Morgunblaðið - 02.07.2003, Blaðsíða 37

ÍÞRÓTTIR
MORGUNBLAÐIÐ MIÐVIKUDAGUR 2. JÚLÍ 2003 37
AFP-fréttastofan greindi frá því í
gær að ítalski knattspyrnumaðurinn
Gianfranco Zola hefði ákveðið að
leika með Cagliari á Sardiníu á
næstu leiktíð en hinn 37 ára gamli
Zola hefur verið á mála hjá enska
úrvalsdeildarliðinu Chelsea í rúm-
lega sex ár. Zola fékk tilboð frá
Chelsea um samning til eins árs þar
sem honum voru boðnar 148 millj-
ónir ísl. kr. í árslaun en það eru
helmingi lægri laun en hann hafði
áður hjá félaginu. Þess má geta að
Zola var markahæsti leikmaður
Chelsea á sl. leiktíð með 16 mörk í 46
leikjum. Massimo Cellino, forseti
Cagliari, sagði í sl. viku að hann
væri bjartsýnn á að Zola myndi
semja við Cagliari en hann lék 35
leiki með liðinu árið 1994 og skoraði
þá sjö mörk.
Zola í viðræð-
um við Cagliari
VÍKINGUR komst í 8-liða úrslitinmeð því að leggja Þór á Akur-
eyri 2:0. Leikurinn var lítið fyrir aug-
að en sigur Víkinga
var fyllilega sann-
gjarn. Þórsarar léku
illa og voru aldrei lík-
legir til að innbyrða
fyrsta heimasigur sinn í sumar.
Framan af leik bar fátt til tíðinda
en gestirnir voru þó heldur spræk-
ari. Smám saman hresstust heima-
menn þó og fengu fyrsta færið sem
eitthvað kvað að eftir liðlega hálf-
tíma leik, þegar skot Péturs Krist-
jánssonar hafnaði í innanverðri
stönginni.
Rétt á eftir komst Kári Árnason
Víkingur einn fyrir vörn Þórs en Atli
markvörður varði glæsilega.
Snemma í seinni hálfleik náði Daníel
Hjaltason forystunni fyrir Víkinga
eftir hroðaleg varnarmistök Þórs-
ara. Fimm mínútum síðar skoraði
Daníel öðru sinni, eftir að hafa fengið
stungusendingu inn fyrir vörnina.
Þórsarar náðu sér aldrei á strik eftir
þetta og leikur þeirra varð sífellt
fálmkenndari og hugmynda-
snauðari.
Víkingar áttu því ekki í miklum
erfiðleikum með að verja forskotið.
Leikur þeirra var mun heilsteyptari
og skipulagðari en heimamanna og
þeir voru nær því að bæta við marki
en Þór að minnka muninn.
Daníel afgreiddi Þórsara
með tveimur mörkum
Valur
Sæmundsson
skrifar

BALDUR Aðalsteinsson lék ekki
með ÍA í gær vegna meiðsla á hné.
Baldur sagði að hann yrði ekki lengi
frá keppni að þessu sinni og bjóst við
að vera klár í slaginn í næsta leik
liðsins á útivelli gegn Grindavík nk.
mánudag.

CRAIG Bellamy, leikmaður New-
castle og landsliðs Wales, var í gær
ákærður fyrir kynþáttahatur. Kær-
an er í þremur liðum og er Bellamy
gefið að sök að hafa látið niðrandi orð
falla um fólk af öðrum uppruna en
sínum.

FORRÁÐAMENN franska liðsins
Paris St. Germain krefjast 31 millj.
punda, jafnvirði nærri fjögurra milj-
arða króna, fyrir Brasilíumanninn
Ronaldinho. Manchester United
hefur áhuga á að klófesta Ronald-
inho en líklegt er að verðið fæli
ensku meistarana frá kaupunum.

ALEX Manninger, fyrrum mark-
vörður Arsenal, hefur gengið til liðs
við ítalska liðið Bologna.

JUVENTUS hefur fengið Stephen
Appiah á láni frá Parma. Appiah,
sem er 22 ára miðjumaður, var í láni
hjá Brescia á seinasta tímabili. Juv-
entus verður með forkaupsrétt á Ap-
piah eftir næsta tímabil.

VENUS Williams og Kim Clijsters
mætast í undanúrslitum á Wimbled-
on mótinu í tennis, en þær höfðu báð-
ar betur gegn andstæðingum sínum í
gær. Williams sigraði Lindsay Dav-
enport 6-2, 2-6, 6-1 og Clijsters vann
Sylvia Farina Elia 5-7, 6-0, 6-1.

