Morgunblaðið - 05.07.2003, Blaðsíða 4

FRÉTTIR
4 LAUGARDAGUR 5. JÚLÍ 2003 MORGUNBLAÐIÐ
FRESTUR nýsköpunar- og sprotafyrirtækja í
sjávarútvegi og tengdum rekstri til að sækja um
hlutafé hjá Byggðastofnun rann út um síðustu
mánaðamót. Vilhjálmur Baldursson, forstöðu-
maður fyrirtækjasviðs Byggðastofnunar, segir
töluverðan fjölda umsókna hafa borist og marg-
ar þeirra vera áhugaverðar. Sérfræðingar
Byggðastofnunar meta nú umsóknirnar og gera
tillögu til stjórnar í einstökum málum, en hún
tekur ákvörðun um hlutafjárkaup. Leitast verð-
ur við að svara umsækjendum um miðjan ágúst.
Hlutafjárkaup Byggðastofnunar eru hluti af
ákvörðun ríkisstjórnar Íslands frá því 11. febr-
úar sl. að verja 6,3 milljörðum króna næstu 18
mánuðina til aukinna vegaframkvæmda, bygg-
ingar menningarhúsa og atvinnuþróunarverk-
efna. Markmið aðgerðanna er að draga úr slaka
í efnahagslífinu og stuðla að meiri atvinnu.
350 milljónir í hlutafjárkaup
Vilhjálmur segir að frestur fyrirtækja í iðn-
aði, landbúnaði og upplýsingatækni til að sækja
um hlutafé renni út 31. júlí nk. en standi til 31.
ágúst fyrir fyrirtæki í ferðaþjónustu og tengd-
um greinum.
Áætlað er að veita 350 milljónum króna í
þetta verkefni. 150 milljónir króna til viðbótar
fara í að styrkja verkefni tengd Byggðastofnun
eða atvinnuþróunarfélögum á landsbyggðinni.
200 milljónir voru eyrnamerktar þátttöku Ný-
sköpunarsjóðs í atvinnuskapandi verkefni úti á
landi.
Gunnar Örn Gunnarsson, framkvæmdastjóri
Nýsköpunarsjóðs, segir nú til skoðunar að veita
200 milljónum króna í hlutafé í kísilduftverk-
smiðju við Mývatn. Fyrst þurfi framkvæmdar-
aðilar að fá vilyrði fyrir nægjanlegu hlutafé frá
einkaaðilum til að reisa verksmiðjuna. Á meðan
eru frekari samningaviðræður ekki í gangi.
Þrír milljarðar í vegamál í ár
Stærsti hlutinn af þessari fjárveitingu fer í
vegaframkvæmdir, eða 4,6 milljarðar króna. Jón
Rögnvaldsson vegamálastjóri segir stefnt að því
að verja 3 milljörðum á þessu ári og 1,6 millj-
örðum á því næsta. Ávallt lá fyrir að töluverðan
tíma tæki að undirbúa nýjar framkvæmdir en
Jón segir stóran hluta framkvæmdanna þegar
farinn af stað og fleira sé í bígerð í haust.
Hversu hratt gangi að hrinda þessu af stað velti
mikið á hvernig verktakamarkaðurinn standi.
Að auki var mörgum verkefnum, sem þegar
var ákveðið að ráðast í á næstu árum, flýtt. Jón
segir kostnað við jarðgangagerð ekki inni í
þessari upphæð nema við göng undir Almanna-
skarð en áætlað er verja 500 milljónum til
þeirra.
Milljarður í menningarhús
Einum milljarði króna á að verja til bygg-
ingar menningarhúsa á Akureyri og í Vest-
mannaeyjum. Sigrún Björk Jakobsdóttir, bæj-
arfulltrúi og formaður menningarmálanefndar
Akureyrar, segir að samkomulag milli ríkis- og
bæjarstjórnar hafi verið undirritað í apríl sl.
Vinnuhópur undirbúi verkefnið. Hún segir að
720 milljónir króna komi úr ríkissjóði og Akur-
eyrarbær reiði fram í kringum 500 milljónir
króna.
Aðgerðir ríkisstjórnarinnar til að draga úr slaka og auka atvinnu á áætlun
Byggðastofnun kaupir
hlutafé fyrir 350 milljónir
SUMARLOKANIR leikskóla eru nú
víða hafnar og þúsundir barna komin
í sumarfrí. Fríin henta foreldrum
misvel, en ekki geta allir tekið sitt frí
á þessum tíma.
