Fyrsta lausnin
byggist út frá núverandi gatnakerfi í
plani með endurbótum, sem felast
meðal annars í fjölgun akreina og
breytingum á umferðarljósum. Önn-
ur lausnin felst í mislægum gatna-
mótum þar sem annaðhvort Miklu-
braut eða Kringlumýrarbraut er í
fríu flæði. Loks er tillaga að þriggja
hæða gatnamótum þar sem báðir
meginstraumarnir eru í fríu flæði.
Val á umferðarmannvirki
alltaf hluti af stærri heild
Í skýrslunni segir að val á umferð-
armannvirki á þessum gatnamótum
verði alltaf hluti af stærri heild sem
byggist á þeirri framtíðarsýn sem
verði að móta fyrir uppbyggingu
stofnvegakerfisins á Nesinu í
Reykjavík. Hver gatnamót séu hluti
af stærra kerfi, aðgerðir á einum
gatnamótum hafi áhrif á stærra
svæði, til dæmis um leiðaval, lengd
biðraða í næstu gatnamótum og
gegnumakstur í íbúðahverfum.
Lausnirnar þrjár eiga það allar
sameiginlegt að gert er ráð fyrir
stokkum á Miklubraut, annars vegar
á milli Eskihlíðar og Reykjahlíðar og
hins vegar milli Lönguhlíðar og
Stakkahlíðar og að gert er ráð fyrir
göngubrú yfir Miklubraut vestan
Kringlumýrarbrautar. Lausnirnar
eiga það jafnframt sameiginlegt að
vera arðsamar. Þær eru misdýrar
enda ganga þær mislangt í að fækka
umferðarslysum og umferðartöfum.
Í skýrslunni kemur fram að þegar
litið sé til þeirra aðgerða sem æski-
legar séu á nálægu gatnakerfi í þess-
um lausnum sé þriggja hæða lausnin
dýrust. Á það er bent að sú fjárfest-
ing sé aftur á móti arðsöm og mjög
góð lausn til framtíðar. Planlausnin
sé aftur á móti ódýr og enn arðsam-
ari og sé ráðlegt að ráðast í hana
strax á meðan framtíðarlausn sé
skipulögð.
Þriggja hæða lausn best með
tilliti til hávaðamengunar
Hópurinn telur þriggja hæða
lausn umferðartæknilega besta og
segir í skýrslunni að með henni næð-
ist mesti árangur í fækkun umferð-
aróhappa og minnkun á tafatíma.
Hún sé einnig mjög arðsöm. Hún feli
í sér bestu lausn með tilliti til há-
vaðamengunar og fyrir gangandi og
hjólandi vegfarendur. Mögulegt sé
að koma fyrir ágætis lausn á skipti-
stöð fyrir almenningsvagna við
gatnamótin. Jafnframt megi ætla að
þessi lausn ýti undir bætta nýtingu
svæða vestan Kringlumýrarbrautar
vegna greiðari aðgengis umferðar.
Í skýrslunni er bent á að þessar
niðurstöður breyti engu um það að
hægt sé að ná verulegum ávinningi
með minni fjárfestingu eins og
bættri umferðarljósastýringu, þar
sem fjárfestingin sé verulega lægri
en heildarávinningurinn töluvert frá
umferðartæknilega bestu lausninni.
Á það er lögð áhersla að á þessu stigi
sé nauðsynlegt að ákvarða stefnu til
lengri tíma í uppbyggingu Miklu-
brautar og Kringlumýrarbrautar og
horfa til framtíðar.
Skýrslan er birt í heild á vef Um-
hverfis- og tæknisviðs Reykjavíkur,
www.reykjavik.is/ut.
Gatnamót Kringlumýrarbrautar og Miklubrautar
Þriggja hæða mislæg
gatnamót öruggust
Miklabraut – Kringlumýri
Ný gatnamót
gætu fækkað
slysum um 80%
Morgunblaðið/Árni Sæberg
HINGAÐ til lands eru komnir fé-
lagar úr Bærum Spellemannslag og
halda þeir tónleika í Hafnarborg kl.
20 í kvöld. Hljómsveitin er norsk og
sérhæfir sig í leik á Harðangurs-
fiðlur. Með í för eru börn og full-
orðnir og skiptast tónleikarnir nið-
ur í samspil, einleik, dúetta og tríó.
Einnig koma fram tvö danspör
með hópnum og Kári Þormar
píanóleikari leikur undir í þremur
lögum, en alls munu tuttugu manns
skemmta. Stjórnandi sveitarinnar
er Hallvard Kvåle.
