Morgunblaðið - 06.07.2003, Blaðsíða 40

MINNINGAR
40 SUNNUDAGUR 6. JÚLÍ 2003 MORGUNBLAÐIÐ
Elsku besti pabbi.
Síðustu dagar hafa
verið undarlegir og
erfitt að sætta sig við
að missa þig núna og fá ekki að sjá
þig aftur. Góðar samverustundir
undanfarið hafa þó aukið fjarsjóð
minninganna og mun ég leita til
þeirra á erfiðum tímum. Það er ekki
nema mánuður síðan þú aðstoðaðir
okkur systkinin við að skrifa minn-
ingarorð um hana ömmu. Það var
nefnilega gott að leita til þín þegar
lesa átti yfir texta, hvort sem það
voru ritgerðir, verkefni, ræður eða
annað þvíumlíkt. Alltaf komstu með
góðar athugasemdir, en íslenskt mál
var þér hugleikið. Þú varst alltaf vel
að þér í öllum málefnum. Það var
ætíð létt yfir þér og stutt í gam-
ansemina og stríðnina. Þú vannst öll
verkefni hratt og örugglega og þeg-
ar byrjað var á verkefnum þá átti að
klára þau í einum grænum. Það var
sama hversu snemma maður kom
niður í eldhús á laugardögum, alltaf
var búið að klára krossgátuna í
blaðinu.
Kjötvinnslan var þér mikils virði
og unnir þú starfi þínu mjög. Þú
varst trúr og tryggur vinnuveitanda
þínum í rúm 40 ár, en þú varst ekki
nema 25 ára þegar þú byrjar hjá
Kaupfélaginu. Ég var alltaf jafn-
stoltur af þér þegar kjötinu þínu var
hrósað, en það gerðist ósjaldan. Það
er ekki nema hálfur mánuður síðan
ég var síðast beðinn um að skila því
hversu gott kjötið hefði verið í út-
skriftinni hjá Hörpu. Ég var ekki
bara stoltur af þessu, heldur einnig
hversu vinnusemi þín var mikils
metin. Þegar ég byrjaði í Járn og
skip, 16 ára gamall, og menn fréttu
hverra manna ég væri, þá sögðust
þeir ekki þurfa að hafa áhyggjur af
mér, svo framarlega að ég væri lík-
ur þér.
Þrátt fyrir að vinnan væri þér
mikils virði þá hafðir þú tekið þá
ákvörðun að hætta að vinna í haust
og fara að njóta lífsins með mömmu.
Já, margt átti að gera í september.
Þegar ég fór með þér niður í Kjötsel
í byrjun júní tók ég nokkrar góðar
ljósmyndir af þér. Þann dag ákvað
ég að koma seinna með myndbands-
upptökuvél og taka upp lífið í Kjöt-
seli áður en þú hættir. En það varð
ekki af því.
Þú varst góður afi. Því fengu
barnabörnin þín að kynnast. Ég
hefði viljað að börnin mín hefðu
kynnst afa Bigga. Ég veit að þú
munt fylgjast með þeim og ég lofa
því að segja þeim frá þér. Þið
mamma áttuð vel saman og naut ég
góðs uppeldis hjá ykkur báðum sem
hefur verið mér gott veganesti út í
lífið.
Elsku pabbi, ég vil að þú vitir af
því að betri foreldra hefði ég ekki
getað eignast og þú ert besti pabbi í
heimi. Ég mun hugsa vel um
mömmu og ömmu.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Þýð. Sveinbjörn Egilsson.)
Þinn sonur,
Davíð.
Að kvöldi 26. júní bárust þær
sorgarfréttir að tengdafaðir minn
væri látinn. Ég bjóst ekki við að
kveðjustundin myndi bera að með
svo skjótum hætti eins og raun bar
vitni. Biggi, sem virtist við góða
heilsu og í fullu fjöri, dáinn á svip-
BIRGIR KRISTINN
SCHEVING
✝ Birgir KristinnSigurðsson
Scheving fæddist í
Vestmannaeyjum
hinn 21. maí 1937.
Hann varð bráð-
kvaddur á heimili
sínu 26. júní síðast-
liðinn og var útför
hans gerð frá Kefla-
víkurkirkju 4. júlí.
stundu og enn einu
sinni fáum við mann-
fólkið ekki við neitt
ráðið. Ég kom fyrst
inn á heimili hans og
Gústu tengdamóður
minnar fyrir níu árum
þegar ég og Simmi
vorum að kynnast.