„Auðvitað væri mjög æskilegt ef
það væri opið allt sumarið og fólk
hefði fullt val um það hvenær það
tæki sumarfrí,“ segir Gústaf Adolf
Skúlason, forstöðumaður stefnumót-
unar- og samskiptasviðs hjá Samtök-
um atvinnulífsins.
„Menn hljóta samt að virða það að
það sé verið að halda niðri kostnaði,
en einhver sveigjanleiki þarf að vera
til staðar. Til dæmis að innan sex til
sjö vikna tímabils sé fólki skylt að
taka barnið sitt heim í þrjár til fjórar
vikur,“ sagði Gústaf.
„Ég veit að foreldrar eru óánægð-
ir með þetta, ég myndi segja að þetta
bitnaði verst á þeim,“ segir Una Ey-
þórsdóttir, starfsmannastjóri Ice-
landair. Starfsmenn þar á bæ eru
flestir búnir að gera ráðstafanir
vegna þessa erfiða tíma.
Una segist fylgjandi hugmyndum
um að foreldrar hafi val um hvenær
börn þeirra fái frí á leikskólum. „Ég
held að það sé mjög mikilvægt fyrir
fólk að hafa þetta val.“
Atli Atlason, starfsmannastjóri
Landsbankans, segir þetta vera
mjög óþægilegt fyrir marga for-
eldra. „Mönnum finnst þeir vera
mjög bundnir yfir sumarlokununum.
Mér fyndist eðlilegt að foreldrarnir
hefðu eitthvað um það að segja hve-
nær fríið er tekið.
Auðvitað reyna menn að bjarga
sér, en sumir verða að gera það með
öðrum hætti. Við getum ekki lokað
heilu og hálfu deildunum, það segir
sig sjálft. Þá verða starfsmennirnir
að bjarga sér með öðrum hætti.
Þetta hefur þannig áhrif að það eru
ansi margir starfsmenn sem þurfa að
komast í sumarfrí á þessum tíma.
Það eru mjög margir leikskólar sem
loka á sama tíma og það er mjög
óheppilegt,“ sagði Atli.
Morgunblaðið/Golli
Foreldrar sóttu börn sín í leikskólana í gær í síðasta sinn fyrir sumarfrí.
Sumarlokanir leikskóla í júlí
Kemur misjafn-
lega við foreldra
ÁSTÞÓR Magnússon, forsvarsmaður
Friðar 2000, var sýknaður af kröfu
ríkislögreglustjóra í Héraðsdómi
Reykjavíkur í gær. Ástþór var ákærð-
ur fyrir að senda tilhæfulausar við-
varanir um yfirvofandi sprengjutil-
ræði til íslenskra flugfélaga.
Í dómnum er tekið undir með
ákæruvaldinu að því leyti að tilkynn-
ingin, sem Ástþór dreifði í tölvupósti,
kunni gagnvart sumum að hafa verið
til þess fallin að vekja ótta um líf, heil-
brigði og velferð manna. Einnig að
vegna orðalags tölvupóstsins, sem að
ýmsu leyti var óskýrt, hafi verið eðli-
legt að lögreglan brygðist við eins og
gert var.
Ekki refsað nema fyrir vísvit-
andi rangar upplýsingar
Dómarinn segir að hins vegar hafi
komið fram við rannsókn málsins
hvað ákærða gekk til. Ekki yrði annað
ráðið af framburði hans en það, að
hann hafi talið að um raunverulega
hættu hafi verið að ræða sem hann
taldi sér skylt að vara við. Þótt í upp-
hafi tölvupóstsins væri fjallað um rök-
studdan grun leiddi það ekki sjálf-
krafa til sakfellingar, þótt síðar hafi
komið í ljós að grunur ákærða reynd-
ist rangur og byggður á misskilningi
og ályktanir sem hann dró hafi verið
rangar.
Sagði dómari að ekki yrði refsað
fyrir brot gegn þeirri lagagrein sem
ákært væri fyrir nema um vísvitandi
rangar upplýsingar eða vísvitandi
rangar tilkynningar hafi verið að
ræða.
