Morgunblaðið - 05.07.2003, Blaðsíða 41
FRÉTTIR
MORGUNBLAÐIÐ LAUGARDAGUR 5. JÚLÍ 2003 41
LANDSPÍTALI -
HÁSKÓLASJÚKRAHÚS
SLYSA- OG BRÁÐADEILD, Fossvogi sími 543 2000.
BRÁÐAMÓTTAKA, Hringbraut sími 543 2050.
BRÁÐAMÓTTAKA BARNA, Barnaspítala Hringsins sími
543 1000.
BRÁÐAMÓTTAKA GEÐDEILDA, Hringbraut sími
543 4050.
NEYÐARMÓTTAKA v/nauðgunarmála, Fossvogi sími
543 2085.
EITRUNARMIÐSTÖÐ sími 543 2222.
ÁFALLAHJÁLP sími 543 2085.
LÆKNAVAKTIR
BARNALÆKNIR er til viðtals á stofu í Domus Medica á
kvöldin v.d. kl. 17–22, lau., sun. og helgid., kl. 11–15.
Upplýsingar í s. 563 1010.
LÆKNAVAKT miðsvæðis fyrir heilsugæsluumdæmin í
Reykjavík, Seltjarnarnesi, Kópavogi, Garðabæ og Hafn-
arfirði, í Smáratorgi 1, Kópavogi. Mótttaka kl. 17–23.30
v.d. og kl. 9–23.30 um helgar og frídaga. Vitjanabeiðni og
símaráðgjöf kl. 17–08 v.d. og allan sólarhringinn um
helgar og frídaga. Nánari upplýsingar í s. 1770.
TANNLÆKNAVAKT – neyðarvakt um helgar og stórhá-
tíðir. Símsvari 575 0505.
VITJANAÞJÓNUSTA læknis í heimahús. Alla v.d. kl. 10–
16. Símapantanir og ráðgjöf kl. 8–20 í síma 821 5369.
LÆKNALIND, Bæjarlind 12, Kópavogi. Einkarekin lækn-
isþjónusta. Vaktþjónusta alla virka daga kl 08–17. Uppl.
í síma 520 3600 og á heimasíðu www.laeknalind.is
APÓTEK
LYF & HEILSA: Austurveri við Háaleitisbraut. Opið kl. 8–
24, virka daga, kl. 10-24 um helgar. Sími 581 2101.
APÓTEKIÐ: LYFJA, Lágmúla: Opið alla daga ársins kl. 8–
24. S. 533 2300.
LYFJA, Smáratorgi: Opið a.d. kl. 8–24. Sími 564 5600.
BORGARAPÓTEK: Opið alla daga til kl. 24, virka daga kl.
9–24 og um helgar kl. 10–24. Sími 585 7700. Læknasími
585 7710 og 568 1250. Fax: 568 7232.
Milli kl. 02 og 8 er lyfjaþjónusta á vegum læknavaktar.
NEYÐARÞJÓNUSTA
BAKVAKT Barnaverndarnefndar Reykjavíkur er starf-
rækt eftir kl. 16.15 virka daga, allan sólarhringinn aðra
daga. Sími 892 7821, símboði 845 4493.
HJÁLPARSÍMI Rauða krossins, fyrir þá sem þjást af dep-
urð og kvíða og eru með sjálfsvígshugsanir. Fullum
trúnaði heitið. Gjaldfrjálst númer: 1717, úr öllum símum.
TRÚNAÐARSÍMI RAUÐAKROSSHÚSSINS. Ráðgjafar-
og upplýsingasími ætlaður börnum, unglingum og að-
standendum þeirra. Nafnleynd. Opið allan sólarhr.
Gjaldfrjálst númer: 1717 – Netfang: husid@redcross.is
VINALÍNA Rauða krossins, s. 561 6464. Grænt númer
800 6464, er ætluð fólki 20 og eldri sem þarf einhvern til
að tala við. Svarað kl. 20–23.
BILANAVAKT BORGARSTOFNANA, sími 5 800 430 tek-
ur við tilkynningum um bilanir og liðsinnir utan skrif-
stofutíma.
NEYÐARSÍMI FORELDRA 581 1799 er opinn allan sólar-
hringinn. Vímulaus æska- Foreldrahús.