Mér var tekið vel frá
fyrsta degi og fann
strax að mér myndi
líða vel í návist fjöl-
skyldunnar.
Margar minningar
koma upp í hugann
þegar ég hugsa til Bigga, minningar
um góðan mann sem reyndist okkur
fjölskyldunni afar vel. Hann var
alltaf boðinn og búinn til að gera allt
fyrir okkur. Þau voru ófá kvöldin
þar sem við sátum inni í stofu á
Birkiteignum, töluðum um allt milli
himins og jarðar. Það var gaman að
ræða málin við Bigga því hann var
víðlesinn, vel að sér, og hafði
ákveðnar skoðanir. Hann hafði líka
gott skopskyn og var því oft fljótur
að koma hlutunum frá sér á gam-
ansaman hátt.
Biggi hefur unnið síðastliðin 41 ár
í Kjötsel Njarðvík, hann sinnti
vinnu sinni af miklum heilindum,
ósérhlífinn og vann þar af miklum
krafti myrkranna á milli. Hann
kvartaði aldrei og það var aldrei
neitt að hjá honum. Fjölskyldan var
búin að ákveða að hittast uppi í
sumarbústað þessa helgi og halda
grillveislu þar sem allir ætluðu að
skemmta sér vel. Engann hafði
grunað að þess í stað værum við öll
að kveðja hann í hinsta sinn og tak-
ast á við þessa miklu sorg saman.
Andri sonur minn og afi Biggi
voru góðir vinir, afi alltaf tilbúinn að
gera allt fyrir litla afadrenginn sinn.
Andri á erfitt með að skilja að afi sé
dáinn, en veit að afi er orðinn að
engli hjá Guði sem mun halda áfram
að fylgjast með honum. Ég er afar
þakklát fyrir að Andri hafi fengið að
kynnast svo góðum afa.
Ég votta tengdamóður minni,
aldraðri móður og öðrum aðstand-
endum Bigga mína dýpstu samúð.
Orðstír fagur aldrei deyr
óhætt má því skrifa
Á söguspjöldum síðar meir,
sagan þín mun lifa.
(G.J.)
Hvíl í friði.
Þín tengdadóttir,
Linda Helgadóttir.
Elsku afi.
Þú varst okkur góður afi, og
munu minningar um þig lifa um
ókomin ár. Við erum þakklát að
hafa fengið að kynnast þínum góðu
mannkostum og fengið að njóta
væntumþykju þinnar. Við munum
hugsa vel um ömmu og sjá til þess
að henni líði vel.
Leiddu mína litlu hendi,
ljúfi Jesús, þér ég sendi
bæn frá mínu brjósti, sjáðu,
blíði Jesús, að mér gáðu.
Hafðu gát á hjarta mínu
halt mér fast í spori þínu,
að ég fari aldrei frá þér,
alltaf, Jesús, vertu hjá mér.
(Ásmundur Eiríksson.)
Hvíl í friði.
Þín afabörn,
Sandra Ösp og Andri.
Elsku afi.
Við komum til Íslands í dag og ef
allt væri eins og venjulega þá hefðir
þú komið og hitt okkur á flugvell-
inum. En allt er ekki eins og venju-
lega. Í þetta skiptið erum við ekki
að koma til þess að hitta þig, heldur
til að kveðja þig. Þú varst alltaf svo
glaður og alltaf með nýja brandara
á lager.
Hver á nú að vekja okkur
snemma á morgnana og segja:
„Góðan daginn, hvað segir maginn?“
Og hver á nú að fara með okkur í
bíltúr? Hvort sem það var veiðiferð-
ir eða bíltúrar þá gerðist alltaf eitt-
hvað skemmtilegt. Ein Reykjavík-
urferðin er ógleymanleg. Eftir
heilan dag í bænum ákváðuð þið að
bjóða okkur í bíó, á Jurassic Park.
Það heppnaðist nú ekki alveg. Eftir
tvær mínútur flýði amma út, því há-
vaðinn var of mikill. Ekki mikið
seinna byrjaði einhver að hrjóta.
Hver var það ef það varst ekki þú?
Við munum sakna þín alveg rosa-
lega. Þinn tími var nú ekki alveg
kominn, en lífið er ófyrirsjáanlegt.
