Morgunblaðið - 04.07.2003, Blaðsíða 18

HÖFUÐBORGARSVÆÐIÐ
18 FÖSTUDAGUR 4. JÚLÍ 2003 MORGUNBLAÐIÐ
NOKKUR stórfyrirtæki, sem lengi
hafa haft sínar höfuðstöðvar í
miðbæ Reykjavíkur, eru á förum í
önnur hverfi borgarinnar. Kaupþing
Búnaðarbanki flytur í nýbyggingu í
Borgartúni og Eimskipafélagið
íhugar að flytja aðalskrifstofu sína
niður í Sundahöfn svo einhver dæmi
séu nefnd. Morgunblaðinu lék for-
vitni á að vita hvort von væri á fyr-
irtækjum í þeirra stað í miðborgina
og hvort hreyfing væri á fasteign-
um í miðbænum.
Einar Örn Stefánsson, fram-
kvæmdastjóri Þróunarfélags mið-
borgarinnar, segist ekki hafa heyrt
af því að einhver stórfyrirtæki komi
í staðinn. Hann segir stjórn Þróun-
arfélagsins oft hafa lýst yfir áhyggj-
um af þessari þróun. „Okkur finnst
ekki eðlilegt að stórfyrirtæki, eins
og fjármálastofnanir, skipafélög,
ferðaskrifstofur og flugfélög, séu
ekki með skrifstofur í miðborginni
og helst höfuðstöðvar. Ég held að
það séu fáar höfuðborgir í Vestur-
Evrópu þar sem ekki eru stórar
ferðaskrifstofur eða skrifstofur
flugfélaga í miðborginni eins og hér
hefur verið í nokkur ár,“ segir
hann.
Metnaðarmál fyrir
borgaryfirvöld
Hann telur það visst metnaðar-
leysi af þessum stóru fyrirtækjum
að vilja ekki vera í miðborginni, auk
þess sem það ætti að vera metn-
aðarmál fyrir Reykjavíkurborg og
borgarstjórn að stuðla að því að
stórfyrirtæki geti haft höfuðstöðvar
sínar áfram í miðborginni. Hann
bendir á að borgaryfirvöld gætu
komið til móts við fyrirtækin með
því að skapa þeim hugsanlega að-
stöðu til að stækka við sig, eða með
niðurfellingu á gjöldum sem gætu
liðkað til fyrir þau svo þau gætu
verið áfram í miðborginni. „Við telj-
um að það sé um líf og dauða mið-
borgarinnar að tefla til lengri tíma
litið að það sé ákveðinn kjarni í mið-
borg, sem er miðstöðvar þessara
fyrirtækja. Ég er ekki að segja að
öll fyrirtæki þurfi að vera í miðborg
heldur erum við að tala um
ákveðnar tegundir af fyrirtækjum.
Fyrst og fremst eru það banka- og
fjármálastofnanir og til dæmis
skipafélög og ferðaskrifstofur,“
bendir hann á. Ástæðuna fyrir
brotthvarfi fyrirtækjanna telur
hann fyrst og fremst vera þá að
húsnæði sé orðið þröngt, auk hugs-
anlegra bílastæðavandræða.
Einar Örn segir að sem betur fer
sé alltaf hreyfing á málunum í hina
áttina, þótt það séu ekki risafyr-
irtæki. Hann nefnir Fréttablaðið
sem dæmi, en það er nýflutt í mið-
borgina. Hann segir ástandið ósköp
svipað hjá kaupmönnum og smærri
fyrirtækjum. „Það hefur reyndar
verið óvenju mikið rask við Lauga-
veginn undanfarið og reyndar víðar
í miðborginni. Það er bæði verið að
laga götur og byggja, sums staðar
sem hefur ekki verið byggt um ára-
bil, þar á meðal við Laugaveg,“ seg-
ir hann og bætir við að það sé afar
ánægjulegt að sjá að hreyfing sé
komin á málið þótt fyrr hefði verið.