Neyðarnúmer fyrir
allt landið - 112
ÞJÓNUSTA
Skorradal /Sími 822 0055 /www.safaris.is
Opið til kl. 18.
ÚTSALAN Í FULLUM GANGI
35 - 50% AFSLÁTTUR
STÆRÐIR 34-56
Sex daga gönguferð með Útivist
um eyðibyggðir í Leirufirði,
Grunnuvík og Snæfjallaströnd, dag-
ana 13.–20. júlí. Ferðin tekur 8 daga
með ferðum vestur og til baka. Þetta
er trússferð þar sem allur farangur
er fluttur á milli náttstaða og því
þarf aðeins að ganga með léttan dag-
poka með nesti og föt fyrir daginn.
Dagleiðir eru ekki langar og hentar
þessi gönguferð flestum. Gist verður
í húsum í 4 nætur en í tjöldum í 3
nætur. Hægt er að kaupa mat í
Dalbæ á Snæfjallaströnd við upphaf
og í lok ferðar og einnig í Grunnuvík.
Nánari upplýsingar á www.utivist.is.
Á NÆSTUNNI
Gönguferðir Göngugarpa ÍT ferða
í júlí verða sem hér segir: 6. júlí
Stóri-Meitill, 13. júlí Reykjadalur
inn af Hveragerði inn að Dalseli, 20.
júlí Hengillinn úr Dyradal og 27. júlí
Móskarðshnjúkar austan Esju.
Hist er kl. 10 við nýju vetnisstöðina
við Vesturlandsveg. (Skeljungur/
Skalli). Allir eru velkomnir og að-
gangur ókeypis. Mætið með nesti.
Fjölskyldudagur í Viðey verður 6.
júlí. Dagskráin hefst kl. 13 með sigl-
ingu frá Reykjavíkurhöfn, þ.e. smá-
bátahöfninni fyrir neðan Hafnar-
búðir. Örlygur Hálfdánarson mun
verða með leiðsögn á siglingunni og
að siglingunni lokinni verður stutt
helgistund. Leiktæki fyrir börnin
verða á staðnum og það verður grill-
að og boðið upp á kaffi og þjóðlegt
meðlæti fyrir fullorðna fólkið. Á
meðan fólk matast munu tónlistar-
menn leika létta tónlist. Dagskráin
kostar kr. 1.600.- fyrir fullorðna og
kr. 800.- fyrir börn.
Á MORGUN
YFIRBURÐIR heimsmeistarans í
tölti, Hafliða Halldórssonar og Ásdís-
ar frá Lækjarbotnum, voru algjörir í
töltkeppni fjórðungsmótsins á Stekk-
hóli í Hornafirði í gær. Hlutu þau 8,33
í einkunn en næst komu Hans F.
Kjerúlf og Hjörtur frá Úlfsstöðum
með 7,90. Báru þessi pör nokkuð af í
forkeppninni og má telja sigur Haf-
liða og Ásdísar nokkuð vísan ef ekk-
ert óvænt kemur upp.
Að lokinni forkeppni í A-flokki sem
fram fór í gær stendur efstur Glymur
frá Kirkjubæ, knapi Sigurður Sig-
urðarson með 8,55 en næstir koma
Glitnir frá Ketilsstöðum og Bergur
Jónsson, 8,49, Spóla og Daníel Jóns-
son, 8,46, Eitill frá Hala og Daníel
Jónsson, 8,45, Baun frá Kúskerpi og
Daníel Jónsson, 8,34, Biskup frá Við-
borðsseli og Vignir Siggeirsson, 8,29,
Kolbrún frá Kanastöðum og Jón
Gíslason, 8,29 og Hreyfing frá Hall-
ormsstað og Ragnheiður Sam-
úelsdóttir, 8,28.
Í B-flokki gæðinga standa efstir
Höfgi frá Ketilsstöðum og Bergur
Jónsson með 8,54 en á hæla þeirra
koma Möl frá Horni og Daníel Jóns-
son, 8,51, Óði-Blesi frá Lundi og
Hans F. Kjerúlf, 8,47, Gáski frá Við-
borðseli og Sigurður Sigurðarson,
8,44, Vinur frá Lækjarbrekku og
Daníel Jónsson, 8,43, Seiður frá
Kollaleiru og Hans F. Kjerúlf, 8,43,
Duld frá Víðivöllum fremri og Auður
Ástvaldsdóttir, 8,40, og Valtýr frá
Ketilsstöðum og Bergur Jónsson,
8,40.