Við erum nú ekki alveg búin að átta
okkur á að þú sért farinn. Við sitj-
um hérna ennþá og erum að bíða
eftir að þú komir heim úr vinnsl-
unni, en þú munt ekki koma.
Þú skalt vita það að þú lifir áfram
í huga okkar og þar er lífið eilíft.
Andrés og Linda-Malín.
Enn er höggvið skarð í systk-
inahópinn, við vorum fimm, fyrir
tæpu ári lést Edda er var elst okkar
og nú Birgir sem var næstelstur, en
hann varð bráðkvaddur á heimili
sínu 26. júní sl.
Á yngri árum var Birgir í sveit í
Mýrdalnum á sumrin og undi þar
glaður hag sínum, enda hafði hann
gagn og gaman af dvölinni þar. Eft-
ir hefðbundna skólagöngu hóf hann
nám í kjötiðn og lauk því námi sem
kjötiðnaðarmeistari. Hélt hann síð-
an til framhaldsnáms í Danmörku
og var þar í u.þ.b. ár. Heimkominn
hóf hann störf hjá kjötvinnslu
Kaupfélags Suðurnesja, Kjötseli,
sem forstöðumaður og gegndi því
starfi til dánardægurs eða í rúm 40
ár. Í vinnu var hann atorkumaður
og gaf sér lítinn frítíma en gæði
framleiðslunnar voru mikil. Fastur
liður hjá okkur var að fá hátíðamat
hjá Birgi og aldrei brugðust gæði
hans.
Utan vinnu var hann rólegur og
dagfarsprúður maður í fasi sem
gaman var að ræða við.
Birgir hafði gaman af hesta-
mennsku og stundaði hana á árum
áður er stundir gáfust og einnig
hafði hann gaman af að spila brids.
Þáttaskil urðu í lífi Birgis er hann
kvæntist eftirlifandi eiginkonu sinni,
Ágústu Erlendsdóttur. Saman
stofnuðu þau myndarlegt heimili á
Birkiteigi 3 í Keflavík, og eignuðust
tvo syni, en fyrir átti Ágústa tvö
börn. Með fjölskyldu sinni undi
Birgir hag sínum best og fylgdist
stoltur með uppvexti barna sinna og
fósturbarna og ekki minnkaði stoltið
er barnabörnin bættust í hópinn,
enda hændust þau að honum.
Birgir hélt alla tíð góðu sambandi
við móður okkar og systkini með
heimsóknum og símtölum. Þannig
fylgdist hann með gangi mála hjá
okkur öllum. Nefna má, að er íbúð-
arhús okkar á Hellu skemmdist í
Suðurlandsskjálftanum 17. júní
2000 kom hann á vettvang boðinn
og búinn að veita aðstoð við lagfær-
ingar á húsinu ef á þyrfti að halda.
Hann gladdist á tyllidögum í lífi
systkina og fjölskyldna þeirra og
var það undantekning ef Birgi og
Ágúst vantaði.
Birgir hafði hugsað sér að leggja
kjötskurðarhnífinn á hilluna nú í
haust og sá fram á meiri tíma með
fjölskyldunni. Leitt er að hann
skyldi ekki ná því takmarki.
Elsku mamma, Ágústa, Sigmar,
Davíð, Erlendur, Vilborg og fjöl-
skyldur. Á þessar sorgarstundu vil
ég og fjölskylda mín votta ykkur
samúð okkar og bið að Guð almátt-
ugur gefi ykkur styrk til framtíðar.
Ekki er að efa að vel verður tekið á
móti Birgi í nýrri veröld er hann
hittir þar ástvini sem á undan eru
gengnir.
Blessuð sé minning þín, Birgir,
og hafðu þökk fyrir það góða sam-
band og vináttu sem við áttum alla
tíð.
Knútur Scheving, Hellu.
Nú er komið að kveðjustund kæri
bróðir. Það er nú ekki komið ár síð-
an að við fylgdum systur okkar til
grafar og bjóst ég ekki við því að
það yrði svona stutt á milli ykkar en
enginn veit sína ævi fyrr en öll er.
Það voru forréttindi að eiga Birgi
sem bróður og gott að leita til hans
alla tíð og naut ég hans leiðsagnar
þó sérstaklega sem unglingur.
Birgir var trúr og traustur öllu
því sem hann tók sér fyrir hendur,
hvort sem það var í leik eða starfi.