Rósa Jóhannsdóttir fiðluleikari
segir að hópurinn sé á leið á þjóð-
lagahátíð á Siglufirði og er ætlunin
að koma við í Hafnarfirði í vinabæj-
arheimsókn. Rósa spilar með hljóm-
sveitinni en hún hefur búið í Noregi
í tvö ár. „Hljómsveitarmeðlimir eru
frá átta ára aldri til sjötugs og allir
klæðast þjóðbúningum. Hópurinn
ferðast um og spilar, mest í Nor-
egi,“ segir hún. Hún segir að á þeim
tíu árum sem hljómsveitin hefur
verið starfrækt hafi hún vaxið. Í
upphafi hafi hljómsveitarmeðlim-
irnir verið sex en nú séu þeir þrjá-
tíu.
Bærum, sveitarfélagið sem Bær-
um Spellemannslag kemur frá, er
vinabær Hafnarfjarðar og stendur
rétt fyrir utan höfuðborgina Ósló.
Norskur fiðluleikur
í Hafnarborg
Hafnarfjörður
Sigurlaug segir að í aðalnámskrá,
sem gefin var út 1999, sé kveðið á
um að hver leikskóli eigi að hafa sína
skólanámskrá sem geymi hug-
myndafræði og sýn hvers leikskóla á
starfið. „Þessi skólanámskrá er síð-
an hugsuð þannig að hún fari á Netið
og liggi frammi. Hún er ekki ein-
göngu hugsuð fyrir foreldra barna í
viðkomandi leikskóla heldur að allir
geti kynnt sér stefnur og séð það
mismunandi starf er boðið er upp á í
leikskólunum.“
Mikill hagur í
skólanámskránum
Hún álítur það stóran áfanga að
ná að gefa þessar skrár út, en bendir
jafnframt á að leikskólastarfið sé í
sífelldri mótun og verði endurskoðað
reglulega. „Þetta er upphafið, að
fylgja og framkvæma það sem aðal-
námskrá kveður á um. Þessi vinnsla
er auðvitað í gangi í öllum sveitar-
félögunum, en ég veit ekki hvort
henni sé lokið í öðrum stórum sveit-
arfélögum, ég efast um það,“ bætir
hún við.
Námskráin liður í upplýsinga-
streymi til foreldra
Sigurlaug sér mikinn hag í því að
hafa eitthvað í höndunum sem hægt
sé að rétta foreldrum og fólki al-
mennt í þjóðfélaginu svo fólk geti
kynnt sér um hvað leikskólastarf
snúist. „Foreldrar í viðkomandi leik-
skólum fá skólanámskrána afhenta
þegar hún kemur út. Við höfum haft
hana innandyra hjá okkur líka.
Námskráin er liður í upplýsinga-
streymi til foreldra,“ leggur hún
áherslu á.
Sigurlaug segir mismunandi
áherslur í leikskólunum. Sem dæmi
nefnir hún að áhersla sé lögð á um-
hverfismennt í leikskólanum Norð-
urbergi, á Hörðuvelli sé mikið unnið
með heimspekiumræðu með börnum
og loks sé unnið þróunarverkefni
með langveik börn í leikskólanum á
Víðivöllum.
LEIKSKÓLARNIR í Hafnarfirði
hafa nú lokið við að gefa út skóla-
námskrár, en fyrstu námskrárnar
komu út í apríl 2002. Af því tilefni
bauð leikskóladeild Skólaskrifstof-
unnar og leikskólastjórar í Hafnar-
firði bæjarstjóra og öðrum góðum
gestum að vera viðstaddir afhend-
ingu námskránna í síðustu viku og
kynntu leikskólastjórar sérstöðu
hverrar skrár.
Tveir leikskólar, Víðivellir og
Hlíðarberg, hafa þegar fært sína
skólanámskrá á Netið. Að sögn Sig-
urlaugar Einarsdóttur, leikskólafull-
trúa í Hafnarfirði, er stefnt að því að
fljótlega verði allar skólanámskrárn-
ar settar inn á heimasíðu leikskól-
anna þannig þær verði aðgengilegar
öllum þeim sem hafa áhuga á að
kynna sér starfið og þær mismun-
andi áherslur sem boðið er upp á í
leikskólum Hafnarfjarðar, en sveit-
arfélagið rekur þrettán leikskóla.
Lúðvík Geirsson bæjarstjóri og leikskólastjórar Hafnarfjarðarbæjar við útgáfu skólanámskránna.
Leikskólarnir ljúka við að
gefa út skólanámskrár
Hafnarfjörður