„Það sem við horfum mest til á
næstunni eru nýbyggingarnar í
Skuggahverfi, þar sem á að rísa
nokkur þúsund manna byggð á
næstu árum og það hlýtur að
styrkja miðborgina töluvert.“
Reynt að mæta breyttum þörf-
um nútímans
Jón Guðmundsson hjá Fasteigna-
markaðnum segist ekki hafa haft
spurnir af því að önnur stórfyrir-
tæki komi í stað hinna, en bendir á
að einhvern veginn fái þessar eignir
alltaf nýja notendur. „Það koma
tímabil þar sem mikill fjöldi fast-
eigna í Múlahverfi, uppi á Höfða og
annars staðar á höfuðborgarsvæð-
inu stendur auður um einhvern
tíma, þetta á ekkert síður við um
aðra bæjarhluta en miðbæinn. Auð-
vitað hefur miðbærinn verið að
breytast undanfarin ár og færst
meira yfir í það að vera veitinga-
staðir og annars konar þjónusta en
áður var í miðborginni. Þarna hafa
verið að rísa hótel, til dæmis er nýtt
hótel við hliðina á gamla Morgun-
blaðshúsinu,“ segir hann.
Jón bendir á að einungis sé um
breytta notkun á fasteignum að
ræða. Hann telur að miðborgin
muni alltaf standa fyrir sínu og
fasteignir sem þar eru verði nýttar
undir breyttan rekstur. „Það er ver-
ið að reyna að mæta breyttum þörf-
um tímans. Mér finnst stöðugt vera
eftirspurn eftir fasteignum í mið-
bænum en þetta er líka háð skipu-
lagsyfirvöldum á hverjum tíma, því
þegar rekstur hverfur úr einhverju
húsi og húsið fær aðra notkun kall-
ar það á samþykki þeirra. Skipu-
lagsyfirvöld verða að vera á varð-
bergi fyrir öllum breytingum sem
kunna að verða vegna tímans,“ seg-
ir hann. Jón segir að viss stemning
ríki í miðbænum og því verði hún
alltaf eftirsótt. „Það er mín skoðun
að miðborgin haldi velli.“
Sverrir Kristinsson, fasteignasali
í Eignamiðlun, telur að sú þróun
sem eigi sér stað í miðbæ Reykja-
víkur hafi verið gerjast síðustu ára-
tugi. „Það eru til dæmis allmörg ár
síðan Morgunblaðið flutti og SÍF,
svo maður nefni einhver stór fyrir-
tæki. Þótt Eimskip og fleiri fyrir-
tæki fylgi nú nokkrum árum síðar
er þetta liður í þessari þróun. Við
höfum náttúrlega enn stór og virt
fyrirtæki eins og Landsbanka Ís-
lands þarna,“ segir Sverrir.
Hann segir það eðlilegt að stór-
fyrirtækin þurfi meira svigrúm, því
mörg hver hafi sprengt utan af sér
húsnæði, bílastæði og annað slíkt.
Hann bendir á að á sama tíma séu
stofnanir að festa sig í sessi í mið-
borginni, til dæmis sé búið að skipu-
leggja ákveðin reit fyrir nokkur
ráðuneyti. Sverrir segir að
ákveðnar stofnanir, virðuleg fyrir-
tæki og söfn séu í miðbænum, auk
þess sem íbúðum fjölgi. „Það er enn
þessi sjarmi fyrir Íslendinga jafnt
sem útlendinga að rölta í smáversl-
anir og á veitingastaði.“
Hann segist vel geta séð fyrir sér
að í miðborginni eigi smærri ein-
ingum eftir að fjölga, til dæmis lög-
mannsstofum því þarna séu bæði
Héraðsdómur Reykjavíkur og
Hæstiréttur Íslands. Jafnframt hafi
veitingastöðum og öldurhúsum
fjölgað. Að sögn Sverris er mikil
eftirspurn eftir íbúðarhúsnæði í
bænum. „Nýjasta verkefnið sem við
erum með er sennilega vönduðustu
blokkir sem hefur verið byrjað að
byggja á Íslandi, 101 Skuggi. Allir
þessir miðbæjarmenn sem ég hef
rætt við telja að 101 Skuggi geti
orðið vítamínsprauta fyrir borgina.“
Miðborgin hefur tekið töluverðum breytingum á undanförnum árum
Miðborg Stórfyrirtækjum
fækkar, íbúðum og
veitingahúsum fjölgar
ÞAÐ er vægt til orða tekið að
segja að gæsluvöllurinn Lækjavöll-
ur hafi iðað af lífi er Morgunblaðs-
fólk bar þar að garði. Þar var
fjöldi barna upptekinn í leik. Sum
sátu og bjuggu til kastala og sand-
kökur í sandkassanum, önnur
keyrðu um á þríhjólum, rólurnar
áttu hug enn annarra og stúlkna-
hópur myndaði hinar ýmsu fígúrur
í öllum regnbogans litum með krít-
um á gangstéttina.