Elsku Ágústa mín, mamma,
Lindi, Vilborg, Sigmar, Davíð og
aðrir ástvinir, það eru erfiðir tímar
hjá ykkur en það er huggun í harmi
að eiga góðar minningar um góðan
eiginmann og son, yndislegan föður
og afa.
Ég og fjölskyldan mín vottum
ykkur dýpstu samúð.
Saman áttum verk að vinna
vinur naut ég handa þinna
saman byggðum okkur borgir
sem börn við þekktum engar sorgir.
Því spyr ég núna Guð minn góður
því tókstu úr leiknum frá mér bróður?
Er vorsins önn sem var að byrja
verður mér nú á að spyrja.
(Kristinn Kristjánsson.)
Guð geymi minninguna um góðan
bróður.
Gylfi Scheving.
Orka þér entist
aldur tveggja manna
að vinna stórt og vinna rétt.
Vitur og vinsæll
varstu til heiðurs
í þinni byggð og þinni stétt.
Höfðingi héraðs,
hátt þín minning standi,
ávaxtist hjá oss þitt ævistarf.
Þjóðrækni, manndáð,
þol og tryggð í raunum
þitt dæmi gefi oss í arf.
(Einar Benediktsson.)
Ljóðið hér að ofan lýsir vel Birgi
Scheving, sem var föðurbróðir minn
og góði frændinn í Keflavík. Fráfall
hans var óvænt og ótímabært.
Það er skrýtið að hugsa til baka
sl. fimmtudag, þegar ég, Ási, strák-
arnir okkar ásamt ömmu Margréti
fengum okkur bíltúr austur fyrir
fjall og ætluðum að fara í heimsókn
á Hellu. Ferðaáætlunin breyttist án
þess að það væri rætt og enduðum
við í kaffi hjá Bigga og Ágústu. Eins
og ávallt var vel tekið á móti okkur
og áttum við með þeim notalega
kvöldstund. Það síðasta sem Biggi
gerði var að fylgja móður sinni að
bílnum og kveðja hana. Örfáum
mínútum seinna varð hann bráð-
kvaddur.
Biggi frændi var gull af manni,
rólegur, viðræðugóður og blíður,
hann átti góða og trausta fjölskyldu
sem hann unni vel og var hún hon-
um mjög mikils virði. Það er voða-
lega sárt að vita til þess að fjöl-
skyldan hans fái ekki notið hans
lengur. En við getum huggað okkur
við það að við eigum margar góðar
minningar um frábæran frænda.
Elsku Ágústa, amma Margrét,
Lindi, Vilborg, Sigmar, Davíð og
aðrir ástvinir, við vottum ykkur
innilega samúð okkar. Guð styðji og
styrki ykkur í þessari miklu sorg.
Margrét (Maggís),
Ásbjörn og strákarnir.
Okkar ástkæri frændi er látinn
langt fyrir aldur fram. Hann sem al-
laf var svo hraustur og hress. En
vegir lífsins eru órannsakanlegir og
við fáum engu um það ráðið hvenær
halda skal til himna.
Það er ekki svo langt síðan við
kvöddum hana Eddu frænku sem
líkt og Birgir varð bráðkvödd á
heimili sínu.
Biggi frændi eins og við kölluðum
hann alltaf var ljúfmenni hið mesta.
Barngóður og húmoristi mikill.
Óhætt að segja að pólitíkin var hans
áhugamál sem og margt annað. En
alltaf þegar við hittum hann spurði
hann frétta af okkur öllum og síðan
var spjallað um pólitíkina í landinu.
Hann frændi okkar var duglegur og
flinkur til verka við kjötið og þótti
kjötið hans afburðagott. Betra kjöt
var ekki hægt að hugsa sér nema
frá honum og engum öðrum. Enda
búinn að læra til verka í Danmörku
sem og hér heima á Íslandi.
Biggi flutti frá Reykjavík, þar
sem hann hafði búið ásamt föður
okkar í sinni fyrstu íbúð að Ljós-
heimum, til Keflavíkur. Í Keflavík
kynntist hann eftirlifandi konu
sinni, henni Ágústu, og eignuðust
þau saman tvo yndislega drengi, þá
Sigmar og Davíð. Biggi reyndist
þeim góður faðir sem og Vilborgu
og Linda.
Stórfjölskylda okkar er talin frek-
ar söngelsk og þykir flestum með-
limum hennar gaman að taka lagið.