Í yfirlýsingu Friðar 2000, sem Ást-
þór sendi út og var ákærður fyrir,
segir: „Við höfum rökstuddan grun
um að ráðist verði gegn íslenskri flug-
vél með flugráni og eða sprengjutil-
ræði. Við vitum ekki hvort þessi árás
muni beinast gegn almennu flugi Ice-
landair eða Atlanta eða hvort bæði fé-
lögin verði skotmark. Tilræðið mun
koma sem svar við þeim ráðagerðum
ríkisstjórnarinnar að nota borgara-
legar flugvélar íslenska flugflotans til
flutninga á hergögnum eða hermönn-
um fyrir NATO í ólögmætu stríði
gegn Írak. Rétt er að vara almenning
við að ferðast með þessum flugfélög-
um á næstu dögum og vikum. Okkur
finnst rétt að vekja athygli á þessu.
Alþjóðastofnunin Friður 2000www.
peace2000.org“
Ástþór Magnús-
son sýknaður
FJÖLDI fólks fagnaði goslokum
með Eyjamönnum í Vestmanna-
eyjum í gær, en 25 ár eru liðin frá
því að gosi lauk í Heimaey. Í gær-
dag fór fram mikill undirbúningur í
Skvísusundi fyrir skemmtun gær-
kvöldsins. Kl. 17 var sundið form-
lega skýrt Skvísusund eins og það
hefur verið kallað frá ómunatíð.
Þegar Morgunblaðsmenn voru þar
á ferð seinnipartinn voru stjórnar-
menn úr Knattspyrnudeild ÍBV,
þeir Birgir Stefánsson og Ástþór
Jónsson, að leggja síðustu hönd á
Baldurskrónna. Ýmsir listamenn
komu fram í krónni í gær.
Á veggjum hanga baujur og
belgir, net, lína og færi. „Það
verður því allt tilbúið fyrir stemn-
inguna í kvöld,“ sagði Birgir Stef-
ánsson, framkvæmdastjóri
Knattspyrnudeildar ÍBV. Baldurs-
króin er ekki eina króin á svæðinu
því þær eru alls sex í röð og í hverri
þeirra og í Listaskólanum og Ís-
félagsportinu voru skemmtiatriði
undir heitinu „Líf og fjör í Skvísu-
sundi“. Meðal þeirra sem fram
komu voru Harmonikkufélagið,
Eymenn, Eygló-Sigurrós og Lalli,
Obbi , spákonur, Hippabandið og
Logar.
Þessar ungu Eyjaskvísur voru að skoða sig um í Skvísusundi og athuga hvort allt væri ekki í lagi fyrir kvöldið.
Þær heita frá vinstri í fremri röð: Kristín Rannveig Jónsdóttir og Aníta Guðlaug Axelsdóttir. Í aftari röð frá
vinstri eru: Jóhanna Björk Gylfadóttir, Áslaug Dís Bergsdóttir og Sara Sjöfn Grettisdóttir.
Líf og fjör í
Skvísusundi
Fjölmenni á Goslokahátíð í Vestmannaeyjum
Morgunblaðið/Sigurgeir
RÍKISSAKSÓKNARI mun
ekki áfrýja sýknudómi yfir skip-
stjóranum á Báru ÍS sem ríkis-
lögreglustjóri ákærði fyrir
brottkast í kjölfar þess að frétta-
myndir af brottkasti um borð í
bátnum birtust í fjölmiðlum.
Snerist málið um a.m.k. 25 fiska.
Meira brottkast sást á mynd-
um sem teknar voru um borð í
Bjarma BA og er dóms Héraðs-
dóms Vestfjarða að vænta innan
tíðar. Skipstjórinn á því skipi er
ákærður fyrir að kasta a.m.k. 53
þorskum fyrir borð.
Brottkastmáli
ekki áfrýjað
TALSMENN mikils meiri-
hluta fyrirtækja innan Sam-
taka atvinnulífsins telja að til-
færsla fimmtudagsfrídaga á
vorin á aðra daga stuðli að
hagræði í rekstri.
Þetta kemur fram í könnun
sem fram fór í liðnum mánuði
og greint er frá í fréttabréfi
SA. Könnunin var send til
1.039 fyrirtækja SA og bárust
svör frá 585 eða 56,3%. Spurt
var hvort hvort tilfærsla ein-
hverra fimmtudagsfrídaga
vorsins yfir á heppilegri tíma
myndi stuðla að auknu hag-
ræði í rekstri fyrirtækisins og
svaraði 71% spurningunni ját-
andi, 16% neitandi en 13%
tóku ekki afstöðu. Ef aðeins
eru taldir þeir sem tóku af-
stöðu voru 82% þeirrar skoð-
unar að tilfærsla fimmtu-
dagsfrídaga myndi stuðla að
hagræði í rekstri en 18% töldu
svo ekki vera.
Telja hag-
ræði af
tilfærslu
frídaga