Morgunblaðið - 06.07.2003, Blaðsíða 7

FRÉTTIR
MORGUNBLAÐIÐ SUNNUDAGUR 6. JÚLÍ 2003 7
GEGN HÖFUÐVERK
Sandey
Sundaborg 9, 104 Reykjavík,
sími 533 3931, fax 588 9833
sandey@simnet.is
Í SKÝRSLU Ríkisendurskoðunar
um árangursstjórnun í ríkisrekstri
segir að þótt sex ár séu liðin frá því að
hafist var handa við verkefnið þá sé
það enn skammt á veg komið. Í
skýrslunni kemur m.a. fram að ein-
ungis rúmur helmingur stofnana rík-
isins hafi gert árangursstjórnunar-
samninga við ráðuneyti sín. Eins
kemur fram í skýrslunni að 37%
þeirra stofnana sem gert hafa samn-
inga hafa einnig gert langtímasamn-
ing og að einungis 11 ríkisstofnanir
hafi skilað ársáætlun fyrir árið 2001.
Ríkisstjórnin ákvað í nóvember
1996 að taka upp árangursstjórnun í
ríkisstofnunum. Í árangursstjórnun
felst m.a. að unnið skuli eftir þeirri
forskrift að stofnanir ríkisins geri sér
áætlanir um mælanleg markmið og
skili skýrslum um framvindu til
þeirra ráðuneyta sem þau heyra und-
ir. Fjármálaráðuneytið hefur frá upp-
hafi gegnt lykilhlutverki við innleið-
ingu árangursstjórnunar en önnur
ráðuneyti hafi hins vegar borið
ábyrgð á framkvæmd árangurs-
stjórnunarinnar innan vébanda sinna.
Ráðuneytin hafa verið misdugleg í
innleiðingu árangursstjórnunar, sam-
kvæmt skýrslu Ríkisendurskoðunar.
Þannig hafa allar undirstofnanir sam-
gönguráðuneytis gert samninga og
einnig mjög hátt hlutfall í iðnaðar- og
viðskiptaráðuneyti, menntamálaráðu-
neyti og dómsmálaráðuneyti.
Innleiðing árangursstjórnunar skammt á veg komin
Aðeins helmingur stofnana
hefur gert samning
LÖGREGLUSTJÓRARNIR í
Vík, á Hvolsvelli og á Selfossi
hafa ákveðið að hafa með sér
samstarf um eftirlit lögreglu á
hálendi Suðurlands. Eftirlitið
hófst í byrjun júní og mun
standa út ágúst og lengur ef þörf
krefur. Fylgzt verður með um-
ferð á hálendinu, þar á meðal
ölvunarakstri og umgengni um
landið og akstri á vegum, segir í
frétt frá embættunum.
Jafnframt er skorað á þá er
verða varir við lögbrot að til-
kynna þau til lögreglu í Vík, á
Hvolsvelli eða á Selfossi.
Ökumenn í hálendisferðum á
Suðurlandi mega því eiga von á
því að mæta lögreglu hvar og
hvenær sem er í sumar. Lög-
reglustjórarnir hvetja ökumenn á
Suðurlandi til að virða umferð-
arlög og umferðarreglur og taka
tillit til annarra í umferðinni.
Samvinna um
hálendiseftirlit
Læknar gegn tóbaki
funda með heil-
brigðisráðherra
Mikilvægt
að halda
forystuhlut-
verki Íslands
FULLTRÚAR Lækna gegn tóbaki
gengu á fund heilbrigðisráðherra á
föstudag og fylgdu eftir áskorunum
á annað hundrað lækna sem sendar
voru heilbrigðisráðherra í tilefni af
reyklausa deginum 31. maí.
Að sögn Lilju Sigrúnar Jónsdótt-
ur læknis, sem sæti á í stjórn
Lækna gegn tóbaki, var á fundinum
rætt um gildi þess að Ísland héldi
forystuhlutverki sínu meðal þjóða
heims varðandi tóbaksvarnir og tak-
markanir á tóbaksnotkun. „Sérstak-
lega þarf nú að fylgja eftir breyt-
ingum á tóbaksvarnalögum
varðandi bann við reykingum á veit-
ingahúsum, kaffihúsum og á
skemmtistöðum, til þess meðal ann-
ars að verja starfsmenn sem þar
vinna fyrir áhrifum óbeinna reyk-
inga,“ sagði Lilja.
Mikilvæg ráðgjöf
í reykbindindi
Sömuleiðis var rætt á fundinum
hve mikilvægt væri að hjálp væri
veitt þeim sem vildu hætta að
reykja. Sagði Lilja að nauðsynlegt
væri að viðhalda fjölbreyttum leið-
um til að hætta að reykja. „Við telj-
um nauðsynlegt að kynna og styðja
betur ráðgjöf í reykbindindi, síma-
þjónustu í græna númerinu
800 6030, þar sem sérmenntaðir
hjúkrunarfræðingar aðstoða þá sem
vilja hætta að reykja.“
Regnhlífarsamtök
lækna gegn tóbaki
Samtökin Læknar gegn tóbaki
voru stofnuð í október síðastliðnum.
Markmið þess eru að vinna að því
að gera öllum sem nota hvers kyns
tóbak auðveldara að hætta því, og
sömuleiðis að stuðla að forvörnum
gegn hvers kyns tóbaksnotkun.
Starfandi hafa verið nefndir á veg-
um heilbrigðisráðuneytisins, en
nýju samtökin kalla til sín alla
lækna til samstarfs gegn tóbaki.