DAVID Bellion skrifaði í gær und-
ir fjögurra ára samning við Man-
chester United. Bellion er 20 ára
gamall franskur sóknarmaður og lék
með Sunderland á síðustu leiktíð.
Bellion kostar United ekki neitt þar
sem hann var ekki lengur með samn-
ing hjá Sunderland.
FÓLK
DAVID Beckham var á dögunum seldur
frá Manchester United til spænska liðsins
Real Madrid. Í gær fór Beckham í ít-
arlega læknisskoðun hjá Real Madrid þar
sem hann fór í gegnum ýmsar æfingar í
um fjórar klukkustundir samfleytt og var
bein sjónvarpsútsending frá læknisskoð-
uninni á sjónvarpsstöð Real Madrid.
Einkarekin heilsugæslustöð greiddi Real
Madrid jafnvirði 33 milljóna íslenskra
króna fyrir auglýsingar sem birtust á
meðan læknisskoðunin fór fram. Beck-
ham verður kynntur til sögunnar með
formlegum hætti hjá Real Madrid í dag
og fer athöfnin fram á heimavelli körfu-
knattleiksliðs Real Madrid sem tekur
5.000 áhorfendur og komast færri að en
vilja. Nú velta menn því helst fyrir sér
hvaða númer verði á keppnistreyju kapp-
ans og hefur talan 8 oftast verið nefnd til
sögunnar.
Bein útsending
frá lækninum
JÓN Arnór Stefánsson,
körfuknattleiksmaður, hitti
lækni bandaríska NBA-
körfuknattleiksliðsins Dall-
as Mavericks í gær. Engin
niðurstaða fékkst um
meiðsli hans í þeirri heim-
sókn og fer Jón Arnór í
frekari skoðun í dag.
„Læknirinn gerði nú ansi
lítið í rauninni, potaði að-
eins í hnéð á mér og beygði
það dálítið og sagði svo að
ég yrði að fara í frekari
rannsókn. Ég fer í segulóm-
skoðun í dag og þá ætti mál-
ið að skýrast eitthvað -
hvort ég get verið með eða
ekki,“ sagði Jón Arnór í
samtali við Morgunblaðið í
gærkvöldi.
Jón Arnór
myndaður
Leikurinn byrjaði mjög rólega ogfyrsta færi leiksins kom ekki
fyrr en á 27. mínútu en þá var Ingv-
ar Ólafsson nálægt
því að koma heima-
mönnum yfir. Jón
Gunnar Gunnarsson
var tvisvar sinnum
nálægt því að skora fyrir gestina í
fyrri hálfleik en skaut rétt framhjá
í bæði skiptin.
Framarar komu ákveðnir til leiks
í síðari hálfleik og komust yfir á 57.
mínútu þegar Guðmundur Steinars-
son skoraði eftir sendingu frá
Kristjáni Brooks. Fjórum mínútum
síðar átti Viðar Guðjónsson að
skora fyrir Fram en hann lét Jör-
und verja frá sér í upplögðu færi.
Haukarnir tóku völdin á vellinum
þegar um 25 mínútur voru til leiks-
loka og jöfnuðu metin á 90. mínútu
þegar Kristján Ómar Björnsson
skoraði örugglega úr vítaspyrnu
eftir að Ómar Hákonarson hafði
brotið á Gunnari Sveinssyni.
Framarar gerðu nánast út um
leikinn á 94. mínútu og 95. mínútu
þegar varamennirnir Ómar Há-
konarson og Andri Fannar Ott-
ósson skoruðu. Haukar gáfust ekki
upp og minnkuðu muninn á 104.
mínútu þegar Ómar Karl Sigurðs-
son skoraði eftir að hafa komist
framhjá Bjarna Hólm Aðalsteins-
syni. Gunnar Sigurðsson, mark-
vörður Fram, bjargaði sínum
mönnum á 105. mínútu þegar hann
varði mjög vel skot Ómars Karls.
Ómar Hákonarson gerði út um leik-
inn á 116. mínútu þegar hann skor-
aði með góðu skoti. Ágúst Gylfason,
fyrirliði Fram, hrósaði spila-
mennsku Hauka eftir leikinn en
sagði að það eina sem skipti máli
væri að Fram væri komið áfram í
bikarkeppninni. „Þetta var hörku-
spennandi leikur og ekta bikarleik-
ur. Við lékum ekki nægilega vel eft-
ir að við komumst yfir en sýndum