Í barnaflokki er efst Dagrún D.
Valgarðsdóttir á Vöku frá Valþjófs-
stað, 8,29, en næst koma Selma L.
Jónsdóttir á Frosta frá Horni, 8,23,
Ellert M. Eyjólfsson á Tímoni frá
Hávarðarkoti, 7,98, Arndís Ingólfs-
dóttir á Dreyra, 7,97, Kristján O.
Arnarsson á Koli frá Mosfellsbæ,
7,84, Hallmar Hallsson á Fleyg, 7,80,
Erla G. Leifsdóttir á Lukku frá
Neðri-Skálateigi, 7,70, og Rakel Ö.
Elvarsdóttir á Gosa frá Fornustekk-
um, 7,11. Af unglingum stendur efst-
ur Guðmundur Þ. Bergsson á Mozart
frá Eyvindarmúla með 8,46, næst
koma Lena H. Marteinsdóttir á Moz-
art frá Ártúni, 8,44, Nikólína Ó. Rún-
arsdóttir á Ofsa frá Engimýri, 8,35,
Hallveig Karlsdóttir á Ljósbrá frá
Bakka, 8,33, Jóna S. Bjarnadóttir á
Drottningu frá Sauðárkróki, 8,33,
Vordís Eiríksdóttir á Nótt, 8,27, Guð-
björg Arnardóttir á Þyrnirós frá Eg-
ilsstöðum, 8,22, og Helga R. Jóhanns-
dóttir á Þrætu frá Breiðavaði, 7,99.
Keppni ungmenna fer fram í dag
klukkan níu en að henni lokinni hefst
opin keppni í A- og B-flokki stóð-
hesta. Yfirlitssýning kynbótahrossa
hefst klukkan 1.
Fjórðungsmót hestamanna á Stekkhóli á Hornafirði
Hafliði og Ásdís með
gott forskot í töltinu
Hafliði og Ásdís frá Lækjarbotnum voru með stórgóða sýningu í töltkeppni
fjórðungsmótsins og virðast þau hafa sigurinn í hendi sér í úrslitum í dag.
VEGNA umfangsmikilla viðgerða að
Reykjum í Hrútafirði mun starfsemi
Sumarbúðanna Ævintýralands flytja
á Laugarvatn síðustu tvö tímabil
sumarsins, 23.–29. júlí (10–12 ára) og
30. júlí–5. ágúst (12–14 ára). Börnin
munu gista í húsi Íþróttasambands
Íslands á Laugarvatni. Í næsta ná-
grenni er íþróttahús, sundlaug, heitir
pottar, vatn til að vaða í eða sigla á og
skemmtilegar gönguleiðir. Auglýst
dagskrá sumarbúðanna heldur sér,
nema reiðnámskeið falla niður en
sigling á bátum bætist við. Nokkur
pláss eru laus bæði tímabilin á Laug-
arvatni.
Hverja viku í sumar hefur starfs-
fólk Ævintýralands leikið leikrit fyrir
börnin um einelti. Leikritið var samið
af sumarbúðastjóranum, Svanhildi
Sif, með aðstoð starfsmanna.
Ævintýraland
á Laugarvatn
ÞORSKAFJARÐARHEIÐI verður
lokuð frá mánudeginum 7. júlí til
föstudagsins 18. júlí vegna viðgerða.
Þetta kemur fram í fréttatilkynn-
ingu frá Vegagerðinni.
Þorskafjarðar-
heiði lokuð
FÉLAGAR í Samlaginu listhúsi á
Akureyri verða með sýningu á smá-
verkum í Norska húsinu í Stykkis-
hólmi, en hún verður opnuð í dag,
laugardaginn 5. júlí og stendur til 31.
júlí.
Þessi sýning er á landsflakki og
átti viðkomu á Blönduósi en fer síðan
til Egilsstaða og Reykjavíkur þar
sem hún stoppar í mánuð á hverjum
stað. Á sýningunni eru málverk unn-
in með olíu, vatnslit, akríl og verk
unninn í textíl, tré, leir, grafík og
ljósmyndatækni.