Lækjavöllur er nýjasti gæsluvöll-
urinn á höfuðborgarsvæðinu en
hann hefur verið starfræktur síðan
í maí 1998. Að sögn Arndísar
Hjartardóttur forstöðukonu eru
oft um sjötíu börn á degi hverjum
yfir sumartímann. Hún á von á því
að þegar fleiri leikskólar loki geti
fjöldinn jafnvel enn aukist. „Þegar
leikskólarnir loka streyma börnin
hingað,“ segir hún.
Arndís segir að veran á róló
byggist á útiveru. Það er opið frá
klukkan 10 til 12 á morgnana og
svo aftur eftir hádegið á milli
13:30 og 16:30. „Börnunum er
frjálst að vera hér allan þann tíma.
Í hádeginu eru þau sótt og svo er
oft komið með þau aftur. Þau
koma með nesti eftir hádegið og
við látum þau drekka úti klukkan
þrjú, það þykir þeim sko sport,“
lýsir hún. Í þann mund kemur ljós-
hærð lítil stelpa í bleikum polla-
galla. „Addý, ég er að fara í af-
mæli. Ég er búin að kaupa
afmælisgjöf, það er pils,“ romsar
hún út úr sér og hverfur jafnskjótt
í burtu og hún birtist.
Ódýr og örugg barnagæsla
Arndís heldur áfram og segir að
yngstu börnin séu 20 mánaða og
þau elstu séu 6 ára. Stundum eru
þau aðeins eldri, því þau sem byrj-
uðu í skóla síðasta haust fá að
koma aftur í sumar. „Svo er þetta
svo frábært umhverfi hér í kring
að við förum með þau í göngutúr.
Við gefum öndunum í næsta ná-
grenni, síðan förum við í Hlíða-
garðinn sem er hérna fyrir ofan og
tökum þá nesti með okkur og för-
um í leiki.“ Hún segir að starfs-
mennirnir á Lækjavelli séu tíu á
sumrin en þrjár konur vinni þar á
veturna. Hún telur nýtinguna vera
ágæta á veturna. Þá er opið frá
klukkan 13 til 16 og ef veður er
vont þá er farið inn og föndrað, en
á Lækjavelli er ágætis aðstaða inn-
andyra.
Það fer ekki á milli mála að
börnin eru hænd að Arndísi.
Einkar skýr lítil hnáta kemur og
sest við hlið hennar. Hún segist
heita Eva og vera tveggja ára. „Ég
er með eitthvað í vasanum. Ég veit
ekki hvað það er,“ segir hún og
situr hin rólegasta. „Þau eru fljót
að kynnast okkur og hvert öðru.
Þau hafa það mjög skemmtilegt
hér. Hér er alltaf heilmikið líf og
gaman,“ bætir Arndís við.
100 krónur kostar hver koma á
gæsluvöllinn, að sögn Arndísar, en
einnig er hægt að kaupa 20 miða
kort sem kostar 1.500 krónur. Hún
segir að róló sé bæði ódýr og
örugg barnagæsla, en öll börn eru
tryggð á gæsluvöllum. „Mér finnst
það hræðilegt ef gæsluvellirnir
leggjast af. Mér finnst að róló eigi
að vera til staðar. Á mörgum öðr-
um völlum finnur starfsfólkið fyrir
því að börnum hafi fækkað með
einsetningu leikskólanna.“
„Þegar leikskól-
arnir loka streyma
börnin hingað“
Arndís Hjartardóttir, forstöðukona
Lækjavallar, ásamt einum gestanna.
Morgunblaðið/Jim Smart
Ætli heimsmálin séu umræðuefnið? Þeir eru allavega spekingslegir á svip.
Þegar lífið er erfitt er ekki alltaf hægt að halda aftur að tárunum.Aðstoð þeirra sem eldri eru er stundum vel þegin.
Kópavogur