karakter og kláruðum leikinn,“
sagði Ágúst.
Fram áfram
FRAM slapp með skrekkinn gegn 1. deildarliði Hauka í 16-liða úr-
slitum bikarkeppni karla í knattspyrnu í gær. Fram sigraði, 4:2, á
Laugardalsvelli eftir að liðin höfðu leikið í 120 mínútur.
Atli
Sævarsson
skrifar
Ólafur Jóhannesson þjálfari FHvar sigurreifur í leikslok í
Hafnarfirðinum í gær; „Ég er mjög
ánægður með sigur-
inn, það er frábært
að vera kominn
áfram í bikarnum.
Þetta var erfið fæð-
ing hjá okkur en hafðist sem betur
fer að lokum. Nú er ég strax kominn
með hugann við leikinn gegn Þrótti á
laugardag í deildinni. Ég hef áhyggj-
ur af því að það geti orðið erfitt að
rífa upp mannskapinn fyrir þá við-
ureign því það er hálffurðulegt að
mæta sama liðinu tvisvar á stuttum
tíma og það á sama vellinum.“
Þróttarar hófu leikinn betur og
komust yfir á 12. mínútu leiksins
með skondnu marki. Charlie McCor-
mick, leikmaður Þróttar, tók auka-
spyrnu rétt fyrir framan miðlínu á
hægri kanti, og sendi knöttinn að
marki FH. Fyrir framan markið var
mikil þvaga, og boltinn sveif yfir
hana og inn í mark FH. Eftir markið
sóttu FH-ingar í sig veðrið og á
„markamínútunni“, þeirri 43., jafn-
aði Jónas Grani Garðarsson leikinn
eftir góða fyrirgjöf frá Ásgeiri Ás-
geirssyni. Leikar stóðu jafnir í hálf-
leik.
Þróttarar hófu þann síðari líkt og
þann fyrri, af krafti. Eftir 6 mínútna
leik í síðari hálfleik átti Guðfinnur
Ómarsson hörkuskot utan teigs í
stöng FH-marksins. En eftir því
sem á hálfleikinn leið dró af Þrótt-
urum og FH-ingar tóku völdin. Um
miðjan síðari hálfleik fengu FH-ing-
ar vítaspyrnu. Jens Sævarsson,
varnarmaður Þróttar braut þá á
Atla Viðari Björnssyni sem var kom-
inn einn inn fyrir vörn Þróttar.
Brottrekstur virtist óumflýjanlegur
en Magnús Þórisson, annars góður
dómari leiksins, ákvað að veita Jens
aðeins gula spjaldið og varnarmað-
urinn því ljónheppinn að fá að hanga
á vellinum. Tommy Nielsen tók
spyrnuna og skoraði af öryggi.
Í næstu sókn á eftir átti Páll Ein-
arsson skot í slá og boltinn hrökk út í
teig til Sörens Hermansen en honum
voru mislagðir fætur eins og í leikn-
um öllum. Það sem eftir lifði leiks
voru FH-ingar líklegri til að bæta
við marki en Þróttur að jafna.
Hjá heimamönnum lék Heimir
Guðjónsson eins og höfðingi á miðj-
unni og þeir Jónas Grani og Atli Við-
ar voru ógnandi í framlínunni. Í liði
Þróttar lék Erlingur Þór Guð-
mundsson sinn besta leik í sumar.
Þá áttu þeir Guðfinnur Ómarsson og
Páll Einarsson ágætisleik á miðj-
unni.
FH-ingar eru nú komnir í 8 liða
úrslit en Þróttarar geta einbeitt sér
að deildarkeppninni.
Marksúlurn-
ar björguðu
FH-ingum
FH-INGAR sigruðu Þrótt 2:1 á Kaplakrikavelli í Hafnarfirði í 16-liða
úrslitum bikarkeppni karla í knattspyrnu. Þróttarar komust yfir í
fyrri hálfleik en Hafnfirðingar jöfnuðu metin rétt fyrir hálflik og
skoruðu síðan sigurmarkið um miðjan síðari. Þróttarar skutu tví-
vegis í marksúlur FH-inga í leiknum og því óhætt að segja að þær
hafi bjargað FH að þessu sinni.
Hjörvar
Hafliðason
skrifar
Morgunblaðið/Árni Torfason
Tommy Nielsen, danski varnarmaðurinn í liði FH, skorar hér af
öryggi úr vítaspyrnu framhjá Fjalari Þorgeirssyni í marki Þrótt-
ar. Mark Danans reyndist sigurmark leiksins.