Svo var einnig með Bigga. En hann
hafði svo gaman af því að syngja
Hamraborgina og gömlu góðu
ABBA-lögin með bræðrum sínum
við mikinn fögnuð okkar hinna.
Margir eiga um sárt að binda
þessa dagana. Sérstaklega Ágústa,
Sigmar, Davíð, Vilborg, Lindi og
fjölskyldur þeirra, bræður hans og
móðir. En amma hafði einmitt þetta
sama kvöld og Biggi lést farið í öku-
túr og heimsótt sinn elskulega son.
Við biðjum góðan Guð að styrkja
Ágústu, Sigmar, Davíð, Vilborgu,
Linda og fjölskyldur, bræður hans
og móður í sorg sinni. Missirinn er
mikill. Blessuð sé minning Bigga.
Hvíl þú í friði, okkar elskulegi
frændi.
Hrafnhildur Scheving.
Annetta Björk Scheving.
Mér var brugðið er ég gekk inn í
Kjötsel sl. föstudag kl. 11.30, en þá
kom starfsmaður til mín og spurði
hvort ég hefði heyrt þetta með hann
Bigga og ég spurði á móti; er hann
veikur? Nei, hann er dáinn, svaraði
starfsmaðurinn að bragði.
Ég sem átti fyrir fáeinum dögum
langt og gott samtal við Bigga um
væntanleg meiri viðskipti við hann
og fékk smá upplýsingar hjá honum.
Það var alltaf gott að leita til hans
því hann kunni allt varðandi með-
höndlun kjöts og var að mínu mati
landsins besti kjötiðnaðarmaður.
Fyrir utan að sakna góðs drengs
og starfsfélaga eigum við Suður-
nesjamenn eftir að sakna besta
hangikjöts sem boðið hefur verið
uppá síðari ár, Biggi kunni nefni-
lega ekki að plata sína viðskiptavini,
hangikjötið hans var original.
Það er mikill missir fyrir Kaup-
félagið (Samkaup) að missa Bigga,
það vitum við sem höfum manna-
forráð og ekki var hægt að hugsa
sér betri starfsmann því fáir reka
sín eigin fyrirtæki eins vel og hann
rak Kjötsel.
Kæri vinur Birgir Scheving, við
söknum þín mikið, okkur mun
bregða við að hafa þig ekki lengur,
þú hafðir unnið alla þína ævi í orðs-
ins fyllstu merkingu, þú varst alltaf
í vinnunni. Þú sagðir mér fyrir fáum
dögum að þú ætlaðir að hætta í
haust og taka þér frí og það langt,
en þú tókst fríið of seint, of fljótt og
of lengi, þú kemur ekki aftur.
Kæri vinur, hafðu það gott þar
sem þú ert núna, þú átt það skilið.
Elsku Ágústa, ég bið góðan Guð
að blessa þig og fjölskyldu þína og
gefa ykkur styrk á erfiðri stundu.
Axel Jónsson.
Fáein orð til þín, elsku Biggi.
Við hjónin eignuðumst vináttu
þína fyrir meira en 30 árum, þegar
þið Gústa kynntust og stiguð þar
með ykkar mesta gæfuspor. Á þá
vináttu hefur aldrei fallið skuggi.
Ótal yndis- og ánægjustundir höfum
við átt bæði heima og heiman. Við
fjögur náðum einstaklega vel sam-
an. Okkur leið svo vel í návist ykk-
ar. Ásamt öllum gleðistundunum
með saumaklúbbnum eru ferðirnar í
Húsafell, sem við fórum á hverju
sumri í níu ár samfleytt, með börn-
um okkar og Eiríki mági þínum og
hans börnum ógleymanlegar. Það
voru sannarlega sælustundir. Eina
utanlandsferð fórum við með ykkur
hjónum og var hún frábær. Þú hafð-
ir kímnigáfu í besta lagi. Oft velt-
umst við um af hlátri þegar „gull-
kornin“ hrutu af vörum þínum.
Þú varst góður og umhyggjusam-
ur faðir drengjanna þinna tveggja,
Sigmars og Davíðs, og ekki varstu
síðri þeim Vilborgu og Lindu sem
þú ólst upp sem þín eigin börn. Þú
varst stoltur af þeim öllum enda eru
þau gott og mikið atgervisfólk og
foreldrum sínum til mikils sóma.
Tengdabörnin og barnabörn fóru
heldur ekki varhluta af umhyggju
þinni.