Félagarnir eru: Anna María Guð-
mann, Anna Gunnarsdóttir, Anna
Sigríður Hróðmarsdóttir, Einar
Helgason, Guðmundur Ármann Sig-
urjónsson, Guðrún Hadda Bjarna-
dóttir, Hrefna Harðardóttir, Hug-
rún Ívarsdóttir, H. Halldóra
Helgadóttir, Nanna Eggertsdóttir,
Ragnheiður Þórsdóttir og Rósa
Kristín Júlíusdóttir.
Norðanmenn
sýna í Norska
húsinu
SUNN, Samtök um náttúruvernd á
Norðurlandi, andmæla fram komnum
hugmyndum Landsvirkjunar um að
hækka stíflu við Laxárvirkjun. Í yfir-
lýsingu frá þeim segir að mannvirkið
yrði brot á lögum um verndun Mý-
vatns og Laxár, í andstöðu við laga-
frumvarp um verndun sama svæðis
og brot á skráningu svæðisins á
Ramsarskrána yfir alþjóðlega mikil-
væga votlendisstaði. „Friðlýsing
þessara svæða er ekki að ástæðulausu
því að svæði er ekki sett á Ramsar-
skrána án þess þar sé sérstakt lífríki á
alheimsmælikvarða. Áformin nú geta
sett það í hættu en ekki „bætt“ eins
og haldið er fram í fjölmiðlum. Auk
þess eru á svæðinu, sem færi undir
lón, eldhraun og heitar uppsprettur
sem eru sérstaklega friðlýstar í nátt-
úruverndarlögum. Lögin um verndun
Mývatns og Laxár voru sett 1974 til
að standa við samkomulag sem gert
var í kjölfar Laxárdeilunnar.
Markmið framkvæmdar eru óljós
þar sem fram hefur komið á fundum
að tveggja til þriggja metra stífla
dygði til að koma í veg fyrir ís-
truflanir. Væri það umtalsvert ásætt-
anlegri framkvæmd. Einnig er sagt
að koma eigi í veg fyrir sandburð sem
skemmi vélar og því haldið fram að
það sé gott fyrir lífríki neðan ár sem
er í besta falli umdeilanlegt en nokk-
uð örugglega rangt. Sandburður hef-
ur verið í Laxá um aldir og er nú unn-
ið að því að minnka hann með
uppgræðslu við upptök Krákár
(Læki). Ávinningur virðist því ein-
göngu vera rekstrarlegar og mætti
spyrja hvort ekki væri hægt að leggja
raflínu frá Kröflu til Húsavíkur til að
auka rekstraröryggi. Eitt hið alvar-
legasta er eftir að nefna: Svo virðist
sem sveitarstjórn Aðaldælahrepps sé
hótað með því að virkjunin verði lögð
niður ef þessi framkvæmd fáist ekki í
gegn.
Spyrja má sig hvers vegna Lands-
virkjun leggur þessa tillögu fram, til-
lögu sem á sér enga möguleika nema
lögum verði sérstaklega breytt. Í vor
var lögð fram tillaga um virkjun í
Bjarnarflagi sem einnig er friðlýst
með sömu lögum. Er Landsvirkjun að
þreyta þá sem þurfa að halda uppi
andófi og hafa litla fjármuni gegn því
sem Landsvirkjun virðist hafa nóg af?
Eða er ætlunin að undirbúa jarðveg-
inn fyrir stíflu úr Skjálfandafljóti og
stíflu sem myndi sökkva Laxárdal?
Fréttir af áhuga á því að reisa álver
við Húsavík gætu tengst þessu.
Landsvirkjun er í „hernaði gegn land-
inu“ svo að vitnað sé í fleyg orð Hall-
dórs Laxness.
Stjórn SUNN hvetur sem flesta til
þess að skila athugasemdum til
Landsvirkjunar við drög að mats-
áætlun og til Skipulagsstofnunar er
hin formlegu plögg koma fram,“ segir
í fréttatilkynningu.
Brot á lögum
um verndun
Mývatns og Laxár
♦ ♦ ♦
♦ ♦ ♦